2003 年 6 月 26 日 星期四 【陰】

今日點就比阿雞個電話整醒左,同我講考試d野囉
今日返十一點,返去考會話ar,跟住食完早餐就返左去喇
返到去坐左陣就到我地喇,原來都唔係好難姐,個賤格miss都話我唔錯喎,算係咁la
跟住就返屋企喇,悶左一個下午ar,諗住打比edith傾下電電la,佢又要溫書喎,唉...搞到我悶到死喇
今晚又要溫書喇,真係唔想溫ar,寫完~

>>June 26, 2003 at 6:30:43 PM GMT+8

2003 年 6 月 25 日 星期三 【晴】

又比人捉...
今朝心情靚,所以特登整到個頭靚靚返學,點知去到學校門口竟然見到miss呂o係度當值喎,幹你娘!!
次次佢當值都會捉我頭髮ge,果然,真係捉我gel頭,唉...一個月比人捉兩次都係第一次,仲要我整低d頭髮喎,真係麻春煩ar,我一入到去又咪用左兩分鐘還完大法整好個頭~捉黎都冇用la
今日第一科係考英文作文,我都算識識地la,夠字數la
跟住低b到爆咀,小息左一個字就要上去考過,真係白痴ar,小息一個字不如唔好放人~
跟住就考圖像傳意,我好認真咁畫ar,畫左好耐ar,我諗我都合格ge~
跟住就o係禮堂外同幾個fd傾計,傾到咁上下就走左喇
返到屋企食完野就訓左陣,到左3點幾就online喇,同小雲傾左一陣la
今日寫到呢度la~


>>June 25, 2003 at 7:14:17 PM GMT+8

2003 年 6 月 22 日 星期日 【陰】

今日十點幾就起左身,睇one piece ar,跟住就睇nba地帶,做埋今集就要到十月先有nba睇喇,真係慘ar,睇完nba就on左陣,跟住到下午就好乖咁溫書,溫到4點幾老哥同佢d fd就黎到bbq喇,跟住我就冇溫書,玩左陣icq
到左夜晚我竟然勁乖咁入房溫書,真係講你都唔信ar
到左老哥班fd左我就一路睇剛果驚魂一路溫,今次考試ge範圍實在太多喇,溫極都溫唔入腦,算la,死就死la~

>>June 23, 2003 at 7:10:22 PM GMT+8

2003 年 6 月 21 日 星期六 【雨】

好耐都冇寫日記喇...因為冇時間囉
今日一早就返左學校補課,補數學ar,補到十點半就去左會合老媽同埋老哥,因為今日約左may e去唱k ar,我地去左neway city唱ar,但好唔掂ar,又鬼咁早收錢,又提早一個字要我地走喎
跟住原本諗去睇戲ge,去到百老匯先知冇戲睇,跟住見到有d新聞ge人o係度搵人做防問,咁我地梗係走la,唔想又比人影ma
跟住諗唔到做咩好,老媽又想唱k,所以去左green box唱,唱左好耐ar,唱到7點鐘ar,唱到把聲都拆拆地
跟住去左食韓燒,我第一次食韓燒咋,都幾好味ar
食完野就搭巴士返屋企,又幾快喎,半個鐘就返到粉嶺,下次趕時間都搭巴士先,返到屋企,先知原來新聞影到佢,仲要大頭喎,佢呢期真係紅ar,上個星期先同我一齊比17影到,今個星期就比新聞影到,都唔知佢係行運定係行衰ar
to edith:下次一定同你去玩,應承你~

>>June 22, 2003 at 4:29:01 PM GMT+8

2003 年 6 月 18 日 星期三 【晴】

爆褲…
今日頭三堂都係科技堂,我好比心機做工件ar,但個工件都係行唔到
跟住就係兩堂中文堂,派上次做ge會考作文卷,我係最高分ge,算係唔錯la
跟住就係maths,成堂我都係睇”17”過
之後係兩堂ge英文堂,上左電腦室ar,做完miss講ge野就可以自己上網喇
放左學要去搵老哥打波ar,但係見仲有好多時間就同左西瓜,小平,蕉仔去左m記食野,食完就返左學校睇足球比賽,睇到差唔多3點就向粉場進發,跟住仲o係商場見到耆英同埋星星,所以我地一齊行去粉場,點知去到老哥都未到,搞到我地等左佢好鬼耐先等到佢
今日我都算有表現ar,成日爆籃ar,同阿chris一鬥一仲贏左喎
天ar~,同chris鬥鬥下時條褲個褲腳竟然爆左,仲要爆到去菠蘿蓋喎,我條褲即時由中喇叭變做超級大喇叭,勁樣衰ar,好彩返到屋企老媽同我逢返好條褲姐,寫完~


>>June 19, 2003 at 6:54:26 PM GMT+8

2003 年 6 月 17 日 星期二 【晴】

平凡ge一日
今日d堂都係超悶,無咩特別事發生過
跟住放左學就同西瓜佢地去左m記食野
跟住返屋企,之後就玩icq過,寫完~


>>June 19, 2003 at 6:53:18 PM GMT+8

2003 年 6 月 16 日 星期一 【陰】

唉...早5晚7登入時間又生效喇,所以我未必日日都可以得閒寫日記,不過我一有時間就會寫架喇
今日第一堂係中文堂,個林家寶一定又m到la,鬼咁燥,第一堂就搵臭胡開刀,我地班又多一個冤魂喇,就咁就去左停課間喇,真係慘ar
第二至第三堂都係maths,兩堂都係睇漫畫過
跟住就係小息,小息都冇落去,o係班房睇漫畫算數
小息過後係倫理堂,要做功課ar
跟住係三堂ge電工實習ar,我都有做下工件架,不過做得好少姐
唉...原本今日練波ge,但我又冇帶衫喎,可惡ar,但我都有睇佢地練
今日仲同小強個細佬---強細一鬥一,第一鋪我竟然因為輕敵而輸左,但第二鋪出真實力就即時抄佢7比1win左,跟住同阿林迪星一鬥一,但鬥鬥下時我隻腳就好鬼痛,都唔知咩原因ar,算la,抖一日應該冇事ge,寫完~

>>June 16, 2003 at 6:59:38 PM GMT+8

2003 年 6 月 15 日 星期日 【陰】

好差悶ar...
成日都悶都死,冇出過屋企一步ar,剩係玩icq過活,真係唔掂ar,好想去打波ar!!!
聽日練波ar,希望個天唔好落雨la

>>June 16, 2003 at 5:22:49 PM GMT+8

2003 年 6 月 14 日 星期六 【陰】

玩盡...
今日8點鐘就起左身,去和興練波ar,去到就遲左兩個字,不過冇所謂la,遲左少少姐
跟住就係一連串地獄式訓練,跑到死喇
做完好多訓練就鬥波,我o個隊連贏好多鋪ar,打到十一點就走左喇
返到屋企沖完涼食完飯o岩o岩好兩點鐘,跟住就同老哥坐老爸架車出去,因為約左chris同關去唱k
一齊去到旺角就唔唱k住,因為要等埋chris個icq fd ar,所以我地去左機鋪打機,今次係我第一次入機鋪ar,但我都係打左一鋪姐,因為間機鋪冇乜game
一出機鋪就比人叫停左,原來係有本新ge年青人雜誌o係街度搵人影相,睇中左我同老哥,咁我地就比佢地影左一張,佢話本書叫17,會o係17號出喎,仲會登我地出黎喎,好!!到左17號我就買本黎睇下la跟住我地就去左green box唱k,我地4個唱住先,唱左一陣chris ge icq fd and佢兩個fd黎左搵我地,跟住我地唱到8點就走喇,今日我唱得好好ar,終於都可以將震音運用自如喇,好野~
唱完我地幾個去左影貼紙相,但影得唔係幾好姐,冇所謂la
影完個女仔就走左喇,我地4丁友去左食飯,好貴ar d飯,不過都唔係日出黎玩,冇所謂la
飯完都成9點幾,我地就搭火車返屋企喇,一路搭車我地4個一路吹,傾左好多野ar
返到屋企都成十一點幾,跟住on左一陣,冇耐就訓左喇

>>June 15, 2003 at 12:30:24 AM GMT+8

2003 年 6 月 13 日 星期五 【晴】

超大件事...
今日發生左好大件事ar,話說尋日阿鋒比個屎棍王阿佳用個粉刷掟中個頭,整到成頭都係白色粉,佢當然嬲到爆咀la,但佢唔知係屎棍王掟架喎,所以屎棍王梗係唔認la,但好衰唔衰後來又比阿鋒知道左喎,咪諗住今日還拖囉
跟住平靜ge日子只係維持左3堂,到左小息時阿鋒梗係搵屎棍王講數la,一言不合就打起上黎,跟住阿果同大大又走黎幫阿鋒手喎,跟住屎棍王d同黨又走黎幫手喎,超混亂ar,跟住我同小強,肥古等人梗係幫手拉開d激動ge人la,跟住鐵馬鎦就黎到捉人喇,算係暫時平息la
其實我都知件事唔會咁簡單架喇,咁樣比人打法,幾個屎棍王一定會搵機會打阿鋒la,咁我地大部分ge人都好唔妥屎棍王佢地幾個喎,所以到左第二個小息有好多人都跟住阿鋒,驚佢會比幾個屎棍王圍嘔
果然,阿鋒一去到班房就比o個幾個屎棍王伏,想打阿鋒,跟住到我地出手ge時候喇,我同小強,肥古等幾個拉開晒幾個屎棍王,成功做左英雄
但呢件事已經比d老師知道左,搞到我地成班都要放學留o係度寫口供紙
我地班自己人搞到咁大件事都係第一次咋,唉...搞到呢個地步真係唔知點收科ar

>>June 13, 2003 at 11:43:03 PM GMT+8