2003 年 7 月 10 日 星期四 【晴】

今朝好差悶ar,成朝都冇野做,好不容易先至等到點半,今日約左底褲一齊早d返去,因為要陪佢練歌ar,佢參加左歌唱比賽ma
去到之後等左好耐都未到佢上台,跟住到左3點我就自己落左去練波,練左一陣就上禮堂睇底褲唱歌,我地成班籃球隊十幾人,佢一開始唱我地十幾個就一齊大叫,佢個死野又唱得幾好喎,所以我地都大聲歡呼,個場面好正ar
今日練完波我地就5鬥5,我地o個隊係咁輸係咁輸,輸到個個都冇回防ge意識,有一球就係佢地都唔回防,得我一個唔放棄,比佢地兩個打我一個,跟住憑住我ge唔放棄精神就搶到個波,之後我即刻帶波上人地場,一個過左佢地幾個人,之後上籃成功,成個場即刻係咁叫我個花名-------仙道彰
o個種感覺真係好正ar
之後我同底褲仲有小強未走住,o係二樓阿超同佢細路吹水,吹左好耐ar,到左6點幾就返屋企喇


>>July 11, 2003 at 6:55:02 PM GMT+8

2003 年 7 月 9 日 星期三 【晴】

今朝9點幾起左身出去食野,即係今日lunch冇得食,唉...算la,求其搵d野食算la
到左下午,我同阿哥去左粉場打波,今日好齊人ar,但係我就唔係好好狀態,算la,聽日練波一定會好勁架
打完波就去左m記吹水,我地吹吹下講到去o個個成日o係m記鬧d後生仔女ge傻西,點知講講下個傻西真係坐左o係我地後面,仲一路食野一路啤住我地喎,我都知佢想鬧我地架喇,但見佢無行動就唔理佢la,跟住我地走o個時佢竟然出手喎,o係度話祥華村好鬼多豬八介,仲話佢做攝影,邊個上鏡邊個唔上鏡佢一睇就知喎,真係屎都滾ar,好鬼想鬧佢ar,但係見佢冇指名道性就算數la
跟住我地就返屋企喇
到左夜晚,諗左好多野ar,算係諗通左la,心情ok返喇

>>July 10, 2003 at 9:34:52 PM GMT+8

2003 年 7 月 7 日 星期一 【晴】

今朝同老哥同埋關去左唱k,唱唱下老哥ge兩個女仔fd都黎埋,我今日都唱得唔錯,算係咁la
唱到兩點半我就返粉嶺喇,因為要練波囉
返到去已經遲左半個鐘頭,要跑廿個圈ar,慘慘~
今日練左好耐先鬥波ar,不過5對5就冇我地幾個4c班份,因為唔夠5個人ar
所以就打3鬥3,我ge狀態好好ar,入左超多分
打到6點幾就返屋企喇,夜晚就玩icq過,都唔知做乜,無lala心情會超惡劣架喎
唉...到左就訓ge時候,訓左o係張床度諗左好多野ar,好多開心唔開心ge野都有諗,心情惡劣ge原因可能係同佢停滯不前ge關係la,好想有進一步,但係事與願違,成日都有阻滯,都唔知係佢ge題定係我ge問題,唉...算la,呢d野順其自然la,唔諗咁多喇

>>July 8, 2003 at 2:59:25 PM GMT+8

2003 年 7 月 5 日 星期六 【晴】

今朝8點就起左身,今日要返大陸ar,真係好眼訓ar~~因為尋日睇埋"跳躍大搜查線"先訓囉,得訓左幾個鐘,好鬼"支力"ar~
我地成家o係大家樂食完早餐就起程喇,返到去大陸ge屋企先十點幾,咪唯有睇"棋靈王"解悶囉
到左十一點幾就同阿爺佢地打麻雀,我贏左好多錢ar,好野~~
跟住到左中矢食完飯就去左飛髮,都飛得唔錯,幾o岩我心水
返到去屋企悶左好耐,到左5點幾又打麻雀,今次輸ar,但好在輸o個d入阿爺數姐,yeah~~
食完晚飯就返香港喇,返屋企睇季選ar
夜晚同左日日都好鬼忙ge阿實傾左陣,但真係一陣咋,傾左一陣佢又唔閒
今日寫完~



>>July 6, 2003 at 12:53:37 PM GMT+8

2003 年 7 月 3 日 星期四 【晴】

世界大戰
今日返學校派試卷ar,唉…我今次考試死晒喇,算la算la,出年努力過
跟住唔知邊個屎忽痕,用派返黎ge紙卷成棍ge樣,周圍打人,跟住成班就一齊玩喇,你又打我,我又打你,好爆笑ar
放左學我就同肥勇同埋蕉仔去左m記吹水,吹到十一點幾就返左屋企喇
跟住到左兩點咁上下,同埋老哥一齊去Alan屋企,但其實我只係坐一陣架姐,因為3點要練波ar
一返到去佢地已經打緊喇,原來我遲左喎
今日好少人練咋,所以練左一陣就鬥波,點知鬥鬥下我發覺我隻腳想抽筋咁喎,所以我都好小心架喇,都唔跑la,點知都係抽,嘩嘩~~真係痛到入心ar,都唔知點解無lala會抽ge,真係好痛ar,抽完之後隻小腿都仲係好痛ar,算la,我諗幾日就會好返架喇,寫完~


>>July 4, 2003 at 12:39:42 PM GMT+8

2003 年 7 月 1 日 星期二 【晴】

今日係回歸紀念日,唔覺唔覺又咁多年喇,真係快ar
今日係假期ge關係,所以訓到好遲先起身,起身又係打機同icq過,跟住下午就同老哥一齊整好左個窗廉,整左好耐ar,不過就好有滿足感囉
後來冇野做,就同老哥去打波同埋踢小毽子,失傳以久ge"360度立體旋風腳"又再次比我洗出黎喇,老哥佢行運la,唔洗錢就可以睇我呢d咁高難度ge"特技表演",平時人地請我都唔出ar,今次當益佢la
跟住到左夜晚就又係icq同埋睇電視過,今晚唔知做乜鬼,我竟然睇埋"跳躍大搜查線"先訓,成點幾鐘先去訓,唔知聽日會唔會唔知醒呢??

>>July 2, 2003 at 3:31:15 PM GMT+8

2003 年 6 月 30 日 星期一 【晴】

今朝訓訓下ge時候比老媽叫醒左,原來已經成7點4喇,我個鬧鐘竟然冇響到,可惡ar~~
跟住我就以可能比音速更快ge速度去換衫同埋gel頭,終於比我o係7點7出到門口,跟住就一路趕一路趕咁返學校,終於o係打正式鐘前一分鐘返到學校,唔洗遲到^^
第一科係考作文,個長題目係"記一次探病的經過和感受",我竟然用左個零鐘就作好晒,係咁寫係咁寫,完全冇停過,d零感係咁出,最衰就係比佢個題目局限左ar,如果我自由發揮ge話,一定超高分ar
第二科就係考電工,我都係冇認真過咁做份野,一個鐘頭過左就走得人喇
跟住我同小平,蕉仔,西瓜,肥勇同埋陳豪去左m記坐,我地一坐就坐左3個鐘頭,係咁傾計係咁傾計,坐到兩點半先走,跟住我就返左屋企喇,返到屋企又係玩icq過,玩玩下眼訓就去左訓喇

>>June 30, 2003 at 6:13:01 PM GMT+8

2003 年 6 月 29 日 星期日 【晴】

曬死...
今日下午同老哥去左區場打波,同阿chris,chris阿哥同佢班fd打波
開始時好唔掂ar,可能未熱身ge關係la,所以第一鋪都冇入過波,但係後來打順左,都有幾多波入下,但係就比d天氣玩死,熱到死,又曬喎,差d中暑ar
跟住打完波就去左m記坐左陣,坐完就返左屋企食飯喇,完~

>>June 29, 2003 at 7:58:07 PM GMT+8

2003 年 6 月 28 日 星期六 【雨】

今日本身5點半超左身諗住溫書ge,但係又返訓返喎,真係衰ar,算la,唔識就唔識la
返到學校勁不幸咁又係miss呂當值喎,好在我即時梳返個頭落黎,先冇比佢捉咋,跟住入到去學校又係出我ge兩分鐘還大法,又變返原型喇
今日第一科考ge係工程科學,份卷好春難ar,唔多識
跟住落左去小食部吹水,我地係咁講賤野ar,笑爆咀ar
跟住考amaths,又係完全唔識,唉...死就死la
考完就返左屋企,返屋企就訓教喇,訓到兩點幾,太肚餓喇,餓醒左ar,跟住老媽煮左碗面過我食,食完就玩icq喇,今日同左久違了ge edison傾,都好耐冇同佢傾過喇,佢話十二月返黎香港喎,各位識佢ge同學仔記住喇,寫完~


>>June 28, 2003 at 7:56:34 PM GMT+8

2003 年 6 月 27 日 星期五 【雨】

今日考一科姐,考科技ar,都唔係好難姐,都應該合格ge
考完就去耀記搵老媽食早餐,食完返到屋企先十一點,跟住就悶左一個下午,唔係玩icq就係訓教,都唔想書ar,唉...今晚先溫la
寫完~

>>June 27, 2003 at 6:57:52 PM GMT+8