2004 年 5 月 22 日 星期六 【晴】

歌唱比賽
我第一次參加同埋最後一次參加既學校歌唱比賽終於都結束喇,好遺憾地我獨唱係三甲不入架,但係合唱拎冠軍囉
有一樣野我覺得非常意外既,因為我係全場最受歡迎既參賽者喎,我一出場全場即刻勁多歡呼聲囉,勁好反應,可能因為我唱得超投入既關係,嗌得超有感情ar,我唱最勁o個度佢地好似好high咁,咁我見佢地咁high我又唱得high d,所以個反應會咁好
最後我同誠大唱多次既時候全場有勁多人一齊唱喎,仲拍爛手掌喎,o個一刻我好開心ar
仲有一樣野要講,生平第一次比人問拎簽名ar,個肥妹學生同我講"靚仔,你唱得好好喎,比個簽名我ar??"我真係有d受寵若驚ar
仲有兩個學生妹叫個阿sir問我同誠大拎簽名,不過我全部都冇簽到,因為真係當自己明星咩~
明愛粉嶺陳震夏中學音樂比賽高級組合唱冠軍-------------我第一個可以放o係廳既獎
p.s.放學時企o係門口o個班學生妹妹既眼光我一世都唔會忘記架!!^^

>>May 30, 2004 at 5:26:18 PM GMT+8

2004 年 5 月 17 日 星期一 【晴】

歌唱比賽預賽
今日要返學校玩歌唱比賽預賽,但係一朝早起身就覺得把聲好"拆",我就當然驚到死la,咁我就即時飲左d唱歌必備既開聲茶la,但係都冇用喎,咁我就諗住都係放棄la,個天都唔想我玩,但係當我非常唔開心,好耐都冇出聲講野後,又比我好返喎,真奇怪
咁我兩點幾返到學校,佢地已經返齊晒喇,就係等我一個
我同誠大都有參加到,佢o個首係"綿綿",我o個首就係"月半小夜曲"
我地聽左十零個人唱完最後先到我地,大部份人都唔掂既,係得誠大同另一個女仔好勁
當我眼見一個又一個咁上完台,我就愈來愈緊張喇,直情緊張到手又振腳又振ar
上到台之後個腦直情係空白架,要拎歌紙先得ar
全個唱歌過程都好似好唔實在咁,但係我既表現都算ok既
最後個結果係十三個人選五個人,我同誠大都入到圍,誠大同另一個女仔就最高分,兩個都有17.2分,我就係第二高,有14.8分,唔...都算係咁la
決賽係o係星期五,大家比面可以去睇下

>>May 30, 2004 at 5:28:00 PM GMT+8

2004 年 5 月 13 日 星期四 【晴】

呢位路人先生,好多謝你比寶貴既意見我,你同我老哥講既野都有道理
唔.....你地講既野我都會認真咁諗下架
路人先生,得閒既話請你多d黎la~

>>May 30, 2004 at 5:33:33 PM GMT+8

2004 年 5 月 13 日 星期四 【晴】

今日打開份報紙,睇到既野真係令我接受唔到囉
"A1補習社貼題勁準"
"中文六題貼中五題"
"補A1,實中A"
"英文作文,連圖都貼中"
有無搞錯!!??
我地溫書溫到天昏地暗都未必拎到個E仔,d人有錢就去乜春野A1補習社買題目,你話有冇更混帳既事ar??
有乜可能連圖都貼中架??!!真係豈有此理!!
比好多錢去o個間死人補習社就可以拎個A返黎,真係好唔公平囉
唉...咁樣會考又變成左有錢人既玩意喇,我地d窮家子弟只能夠無奈地睇住班A1補習社既"高材生"上報紙喇.....

>>May 30, 2004 at 5:32:09 PM GMT+8

2004 年 5 月 10 日 星期一 【晴】

求學不是求分數
前排有個廣告係講"求學不是求分數",原本我對呢個廣告都冇乜感覺既,但係最近會考中文,經我努力溫書之後,我終於都知道"求學不是求分數"呢句說話有幾錯
如果求學不是求分數話,係求咩呢???
你唔好話比我聽係求知識喎,如果你次次考試拎唔到分,到你搵工既時候同個老闆講:"我雖然次次考試都冇分,但係我有好多知識架,你請我la~"
我敢話請你o個個都傻架
就以會考中文為例,就算你每一課書都非常明白都係冇用架,你只要睇過o個d會考精讀你就會明白架喇,呢一題又要答到呢樣先有分,o個一題又要答到呢樣野先有分,真係煩死喇
你明又點姐??其實到考試時剩係明白根本就冇用,咁既然佢個考試係咁,咁"求學不是求分數"係求乜ar??
其實當政府出呢個廣告時,應該先諗諗自己個制度先,你個考試制度係樣樣都係講分數既,咁你仲講乜"求學不是求分數"姐??咁唔係好矛盾咩??
真係唔該快快收返個廣告ar,等你改好個制度先出返個廣告la,唔該!!

>>May 30, 2004 at 5:36:03 PM GMT+8

2004 年 5 月 6 日 星期四 【晴】

哈哈
辛苦左咁耐,終於都考左中文喇,好在辛苦左咁耐都冇白費到,好有信心合格,坐E望D!!
哈哈哈哈~~~~!!!!!

>>May 30, 2004 at 5:36:47 PM GMT+8

2004 年 5 月 3 日 星期一 【晴】

(3)第三集
上回講到阿婆又俾個差佬cut線之後，就o向新界度搵o左塊田o黎耕
有日佢耕耕o下田就醒起附近有個慈善機構派發衫褲綿被俾o的老人家，而就即時走去拎啦
其實早幾日個慈善機構係同o的老人家度o左尺寸先o既，但係個阿婆就遲o左成個幾兩個鐘先到，而咁o岩又有個人冒認o左個阿婆去囉o個佢套衫，雖然個慈善機構都諗住將o的派淨o既衫
褲綿被俾個阿婆，但o岩佢尺寸o既就派晒，淨返o的大碼，但阿婆就等住o的衫o黎過冬，冇辦法之下唯有報警求助……
阿婆：喂？呢度係咪係鳩鳩鳩(999)呀？
差佬：乜又係你呀阿婆？今次你又見到o的乜呀？有人屌西定鋤鳩呀？
阿婆：呢度有人玩3 play。(呢度有人換衫被。)
差佬：人o地玩3 play又關你咩事呀？你想玩理一份呀？
阿婆：我個「西」俾人屌o左！(我個位俾人調o左！)
差佬：o下！？阿婆你俾人老強？！邊個咁慷慨呀？！真係辛苦佢喎！
阿婆：係黐線基鳩。(係慈善機構。)
差佬：咁個黐線o既基佬係點o架？
阿婆：屌我個「西」o個個唔知去o左邊。(調我個位o個個唔知去o左邊。)
差佬：咁而家個現場環境係點o架？
阿婆：而家呢度o的人玩完3 play，但係o的帶套o既有好多精，我唔想要帶套o個o的，
但係就冇精。
(而家呢度o的人換完衫被，但係o的大套o既有好多淨，我唔想要大套o個o的，但係就冇
淨。)
差佬：哦！阿婆你想同人打真軍o下話！？睇唔出阿婆你一把年幾都幾識享受喎！不過
人o地冇晒精都幫唔到你啦！
阿婆：咁你o地有毛？(咁你o地有冇？)
差佬：我就有毛！不過我o的師兄就唔知，不過我o地有冇毛又關你咩事呀？
阿婆：呢度冇晒套(呢度冇細套)，不如你俾我呀！
差佬：套我就有，不過你要咩size呀？
阿婆：我要細碼。
差佬：我得中碼套咋喎，咁你要唔要呀？
阿婆：要要要！差佬哥哥你真係好人！
差佬：乜我唔係好撚西咩？咁你幾時o黎差館囉呀阿婆？
阿婆：我囉全條周周過來。(我落完田就走過來。)

>>May 30, 2004 at 5:39:12 PM GMT+8

2004 年 5 月 3 日 星期一 【晴】

痴線喇!!!
我溫書溫到就快痴線喇!!!

>>May 3, 2004 at 12:49:44 AM GMT+8

2004 年 4 月 29 日 星期四 【晴】

最後7天
盡最後努力搵中文
我唔要0分!!
起碼中文拎到一分!!
努力!!

>>April 29, 2004 at 1:50:12 PM GMT+8

2004 年 4 月 27 日 星期二 【晴】

西瓜,我諗你講出左我地呢類學生既心聲囉,我相信好多人都會有同感囉

>>April 27, 2004 at 11:05:54 AM GMT+8