2003 年 6 月 4 日 星期三 【晴】

今日超悶,徐左下午打左陣麻雀之外都冇任何特別ge事發生過,不斷打機,真係悶到癡肺ar
無喇,今日冇野寫喇
p.s.心情仲未好返....

>>June 4, 2003 at 11:31:20 PM GMT+8

2003 年 6 月 3 日 星期二 【晴】

今日心情唔好ar,真係好多野煩ar,加上全日d野都唔多順心咁ge,感覺好差ar
但失意ge時候就往往想改變,所以就改左個info,寫埋晒d無厘頭ge野,都唔知想點
夜晚想搵個人傾下計解解愁,最佳人選又成日都貴人事忙喎,完全無晒癮ar
今日真係好down,好少係咁架,唯有寄望明天會更好la,寫完

>>June 3, 2003 at 11:38:12 PM GMT+8

2003 年 6 月 2 日 星期一 【晴】

運動日...
今日好早就起左身,因為老域同我拎相機返學校影相,所以7點2要打比佢叫佢起身
叫完佢起身之後我都要出門口喇,整鬼佢ar,等左成幾字都未有車搭,真係火都黎埋ar,d司機都唔知去左邊度蛇王ar,等左好耐終於都等到喇,但係返到去都買唔到杯面喇,真係衰ar
今日要上去禮堂聽週會ar,同阿底褲傾下計就過左喇
我帶左兩本"無賴男"比阿雞睇,我就睇臭胡ge漫畫,所以第一堂maths好快就過喇,其實我好想聽書架,但係奈何個miss完全唔識教書,都聽唔明佢講咩
第二堂至第三堂都係pe堂,玩手球ar,好好玩ar,我對o個隊全部都係籃球隊ge,我o個隊就得一個識打波ge,點打喎,因為籃球同手球ge技術係亙通ge,所以唔洗玩la,不過我都盡力咁搶攻,表現好搶眼ar,入左超多波ar
快樂ge兩堂過左就係小息,小息過後就係兩堂amaths,好差悶ar,同人傾下計就過左喇
之後係一堂科技,今堂有彭sir監堂,所以個個都留心聽書,當然都有我份la
之後又係小息,小息之後係中文堂,呢兩堂我都好留心上堂,無法la,我中文勁,個miss成日都問我野,唔留心唔得la
放左學就用老域陪相機黎影相,因為edith要睇相ma,所以要影囉
影完就同老域去大家樂食野,原來老域個mum係o係大家樂做ge,所以就坐埋黎傾計la
食完我就返學校等練波,到左差唔多3點鐘d人到齊就練波
我地練倒後跑ge時候有人跌倒,好大穫ar跌到,唔知佢有冇事呢
今日練波比教練話我掂ar,出年打甲組一定有得打正選ar
返到屋企就食飯喇,食完飯就玩icq,諗住搵edith傾下計解下悶ge,但佢個衰妹又鬼咁忙喎,都無時間ge,算la,到左十二點幾就訓左喇

>>June 3, 2003 at 11:13:30 PM GMT+8

2003 年 5 月 27 日 星期二 【晴】

好耐都冇寫過日記喇,都有成個星期喇,上個星期派測驗卷ar,好多科都唔合格ar,不過好多科都係差一兩分姐,都唔緊要
仲有就係落雨天游水,真係正到無倫ar
唔...都冇咩特別事喇
講完~

>>May 27, 2003 at 6:40:48 PM GMT+8

2003 年 5 月 21 日 星期三 【晴】

好多日都冇寫日記喇,但唔係因為我懶喎,係因為無時間ar,因為跟左籃球隊練習ge關係,成日都要7點幾先返到屋企,但係個日記網又要7點內寫喎,好多時返到黎就要食飯,食完飯又寫唔到喎,真係無奈ar
不過我有時間一定會寫架,講

>>May 21, 2003 at 7:04:45 PM GMT+8

2003 年 5 月 17 日 星期六 【晴】

今日寫半日先,因為夜晚冇得寫,聽日寫返我又驚唔記得發我過咩事
今日係星期6,星期6都要返去測驗,真係冇人性ar,不過好彩係測電工,好快可以走,好好彩係羅白聲睇我地姐,個個都傾計ar,所以時間好快咁過
測完就同小強,底褲,肥古,肥雞,阿全,阿雞,真係齊人喇
去到換完衫都成9點9,到左十點就全場鬥波,我今日最大ge成就就係睇實阿超,仲偷左佢一球漆,真係開心ar,到左十一點我地就練完喇,我同阿雞,阿全,底褲就去左m記坐,坐到十一點半就又去左打波,去到打左一陣我就發覺唔多掂,因為超肚餓ar,所以去左買野食,食完就同一隊傻仔鬥波,可能我地太累ge關係la,第一鋪竟然輸左,跟住第二鋪再黎過,但係又比佢地領先幾分喎,本身諗住又輸過架喇,但係我突然"上身",連入幾球,最後終於都win返場,跟住同隊超臭寸ge人打,又冇料又要寸喎,我入左幾球靚波就o係度寸我,真係白癡ar,後黎我地幾個太累喇,所以不斷放佢地射,比佢地win,同完佢地打我地就走左喇,我返跟屋企o個陣真係累到想死ar,差d訓左o係條街ar
終於都返到屋企喇,沖完個涼就入房涼冷氣,玩icq,寫完~

>>May 17, 2003 at 5:50:41 PM GMT+8

2003 年 5 月 16 日 星期五 【晴】

好多日都冇寫過日記喇,因為偉大ge站長冇錢買伺服器囉,都有成十二日冇寫過喇,所以決定聽日開始寫返,希望大家支持下,thx~

>>May 16, 2003 at 1:28:36 PM GMT+8

2003 年 5 月 4 日 星期日 【雨】

今朝訓到十點幾就起左身,到左十一點幾就睇nba,睇完都成十二點幾喇,打左陣機就食午飯,食完飯又打機,打到三點幾又打麻雀,今日打到成6點幾先收手食飯
跟住成晚都係睇電視,今日有好多野睇ar,有”變種特攻”,”絕世天劫”同埋”米高左敦傳”,好彩我部電視可以同一時間睇4個台架姐,如果唔係就會錯過是但一睇好戲喇,一路睇一路睇,睇到成十二點幾先訓
今日完喇~


>>May 6, 2003 at 3:45:32 PM GMT+8

2003 年 5 月 3 日 星期六 【雨】

原本今朝7點半就起左身架喇,但係又番訓喎,搞到8點先起身,雖然我已經超趕咁去和興架喇,但都係遲左一個字,去到佢地已經o係度跑緊步,仲比小強同底褲寸喎,真係慘ar
今日ge訓練超辛苦ar,其實都唔係全部訓練都辛苦,係個死人超要我地跑步o個一樣超辛苦,先前已經做左好多練習架喇,佢仲要我地快放咁跟住佢跑,真係跑到肺都穿ar,跟住到左十點幾就分隊鬥波
我o個隊只係打左一場,仲要輸左喎,真係唔抵ar
練完波我就返左屋企,好不容易先悶到9點半睇"雷霆救兵"
呢睇戲好好睇ar,好真實ar,所以雖然呢睇戲有成三個鐘,但係我都睇埋先訓ar
今日完喇~

>>May 4, 2003 at 1:09:44 PM GMT+8

2003 年 5 月 2 日 星期五 【陰】

今日好早就起左身.所以有好多時間,返到學校慢慢食個杯面都仲得ar
排隊o個陣見到林家寶成面殺氣咁行埋黎都知咩事架喇,果然真係捉我d頭髮太yeah ar,話我gel得太勁喎,跟住張保仔又行埋黎講埋一份,搞到好似好件事咁
第一至第三堂係基本科技,呢三堂我都好比心機咁做工件,但係個死西瓜同埋肥勇又搞住晒喎,真係煩ar
跟住係小息,我冇落到去小息,剩係企係二樓諗野
小息過後係兩堂中文,呢兩堂我都超留心聽書,我諗全班最留心o個個都係我喇
之後係maths,都唔明佢講咩,講d野同amaths好相似,所以一d都唔明ar,好彩西瓜比左本鐵刃我睇姐,都冇咁悶
跟住又係小息,小息有一半時間我都係o係課室睇鐵刃,差唔多打鐘我先落去
最後o個兩堂係英文堂,今日有一堂係o係課室,一堂o係電腦室上,所以d時間都好快過
放左學就同小強,底褲,臭胡一齊去同籃球隊開會,而阿果,老域就陪我地
好野~~原來測驗之後開始一星期練三日波,實在太好喇,唔洗日日咁早返屋企發臭ar
開完會就同老域一齊搭車返屋,我就買左m記返屋企食,返到屋企先兩點幾,成日都唔知做咩好ar
夜晚就睇電視過,十點幾就on左一陣,到左十二點幾就去訓教喇,因為聽日要7點幾起身去練波ma
今日寫完~~~~


>>May 3, 2003 at 1:08:28 PM GMT+8