2003 年 6 月 1 日 星期日 【晴】

搵笨呀~ 貓貓D屎尿真係多呀~ 上兩個星期呀~去左Pet Shop度買貓沙, 見到隻貓沙係白色吸水珠珠咁既~ 仲話可以用成一個月唔駛換, 咁我就用左成十大元(好死貴~)好開心咁買左番屋企啦~ 點知買左番去~用唔夠兩日,D貓尿都浸到貓腳啦~ D貓屎又扻唔到喎~間屋頓時臭氣薰天呀~!! 激死我啦~!! 今日冇去邊度呀~留係屋企整左個Cheese Cake, 上左陣網,跟住Gary就o黎接我過去佢度~ 睇左套戲~"九個女仔一隻鬼", 睇到我訓著... 之後又俾Gary激親~! 應承左我聽日去買Video Card架嘛~又反口~!! 成日都推,又話多野做,推左成半年啦~部LCD mon 都發毛啦~! 唔發脾氣都唔肯同我買o架~過分!! 事發經過就係咁o既: me: 聽日係咪去買Video Card呀? gary: 唔得呀~聽日要去陪呀媽買野呀..又好多野做呀~ me: 你應承過我聽日買架喎?!本來話今日買你又推到聽日,成日都推咁唔駛買啦?? gary: 喂大佬呀~咁你都要體諒下我架,好多功課要做o架,尋日已經陪左你去玩架啦, 俾番D時間我做下野都得掛? me: (心諗:大大佬呀~去買張Video Card哂你幾多時間呀?最多咪半粒鍾!)咁你話今日留黎做功課架嘛? 今朝叫你起身叫極唔醒?又話做功課..D時間咪又拎黎訓覺!! gary: 咁我又要番工,又要番學,功課又多過你成倍,又冇同D friend出街,我有時間都俾哂你啦,冇時間做野呀! me: 咁你應承過我架嘛!!!成日講過野唔算數...你做唔到就唔好應承人啦~!!我唔駛搵你幫呀!!! gary: 我以後有乜野都唔會應承你呀!!!! me: (坐o係床邊,掩住塊面扮自閉) (過左大約一分鐘...) gary: 唉..聽日同你去買啦~! me: (冇理佢,繼續自閉)(心諗:好難為你咁喎~!) 繼續擾攘左兩分鐘.... me: 我走先啦~!!(拎手袋衝出門口) gary: (追到出門口)我車你番去啦~! me: (冇理佢,繼續走去巴士站) 等巴士...過左大約五分鐘... Gary: (走左出黎) me: (屈膝坐係椅度,眼濕濕..) Gary: (懶溫柔咁)對唔住呀~番入去先講啦好冇? me: (冇理佢,D眼淚湧左出黎) Gary: (幫我抹眼淚)聽日同你去買啦,好冇呀?返入去先啦,俾人見到哂啦~凍唔凍呀?(拉起我件褸條拉鏈) me: (又多幾滴眼淚啦~不過都係唔理佢)(將拉鏈拉返低) Gary: 聽日早D起身去買啦~我都唔想再拖啦,買完之後先陪呀媽去買野啦~ me: (係咁二俾少少反應) Gary: (打電話俾個friend問張Video Card價錢)聽日同你去飲茶好唔好? me: (心諗:又話冇時間?仲飲茶??不過梗係好格)(係咁二點下頭) gary: 乖啦~!返入去啦~呢度凍呀~(又再拉起我件褸條拉鏈) me: (冇理佢,扮自閉,又慢慢將拉鏈拉返低) gary: 又做精神病患者呀? me: (唔理佢,但想笑) gary: 係咪買藥呀?一陣同你去買藥好冇? me: (買藥因為我肚痛)(猶豫一陣先點左下頭) gary: 好啦~返入去先啦.(拉我起身) me: (跟佢起身返去) 嘻嘻~成個過程我係冇乜對白o既.... 佢唔同friend去街係因為做錯事~罰佢三個月唔準出街~! 因為之前同friend出左去成晚唔返屋企唔聽我電話~!! 應承過我唔算數就一日幾單架啦~ 以上對白發生左冇耐又o黎多單啦~!!不過唔講啦.. 所以心裡面決定唔會再信任佢~!! 之後佢要返工,我返左屋企, 放工之後過黎搵我,陪佢去friend度拎D野~入左 跟住去老麥食雪糕~ 一日就係咁過o架啦~

>>June 4, 2003 at 11:53:40 PM GMT+8

2003 年 6 月 1 日 星期日 【晴】

		今日朝早十一點幾起身~ 同Gary去睇Video Card, 始終都係買唔到...>< 因為要買有DVI插頭o既Video Card, 要好貴好貴既先有, 平個隻已經唔出la....>< 我想問下你地有冇人可以係香港幫我買個轉插器?? 係普通Monitor轉 LCD Monitor用o既轉插器, 叫 "VGA to DVI adaptor", 一定要VGA to DVI, 唔可以 DVI to VGA~ 因為香港買平好多好多,好似幾十蚊就有, 澳洲冇得買呀..所以要換Video Card,但係超貴~!! 唔該邊位好心幫下我啦~!!^^ 買唔到唯有走啦~! 約左媽咪同Gary個媽咪飲茶, 仲有我呀妹, 可能因為就快端午節啦~所以好多人呀~ 不過Gary媽咪識人唔駛等位~ 飲完茶之後就同Gary分頭行事~ 因為佢今晚要返工,所以佢番屋企訓覺, 我就同媽咪週圍行o下跟住坐爹o地車番屋企~ 番到屋企就勁做功課~聽日要交份二千字o既Documentary, 既係寫一份紀錄片,要寫內容,又要寫訪問,節目次序,鏡頭點拍,又要配咩聲, 煩死啦~!!!寫o左成個禮拜呀~ 不過十點幾就搞掂lu~好快~!!

>>June 4, 2003 at 11:11:29 PM GMT+8

2003 年 5 月 31 日 星期六 【雨】

今日放學之後去左SunShine Coast 呀~!!
好開心~!!!
要兩個半鍾車程呀~!不過今日心情好~所以都覺得好快~

我地走左一段路程,入左樹林區,發現有個山仔可以上去,
咁我地就停車行上去啦~
好開心呀~個山有700米,唔係好高,所以二十分鐘度就行到上山頂啦~
個山頂上面有個瞭望亭,好靚靚靚靚靚呀個景真係~!!!!
三百六十度一望無際都係樹林~
整整齊齊,D樹木又高又綠又密,一直伸延到天邊,
又覺得D雲特別接近~好似仙境一樣呀~!!
個山令我諗起以前學校後面o個座蝴蝶山,
又係差唔多高,D路又斜,記得五年學校生活,
跑山我先跑過兩次咋,都未跑完全程tim呀~嘻嘻~

咁大個女都係第一次真真正正見過好似童話故事入面既森林咋~
好興奮~!~!
個亭仲有兩個大水箱收集雨水,
哇~開左個水喉,D水簡直係冰涼呀~
上山出身汗再上到去洗個面勁正~!!

之後再出發去目的地啦~
中途都有去D food market買生果食,
去到SunShine Coast 都兩點幾lu,
我地先去附近D商店街行下~
好多好特別既野睇呀~好靚但又好貴~!!
遊客區嘛~不過冇乜中國人~!

之後我地就去行海邊既教育徑啦~
有野生樹熊呀~!!!
我睇到兩隻~佢地爬到好高好高既樹上~
好細隻都睇唔清楚,不過真係好得意呀~!!

我地又爬落山去D石灘行~
好多人係度滑浪~
又見到好多自然風化既斷層,
石頭~都好靚~!!
沿途都好感受到大自然o既氣息~
雖然落雨~不過天氣好好~
又唔凍又唔熱~行路個陣都冇落過雨~!!

今日真係好好好好開心呀~~!~~!
呢排考試壓力大~
搞到成面暗瘡...
所以好難得可以咁relax呀~~


>>June 3, 2003 at 2:32:29 PM GMT+8

2003 年 5 月 24 日 星期六 【晴】

		又成個禮拜冇寫diary啦~ 次次番到屋企都過左時間寫唔到, 我呀妹又成日霸住條線唔俾我上, 好煩呀~ 呀歡,個diary攪成咁係用html碼整o架, 我o岩o岩先學,所以整得好核突,又冇乜時間... 好呀~約定一晚我打俾你駁3 line啦~ 你問下CANDY佢O地幾時得閒? 呢幾日冇得上網, 唯有睇電視,而家追緊"帝女花", 都ok啦,不過一日睇成十幾集真係睇到唔想睇.. 同埋睇左"失憶'界'女王", 完全不知所謂,唔知佢想點.. 今個禮拜開始又勁多功課考試啦, 又冇乜心機讀喎, 今次真係死得啦~

>>May 25, 2003 at 8:03:19 AM GMT+8

2003 年 5 月 18 日 星期日 【晴】

個diary係咪靚左呢? 不過仲未完成,D圖畫仲係view唔到,好煩~ 今日係星期日,起身之後就同Gary and 佢媽咪出去Sunnybank食lunch, 之後同Gary出Southbank行o下 Flea Market, 個Flea Market真係好似旺角女人街架, 好多中國人係度擺攤位,不過賣埋哂D大陸o野, 又賣好多手工藝品,不過真係買唔落手,又貴又cheap呀Do野~ 之後陪Gary落Casino贏番D食飯錢, 贏左25蚊,仲有賺~ 我次次陪佢落Casino我都冇玩,剩係陪佢, 佢次次都贏少少... 五點幾就番屋企啦,因為佢要番工~

>>May 18, 2003 at 6:15:03 PM GMT+8

2003 年 5 月 17 日 星期六 【晴】

今日趁Gary番工既時候打電話去間日本餐廳搵工, 份工係睇報紙見到架, 點知打去既時候佢話櫃台已經請哂人啦~ 佢又話爭廚房未請人,咁我咪話都ok囉~ 因為o個間野係o係City o既Food Court, 如果做廚房應該都係包o下壽司咁, 況且City全部都係外國人客講英文, 驚應付唔到,所以廚房可能仲好~^^ 不過未知佢係咪真係請, 要等佢編班,不過人工o個D都傾好哂lu~ 不過點解我要趁Gary唔係度先搵工呢?! 因為我次次同親佢去搵工都搵唔成~ 一來佢係度攪到我冇乜意志去搵工啦, 二來其實佢唔係好想我出去做o野, 呢樣唔俾o個樣又唔好,我知佢係對我好, 不過真係想賺番D錢駛o下嘛...

>>May 18, 2003 at 6:36:56 PM GMT+8

2003 年 5 月 15 日 星期四 【晴】

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆五月十五日,是一個很普通的日子. 細雨紛紛,令我驚覺到,端午節, 快要到了. 縱使澳洲的季節跟香港剛好相反... 這邊的天氣,已開始轉涼. 忽然間,想做一些事... 一些我很想做,而又耽擱了很久的事. 一直想造一個特別的網頁, 雖然很多人也會造,而且對於別人來說, 無甚特別,而且可能容易至極. 至少,對於自己來說,是特別的. 從來都沒有認真的做過一點點事情, 是值得我引以為傲的... 或許,是天生欠缺耐性,喜歡半途而廢. 註定了,以我這種性格,一生不能做大事. 轉眼,五月到了... 一年又差不多過了一半. 月曆還停留在二月的一頁, 二月,三月,四月.逐張撕掉. 回頭想想,這半年裡,我又做過些甚麼? 的確是一事無成. 或許,我可以用"我還在讀書"來作為借口. 但談論讀書成績,我得到過甚麼? 或許,我可以用"我最近很忙"來作為借口. 但是,我實實在在地,到底忙過些甚麼? 忙於逃課,忙於躲懶,忙於睡覺,忙於跟男朋友玩樂... 很好,很是忙碌! 問自己,玩夠了沒有?頹廢夠了沒有?時間浪費夠了沒有? 這一年,過了這一年, 我便要決定自己的人生了. 到底,我想要做些甚麼? 一直沒有很明確的目標. 終歸也要看看自己的學業成績, 等著瞧吧!看看我這重要的一年頹廢的結果! ☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

>>May 17, 2003 at 6:10:33 AM GMT+8

2003 年 5 月 13 日 星期二 【晴】

I will update all my previous diary as soon as possibile ga la~
thx for yr waiting everbody~

>>May 13, 2003 at 12:09:39 PM GMT+8

2003 年 5 月 6 日 星期二 【雨】

好煩呀~
連續成個禮拜想入黎寫diary都入唔到~!!
真係唔好意思呀~
要你地等左咁耐...><

又唔可以寫定D diary先喎~
因為英文windowsD字全部亂碼.
好煩呀...

今日放學同Gary去o左South Bank(city好大o既公園)散步~
好開心呀~其實今日心情幾好..
因為個個都話我髮型好好睇~
仲俾人讚靚女tim~^^

之後番Gary屋企,
要煮飯呀~
死啦~!我完全覺得自己好似嫁o左咁呀~
除左訓覺唔o係佢屋企(實際上一個禮拜都至少兩日偷偷地出去玩,然後去佢屋企訓)
一日到黑都o係Gary屋企,
又要幫手做家務...(自己屋企都少做呀)

有時都覺得有點兒過份~
不過番屋企又冇人喎..又冇飯食
逼住餐餐都係Gary度食囉~

唉....too bad~!!





>>May 6, 2003 at 10:38:38 PM GMT+8

2003 年 4 月 29 日 星期二 【晴】

Jackie 呀~
加油呀~唔好放棄~!!
考試考唔好,考完之後唔好亂諗野呀~
過去o左就過去o左~!!
Be happy and relax yourself la~
不過我知你唔會亂諗o既~亦都唔會差得去邊~!

你太緊張個腦梗係塞啦~
考試前一晚放鬆的~唔好諗咁多關於考試o既o野~
咁考o既時侯,頭腦反而會清晰的o架~

早的訓啦~
考衰o左又唔駛死o既~!
真係唔好俾咁大壓力自己呀~
冇人逼你o架~!!
支持你~!!!



>>April 29, 2003 at 9:06:34 PM GMT+8

★ ★ ★ ★ ★ ★ ★ 廣告 讀者留言 |  路人留言   | long time no see >>March 29, 2007 at 11:18:23 PM GMT+8 點啊~~ 你bf 成績如何~ >>February 27, 2007 at 2:07:15 PM GMT+8 嘿嘿..估下我係邊個? <br> >>February 26, 2007 at 11:40:28 PM GMT+8 好sweet 啊~~ 二人世界既 >>February 16, 2007 at 1:53:59 AM GMT+8 你就好啦!! <br> <br> >>February 11, 2007 at 5:22:04 PM GMT+8 hihi~Hody <br>好耐 >>February 8, 2007 at 2:09:36 PM GMT+8 早d祝你聖誕節快樂 :) >>December 21, 2006 at 11:01:42 PM GMT+8 個件咩事來的...說出來分享一下 >>November 26, 2006 at 12:01:34 AM GMT+8 你好好休息啦咁!! <br> < >>November 24, 2006 at 12:07:02 PM GMT+8 Are you in holid >>November 15, 2006 at 12:19:26 AM GMT+8 好掛住你吖!!我有好多好多心事吖 >>November 5, 2006 at 8:25:30 PM GMT+8 have a happy bel >>October 8, 2006 at 10:04:54 AM GMT+8 eeeehummmmeeeehu >>October 3, 2006 at 9:39:49 AM GMT+8 俾妳個假髮厄左TIM~ <br> >>September 23, 2006 at 10:56:41 AM GMT+8 HEY,my lovely ho >>September 16, 2006 at 10:30:29 PM GMT+8 mu...你個髮型....有d似 >>September 8, 2006 at 7:53:12 AM GMT+8 hihi~~Hody!!一排冇來 >>September 7, 2006 at 12:23:00 PM GMT+8 <font_color=oran >>September 6, 2006 at 1:04:25 AM GMT+8 嘩 <br>你個look 好.. >>September 4, 2006 at 6:13:16 PM GMT+8 hody. 恭喜你買左咁多野啊~ >>August 23, 2006 at 10:10:07 PM GMT+8 好開心見到你的回覆呀~~~ <b >>August 22, 2006 at 10:58:06 PM GMT+8 <font color=gree >>August 22, 2006 at 8:22:48 PM GMT+8 Hello..&#26080;聊 >>August 19, 2006 at 2:23:05 AM GMT+8 hody, 最近我和fai愛上了 >>August 19, 2006 at 12:36:14 AM GMT+8 you always on my >>August 15, 2006 at 12:12:34 AM GMT+8 你有心事可以打俾我.. >>August 11, 2006 at 3:41:25 PM GMT+8 really miss you >>August 4, 2006 at 9:14:43 PM GMT+8 Because of you ^ >>August 4, 2006 at 3:11:09 PM GMT+8 hody. 我有一日發夢遇見你們 >>August 4, 2006 at 1:51:25 AM GMT+8 i miss u ~~~ my >>August 4, 2006 at 1:48:55 AM GMT+8 我的頸一天比一天長喇...... >>August 1, 2006 at 6:55:50 PM GMT+8 hody, how about >>August 1, 2006 at 12:00:27 AM GMT+8 hody hody.. <br> >>July 29, 2006 at 1:24:26 PM GMT+8 是不是忙於適應新生活呀? <br >>July 26, 2006 at 12:44:00 AM GMT+8 hey.好少見你係msn woo >>July 25, 2006 at 3:49:40 PM GMT+8 hey..終於分手了? <br> >>July 25, 2006 at 10:59:26 AM GMT+8 被廟街睇相佬講中了...... >>July 24, 2006 at 6:21:54 PM GMT+8 wahhhh.. <br>tha >>July 24, 2006 at 6:16:40 PM GMT+8 what do u mean? >>July 21, 2006 at 3:06:20 PM GMT+8 hody...miss u so >>July 17, 2006 at 10:57:50 AM GMT+8 u and me both ha >>July 8, 2006 at 1:45:39 PM GMT+8 of coz la vicky >>July 7, 2006 at 8:51:40 AM GMT+8 靘女hody... <br>叻女 >>July 7, 2006 at 12:33:04 AM GMT+8 恭喜晒呀！成績全部合格！ <br >>July 5, 2006 at 3:46:12 PM GMT+8 Good news for u! >>July 5, 2006 at 1:31:11 AM GMT+8 hody. 成日都趕唔到溫書.又 >>July 5, 2006 at 1:06:41 AM GMT+8 i'm so sorry! <b >>June 29, 2006 at 1:12:14 PM GMT+8 yeayeayea <br> < >>June 28, 2006 at 12:53:31 PM GMT+8 我又來了~如果妳唔想加入會員，可 >>June 9, 2006 at 10:16:16 AM GMT+8 hihi~hody！好耐冇來了！ >>June 8, 2006 at 4:39:16 PM GMT+8

人氣: 28275

Design & Scripting by ShowHappy.Net