2003 年 9 月 25 日 星期四 【晴】

本來今日可以休息o下o架~ 點知餐館又打o黎叫我替工~ 好想死呀~連續要返六晚工~!!! 返工返到病呀~ 開始有D頭痛,傷風,感冒啦..... 返工又最慘係冇o野做喎~ 冇乜客食飯,剩係做外賣多, 呢幾晚以來我已經摘左好多菜,豆苗,豆角, 切左好多個洋蔥,掀左好多春卷皮..... 抹左好多次窗,櫃,杯,刀,叉,碟,摺左好多紙巾...... 都依然仲有好多時間.... 每日返工都要刨定新聞,搵話題~ 因為成日對住老板娘,冇理由一句聲都唔出o架嘛~ 我而家做緊間餐館叫富林, 老板係柬蒲寨人,唔識中文, 老板娘同佢細佬係越南華僑~ 識講廣東話~ 呢間餐館做既係鬼佬生意~ 冇乜中國人~ 賣既係泰國,越南同埋中國菜~ 煮Do野都幾好食~ 老板娘好好人~都幾好傾~ 佢細佬成日整o野食俾我試~ 又成日講笑~放工有時順便車我返屋企~ 都好好人~ 所以o係度做o野都幾開心~ 又有八個半一粒鍾喎~固定每星期三日,每日三個半小時~ 一星期都有九十蚊~

>>September 27, 2003 at 6:04:30 PM GMT+8

2003 年 9 月 24 日 星期三 【晴】

今日已經連續返左四晚工啦~ 因為另外一個員工個仔病左, 所以要幫佢替兩日工~ 尋日我Uncle打俾我叫我幫佢做Part-time~ 我Uncle係幫人搞移民o架嘛~ 我地過o黎都係佢幫我地搞o既... 咁今次又有另外一批人搞移民, 我Uncle要我帶佢o地去驗身,交Form,做翻譯咁囉~ 咁今日帶佢地去照X-Ray同埋驗血, 要去兩度唔同地方,咁我又唔係好識路喎~ 咪叫埋Gary陪我囉~ 我今日帶o既係兩家人,有八個人, 開兩架車,全部都係中國廣州o黎o既, 所以識講廣東話,不過佢地全部唔識英文, 所以要有人翻譯~ 完全覺得我同Gary今日好似做導遊帶隊咁, 朝早十點半出發,十一點幾佢地就照完X-Ray, 跟住見未夠鍾就出左China Town食Lunch~ 大約點幾就返停車場集合,點知有一個叫許文強既隊員竟然唔見人, 咁因為夠鍾去驗血所以我就同所有人出發先, Gary就係China Town搵佢, 點知o係我地搵完車位行去診所既時候Gary打電話o黎話佢已經到o左~ 原來許文強遲到,Gary一行出去就見到佢,跟住又撞到佢個friend喎, 咁又順便車左佢地去診所門口啦~ 哼~難為我為o左搵個免費車位泊車泊到遠一遠, 行到身水身汗~ 驗完都差唔多三點半啦~ 跟住又要趕返工, 真係好赲呀.... 不過有錢賺~ 十三蚊一個鍾~今日做左五粒鍾, 已經賺左六十五蚊(HK$325)啦~^^ 仲要計埋車程,食飯同埋等(傾偈)o既時間,冇乜o野做,真係幾好賺~

>>September 27, 2003 at 5:32:46 PM GMT+8

2003 年 9 月 21 日 星期日 【晴】

今日終於得閒o的可以上網啦~ 但係五點要返工~ 我已經辭左壽司店份工啦~好開心!! 唔駛對住個白癡經理~ 尋日睇左Finding Nemo隻VCD~不過英文版冇字幕~ 卡通片好易明~好正呀~勁鍾意~Nemo好Cute~不過好曳呀~ 我部LCD mon正式宣布 certified, 變左綠色~ 而家我部電腦只可以用o黎聽o下歌咁囉~好慘呀... 平時半夜三更上網先有feel寫日記o架嘛!! 唉...... 唔知點解~成日都覺得好悶咁, 做咩事去邊度都提不起勁~ 好慘o架...呢度已經悶架啦,又冇乜地方去. Gary成日都話呢度係咁悶架啦,冇乜地方去. 我都唔知點解佢可以忍受到o架... 可能係香港生活多姿多采,想去邊就去邊. 所以我成日都想出街~ Gary都已經慣左啦~出去玩閒閒地都要個幾兩個鍾車程, 真係要成日時間,唔可以話去就去.. 今日開始我就有兩個禮拜假啦~ 至於返工就返星期一,五,日~ 所以都幾輕鬆o架~ 不過就賺得唔多~ 一個星期得八十蚊到~即係得四百蚊港幣~ 呀媽又唔俾零用錢喎~日用品又要自己買~ 所以目前為止只儲到一百蚊....>< 不過星期日出糧有八十蚊,星期二壽司店出糧有百幾蚊~ 所以應該有錢買禮物o架啦~ --------------------------------------- Sally好掛住你呀~!!我上過你個新homepage幾次啦~ 真係好靚靚呀~!!! 不過冇機會留言因為我係學校上網打唔到中文呀~ 係呀呢排好多考試因為學期尾嘛~仲有一個學期就畢業啦~ 唔唔...返兩份工真係好赲o架~所以已經辭左一份工啦~ 我平時下午三點放學~五點返工~所以有時放學即刻趕返工~ 哈哈~我會留言俾你架啦~BBQo的相我都睇哂啦~ 好似玩得好開心咁喎~如果我都o係度就好啦.....^^

>>September 21, 2003 at 10:10:16 AM GMT+8

2003 年 9 月 14 日 星期日 【晴】

哇~足足有成個月冇寫Diary~ 真係唔好意思啦~因為今個月勁多考試呀.. 又要返工~ 上網都冇時間~成個月都冇上過網~ 老豆部電腦中左毒~自己部電腦又成日開唔到機, 而家開到啦~不過成個畫面變哂綠色,可能Video card問題~ 仲以為撞鬼呀~無端端成個畫面變哂青光綠~ 月頭o岩o岩考完QCS~公開考試o黎o架~ 好似學能測驗咁~好緊要o架~ 不過一定考得好差~D英文完全唔明~ 本地人都未必會明~ 跟住而家就要揀大學, 因為仲有兩個月就畢業啦~ 不過我覺得好難揀呀~ 因為本身成績又唔係好~ 要求低Do既大學就會好遠好遠~ 如果要搬出去讀都冇咁多錢啦... 我o個區既大學要求好高o架~ 所以可能入唔到~要讀TAFE先~ 好煩呀... 跟住呢排日日都有考試~ 因為今個學期好短,所以教得好急呀~ 我又另外搵到份工喎~ 都係亞洲餐館啦~ 冇乜o野做但係都有八個半一粒鍾~ 但時間唔長~得三四個鍾一晚~ 但係壽司店我重未辭職呀~ 所以返緊兩份工~ 晚晚返屋企都赲到趴o係度~ 都真係幾辛苦o架~ 不過返埋下個禮拜就有兩個星期假~ 咁就會得閒DD~ 不過冇得去玩,都係返工渡過o架啦~ 而家開始好熱呀D天氣~ 好想落Gold Coast游水......

>>September 14, 2003 at 12:36:44 PM GMT+8

2003 年 8 月 18 日 星期一 【晴】

好悶呀........... 又要返學......... 不過總好過返工~ 死人Gary呢排陪少左我好多呀~ 一個禮拜返四五晚工,又要返學,又要做功課, 做到癡哂線~ 又要去埋o的應酬... 一日見得佢半粒鐘都冇~ 放學又赲又要訓覺,又要返工 佢部死人SonyErission電話真係想卜爆佢呀~!! 一係打極唔通,次次傾冇二十秒就收唔到自動cut線!!! 激死我啦!!!!!!!!!! 唔愛佢啦!!分手呀~ 主謀係冇時間,幫凶係部電話!! 貓貓又唔o係屋企喎...冇人陪兼冇貓陪... 好慘慘呀.... ************************************************** Okok~ 禮物人人有份~ 不過就要等我出糧先逐樣買到~ 因為我買俾你地既野唔可以平架嘛~ 邊個"人人"咁勞氣呀?! o個個"yan"應該係吳婉欣呀~ 唔好誤會~一睇就知係佢啦~ 咁貪心咁厚面皮叫我送咁多o野只有Brenda既o者~ (呵呵~講笑咋Brenda~睇o岩我又有錢o既送哂俾你囉~ok?) 同埋就算我冇提起o既friend都可以問我o架~我有錢一定送~!! (記住~係"我有錢一定送~!!")

>>August 18, 2003 at 4:10:41 PM GMT+8

2003 年 8 月 15 日 星期五 【晴】

人......是喜歡試探的動物. 每一天都不停地在試探自己身邊的人. 朋友,情人,顧客,甚至陌生人... 也許,人是缺乏安全感,才喜歡試探. 有人跟我說過,千萬別去試探自己的朋友. 這是一件很恐怖的事情. 如果發現他出賣了你, 便再也不能相信他了. 如果他是忠誠的, 你的朋友也不見得會相信你. 因為是你懷疑,才會出現試探. 看過<小王子>的故事嗎? 小王子畫了一幅圖畫, 然後給別人看,問他在那幅圖畫裡 看到了甚麼. 如果那個人看到那幅圖畫後, 說是一頂普通的帽子的話, 小王子會跟那個人談經濟,世界大事等客套話. 如果那個人看到那幅圖畫後, 說是一條蛇,吞了一隻大象, 小王子會跟那個人談心事,談天馬行空的事情. 我想,小王子也深諳"見人講人話,見鬼講鬼話"的道理吧! 這陣子,我發現, 我跟我的那個他, 也在不停地作一些"輕微的試探". 我們每天也跟對方作一些心理測驗. 女人最喜歡問的問題, "你救那一個?"也不知道轉換形式地, 彼此問了幾千幾百次了. 可喜的,我們還不曾厭倦. 我想,如果大家是愛對方的話, 才會問而不倦,並且答而不厭. 也會不期然地, 駕車的時候,吃飯的時候,或是敞在床上的時候, 也會不由自主地問彼此一些試探性格的問題. "你會怎麼做?"也是轉換形式地, 問了一次又一次. 也可喜的,當作彼此了解. 萬一事情真的發生了, 也會知道對方下一步想怎樣做呀. 但是,如果試探他的答案不符合自己所想的, 也會在心裡暗暗地減了他的分. 所以,和自己的情人玩試探, 選一些不會令自己失望的問題吧! 至少,他在你的心目中不會扣分. 不會覺得這是件恐怖的事情. 也為彼此添了一點點樂趣呀!

>>August 15, 2003 at 9:55:15 PM GMT+8

2003 年 8 月 14 日 星期四 【晴】

唔該哂呀Jackie同Brenda~!! 點解咁快搞掂o既?? 搵到我Record o拿?? Thx vy much ar~!! 本來仲想叫你幫我買的o野一齊寄過o黎tim~ 如果寄o左就算啦~ 郵費幾多??夠唔夠?? 仲有你地想要o的咩呀?? 我想送番o的o野俾你o地呀~ 但係唔知你地鍾唔鍾意... Roxy銀包?Bikini?? 嘻嘻... 想要咩牌子同我講~ 呢度興Billabong,Ripcurlgirl,Rusty,Sprots gril,Stussy,Roxy,Jayjays咁啦~ 仲有我至愛Emily,Mooks同Paul Frank~ 我諗你睇雜誌都見到或者聽過~ 順手問埋呀歡,candy,鍾貴祥佢地呀~ 仲有,Joyce係咪就o黎生日??

>>August 14, 2003 at 11:49:55 PM GMT+8

2003 年 8 月 13 日 星期三 【晴】

好開心呀~ 返左咁多日學咁多日工終於有得玩啦~ 咁我地就十點幾出發啦~ Gary又例牌訓唔醒遲到激到我死啦~ 佢車我去佢屋企食左少少野, 跟住就行出去火車站搭火車~ 因為個場係特別有個火車站係一年開一次o架~ 如果開車去一定冇位泊~! 去到差唔多十一點幾~ 又哂又熱呀~ 好彩著左背心o者~不過唔記得戴帽~!>>< 跟住就開始週圍行啦~ 好多人好熱鬧~!! 有o的似年宵攤位咁~ 的人又畫哂面~ 戴住的好誇張既帽呀~飾物咁~ 好有Feel~ 又有好多試食~ 試o左的芝士,乳酪等既農產品~ 真係好好味呀~ 但係真係駛左好多錢錢呀~ 不停咁買野食,買野飲~ 因為實在太熱啦~ 我最鍾意就係食EKKA獨有o既士多啤梨雪糕~ 面頭有士多啤梨,Cream,士多啤梨雪糕, 裡面又有的碎士多啤梨,底層有雲呢拿雪糕~ 真係好好味! 上年我自己一人食左兩個~! 今年就食左好多特色食物啦~ 肥到死o既炸尤魚圈啦~炸熱狗啦~ 印度咖哩飯啦~串燒啦~泰式炒八爪魚... 總之好似食極唔飽咁! 之後睇完仲有去買Showbags~ 即係好似福袋之類o既o野~ 多數係俾細路既~ 因為裡面全部都係o的垃圾玩具同埋勁多糖~ 好多唔同卡通人物既Showbags~ 如果我仲係細路仔就發達囉~ 不過都有的係for大人o既~ 好似雜誌個o的~好多試用裝同Coupon~ 我買左個袋袋好靚既Showbags~ 因為個布袋好靚囉~ 仲有買左Winnie The Pooh o既驢仔公仔o既Showbags~ 因為個公仔質地好靚好得意~!! 裡面仲有的Character o既磁石,信紙~ 好靚o架~(低B妹-_-!) 仲有玩o的攤位遊戲贏(買?!)左隻青蛙公仔~ 玩到四點幾就走lu~ 因為好熱好赲呀~ 出左China Town同Gary篤左兩場波~ 梗係輸死啦~佢打左咁多年! 上次佢大佬整斷o左佢支Cue, 而家日日都諗住要買Cue,煩死啦~! 一支Cue成四百蚊~真係要好慳先得啦~ 本來諗住出City食飯, 但係好赲好赲啦~ 所以返左Gary屋企~ Gary煮飯俾我食! 佢好鍾意煮飯o架~ 同埋都幾好食~ 因為佢老豆係做廚師o架~ 佢整左白汁西芹炒蝦仁,紅酒醃豬扒, 我都有整個滷水豆付乾~ 食完坐一陣都十點幾lu~ 咁就返屋企訓覺~ 今日真係好開心呀~!!

>>August 14, 2003 at 11:02:21 PM GMT+8

2003 年 8 月 12 日 星期二 【晴】

今日返學考英文呀~ 當然真係要出示請假紙啦~ 當然又預o左今次又唔合格啦~ 最少七百字先寫得o個五百字~ 不過o的同學問我考成點, 我咁樣同佢地講,佢地都話好過冇考o既~ Hehe~ 其實今日我都好有耐性等到放學~ 因為聽日就開始放兩日假啦~! 就係for一年一度既EKKA啦~ 其實就係一個超級大型o既嘉年華會啦~ 大型到有兩日公眾假期o既就真係好大型o架啦~ EKKA有好多動物睇啦~好似牛呀,馬呀,豬呀,貓呀狗呀~ 仲會有比賽~賽豬賽馬賽狗,狗展貓展~ 有好多大型機動遊戲,攤位遊戲~ 畫展,美食展,車展,Fashion Show,煙花... 總之好似工展會咁~ 所有澳洲公司出品都搞展覽或者搞比賽~ 所以真係好熱鬧好多人去o架~ 上年我都有同媽咪呀姨佢o地去~ 今年就同Gary去~ 但係我爹o地媽咪呀妹聽日都會去~ 不過唔係一齊玩囉~ 呀媽呀爸就同呀姨~ 我呀妹就同佢o的同學~ 真係真係好多o野食,好多o野睇,好多o野玩架~ 不過入場費超貴,玩o野食o野仲貴~ 不過呢度o的人會覺得一年一次o者~ 駛多o的都唔緊要~!!

>>August 14, 2003 at 10:00:12 PM GMT+8

2003 年 8 月 11 日 星期一 【晴】

今日係星期一 但係英文要考試喎~ 但係尋日又番o左工冇溫書喎~ 咁所以就死都唔返學啦~ 咁唔返學都唔代表我會溫到書喎~ 因為九點幾就俾呀媽嗌醒左啦~ 呀媽話出去楓林飲茶喎~ 又話得我地兩個去! 點知呢~臨出門口時媽咪o的師奶朋友就打電話o黎話一齊飲茶o勒~ 咁我梗係走唔甩啦~ 因為媽咪下午約o左經紀睇樓~ 但係o的師奶傾唔停口加嘛... 咁我就順便睇埋醫生拎請假紙啦~ 以防萬一聽日可以詐病補考嘛~ 好彩呢度睇醫生十幾蚊o既o者~ 不過藥要自己買~ 但係我冇病都俾個醫生打o左支針~! 當然都係要自己買藥然後拎俾佢打啦~ (我諗冇人會為o左唔想返學而俾人拮針!-_-!!) 咁飲完茶就同媽咪去睇樓啦~ 個經紀超搞笑囉~ 係上海人~但係見到我地講英文囉~ 跟住我同佢講國語,佢又同我講國語! 但係對住我呀媽佢竟然又講返英文!! 咁咪又係要我解釋返俾我呀媽聽... 至於間屋呢~就重舊過木屋區o的樓囉~ 之後都冇乜o野做~ 書都係冇乜點溫囉~

>>August 14, 2003 at 9:31:59 PM GMT+8

★ ★ ★ ★ ★ ★ ★ 廣告 讀者留言 |  路人留言   | long time no see >>March 29, 2007 at 11:18:23 PM GMT+8 點啊~~ 你bf 成績如何~ >>February 27, 2007 at 2:07:15 PM GMT+8 嘿嘿..估下我係邊個? <br> >>February 26, 2007 at 11:40:28 PM GMT+8 好sweet 啊~~ 二人世界既 >>February 16, 2007 at 1:53:59 AM GMT+8 你就好啦!! <br> <br> >>February 11, 2007 at 5:22:04 PM GMT+8 hihi~Hody <br>好耐 >>February 8, 2007 at 2:09:36 PM GMT+8 早d祝你聖誕節快樂 :) >>December 21, 2006 at 11:01:42 PM GMT+8 個件咩事來的...說出來分享一下 >>November 26, 2006 at 12:01:34 AM GMT+8 你好好休息啦咁!! <br> < >>November 24, 2006 at 12:07:02 PM GMT+8 Are you in holid >>November 15, 2006 at 12:19:26 AM GMT+8 好掛住你吖!!我有好多好多心事吖 >>November 5, 2006 at 8:25:30 PM GMT+8 have a happy bel >>October 8, 2006 at 10:04:54 AM GMT+8 eeeehummmmeeeehu >>October 3, 2006 at 9:39:49 AM GMT+8 俾妳個假髮厄左TIM~ <br> >>September 23, 2006 at 10:56:41 AM GMT+8 HEY,my lovely ho >>September 16, 2006 at 10:30:29 PM GMT+8 mu...你個髮型....有d似 >>September 8, 2006 at 7:53:12 AM GMT+8 hihi~~Hody!!一排冇來 >>September 7, 2006 at 12:23:00 PM GMT+8 <font_color=oran >>September 6, 2006 at 1:04:25 AM GMT+8 嘩 <br>你個look 好.. >>September 4, 2006 at 6:13:16 PM GMT+8 hody. 恭喜你買左咁多野啊~ >>August 23, 2006 at 10:10:07 PM GMT+8 好開心見到你的回覆呀~~~ <b >>August 22, 2006 at 10:58:06 PM GMT+8 <font color=gree >>August 22, 2006 at 8:22:48 PM GMT+8 Hello..&#26080;聊 >>August 19, 2006 at 2:23:05 AM GMT+8 hody, 最近我和fai愛上了 >>August 19, 2006 at 12:36:14 AM GMT+8 you always on my >>August 15, 2006 at 12:12:34 AM GMT+8 你有心事可以打俾我.. >>August 11, 2006 at 3:41:25 PM GMT+8 really miss you >>August 4, 2006 at 9:14:43 PM GMT+8 Because of you ^ >>August 4, 2006 at 3:11:09 PM GMT+8 hody. 我有一日發夢遇見你們 >>August 4, 2006 at 1:51:25 AM GMT+8 i miss u ~~~ my >>August 4, 2006 at 1:48:55 AM GMT+8 我的頸一天比一天長喇...... >>August 1, 2006 at 6:55:50 PM GMT+8 hody, how about >>August 1, 2006 at 12:00:27 AM GMT+8 hody hody.. <br> >>July 29, 2006 at 1:24:26 PM GMT+8 是不是忙於適應新生活呀? <br >>July 26, 2006 at 12:44:00 AM GMT+8 hey.好少見你係msn woo >>July 25, 2006 at 3:49:40 PM GMT+8 hey..終於分手了? <br> >>July 25, 2006 at 10:59:26 AM GMT+8 被廟街睇相佬講中了...... >>July 24, 2006 at 6:21:54 PM GMT+8 wahhhh.. <br>tha >>July 24, 2006 at 6:16:40 PM GMT+8 what do u mean? >>July 21, 2006 at 3:06:20 PM GMT+8 hody...miss u so >>July 17, 2006 at 10:57:50 AM GMT+8 u and me both ha >>July 8, 2006 at 1:45:39 PM GMT+8 of coz la vicky >>July 7, 2006 at 8:51:40 AM GMT+8 靘女hody... <br>叻女 >>July 7, 2006 at 12:33:04 AM GMT+8 恭喜晒呀！成績全部合格！ <br >>July 5, 2006 at 3:46:12 PM GMT+8 Good news for u! >>July 5, 2006 at 1:31:11 AM GMT+8 hody. 成日都趕唔到溫書.又 >>July 5, 2006 at 1:06:41 AM GMT+8 i'm so sorry! <b >>June 29, 2006 at 1:12:14 PM GMT+8 yeayeayea <br> < >>June 28, 2006 at 12:53:31 PM GMT+8 我又來了~如果妳唔想加入會員，可 >>June 9, 2006 at 10:16:16 AM GMT+8 hihi~hody！好耐冇來了！ >>June 8, 2006 at 4:39:16 PM GMT+8

人氣: 28279

Design & Scripting by ShowHappy.Net