2003 年 9 月 27 日 星期六 【晴】

結果已知
我有冇得打學界ge結果已經知道喇,我係冇得打ge,
其實我一早都知冇得打架喇,但係阿sir話仲有少少機會,所以我都諗住到到最後一刻先放棄,但係個結果都係冇得打,無奈la簡直...
用左幾日ge時間去放低呢件事,但係我發覺要完完全全咁放低籃球隊真係好難囉,因為當我以為我放低左時,就會因為一d小事而又再唔開心過
聽到佢地話幾時幾時要練波,我聽到會好傷心
見到佢地填o個張做波衫ge表格時又好傷心囉...
雖然阿sir話冇得打學界都有得做波衫,但係我真係唔得囉,著住件波衫我唔覺得光榮囉,人地問我係唔係明愛校隊時我會唔識答ar
雖然阿sir話冇得打學界都可以訓練,但係我唔得囉,因為你練黎都係冇用ge,又冇得打學界喎,同埋人地要主力訓練出賽o個十二個ma,我去到咪又係阻住人地~~仲有如果同d寸精玩時,佢一句話"你係唔係籃球隊架??唔係就走la!!"咁我就真係冇野講喇
唉...算la,我諗我都係要一排先可以放低晒ar


>>September 28, 2003 at 12:04:24 AM GMT+8

2003 年 9 月 23 日 星期二 【晴】

好耐都冇寫過日記喇,主要原因係因為無心情囉,因為呢幾日發生左一件令我地幾個5c籃球隊隊員好傷心ge事囉
話說當日選拔之後第二日個結果已經出左喇,但係個結果實在令人太過意外喇,我地5c竟然只得3個人入返籃球隊,係小強,be hei同埋肥雞,而我,誠大,臭胡,阿雞,阿全同埋肥古都入唔返籃球隊喎,咁我地知道左呢個消息之後梗係震撼la,有乜理由我地入唔到喎,阿sir先前同我地講話會收返我地架ma,而家又唔係咁喎,有冇搞錯ar!!??
之後我地問返阿sir點解唔收我地,佢又好似好無奈咁,好似有咩苦衷咁,仲比埋d混帳埋由我地喎,話咩我地補課時間同我地練波時間撞到應喎
what the fuck!!!!???
呢個埋由簡直就係玩我地,我地遲少少練波咪得囉,時間實就到架,我地對呢個埋由梗係唔服la~~
到左後來阿sir終於都比左個答案我地,就係因為學校想我地5c種子班個會考考好d,所以唔比我地班籃球囉
食屎la!!!
一定係林嘉寶搞屎la,年年籃球隊有咩唔妥都係因為佢之ma
仲要我地補佢o個科o個日就係練波o個日喎,一定係佢la,條屎忽鬼,如果比我可以唔洗埋法律瘋狂打佢15分鐘就好喇,我一定會打到佢嘔晒白泡,屎都標埋,仲要佢周地搵牙架,啍!!!!!!!!!!!!
結果
結果我地有冇得玩學界到而家都仲未知,聽日星期三會再戰心誠,阿sir話聽日會有結果,所以聽日一戰有可能係我地ge最後一戰,唉...希望過到呢關la...

>>September 23, 2003 at 7:30:17 PM GMT+8

2003 年 9 月 17 日 星期三 【晴】

選拔日
今日好耐都冇浦頭ge太陽伯伯終於都重出江湖喇,一定太陽伯伯想睇我地籃球隊選拔la
今日第一堂係中文,都係聽書過la
之後係兩堂工程科學,悶死人喇...
小息之後係兩堂maths,都有聽書ge
終於都到左電工實習喇,呢堂好好玩喎,因為我地成十個人一齊玩上次bbq o個個game,個老師都唔理我地ar
食完lunch之後o個兩堂電工都係玩咁過
放左學之後就去左參加籃球隊ge選拔,要考4樣野喎,帶波過雪糕桐,呢樣我都算一般la
第二樣係考跑步,因為要跑5次來回,但係我跑左4次來回就以為得左,所以我miss左幾秒先再跑過,所以呢樣我考得唔係咁好
第三樣係考籃低投射,我一分鐘入左22球,算係唔錯la
第4樣係考走籃,5球入左4球,最後o個球大意冇入到
之後就到左3對3比賽喇,我o個隊贏左,但係比數只係贏4比2,因為我地實力都好接近,所以入得好少波,但都係贏左
選完拔就幫手收野,收完野我竟然比屎忽龍同白痴強圍,佢地俊架~~~差d比佢地玩死喇~~~~~
到左六點幾我就返左屋企喇
返到屋企就食飯,食完飯就做功課,做完功課就補返d日記,打左5日ge日記ar,打到我傻喇...
跟住睇勁歌~~睇完先訓喇　


>>September 17, 2003 at 11:15:00 PM GMT+8

2003 年 9 月 16 日 星期二 【雨】

今日第一堂係科技,冇帶書,比人記左名...
兩堂ge maths...一半聽書,一半訓教...
小息之後係兩堂英文,又係作文,我好留心聽書喎
跟住係圖像傳意,去左電腦室上堂,因為比d無聊人搞住,所以都冇做野
跟住係lunch,之後又係兩堂圖像傳意,都冇做到野添...
o係班主任節之前整左堂兩個字ge閱讀課喎
整堂咁ge野都冇用架la,得o個兩個字咁少時間,有春用咩~~
放左學就陪老域去左聯和墟間中銀,佢有野搞喎,我就等左佢成半個鐘先走得喎
返到屋企又係無野做,夜晚都係睇漫畫過,十二點幾先訓得著

>>September 17, 2003 at 10:53:29 PM GMT+8

2003 年 9 月 15 日 星期一 【雨】

今朝7點半先起身,因為尋晚唔記得校鬧鐘囉,所以我就以極速返學校,終於都比我趕到,好彩姐~~~
今日有週會,不過我地班房部電視壞左,所以唔洗睇live,都係傾計過la
第一堂就係電工,抄功課過
第二至第三堂都係英文堂,要作文ar,我都算識作ge
之後係小息
小息過後係兩堂中文,又係忍受住沉悶地聽書
跟住上左一堂科技實習就放lunch喇
lunch之後又係兩堂科技實習,都係寫下報告la
放左學就第一時間返左屋企,因為落雨ma,所以都係返屋企上下網過算喇

>>September 17, 2003 at 10:40:22 PM GMT+8

2003 年 9 月 14 日 星期日 【雨】

整天悶在家中,剩係中午出過去食野咁大把,真係悶悶悶...

>>September 17, 2003 at 10:25:22 PM GMT+8

2003 年 9 月 13 日 星期六 【晴】

新手機
今朝同老媽食完早餐後就出上水喇,去上水陪我買新手機ar,去到上水仲好早,所以就4圍行下,竟然撞到久違了ge猩爺喎,同佢閒傾左一陣la,無見佢一排靚仔左喎,唔洗返工果然係唔同喎
跟住會合埋老哥,咁我地就成個上水係咁睇手機,但係見到有幾間鋪頭都好平,但係又無貨喎,麻煩死喇,咁我地又去左粉嶺睇喎,終於都買度機喇,我部新機係T722i,連埋外置鏡頭都係1850$,算係幾平la,買完機我就返學校練波喇
今日練波教左我地好多野ar,主要都係教我地半場人釘人,總之就教左好多野la,連d前輩都未學過ge,可以想像到有幾難喇
練到5點幾就返屋企喇,夜晚好眼訓,所以好早就訓左喇...ZZZ

>>September 17, 2003 at 10:23:12 PM GMT+8

2003 年 9 月 12 日 星期五 【晴】

今日係中秋節,我約左西瓜,肥勇,肥古,阿強,誠大,老域,雪山同埋大咀去我屋企bbq,我地約左三點鐘去聯和墟街市買野,我地去到之後就分開兩邊買野喇,我同老域,西瓜同埋肥古去左街市,其餘ge真去左百佳買野
煩左好耐之後終於都買齊野喇,跟住我地就浩浩蕩蕩咁去我屋企喇,一路返黎我就好似導遊咁介紹軍地,真係有天份喇我
返到屋企都4點幾喇,我同老哥誠大佢地就o係廳度唱k,其餘ge就逼o係我間房度打機,今日我ge狀態都唔錯,都唱得幾好
到左六點就開爐喇,初頭都好正常咁燒ge,但係到左7點幾就開始玩遊戲喇,個遊戲就無乜特別ge,但係輸左就大穫喇,每次都會有3個人輸ge,而輸o個3個就要跟其他贏ge指示做一d動作,跟住我地全部人都捨棄左人類ge尊嚴,重拾野獸ge獸性,要做埋一d唔係人ge動作,佢地全部都傻架...
玩完遊戲我地就開始你寸下我,我打下你咁,總之就勁好玩la^^
玩到十點佢地就要走喇,我就送左佢地出去搭車
今晚玩到好支力,十二點幾訓左


>>September 14, 2003 at 5:33:50 PM GMT+8

2003 年 9 月 10 日 星期三 【晴】

處女戰
今日第一堂係maths,第二至第三堂都係amaths,好可惡ar~~~連續三堂要上埋d關於數學ge野,真係比死仲難受ar,得maths我係明架姐,其餘兩堂都唔明ar...=.=
跟住就係小息,小完息就係英文堂,再跟住就係工程科學,呢堂悶到仆街,但我都有聽下書ge,之後係
中文堂,今堂都冇教到書
終於都到左食lunch喇,我地去左大家樂食,食完就行左陣粉中,跟住返學校喇
今年第一次上pe堂ar,所以係度高塝重ge,第二堂就打波
放左學之後我地就等睇比賽喇,今日心誠黎我地學校打友誼賽ar,我同誠大,臭胡,阿全都帶左衫返黎換,不過都應該冇乜可能出架喇
等左好耐終於都開波喇,一開始佢地都派晒佢地d勁人出黎,仲同我地玩內線喎,我地ge內線係最唔掂架ma,所以我地就以快打慢,用快攻黎同佢地鬥,果然係有用喎,所以第一節都係落後幾分姐
第二節我初頭都比佢地索住黎打,但後來我地站隱陣腳就又打成均勢喇
第二節剩返5分鐘時阿sir向住我o個邊話"你去熱身la",跟住我以為佢同坐我隔離ge阿龍講la,點知原來阿sir係同我講喎,我即時呆晒,我竟然有得打喎
之後我就出左去喇,一出去敵隊就要射罰球喇,當佢地射失左之後我就即時搶左個板先,好野~~~唔洗出場一d貢獻都冇ma,但係因為太緊張ge關係,所以有幾個失誤ar,跟住我到第三節就出左場喇,
到左第三節阿全佢地都出埋去喇,呢節我就冇出到去
到左第4節最後o個5分鐘我又出左去喇,今次我表現好左好多喇,仲搶左幾個進攻籃板添
到到最後o個一分鐘係超緊湊囉,我地只係贏左佢地一分咋,下個星期又有比賽打,期待~~~

>>September 10, 2003 at 11:45:04 PM GMT+8

2003 年 9 月 8 日 星期一 【晴】

reply地獄傀儡師,金田一d野我早就知la,但係你咁清楚佢又會成日比佢打敗ge????

>>September 8, 2003 at 10:39:21 PM GMT+8