2004 年 4 月 27 日 星期二 【晴】

(2)第二集
話說o個個阿婆, 自從上次被差佬cut 左線之後...就消聲匿跡左一排,
但由於佢好窮...所以就去左訓天橋底啦...有一日, 有兩個男人,
各自帶自己ge狗去散步, 一隻係外國o個d有毛狗,
另一隻就係冇毛狗...佢地兩人都來到天橋底相遇,其中一個男人唔小心碰跌另一個男人 ,
於是佢地就嘈起上來, 要求對方賠個不是!佢地隻狗可能等得唔耐煩, 於是就跑走左,
跑到好鬼遠,
最後唔見埋添!!因此o個兩個男人就嘈得更加犀利...但由於個阿婆係訓天橋底,所以就覺得好煩,
想去報警投訴勒~
阿婆: 喂!? 呢度係咪鳩鳩鳩呀?(999)
差佬: 又係你呀阿婆!? 今次你又有咩事呀!??
阿婆: 我呢~想投拆啊, 有兩個男人, 嚮天橋底度 "鋤鳩" (嘈交)啊!
差佬: 佢地 "鋤鳩" 關你咩事呀!?
阿婆: 佢地搞到我都訓唔著啦!佢地 "鋤鋤下"(嘈嘈下)呢, 條"鳩"(狗)都唔見左啦
差佬: 咩話!!! "鋤" 到連條"鳩"都唔見埋!?
阿婆: 係lo~不過呢, 我見過佢地o個兩條"鳩"架,一條就有mo(毛),另一條就冇mo(毛) 架~
差佬: 佢地有冇毛關你咩事呀!!
阿婆: 你不如幫佢地搵番條 "鳩" 啦~
差佬: 我點可以幫佢地溫呀!!
阿婆: 咁你有冇 "鳩" 呀? 拎兩條比番人啦
差佬: 我邊有兩條 "鳩" 呀!! 有都唔比!!
阿婆: 好啦~差佬哥哥, 你咁好人~
差佬: 我好人!? 你覺我好好人咩!?
阿婆: 你好撚西~(你可能係)
於是, 個差佬又再次咁cut 線啦..

>>April 27, 2004 at 11:04:15 AM GMT+8

2004 年 4 月 23 日 星期五 【晴】

阿婆報警 第一集
從前有一個住係海邊的亞婆，有一日佢見到兩個人跳海，佢去救左其中一個人，而另
一個救唔到。咁佢就打999報警。
電話一通，婆婆就問：喂！係唔係鳩鳩鳩呀?(婆婆想問係唔999)
個差佬就答：乜野鳩鳩鳩呀？
婆婆就話la：有人條”high”丫！（有人跳海）
個差佬就講：人地屌西關你咩事呀？
婆婆又話：一個有鳩，一個無鳩呀！（一個有救，一個冇救）
差佬就答佢：屌西當然要一個有鳩，一個冇鳩 架 la!!!
婆婆就講：無鳩的叫得好大聲丫。
差佬又答佢：叫床丫嘛，糟到你咩！亞婆，你之前食左乜野搞到你講野ＯＮ鳩鳩呀
？
婆婆就佢lar：我之前食左臭化西！（我之前食左炒花生）

>>April 23, 2004 at 10:40:02 AM GMT+8

2004 年 4 月 23 日 星期五 【晴】

最近睇左幾個超好笑既笑話
而家同大家分享下

>>April 23, 2004 at 10:37:29 AM GMT+8

2004 年 4 月 19 日 星期一 【清涼】

皮膚敏感
今日要去考試,約左誠大佢地o係粉嶺火車站等,見到誠大時真係嚇左一大跳囉,佢塊面生左好多紅點囉,佢話醫生用左一樣工具(我估係好似辣雞咁既工具la)電穿左佢塊面上面因過濾性病毒引起既小泡喎
坦白講,真係幾嚇人囉,不過又令我諗起小學時我隻手因皮膚過敏而生左好多小泡時既事,我仲記得o個日返到學校坐我隔離位o個個女同學既反應ar
個女同學平時都同我幾fd既,但係佢一見到我隻手咁樣,佢唔係問候我喎,佢係即時彈開左,仲要係連跑帶跌,就快破世界紀錄o個種速度囉,佢個樣仲要好似踩中狗屎咁樣,最絕既係佢同我講"依~~~你隻手做咩ar??你唔好行埋黎ar,會唔會傳染架??...."
我即時冇野講,剩係好想打佢姐
一連串令人難堪既問題竟然出自一個好朋友口中,真係意外囉
講真,其實我要多謝佢,因為佢比左咁多次第一次我
係佢令我生平第一次有掌摑人既衝動囉,仲有第一次明白咩叫做人情冷暖,第一次知道說話係有幾大殺傷力囉,所以我之後都不忘訓練自己既口才,第日比人寸都唔會輸ma
講左咁多野,最後希望誠大快d好返la,好返之後再同我地去唱k

>>April 19, 2004 at 5:40:22 PM GMT+8

2004 年 4 月 15 日 星期四 【陰】

迷失
「你叫咩名??」海關哥哥用好疑惑的眼光一邊瞧著我和我的身分證一邊對我說
我對這種眼光已司空見慣了,因為在最近這幾年幾乎每次過關都會被海關用這種眼光和這種語氣質問
我當然好整以暇的道出我的性名,然後在海關哥哥疑惑的眼光中離開
回到家中,我不禁拿出身分證來瞧瞧,難道我的樣子和十一歲時真的差很遠??
肥肥的臉頰,滑滑的臉蛋,圓圓大大的眸子,還有一個每個小學生都應該梳的髮型
我不禁問問自己,這個是我嗎??
時常轉變的髮型,古銅色的皮膚,瘦削的臉頰,因常常看小說己變得細小很多的眸子,一副透明磨砂的眼鏡,還有一副高挑的身型
我又不禁問問自己,這個是我嗎??
改變的只是樣子嗎??

改變的不只是樣子

以前十一歲的我,一副天真無邪的樣子
現在十七歲的我,過著面首三千的日子
以前的我,對著任何人也會表現出自己真實的性格,開朗健談
現在的我,雖然對著好朋友時也會保持這種性格,但對著一些其奸似鬼的壞朋友時,卻會有另一種性格出現,和他虛與委蛇地交往,保持著普通朋友的關係
有時候,我又會變得沉默寡言,整天也不會說一句說話
我迷失了,真的是迷失了,我已迷失在時間的洪流了
我似乎已不記得真正的自己是怎樣的了,也似乎不了解自己了
年歲漸長,便愈不了解自己
太多種性格了,太複雜了,
但是,這是否也是一種性格呢??
我不知道,真的是不知道
我只想回到十一歲,做回那個不用接觸奸惡的世界的小朋友
永遠掛著純真的笑容,永遠也不用戴面具做人,永遠也不用接觸那些奸惡的人...

>>April 15, 2004 at 1:31:45 PM GMT+8

2004 年 4 月 14 日 星期三 【晴】

澳門行
前幾日去左澳門玩,去左兩日一夜,而家等我講下個過程俾大家聽下
去之前已經要搭左好耐車,搭完火車再轉地鐵,真係搭車都搭到頭暈ar
好不容易先去到上環,跟住等左阿e同佢老公一陣就搭船喇
搭噴射飛航搭左成個幾鐘喎,我就一邊抵受住嘔吐既感覺一邊睇"尋秦記",終於都落船喇,但係落船之後又要等過關,又等左好耐,之後過完關又要坐酒店專車,架車又等左好耐先開車,次後又坐左幾個字車,嗚~~~舟車勞頓之下終於都到左酒店喇
安頓d野就要去行下食下野咁喇,我地首先o係酒店附近行下咁,跟住發覺大家都唔識行去最多野食既"乙水"仔喎,再經過士多老闆既提議,咪死死氣咁搭的士去囉
去到之後果然發覺好多野食喎,我到去左一間最多最多人排隊既鋪頭~~~~~既隔離食,因為我老豆話隔離鋪頭超多人都搶唔晒呢問鋪頭d生意,證明呢間鋪頭有d料到喎,我地半信半疑之下就去左呢間食喇,其實都同香港都係差唔多姐
食完野就行左陣,跟住就搭巴士去大三吧喇
我同老哥搭呢架巴士就真係超經典囉,因為要企既關係,所以全程車都好似玩滑浪風帆咁,真係勁"西"囉,幾次都差d仆ar
去到大三吧就梗係去最有名既地方觀光la,去睇o個個剩係得番個面既大教堂觀光,又去左山頂睇大炮喎,到左夜晚就行下大三吧其他既地方喇
唔...其實澳門有好多地方都好鬼似香港既地方架,好似大三吧咁,就好似灣仔喇,我同老哥都o係大三吧買左件衫同買左d小玩意玩
跟左我地又坐返風帆巴士去"乙水"仔食野喇,我地去左間叫"熊貓葡國菜館"食野,d野食好鬼正喎
食完野我地就返酒店喇,因為我屋企冇浴缸,所以今次係我第一次用浴缸沖涼ar,超正囉真係
第二朝我地八點幾就起左身喇,跟住我地一家四口就去左食早餐,食完早餐我地就去左外面行,行左一陣我地就返酒店會合o岩o岩起身既阿e佢地喇,之後我地就搭返酒店既專車去碼頭喇
跟住唔少得既梗係搭"shake shake船"返香港la,嘩~~~真係shake到我就快連屎忽都甩埋囉
返到香港就結束左我地兩日一夜既澳門行喇
我覺得澳門既交通好特別囉,因為d車係可以周圍泊架,d差人係唔會抄牌架,所以周街都有車泊o係香港唔准泊車既地方架,仲有既係澳門d交通燈係少到你唔信架,得市中心係有幾枝架咋,其餘地方一枝都冇喎,幾出奇囉真係

>>April 14, 2004 at 11:49:59 AM GMT+8

2004 年 4 月 12 日 星期一 【晴】

肥勇,我呢幾日又返大陸又過澳門,忙到傻ar

>>April 12, 2004 at 8:20:41 PM GMT+8

2004 年 4 月 4 日 星期日 【晴】

reply西瓜
你唔好再寸誠大喇,你再寸佢分分鐘自殺過你睇ar

reply肥勇
你個死肥鬼想o係度搞事??!!
問過我未??

>>April 4, 2004 at 10:05:04 PM GMT+8

2004 年 4 月 3 日 星期六 【晴】

你錯喇西瓜
黎緊既科技我會好努力架
會考一世人一次
所以呢幾日會溫書

>>April 3, 2004 at 10:47:57 AM GMT+8

2004 年 4 月 2 日 星期五 【晴】

呀~~~~~~~~~~~
會考呀~~~~~~~~~~
冇時間寫日記呀~~~~~~~~~~~~~

>>April 2, 2004 at 10:24:08 PM GMT+8