2003 年 6 月 12 日 星期四 【晴】

今日索性唔返學啦~ 同Gary去左Sunnybank停車場搵個位訓覺~ 嘻嘻~我地經常都係咁訓車~ 去到邊訓到邊~! Gary成日帶定o的枕頭厚褸放o係車, 以防番學放Break放Lunch同埋走堂o既時候有得舒服o的咁訓~ 真係好變態呀~>< 但係我地通常都要玩成粒幾鍾先會訓得著囉~ Gary就提議返我屋企訓啦~ 但係我呀爸十一點先返工, 所以要等到十一點三先去~ 咁我地咪係度玩,傾偈囉~ 之後就去我屋企訓啦~ 因為我間房張床勁舒服既關係, 好快就訓著左啦... 訓到兩點幾就起身~ 然後返Gary屋企再訓~!! 總之唔知點解今日就勁赲~ 一日訓到黑啦~
☆★Hody's Tea House☆★

>>June 15, 2003 at 9:06:32 PM GMT+8

2003 年 6 月 10 日 星期二 【晴】

今日星期二,朝早連續四堂都係自修~ 所以偷懶懶~訓到九點先起身!! 自己搭巴士返學~然後再轉火車,大約十點九就返到學校啦~ 好悶悶咁等到放學,因為下個禮拜就大考, 所以只係做D預習o既o野,悶悶悶悶死人啦~! 放學之後就去City搵Gary,佢今日要返學返到五點, 所以佢放Break同佢行左一陣, 我就去Coffee Shop食Tea等佢放學~ 叫o左Ice-coffee同一件甜到痴哂線o既Cake, 寫o下o野睇o下書就坐o左個幾鍾啦~ Gary放學落o黎, 梗係叫佢埋單啦~(嘻嘻~好衰!) 跟住又"lui"佢叫o左wedges炸薯仔食喎~ 埋單十八大元~ 唉...真係大駛~ 之後就陪佢搭巴士去Sunnybank拎車, 佢今朝番學泊左架車o係o個度, 放學又要去拎返,真係煩~ 跟住車我返屋企先, 因為佢一陣要去搵小明做功課, 黎左我屋企佢就停車入o黎休息一陣啦~ 發生o左件超搞笑o既事囉~ 咁佢休息完之後諗住開車走啦~ 點知o架車撻極都撻唔著喎~ 咁就Call RACQ啦~(RACQ係汽車維修公司之類既野啦) 咁等o左成大半粒鍾,個修理員先o黎喎~ o個個人開o左車頭蓋睇啦~ 又一切正常喎~ 點知o個個人一撻架車就撻著o左~ 原來Gary唔小心將個波棍拉o左落D波, 但係佢又唔知咁樣係撻唔到架喎~ Gary超瘀皮囉~跟住我地又係度勁笑~ 個修理員話唔會將呢件事講出去喎~ 咁我媽咪同呀妹又係度喎~ 瘀爆呀~!! 咁又搞o左成粒鍾啦~

☆★Hody's Tea House☆★

>>June 11, 2003 at 8:38:14 PM GMT+8

2003 年 6 月 9 日 星期一 【晴】

今日簡直係Family Day呀~ 點幾鍾起o左身啦~Gary過o黎接我o架嘛~ 咁佢又叫我煮Lunch俾佢食喎, 咁我咪煮意粉囉~ 點知整整o下o野Gary話佢呀媽又o黎喎~ 咁咁o岩我呀媽又返o左黎喎~ 佢地黎到咁我呀媽同佢呀媽傾左陣囉~ 咁傾傾下又話一陣一齊出去買野喎, 食完野咪Gary開車出左去Sunnybank Hills Shopping Centre行街街Shopping囉~ Auntie簡直係上倉呀~幾箱紙巾咁買番屋企, 我呀媽都買o左好多o野~ 感覺好似我細細個o個陣媽咪同班師奶行超市, o的細路就週圍走~ 我同Gary就係細路啦~ 買完o野都天黑啦~ 咁就帶媽咪番Gary屋企參觀o下~ 之後就出o左去Sunnybank台灣小調食飯, 叫o左o的小菜食飯,感覺又好似係露天大排檔食飯咁, 好好食~^^ 今日係公眾假期,好似係英女皇壽辰, 香港好似都冇左呢日假期o架啦~ 不過澳洲仲有~ hehe~

☆★Hody's Tea House☆★

>>June 9, 2003 at 7:44:24 PM GMT+8

2003 年 6 月 7 日 星期六 【晴】

今日同呀歡ICQ,覺得佢好唔開心呀~ 知道有o的事發生o左,希望你地可以和好如初啦~ 每個人既性格都唔同,一定會有爭執誤會架啦~ 不過難得有緣做到朋友,一定要珍惜同諒解囉~! 事出必有因,可能有一方誤會,有一方係冇心既呢.. Sorry呀Candy同呀歡,本來想今晚打電話俾你地o架, 不過我媽咪尋晚係咁打電話,傾到成兩點, 問我媽咪要電話咭個陣已經用哂的Credit啦, 激死我啦~!! 應承你地今個星期一定打~ok? 好掛住你地呀... 同呀歡傾完都唔早啦~ 因為Gary媽咪用車出左街,所以Gary冇車, 咁就唯有自己開車去Gary屋企(媽咪唔放心又跟車開番屋企), 去到就包雲吞食,GAry話切豬肉碎切左成粒鍾喎~ 真係辛苦哂~咁我就淨係有份包啦~ 好玩~^^ 又有凍蟹食~我同Gary兩個人食左一隻~ 勁多蟹羔~成隻蟹都係羔~超正~!! 總之食到好飽,又肥死啦~!>< 食完飯之後就出左去山頂行o下~ 傾左陣偈,心情勁正~! 跟住就去左小明屋企整電腦, 整我屋企部電腦,Format左之後裝Windows XP, 好靚靚呀~ 不過部電腦係我老豆,我好少用~ 好多謝小明同GAry呀~ 好偉大~成日哂時間幫我整電腦~!! ********************************************************** 呀歡: 多謝哂呀~ 我唔係VIP,你都可以整到o架~ 你可以多o的去討論區睇o下, 好多高手教你整靚靚個Diary o架~ 我都成日o係o個度問人~ Jackie: 多謝你呀~你一直都有睇我Diary~ 我今個禮拜打俾你啦~ok?

☆★Hody's Tea House☆★

>>June 9, 2003 at 7:18:05 PM GMT+8

2003 年 6 月 7 日 星期六 【晴】

好慘呀~ 以前個版面唔小心一Click就所有野Delete哂... 又要重新再整過...>< 睇落都係覺得以前個個靚D~唉... 尋晚兩點幾又同Gary出左去麥記食消夜~ 飽飽呀~^^ 之後又訓訓訓...訓到十二點先起身~ 再出去台灣小調食Lunch~ 食左個台式炒麵同炸豆腐,好正~ 跟住又再返屋企訓訓訓,又訓到八點幾.. 跟住起身整番好個Diary~ 總之今日同隻豬豬冇乜分別~ 今晚電視台播"決戰紫禁之巔", 好奇怪無端端會播套港產片~ 配哂英文字幕咁, 好彩冇連音都配埋o者~呵呵~
☆★Hody's Tea House☆★

>>June 7, 2003 at 11:57:45 PM GMT+8

2003 年 6 月 6 日 星期五 【晴】

今日早放,Gary黎接我放學, 點知又遲左成粒鍾,咁唯有係圖書館睇住書等佢啦~ 黎到個陣佢話佢又撞車喎~ 見到架車左邊車頭燈歪左少少, 不過好輕微~ 本來今日Gary應承左我出City買戒指架嘛~ 唉~算啦~!! 整車緊要D...>< Gary同我出Westend食Lunch先, 我地去食越南粉,聽Gary話呢間D越南粉最好食喎~ 我覺得都唔錯~ 之後行左陣~Westend係o係City附近既舊區~ o的店鋪好有懷舊feel,賣o的野都係好舊咁, 好多Second-hand野賣,都幾正架~ 不過呢邊o的屋雖然舊,但係都幾貴o下~ 聽好多同學以前都住係呢度附近, 不過都搬哂過o黎我住緊o個邊~ 因為樓價貴,賣出去賺好多錢~! 行完就去左呀東屋企整車, 因為呀東仲要番工,所以整到五點幾又去左另外一個friend屋企整, 整到差唔多八點先整返好o的個樣~ 好彩都冇撞凹架車, 如果唔係去車廠整都要幾百蚊呀~

☆★Hody's Tea House☆★

>>June 7, 2003 at 1:02:36 PM GMT+8

2003 年 6 月 5 日 星期四 【晴】

Sally: 好耐冇同你ICQ啦~好掛住你呀~ 我而家仲返緊High School Yr 12,最後一年啦~ 讀完就升大學~! 你份工好好架~辭左職真係可惜,不過可以休息下去玩都好既~ 好羨慕你呀~可以同男朋友去泰國玩~祝你旅途愉快呀~!! 仲有呀~你靚女左好多呀~!! ****************************************** 今日又唔返學啦~真係好曳曳曳曳呀~>< 都唔知點解真係好唔想返學呀... 咁我咪係Gary車度睇雜誌,訓o下覺,聽o下歌,食o下o野囉~ 雖然好似好浪費時間~(由朝早十點坐到下晝五點) 但係我好鍾意乜都唔做,自己一個,全日唔駛講野,唔駛諗野~ 好Relax,感覺好正~ 唔知呢D係咪少奶奶生活呢~ ****************************************** 真係好唔鍾意o的人唔守諾言,講過o既o野唔算數呀~ 激死我啦~!!! 上兩個禮拜Gary出左去玩,玩到好夜五點幾, 唔打俾我又唔聽我電話, 真係好嬲好嬲~ 之後佢應承我話一個月唔出街賠罪, 但而家未夠兩個禮拜,佢就問我可唔可以同o的friend出去, 我真係好嬲囉~唔俾佢去又話我鎖住佢俾佢見下朋友都唔得,又話我小氣, 大佬呀~當初邊個應承過我話自己唔出o架??而家倒轉頭話返我? 又同的friend講話我監禁佢唔俾佢出街...又話我面黑, 佢叫friend返屋企玩都ok啦~但佢夠膽應承過我唔出街仲問我可唔可以出去我重唔面黑? 平時對我好有咩用呀?又唔係補償...既然冇心改好o既就補償都冇用啦~

☆★Hody's Tea House☆★

>>June 5, 2003 at 8:34:59 PM GMT+8

2003 年 6 月 4 日 星期三 【晴】

終於可以好似以前咁寫返日記啦~ 今日都係Lunch走堂,Gary本來要番學,諗住o係車度等佢放學架, 點知原來都唔駛返~ 咁就出左去某大Shopping Center行街街啦~ 都幾多野睇o既~不過都係千篇一律~ 之後再落China Town飲咖啡~睇到D衫衫好靚呀~ 我已經有半年冇買過衫啦~ 好慘~唉~算啦~!! 食得飽飽已經好幸福啦~ 前日收到Zoe寄俾我o個兩封信~ 好開心好感動呀~Zoe要小心身體呀~ 之後再去搵Gary個friend呀東,去佢屋企坐左一陣就返Gary屋企食飯, 傾開Gary個呀哥個女朋友今個月搬走,Gary開心到拍哂手掌, 因為全家都唔係好鍾意佢~Gary話佢不分尊卑,四十蚊一個星期租, 重要包食包住唔做家務仲要串,見面又唔同人打招呼, 所謂相見好同住難,都真係幾煩, 所以俾著我都唔會搬去同男朋友全家住~ 從呢件事上面都發覺Gary係一個好分尊卑,階級觀念o既人~ 同埋佢覺得做人一定要醒目,識睇人面色, (不過我偏偏唔識) 佢都可算係一個"奸"人o黎架~好精~ 唔知咁樣好唔好呢?

☆★Hody's Tea House☆★

>>June 4, 2003 at 11:15:28 PM GMT+8

2003 年 6 月 3 日 星期二 【晴】

今日冇返學~ 但係有一件勁搞笑既事發生~ 咁朝早本來同Gary諗住搭火車返學啦~ 佢又成日遲起身搞到我遲到~ School Office o的人見到我都識背我個名同知我Reason又係話"Sleep In"o架啦!! 咁咪唔返囉~!! 同Gary去o左City麥記食早餐,之後就去o左Library, Gary話想訓覺喎~咁我地咪搵o左個位, 我坐o係度睇書,Gary就打橫訓我大髀兼霸o左四張凳, 咁坐左差唔多半粒鍾啦~Gary訓得勁"淋" 的鼻鼾聲勁大喎~我心諗都覺得失禮哂呀~ 話哂公眾地方咁多人o係隔離睇書~ 咁我咪推佢起身唔俾佢訓我大髀囉~ 點知掉左位訓都係咁大聲喎~ 咁我咪將MD校大聲的當聽唔到囉~ 心諗都唔知點解其他人咁好忍耐力架,咁大聲都可以當冇野繼續睇書既.. 當我諗緊兼週圍望之際,就有個實Q走埋黎拍醒左Gary啦~ 咁個實Q就講:"Sorry mic, you allow to sleep, but not allow to snort!" Haha,我聽到個實Q咁講就即刻扮唔識佢兼同個實Q一齊勁笑呀~~ Gary瘀爆呀~仲要訓到流哂口水~失禮死人!

☆★Hody's Tea House☆★

>>June 5, 2003 at 7:04:13 PM GMT+8

2003 年 6 月 2 日 星期一 【晴】

今日好正常咁番學呀~ 無聊到抽筋~!! Kerryn(北京同學)又話返喎!點知都係冇返~!! 佢已經差唔多成個幾月冇返啦~ 因為佢媽咪前排去完北京返o黎, 咁要全家隔離兩個禮拜啦~ 點知過左兩個禮拜返醫院Check up, 又Check到佢媽咪感冒喎~ 又要隔多兩個禮拜~!! 我諗佢要重讀啦~Miss左咁多功課, 點追呀~!!好可惜... 佢唔返都冇中國女仔同我同級啦~ 好悶~
☆★Hody's Tea House☆★

>>June 4, 2003 at 11:34:04 PM GMT+8

★ ★ ★ ★ ★ ★ ★ 廣告 讀者留言 |  路人留言   | long time no see >>March 29, 2007 at 11:18:23 PM GMT+8 點啊~~ 你bf 成績如何~ >>February 27, 2007 at 2:07:15 PM GMT+8 嘿嘿..估下我係邊個? <br> >>February 26, 2007 at 11:40:28 PM GMT+8 好sweet 啊~~ 二人世界既 >>February 16, 2007 at 1:53:59 AM GMT+8 你就好啦!! <br> <br> >>February 11, 2007 at 5:22:04 PM GMT+8 hihi~Hody <br>好耐 >>February 8, 2007 at 2:09:36 PM GMT+8 早d祝你聖誕節快樂 :) >>December 21, 2006 at 11:01:42 PM GMT+8 個件咩事來的...說出來分享一下 >>November 26, 2006 at 12:01:34 AM GMT+8 你好好休息啦咁!! <br> < >>November 24, 2006 at 12:07:02 PM GMT+8 Are you in holid >>November 15, 2006 at 12:19:26 AM GMT+8 好掛住你吖!!我有好多好多心事吖 >>November 5, 2006 at 8:25:30 PM GMT+8 have a happy bel >>October 8, 2006 at 10:04:54 AM GMT+8 eeeehummmmeeeehu >>October 3, 2006 at 9:39:49 AM GMT+8 俾妳個假髮厄左TIM~ <br> >>September 23, 2006 at 10:56:41 AM GMT+8 HEY,my lovely ho >>September 16, 2006 at 10:30:29 PM GMT+8 mu...你個髮型....有d似 >>September 8, 2006 at 7:53:12 AM GMT+8 hihi~~Hody!!一排冇來 >>September 7, 2006 at 12:23:00 PM GMT+8 <font_color=oran >>September 6, 2006 at 1:04:25 AM GMT+8 嘩 <br>你個look 好.. >>September 4, 2006 at 6:13:16 PM GMT+8 hody. 恭喜你買左咁多野啊~ >>August 23, 2006 at 10:10:07 PM GMT+8 好開心見到你的回覆呀~~~ <b >>August 22, 2006 at 10:58:06 PM GMT+8 <font color=gree >>August 22, 2006 at 8:22:48 PM GMT+8 Hello..&#26080;聊 >>August 19, 2006 at 2:23:05 AM GMT+8 hody, 最近我和fai愛上了 >>August 19, 2006 at 12:36:14 AM GMT+8 you always on my >>August 15, 2006 at 12:12:34 AM GMT+8 你有心事可以打俾我.. >>August 11, 2006 at 3:41:25 PM GMT+8 really miss you >>August 4, 2006 at 9:14:43 PM GMT+8 Because of you ^ >>August 4, 2006 at 3:11:09 PM GMT+8 hody. 我有一日發夢遇見你們 >>August 4, 2006 at 1:51:25 AM GMT+8 i miss u ~~~ my >>August 4, 2006 at 1:48:55 AM GMT+8 我的頸一天比一天長喇...... >>August 1, 2006 at 6:55:50 PM GMT+8 hody, how about >>August 1, 2006 at 12:00:27 AM GMT+8 hody hody.. <br> >>July 29, 2006 at 1:24:26 PM GMT+8 是不是忙於適應新生活呀? <br >>July 26, 2006 at 12:44:00 AM GMT+8 hey.好少見你係msn woo >>July 25, 2006 at 3:49:40 PM GMT+8 hey..終於分手了? <br> >>July 25, 2006 at 10:59:26 AM GMT+8 被廟街睇相佬講中了...... >>July 24, 2006 at 6:21:54 PM GMT+8 wahhhh.. <br>tha >>July 24, 2006 at 6:16:40 PM GMT+8 what do u mean? >>July 21, 2006 at 3:06:20 PM GMT+8 hody...miss u so >>July 17, 2006 at 10:57:50 AM GMT+8 u and me both ha >>July 8, 2006 at 1:45:39 PM GMT+8 of coz la vicky >>July 7, 2006 at 8:51:40 AM GMT+8 靘女hody... <br>叻女 >>July 7, 2006 at 12:33:04 AM GMT+8 恭喜晒呀！成績全部合格！ <br >>July 5, 2006 at 3:46:12 PM GMT+8 Good news for u! >>July 5, 2006 at 1:31:11 AM GMT+8 hody. 成日都趕唔到溫書.又 >>July 5, 2006 at 1:06:41 AM GMT+8 i'm so sorry! <b >>June 29, 2006 at 1:12:14 PM GMT+8 yeayeayea <br> < >>June 28, 2006 at 12:53:31 PM GMT+8 我又來了~如果妳唔想加入會員，可 >>June 9, 2006 at 10:16:16 AM GMT+8 hihi~hody！好耐冇來了！ >>June 8, 2006 at 4:39:16 PM GMT+8

人氣: 28277

Design & Scripting by ShowHappy.Net