2003 年 4 月 17 日 星期四 【晴】

今日又好曳曳呀~
凌晨兩點幾又走左出去遊車河,
上山頂傾偈,梗係又係同Gary啦~!!
之後咪又係佢屋企訓覺訓到天光囉~(好乖o架~真係咩都冇做過!)

佢真係激死我呀~
本來佢今日要番學架嘛,仲係番八點tim~
點知尋晚同佢傾傾o下ICQ,佢又話想出o黎行下喎,
咁又俾佢逼o左出o黎啦~!!
你可知我真係好掛住屋企張床嘛...
真係好似好耐冇o係自己張床訓過咁呀!!
遊完車河又唔俾我番屋企訓喎~
最慘就係我都要番學架嘛~
咁都算啦~最多聽朝早媽咪叫我起身番學個陣見唔到我,
打俾我咪話同Gary一早出左去食早餐囉~
橫掂都唔會返學架啦..

咁但係Gary都要番學架嘛,
我七點鍾叫佢起身佢又話俾多十五分鐘佢,
八點鍾再叫多次又話遲少少先番,
九點鍾叫佢佢又話唔番上晝,
咁ok啦,咪十一點鍾嗌佢番下晝囉,
佢又叫我俾多十五分鐘佢喎,
咁過多十五分鐘再叫多佢一次囉,
佢又話唔返啦~
哇~完全過分呀~!!
前晚仲同我講一定要番因為要交功課,
早知唔叫佢呀~搞到我訓唔到九點幾起左身又冇野做,
個死人Gary又訓到冇哂知覺唔識起身~!!
成下晝三四點先肯起身再陪佢出去交功課,
完全浪費時間~!!

>>April 20, 2003 at 11:09:24 PM GMT+8

2003 年 4 月 16 日 星期三 【晴】

今日冇番到學校~
因為而家番學都冇乜意思..
十個學生有四個都唔會番~
今次係經家長批准架~~
所以訓到朝早十一點幾先起身~~

起身之後就睇o下電視,煮o下飯食咁啦~
好耐都冇係屋企逗留咁耐啦~哈哈...

但係始終都係要出街~
叫Gary幫我整番好部電腦呀~!!
上次又無端端搞到System裡面D o野,
又要Format多次~真麻煩~!!

但係都好乖咁六點前返到屋企囉,
因為今日爹地同媽咪都休息,
所以要同佢地出街食飯.
我地去左間酒樓食,
除左一兩檯鬼佬客之外幾乎冇人黎食飯呀~
可能因為D香港人全部都怕非典型肺炎啦,
所以冇人敢出街食飯,
聽我爹地講話楓林(佢做緊o個度)D生意都差o左好多~!!


>>April 20, 2003 at 10:00:14 PM GMT+8

2003 年 4 月 15 日 星期二 【晴】

今日返學,即刻覺得自己有少少蠢~
因為我o個級跟本冇中國人返學~><
因為就o黎放假嘛...但係如果唔返學留係屋企又出唔到街喎~
所以都係Lunch Time先走囉...

約埋Gary,佢都唔多返學o架啦~
佢上完上午就去左公共圖書館訓覺~
我去到時已佢經訓到流哂口水啦...><

佢尋晚出左去玩玩到朝早六點幾先返,
今日見到佢成隻鬼咁,對眼勁紅,行步路都冇力~
抵佢死~!!

之後去食飯~本來諗住食碟頭飯就算o架啦~
但係同Gary傾傾o下D o野就喊左出o黎...
咁佢就帶我去飲茶啦~hehe~即刻開心番~!!
好鍾意飲茶個種氣氛~!!
o係香港個陣成日去,唔覺有乜特別,
但黎到之後就勁掛住,成日都想去~
不過呢度飲茶都唔平,試過兩個人去食六十蚊澳幣埋單~!!


>>April 15, 2003 at 9:14:00 PM GMT+8

2003 年 4 月 14 日 星期一 【晴】

今日又Lunch Time走~番學好悶呀...又考完試~!!
所以去左City同Gary行街睇戲~
行來行去都係Queen Street o架啦...
冇乜特別...

去睇左套戲"Johnny English"~
即係Mr. Bean做o個套喜劇呢~超搞笑~!!!

話Johnny English係一個特務,
不過成日做錯事惹麻煩~
有一次又唔小心將所有特務炸死哂,
剩返佢同另外一個特務執行任務,
成日撞板又扮到懶型咁溝女~勁搞笑囉~!!
Mr. Bean D 動作不嬲誇張o架啦~
同埋D英文極易明囉~
所以幾易睇..

>>April 15, 2003 at 9:40:07 PM GMT+8

2003 年 4 月 13 日 星期日 【晴】

今朝三點鍾又偷偷地出去~
好似慣o左咁每個Weekend都出^^

不過今次目的地有D唔同~
就係去Casino啦~~

初初去個陣好多人,所以我同Gary上左山頂睇星星~
我終於終於第一次見到流星啦~!!!!!!!!!
仲一見見兩粒~!!!!相隔都唔夠幾分鐘~~
初初上到去睇個天都算幾清架啦~
仲見到一條星河~好靚架~
我終於相信流星每一分每一秒都可能有,
爭在你見唔見到囉~
我眼力好差...
只見到一粒好慢好慢既流星(睇電視都未見過D流星慢成咁,夠我許埋個願仲有時間尖叫)
同埋一粒好快擦過既流星,
但已經足已令我感動啦~

之後再落Casino,我冇玩因為我唔鍾意賭,
睇Gary玩到朝早六點,但都冇收穫.
冇贏冇輸~

以前同佢去親Gold Coast個Casino都會贏錢~
今次去City o個個冇收穫~!!
不過冇輸已經好好啦~


>>April 15, 2003 at 10:16:28 PM GMT+8

2003 年 4 月 11 日 星期五 【雨】

今日係Free Dress Day~即係便服日~
唔駛著校服返學~方便我出街玩呀~

最搞笑就係D Miss反而著返校服~!!
笑死我呀~四十幾五十歲老太婆著住件校服週街行~
Lunch Time好似仲有剃頭活動~
D教師同學生自願出o黎俾人剃光頭籌款~
然後又請DJ o係學校開Party啦~
不過我都冇去,星期五早放嘛~^^
記得上年有D女仔都剃光o左個頭~好激!!

放學就去Gary屋企睇下D貓貓先啦~
之後又陪佢去o左好多地方,
陪佢去Centrelink借錢,因為唔夠錢交學費嘛~
要問政府借,我遲D都要架..
跟住又去小明屋企做功課,跟住又出City交功課~
跟住佢夜晚又要番工啦~
總之佢呢排好忙啦~不過忙極都搵埋我出去囉..


>>April 11, 2003 at 5:30:09 PM GMT+8

2003 年 4 月 10 日 星期四 【晴】

今日學校影班相~但係呢排因為考試壓力大,
塊面而家勁多暗瘡勁醜樣呀....
唉..最後一年中學生活...
好似乜都冇做過咁~但又好似經歷o左好多o野喎~
好似冇乜意義咁~但係又覺得幾開心~
好矛盾呀...

Lunch time照舊走人~同Kerryn出City食飯~
陪佢買衫衫~因為佢下個禮拜鋼琴考試~
佢媽咪就即刻俾二百蚊佢買衫~唉...有錢女~_~

Kerryn話City巴士總站對出個商場其中一個升降機有一男一女死左,
係佢同佢boyfriend前日行街時聽到個管理員講架,我唔係好信囉~
因為個商場唔係好多層,照計唔會跌死格,個升降機係開放式兼透明個種,
咁Kerryn就帶我落去睇啦,點知部升降機真係停用,
望落升降機下面竟然有兩張好似Postcard但大D既人像黑白相,
一男一女......但係兩張相入面o既人面都冇左個口o既.....
個心即刻寒一寒呀~因為個兩張黑白相真係好似車頭相咁,
而呢度都好興路祭(用十字架同鮮花),
特別係街邊交通意外死亡o個D鮮花同十字架,成日都見~!!

之後行行o下街竟然俾電視台捉住問我o地做唔做訪問喎~
嚇到我地即刻Say No 走人~
你知我o地D英文o架啦o下.....

之後買完衫就同Kerryn同佢Boyfriend去Cafe飲下午茶~
等到Gary黎接我去小明屋企~

跟住小明好慘啦~o係佢屋企做Assignment做到凌晨一點幾~!!
佢幫我寫o左一大半呀~真係多謝哂兼麻煩哂佢呀~!!
因為聽日Due,唔交就好麻煩啦...

>>April 11, 2003 at 5:51:09 PM GMT+8

2003 年 4 月 9 日 星期三 【晴】

今日星期三~又走Lunch time~!!
因為已經考完試啦~都冇乜人返學啦~

去搵Gary食Lunch然後我留o係車度訓覺等佢放學~
好勁呀~由兩點訓到五點~!!
有D變態....唔返學走去訓覺...
仲要係車度熱到死><

先返Gary屋企,然後夜D出去China Town同佢D朋友食飯~
食完飯佢地又走去篤波~本來都幾赲唔係太想玩o架啦~
不過都要陪呀東個老婆玩Pool~
玩左兩盤~本來兩盤都贏哂架~
但係有一盤打到最後入黑波時連白波都入埋,即時當輸~><




>>April 11, 2003 at 4:44:55 PM GMT+8

2003 年 4 月 8 日 星期二 【晴】

今日有英文考試呀~係最後一科啦~!!
係做Macbeth--沙士比亞既王子服仇記~
鬼佬文言文,完全唔知篇o野想點~
仲要分析人物七十分鐘即場寫六百字~呢D情況之下我通常都唔會合格...

考完之後即走~同Kerryn(北京同學)出city食飯~
去左我最鍾意既韓國餐館食牛肉湯飯~超正超辣呀~
食完即刻胃痛><
食完就去行o下街睇o下衫~新番o左好多Emily Tee呀~~好靚~!!!
超想要呀.............仲有睇中o左條Mooks牛仔裙~一百五十蚊澳幣~!!
完全買唔落手囉~~

好嬲呀好嬲呀~
三點鍾等Gary放Break啦~等到佢已經病病o地架啦~
感冒之餘又胃痛喎~(早知唔食韓國菜~!!)
同佢去食D o野個陣(我冇食~!)佢同我講今晚要出去同朋友食飯喎~
但係佢之前應承過我話今個禮拜邊度都唔去陪我o架~!!
因為佢上個禮拜出得太多啦~仲要出到半夜三四點~!!
咁都算啦~佢尋日又有出去搵朋友同佢做Assignment到十二點o架啦~
咁佢去做功課我都算啦~今日仲話要出去~!!!!
佢話佢個唔係好熟既朋友番香港喎~所以要出去~
我冇o野好講啦~佢成日都搵籍口o黎brake the promise~
又成日諗住用其他野補償返~我接受唔到囉~
佢梗係覺得我野蠻同打橫o黎講格~
我即場走然後自己搭巴士返屋企囉~
之後我打電話同佢講你鍾意去就去啦~
因為諗深一層我冇理由要管住佢令自己咁辛苦~
不過講到尾係佢應承我在先~!!所以我覺得我有咁o既反應冇咩唔o岩~!!

不過我返到屋企直至而家佢都未打過電話o黎囉~
我知佢唔會即時"tum"返我,只會等我氣消左先囉~

返到屋企即刻訓陣覺,因為真係好唔舒服...
冇o左男朋友,好彩仲有媽咪錫~媽咪煲粥俾我食~^^

部電腦又俾我搞壞o左啦~今次連Windows都入唔到~
點算呀??
唔通又要Format多次??
好麻煩架喎.......





>>April 8, 2003 at 8:11:55 PM GMT+8

2003 年 4 月 7 日 星期一 【晴】

今日難得地好正常好乖咁番學呀~哈哈...
今個學期都唔知逃左幾多日學~><
寫請假紙都寫到手軟~

Gary今日病o左又唔返學啦~
睇佢一個禮拜都返唔足兩日學呀~又例牌日日遲到~!!
明明要早過我返學但從來未見佢早過我起身架~
朝朝都要扮鬧鐘叫醒佢~但係從來都冇話即刻起身返學o既~電話費都蝕埋呀~!!

放學咪去佢屋企搵佢囉~
睇下佢死得未~點知仲精神過我~!!

Evies貓真係好乖好得意o架~我抱住佢半粒鍾佢都可以郁都唔郁~!!
俾個鞋盒佢佢又鍾意走入去訓喎~仲要訓到成個人四腳朝天~兼有鼻鼾聲呀~
又肥喎~冬天攬住佢訓一定好舒服~!!


>>April 8, 2003 at 8:14:07 PM GMT+8

★ ★ ★ ★ ★ ★ ★ 廣告 讀者留言 |  路人留言   | long time no see >>March 29, 2007 at 11:18:23 PM GMT+8 點啊~~ 你bf 成績如何~ >>February 27, 2007 at 2:07:15 PM GMT+8 嘿嘿..估下我係邊個? <br> >>February 26, 2007 at 11:40:28 PM GMT+8 好sweet 啊~~ 二人世界既 >>February 16, 2007 at 1:53:59 AM GMT+8 你就好啦!! <br> <br> >>February 11, 2007 at 5:22:04 PM GMT+8 hihi~Hody <br>好耐 >>February 8, 2007 at 2:09:36 PM GMT+8 早d祝你聖誕節快樂 :) >>December 21, 2006 at 11:01:42 PM GMT+8 個件咩事來的...說出來分享一下 >>November 26, 2006 at 12:01:34 AM GMT+8 你好好休息啦咁!! <br> < >>November 24, 2006 at 12:07:02 PM GMT+8 Are you in holid >>November 15, 2006 at 12:19:26 AM GMT+8 好掛住你吖!!我有好多好多心事吖 >>November 5, 2006 at 8:25:30 PM GMT+8 have a happy bel >>October 8, 2006 at 10:04:54 AM GMT+8 eeeehummmmeeeehu >>October 3, 2006 at 9:39:49 AM GMT+8 俾妳個假髮厄左TIM~ <br> >>September 23, 2006 at 10:56:41 AM GMT+8 HEY,my lovely ho >>September 16, 2006 at 10:30:29 PM GMT+8 mu...你個髮型....有d似 >>September 8, 2006 at 7:53:12 AM GMT+8 hihi~~Hody!!一排冇來 >>September 7, 2006 at 12:23:00 PM GMT+8 <font_color=oran >>September 6, 2006 at 1:04:25 AM GMT+8 嘩 <br>你個look 好.. >>September 4, 2006 at 6:13:16 PM GMT+8 hody. 恭喜你買左咁多野啊~ >>August 23, 2006 at 10:10:07 PM GMT+8 好開心見到你的回覆呀~~~ <b >>August 22, 2006 at 10:58:06 PM GMT+8 <font color=gree >>August 22, 2006 at 8:22:48 PM GMT+8 Hello..&#26080;聊 >>August 19, 2006 at 2:23:05 AM GMT+8 hody, 最近我和fai愛上了 >>August 19, 2006 at 12:36:14 AM GMT+8 you always on my >>August 15, 2006 at 12:12:34 AM GMT+8 你有心事可以打俾我.. >>August 11, 2006 at 3:41:25 PM GMT+8 really miss you >>August 4, 2006 at 9:14:43 PM GMT+8 Because of you ^ >>August 4, 2006 at 3:11:09 PM GMT+8 hody. 我有一日發夢遇見你們 >>August 4, 2006 at 1:51:25 AM GMT+8 i miss u ~~~ my >>August 4, 2006 at 1:48:55 AM GMT+8 我的頸一天比一天長喇...... >>August 1, 2006 at 6:55:50 PM GMT+8 hody, how about >>August 1, 2006 at 12:00:27 AM GMT+8 hody hody.. <br> >>July 29, 2006 at 1:24:26 PM GMT+8 是不是忙於適應新生活呀? <br >>July 26, 2006 at 12:44:00 AM GMT+8 hey.好少見你係msn woo >>July 25, 2006 at 3:49:40 PM GMT+8 hey..終於分手了? <br> >>July 25, 2006 at 10:59:26 AM GMT+8 被廟街睇相佬講中了...... >>July 24, 2006 at 6:21:54 PM GMT+8 wahhhh.. <br>tha >>July 24, 2006 at 6:16:40 PM GMT+8 what do u mean? >>July 21, 2006 at 3:06:20 PM GMT+8 hody...miss u so >>July 17, 2006 at 10:57:50 AM GMT+8 u and me both ha >>July 8, 2006 at 1:45:39 PM GMT+8 of coz la vicky >>July 7, 2006 at 8:51:40 AM GMT+8 靘女hody... <br>叻女 >>July 7, 2006 at 12:33:04 AM GMT+8 恭喜晒呀！成績全部合格！ <br >>July 5, 2006 at 3:46:12 PM GMT+8 Good news for u! >>July 5, 2006 at 1:31:11 AM GMT+8 hody. 成日都趕唔到溫書.又 >>July 5, 2006 at 1:06:41 AM GMT+8 i'm so sorry! <b >>June 29, 2006 at 1:12:14 PM GMT+8 yeayeayea <br> < >>June 28, 2006 at 12:53:31 PM GMT+8 我又來了~如果妳唔想加入會員，可 >>June 9, 2006 at 10:16:16 AM GMT+8 hihi~hody！好耐冇來了！ >>June 8, 2006 at 4:39:16 PM GMT+8

人氣: 28276

Design & Scripting by ShowHappy.Net