2003 年 6 月 13 日 星期五 【雨】

超大件事...
今日發生左好大件事ar,話說尋日阿鋒比個屎棍王阿佳用個粉刷掟中個頭,整到成頭都係白色粉,佢當然嬲到爆咀la,但佢唔知係屎棍王掟架喎,所以屎棍王梗係唔認la,但好衰唔衰後來又比阿鋒知道左喎,咪諗住今日還拖囉
跟住平靜ge日子只係維持左3堂,到左小息時阿鋒梗係搵屎棍王講數la,一言不合就打起上黎,跟住阿果同大大又走黎幫阿鋒手喎,跟住屎棍王d同黨又走黎幫手喎,超混亂ar,跟住我同小強,肥古等人梗係幫手拉開d激動ge人la,跟住鐵馬鎦就黎到捉人喇,算係暫時平時無時la
其實我都知件事唔會咁簡單架喇,咁樣比人打法,幾個屎棍王一定會搵機會打阿鋒ge,咁我地大部分ge人都好唔妥屎棍王佢地幾個喎,所以到左第二個小息有好多人都跟住阿鋒,驚佢會比幾個屎棍王圍嘔
果然,阿鋒一去到班房就比o個幾個屎棍王伏,想打阿鋒,跟住到我地出手ge時候喇,我同小強,肥古等幾個拉開晒幾個屎棍王,成功做左英雄
但呢件事已經比d老師知道左,搞到我地成班都要放學留o係度寫口供紙
我地班自己人搞到咁大件事都係第一次咋,唉...搞到呢個地步真係唔知點收科ar

>>June 13, 2003 at 11:41:45 PM GMT+8

2003 年 6 月 12 日 星期四 【雨】

今日d堂都係冇咩特別,所以我都唔講喇,放左學就去食野,諗住食完野就返學校練波ge
跟住就收到老哥個電話,哦~原來同埋老媽一齊,想我去搵佢地一齊食野
跟住就去左海皇搵佢地,去到老哥就走喇,得我同老媽一齊食,食完就去左粉中買書包,買左個黑色書包,買完我就一個返左學校
他媽的!!一返到去就落雨,唔練洗練la,我又冇雨傘喎,可惡ar,焗住要留o係學校睇d女仔踢足球比賽ar
佢地都算摶ar,落雨都踢,不過佢地好唔掂ar,如果比我落場ge話,我諗一場可以入4球ar
睇到咁上下見個天冇咩落雨就返屋企喇
返到屋企無咩野做,無聊咁過

>>June 12, 2003 at 11:01:23 PM GMT+8

2003 年 6 月 11 日 星期三 【雨】

不幸...
今日一返到學已經覺得唔妥架喇,唔知點解今日勁多人比人捉喎,我心諗都係難逃一劫架喇,我個頭整到咁有型,一定比人捉la
果然,真係比人捉,捉我底衫同埋頭髮,仲要我整好個頭先走得喎,真係麻q煩ar,不過我一入到學校就即時入廁所攪返個頭,捉黎都無用la
第一堂係maths,睇漫畫過,第二堂至第三堂係pe堂,今日考手球ar,未到我考時就去左踢波,我好少玩足球架,不過原來我d足球都幾勁喎,好有天份ar
跟住到我考手球,成績普通la
考完就出左去打籃球,玩5對5ar,我o個隊有我,底褲,阿全,同埋兩個唔識打波ge人一隊,另一隊就係小強,阿雞,肥古,肥雞同埋臭胡一隊,照計應該係佢地贏ge,因為5個籃球隊對住3個籃球隊同埋兩個唔識打波ge人,但係因為我著晒火,一個人入左8分,最後都係贏12比10,爆冷贏左
跟住係amaths,兩堂都係睇漫畫過,之後係科技堂,半聽書咁過la
小息完就係兩堂中文,第一堂係教書,第二堂就係做今年會考ge作文,我好識做ar,比個林嘉寶話我係做得最好ge一個ar
放左學就返屋企,下午就訓左陣,夜晚就打麻雀,今日唔知行咩衰運ar,輸錢ar
到左十一點幾睇完電視就訓喇

>>June 11, 2003 at 11:35:19 PM GMT+8

2003 年 6 月 10 日 星期二 【雨】

"他"
16年前的今日"他"出生了,轉眼間,"他"已長大了
在這16年間"他"也是很平凡的過活,沒有做過一件轟動的事,這個地球少了"他"也不會動止轉動
但"他"還是會為生存而努力,為成長而奮鬥,因為"他"相信"他"將會是一個不平凡人
這個"他"便是我...

>>June 10, 2003 at 11:07:46 PM GMT+8

2003 年 6 月 9 日 星期一 【雨】

今日上堂都無咩特別事發生過,放左學原本練波ge,但係個衰天又落雨喎,搞到練唔成,跟住就收到老哥個電話,原來佢叫我一齊食lunch,食完我同老哥,家成,皮亞一干人等就殺上Alan屋企
去到佢地o係度玩winning,我就喪睇one piece,真係正ar,一個下午就睇左8期,我ge閱讀速度真係快ar,跟住我就打左陣winning,不過打兩鋪都係輸,無法la,耐無打ma
o係Alan屋企消磨到6點幾就返屋企喇
跟住我同老哥行到祥華村出面時,唔知邊條仆街掉個煙頭落黎喎,企圖想掉中我地,好彩我ge蜘蛛感應勁姐,如果唔係一定中ar
夜晚就係無無聊聊咁過,寫完~

>>June 9, 2003 at 11:07:21 PM GMT+8

2003 年 6 月 8 日 星期日 【雨】

今日9點就起左身,都唔知點解訓唔著,不過無所謂la,早d起身都好ge
悶到十一點就睇nba,不過今日ge nba地帶唔係幾好睇姐
下午就好乖咁幫老媽整豆漿,好麻煩ar,不過就好好味囉
到左夜晚就同edith傾左陣,睇電視睇到十二點就訓左喇

>>June 9, 2003 at 11:48:27 AM GMT+8

2003 年 6 月 7 日 星期六 【雨】

今日8點就起左身,因為要去和興練波囉,一出門口就落雨,真係麻煩喇,好彩係o係室內場練姐,如果唔係就唔洗練喇
去到雖然遲到左,但係未齊人,所以唔洗跑多幾個圈
今日因為少人同埋少波ge關係,所以無咩點練到,大部分ge時間都係鬥波
我o個隊好勁ar,連贏5場ar,跟住輸係因為冇體力ar
練到十一點就走喇,同阿全同阿雞去左m記坐,坐到十一點半就走左
返到屋企就悶足一日,寫完~

>>June 8, 2003 at 8:38:08 PM GMT+8

2003 年 6 月 7 日 星期六 【雨】

今日要去和興練波,所以8點就起左身喇,一出門口就落雨,好彩o係室內場練姐
去到和興d人都未到齊,等左一陣就開始喇
今日因為少波ge關係,所以練左一陣就鬥波,我同阿龍,小強,肥古,肥雞,阿雞一隊,一個做後備
我o個隊超勁ar今日,連贏好多場ar,我就差唔多場場都有打,表現都算唔錯la
練到十一點就同阿雞,阿全去左m記坐,坐到十一點半就走左喇
唉,跟住返到屋企悶左一日,都係打下機,聽下歌咁過la,講完

>>June 7, 2003 at 11:03:43 PM GMT+8

2003 年 6 月 6 日 星期五 【雨】

煩忙ge一日...
今日頭o個幾堂都冇咩特別,都係睇臭胡ge漫畫囉,到左電工堂就有好玩ge事發生喇,事緣係個羅白星帶部數碼相機返黎諗住邊個唔聽話就映我地ge罪証,點知佢太無用喇,比我地拎左佢部相機黎玩
,玩到超爆笑ar
放左學就同底褲同陳嘉豪行左陣,行行下就見到老媽同老哥,跟住就同佢地一齊食野,食完野就趕返屋企,因為一陣要再出過去游水ar
好趕咁返完屋企再出過去,去到佢地都未齊人,齊人就入去喇
今日都冇咩點游到,因為好支力ar,尋日先練完波,所以都係浸下水算喇,游游下竟然行雷,冇法la,所以5點幾就走左喇
跟住我地去左m記坐,坐到咁上下就走左喇
夜晚老豆終於都出院喇,佢精神唔錯ar,睇黎都冇咩野姐
p.s.疑慮解開,好開心...

>>June 6, 2003 at 11:12:34 PM GMT+8

2003 年 6 月 5 日 星期四 【晴】

今日成日上堂都冇咩特別,都係睇臭胡ge"我要高飛"過la
放左學就同肥勇,西瓜,蕉仔,小平去m左記食野,食完野就一齊返學校睇4人足球賽,我就順便練波
返到去已經開始左喇,睇左一陣,終於都到我o個班喇,點知上半場已經比人入左6球,冇得打la,下半場菠蘿威入場做龍門,先至冇再失波咋
跟住我地籃球隊就開始練習喇,好多人望住ar,不過冇所謂la,練下練下仲有幾個女子籃球隊一齊練喎,有個我都識ge,係小雲ar,同佢地鬥波我地竟然輸左一場喎,因為佢地5個打我地3個囉,我地本身win左架喇,不過有紳士風度先比佢地再打咋,跟住就輸左喇
今日打得好開心ar,因為好有表現囉,封左好多球ar,又有好多波入喎,仲要比教練話我打得好喎,真係開心ar
返到屋企知道左個消息,原本老豆入左醫院,因為啃雞骨囉,不過應該冇事ge,聽日出得院,咁都好d,希望佢冇事la,寫完

>>June 6, 2003 at 10:42:37 PM GMT+8