2003 年 8 月 6 日 星期三 【晴】

今日真係好激氣呀~!!! 咁我尋日番工前個經理無端端叫我早o的返喎~ 咁我放o左學咪仆到去囉~ 咁佢今日又叫我去背壽司價錢喎~ 咁背完之後我就問個經理尋日做多左兩粒鍾有冇人工啦~ 點知佢話冇喎~又話係當trainning又講左一大堆o野喎~ 咁佢明明講話trainning只係一日o架嘛~ 我覺得好蝕囉~ 跟住佢又莫名其妙咁講左一大堆o野~ 咁我就勁激動咁同佢理論!! 因為我覺得佢人格好差囉~ 又話自己係經理,比員工高級, (癡線~講到好似想俾下馬威我咁呢~) 又話俾我聽之前個中國女仔而家唔想做, 跟住佢話'I dun care,佢又唔係我個friend,呢度係city,佢唔做大把人等住做' (變態~俾得個七個半一粒鍾,訓練仲要冇錢仲要同我講埋呢o的o野~) 又話有人話唔想同我一齊做喎, 因為我新o黎好多o野都唔識, 人地賺七個半我又賺七個半,人地要做多我一半o野, 又話對人地唔fair喎~ 跟住我咪問佢有乜可能一個新o黎既人可以做到同有經驗o既人一樣好呀??如果你咁講對我一樣唔公平囉! 跟住佢又話係,所以未訓練到我可以獨立做o野o既時候都唔想俾錢我囉~ (有冇搞錯??我唔係免費勞工,一樣有幫你做o野喎?!) 跟住我問佢我係咪做得唔好呀? 佢又話唔係喎,又話我做得好快學得好快喎~ 跟住我話如果你覺得我唔好我好願意唔做o架喎~ (我都唔介意,同的咁刻薄o既人做o野簡直貶低自己!) 跟住佢又話唔係喎,又話好想我留低, 最令我作嘔係佢最後一句同我講係其實好希望我留低,因為佢唔想同其他樣衰o既人一齊做o野~ (咁同我講咩意思呀??淨係請靚女呀??死人日本鹹濕仔,以貌取人!) 總之我唔知佢同我講呢堆o野咩意思啦! 好可能就係唔想出個兩粒鍾糧俾我所以咁講~ 但係我完全覺得呢個經理係講o野唔經大腦o既人囉~ 人格差之餘仲唔識體諒人~仲要冇禮貌講o野又刻薄~! 講到賺佢幾蚊一粒鍾好似佢好蝕咁,因為我仲有o野未識做~ 完全蝦我係學生囉~唔識反抗~ 以貌取人,不知所謂! 講真o係city做最少人工都九,十蚊啦~ 以後都係搵外國人工好o的~ 星期六日仲有雙倍人工, o的人又冇咁刻薄~ 又唔駛無端端受氣~!!

>>August 9, 2003 at 6:54:11 PM GMT+8

2003 年 8 月 1 日 星期五 【晴】

今朝早知唔返學呀~!! 上得個幾堂就放學...原來係運動會呀~ 咁我梗係走啦~但係其實唔俾走住,要去睇人比賽, 咁我同另外幾個同學週圍走,睇下有冇後門可以出去~ 因為有先生守住係大門唔俾人走~但係都搵唔到... 咁我呀妹又同另外幾個同學開車走左喎~ 咁以我經驗的先生放完Morning Tea就會走, 咁食o左o的o野等Morning Tea完左就同幾個同學行出火車站搭火車! 我好少搭火車返屋企o架...所以轉車都驚驚地~ 咁其實搭火車要搭成個幾鍾,慢好多,但係坐火車一路睇書都幾舒服~ 咁我到o左Fruitgrove站落車,見到Gary架車~估唔到佢o係車站等我喎~! 佢先前都冇同我講話o黎接我~ 咁去左佢屋企攤左陣,我"lur"佢整沙律俾我食~ 有生菜,洋蔥,芝士,牛油果,火腿,烤麵包粒~好好味哦~ 之後陪佢出去交功課,跟住接我媽咪放工, 因為爸爸今日唔得閒接,叫Gary接~ 但係Highway勁塞車,遲到半粒鍾呀~ 等死媽咪啦~!! 跟住返o左我屋企,整左陣電腦, 屋企兩部電腦都壞壞地架~!! 跟住Gary就去左返工~ 放左工十點幾Gary又接我出街玩過~ 出左去China Town金壘篤左幾場波, 勁赲勁眼訓呀... 三點幾先返到屋企囉...

>>August 2, 2003 at 8:20:43 PM GMT+8

2003 年 7 月 31 日 星期四 【晴】

今日放左學去Southbank等Gary放學~ 之後陪佢坐巴士返屋企~ 返到Gary屋企就開車出去City拎ADSL Modam, 佢屋企裝ADSL呀~第日上網就會好快好快架啦~ Gary係上網訂貨o架,有貨就去o個間鋪頭取貨~ 之後同佢去o左Muilton鐵塔飲咖啡~ 個度成條街都係Cafe~好有氣氛~ 今日又好凍喎~飲杯熱咖啡真係好正~! 我地之後冒住凍死o既危險上o左Mt. coo-tha山頂度影相~ Gary想用數碼相機影三百六十度夜景整Website~ 但係都唔係好成功~因為景太遠啦~ 之後又逗留左陣訓係度傾左陣偈睇星星~ 當然係凍到癡o左線~

>>August 2, 2003 at 8:39:15 PM GMT+8

2003 年 7 月 30 日 星期三 【晴】

呀歡~ 你成績點呀?? 又放假啦?? 你都考完試啦~咪可以早o的訓囉~咁皮膚又會靚靚啦~ 我人工得$7.5一個鍾咋~仲要報裞呀~ 好刻薄... *************************************************** Zoe 我返工好慘呀~ 下個禮拜開始要做三日, 星期二,五同星期日... 我會努力賺錢o架啦~ 等你過o黎呀~! Gary唔會唔俾我做o既~ 佢地識人冇人會搞我o既~ *************************************************** KK~ 我都唔係VIP呀~ 你只要去選項-->個人設定度改就得~ 用html個o的...其實我都唔係好識~ 你多o的去討論區睇~ 好多人會教你架~^^ 我都係係o個度學返o黎既~ *************************************************** 麥尚仁~好掛住你呀~!! 你終於上返網啦~ 仲以為你失左蹤tim~ 點解可以咁耐都唔上網架?? 我近況點?? 睇我diary咪知囉~!! (雖然有時成個禮拜先update一次^^) 你又識去我diary留言o既?? *************************************************** Jackie我唔記得左上次你話仲爭o的咩呀~訓到傻左... 你話要狐度,隱形眼鏡度數唔同普通眼鏡度數架咩?? 好似寫低左係張紙度架~ 仲爭一樣係咩??

>>July 31, 2003 at 8:33:56 PM GMT+8

2003 年 7 月 29 日 星期二 【晴】

今日要返工呀~ 估唔到Weekday仲多o野做過Weekend~ 今日放Morning Teao個陣時,個經理打o黎叫我早o的返喎, 本來返五點o架嘛~真係煩,一放學咪仆到去囉~ 咁去到又冇人理喎~本來話同我背Menu架嘛~ 個經理又同人做緊Interview喎~ 咁我咪做o下o野先囉~(我當然知道係冇錢收架啦) 跟住我見到個中國女仔係返早班o既, 佢臨收工時走o黎同我講話呢間野唔好做, 話佢俾人鬧喊左三次,見到佢又真係眼紅紅咁喎, 咁我咪問佢邊個鬧佢囉~原來係呀東個老婆Yoko喎~ 估唔到佢咁惡喎~不過好彩我識佢o者~ 又唔係同佢一齊返早班,不過就算係都會俾面我唔會鬧我o既~ 咁其實o的Waiter都好Nice, 不過佢地真係好講禮貌,要學講o的日文囉~ 勁多Clean up o野要做呀~ Weekday又冇請Kitchen hand,洗碟洗杯全部都要做, 又要掃地倒垃圾抹臺,做到我趴o係度~ 仲辛苦過酒樓工呀~ 三點半做到差唔多九點半, 跟住Gary開車o黎接我, 出左China Town金壘, Gary同呀東篤o左場波, 又講返起Yoko鬧喊人件事, 呀東話Yoko話個女仔唔識做o野~ 篤完波就返Gary屋企食飯, Gary媽咪留o左飯俾我食~ (大家都知道我返屋企係冇飯食o既~><) 咁其實我都拎o左o的壽司走~ (但係第二朝媽咪帶左返工食) 食完飯之後都差唔多十一點, 返到屋企撻左落床就訓啦~ 勁赲~!!

>>July 31, 2003 at 7:51:30 PM GMT+8

2003 年 7 月 25 日 星期五 【晴】

今日冇返學,因為要返工嘛~朝早十點鍾要去到! 咁就八點幾起身,之後搭巴士去Gary屋企, 佢今日唔駛返學,陪我搭車返工~九點倒同Gary一齊出門口, 半個鍾就出到City,去麥記食左少少o野就過隔離間迴轉壽司店返工啦~ 間店叫Sushi Train,因為差唔多全部都係日本人, 所以特別緊張...始終唔係自己語言, 咁Gary都教左我好多o野,見到人一定要打招呼,自我介紹咁啦~ 咁我就膽粗粗咁就走入去,一入到去就大聲叫早晨,今日係我第一日返工咁啦~ 跟住經理就叫左個日本男仔教我做野囉~ 真係感受到同日本人做o野o個種氣氛~ 咁一開始個男仔叫Woo-young既就教我同人客打招呼啦~ 同人客打招呼係日本料理店最重要既,人客一入到o黎就要大叫"伊啦絲呀媽些", o益到成間店的人都要聽到,然後所有員工都會跟住o益"伊啦絲呀媽些"~ 總之好搞笑啦~ 跟住就要預備沖綠茶,整麵豉湯,Set檯,放豉油,Wasibi,酸薑, 仲要拖地,洗毛巾,洗杯,點收銀機數,TakeAway... 幾百樣o野~先賺得佢$7.5一粒鍾(About HKD$45), 真係好蝕底呀~不過我志在賺經驗o者... 我做熟左去第二間做就會高人工,因為有經驗~! 大約做左個半鍾,十一點幾, 一切預備好哂就所有人齊集, 之後經理講左幾句o野,大家就好有士氣咁應一句, 勁有氣氛~日本人做o野多數都好講士氣o架嘛~ 咁就叫o的新人自我介紹啦,咁我咪大大聲咁介紹自己囉~ 原來咁o岩又請左一個香港人喎,咁即係有兩個人識講中文啦~ 但係好不幸地佢地都係整壽司o既~所以都好少講到o野~ 咁大約十一點半o的人就開始o黎囉, 咁就教我點數咁啦~好似元綠o個o的咁, 唔同顏色碟就唔同價錢,呢個都唔係太難, 難就難在TakeAway的人就咁夾係個盒度, 唔知邊碟顏色,咁就要記住D壽司個樣計價錢啦~ 本來個經理淨係叫我收o下碟計o下碟數o架咋, 點知又話我做得好,要我學埋收銀,TakeAway... 哼~個經理扼我!! 臨走仲俾張Menu我要我背哂的壽司名,樣同埋顏色價錢, 日本人食慣就話易背o者, 睇住幅圖一舊二舊壽司唔知乜個名又怪真係抓哂頭... 哈哈~不過學o左都好o既... 咁就一路由十點做到三點未停過手, 因為係係City巴士總站入面,人流極多,所以勁多人囉~ 不過的食客都幾恐怖,大多數係台灣人同鬼佬, 有好多Office個的人放Luncho黎食, 有個鬼佬同班人做Office咁o既樣, 一入o黎食o野就勁問我要唔要買佢部電話, 拉住我勁講喎~ 另外一個鬼佬仲變態,一路食一路望住我笑, 頭幾次以為冇乜o野對佢笑返啦, 之後再望佢佢仲望住我係度笑, 我去邊佢望邊,勁驚呀~ 哇~第一日返工就咁恐怖... 不過我覺得間鋪o的員工幾Nice啦~ 幾好玩咁...佢地仲話我"卡哇伊"啦~又好高咁囉~ 套制服其實都幾好睇~ 一件全黑色既窄身Tee,有的英文字咁, 之後下身牛仔褲,一條黑色縛帶半截圍裙, 都幾型o架,不過件衫幾窄有少少露腰賺好露身材, 因為唔係我個Size,希望下次返工件衫會大o的啦~! 件Tee要俾錢買呀... 刻薄~!!

>>July 27, 2003 at 9:57:51 PM GMT+8

2003 年 7 月 24 日 星期四 【晴】

真的不知道為甚麼, 每一次當我感到無比幸福的時候, 便會有一種不祥的預兆在腦海飛過, 然後每一次,不出兩天,便會和我的"他"吵架或發生不愉快的事情... 是每一次! 的確,有很多時候,我是感到幸福的. 但我害怕幸福! 因為,我也害怕失去... 我真的會有害怕的感覺... 本應,感到幸福是應該快樂的. 但快樂的背後,還是會有失落的感覺. 很想告訴他我有這種預感, 但是,如果讓他知道,會否為了少吵架一點便會少給我一點幸福? 因為如果他不讓我有幸福感覺,便不會發生不愉快的事情了... 哈...真傻~ 那不是更加令我不愉快嗎?? 唯一令我愉快的東西卻只有幸福啊! 幸福的感覺是很好, 但以後的不祥事情卻令我更害怕啊... 但我還是選擇---繼續享受幸福感覺!! 始終,又是經典的一句-- "不在乎天長地久,只在乎曾經擁有"~! 幸福...擁有過便已經很好了...

>>July 27, 2003 at 8:23:40 PM GMT+8

2003 年 7 月 23 日 星期三 【晴】

尋晚同Gary出去睇"未來戰士第三集", 套戲都幾好睇,大致上都明套戲講乜, 但係我第一二集都唔記得有冇睇過, 有都係十年前仲點會記得喎~ Gary話第二集最好睇喎~搵日都真係要睇返~! 可能屋企有呵~屋企勁多西片DVD但係都冇睇過~ 但係我同Gary有D不愉快事情發生呀~ 係關於玩ICQo架... Gary仲嬲得好緊要tim~ 但係第二日就冇乜事啦~ 不過講到尾係我唔o岩o既...

>>July 27, 2003 at 8:22:27 PM GMT+8

2003 年 7 月 22 日 星期二 【晴】

今日放學之後出去City轉巴士返屋企, 見到有間迴轉壽司店請Waitress, 咁我就入去問下請唔請啦~ 點知同個經理傾左半粒鍾到, 就叫我星期五o黎Trainning喎~ 其實呢間壽司店係呀東個老婆做緊o架, 佢係日本人,不過前幾日佢話俾我聽佢唔做, 又話有好多人一齊辭職所以唔做喎, 所以我咪留意下間o野係咪請人囉~ 點知真係貼o左紙出o黎話請喎~ 間壽司店差唔多全部係日本人做o架, 只有兩個中國人識講中文(不過係做壽司o既),經理都係日本人, 所以就要講英文囉>< 好緊張o架...自己英文又唔係好~ 咁佢地一路問我o野問o左成半粒鍾, 又問我讀緊邊,畢業之後會去邊度讀, 又問我會做幾耐...我就明o的唔明o的咁答囉~ 不過呢個都算係踏出我打鬼佬工o既第一步o既~ (人工高好多嘛~)

>>July 27, 2003 at 9:47:36 AM GMT+8

2003 年 7 月 20 日 星期日 【晴】

今日終於去到Movie World(華納電影世界)啦~ 好開心~!~! 經過六年前去過一次之後,就覺得好正,好想再去多次!!又因為入場費終極地貴o既關係(港幣幾舊水), Gary將信用咭積分換左兩張入場卷先去到咋~!! 咁當然就唔會得我地兩個人去啦~ 咁咪叫埋呀東,佢呀媽,佢細妹,細妹男朋友一齊去囉~ 人多好玩o的嘛~ 去華納影城主要係睇Showo架~ 主題梗係佢o地出品o既何李活電影啦~ 有Austin Powers啦,Scooby-Doo啦,蝙蝠俠啦~ o的人o係街度表演~好似身處電影入面~ o的人又扮得勁似囉~!! 尤其是Austin Powers呀~!! 個男主角勁似樣~!! 之後仲有好多機動遊戲啦~ 都係配合返電影主題~ 最正係Scooby-Doo個室內過山車~! o的效果好正~ 仲有玩o左Lethal Weapon,即係坐o係度o個隻過山車呢~ 想玩左好耐o架啦~!! 初初排隊o個時勁驚,見到玩緊o的人係咁o益~ 但係玩個陣又冇想像中咁刺激喎~ 可能我已經對機動遊戲冇乜感覺啦..>< 不過一定正過Ocean Parko個個囉~! 仲有玩左好多o野~都幾好玩... 有興趣去呢個Website睇o下~中文o架~! http://www.movieworld.com.au/chinese/default.cfm 仲買o左好多o野呀~Gary買o左件貓貓Tee俾我, 仲有買左兩個水晶球,賓尼兔同Marvin,我同Gary一人一個~ 仲有買左幾個靚靚o既掛門牌, 又夾o左兩隻好Cute既Scooby-Doo公仔~ 當然全部都係我o架啦~呵呵...^^ 咁Gary都有買o左隻Marvin膠公仔o既~ ******************************************************* Candy唔好嬲啦~應承你今個星期一定一定打俾你好冇? 上次因為傾哂張電話咭嘛~想打都冇得打ya...

>>July 21, 2003 at 10:12:03 PM GMT+8

★ ★ ★ ★ ★ ★ ★ 廣告 讀者留言 |  路人留言   | long time no see >>March 29, 2007 at 11:18:23 PM GMT+8 點啊~~ 你bf 成績如何~ >>February 27, 2007 at 2:07:15 PM GMT+8 嘿嘿..估下我係邊個? <br> >>February 26, 2007 at 11:40:28 PM GMT+8 好sweet 啊~~ 二人世界既 >>February 16, 2007 at 1:53:59 AM GMT+8 你就好啦!! <br> <br> >>February 11, 2007 at 5:22:04 PM GMT+8 hihi~Hody <br>好耐 >>February 8, 2007 at 2:09:36 PM GMT+8 早d祝你聖誕節快樂 :) >>December 21, 2006 at 11:01:42 PM GMT+8 個件咩事來的...說出來分享一下 >>November 26, 2006 at 12:01:34 AM GMT+8 你好好休息啦咁!! <br> < >>November 24, 2006 at 12:07:02 PM GMT+8 Are you in holid >>November 15, 2006 at 12:19:26 AM GMT+8 好掛住你吖!!我有好多好多心事吖 >>November 5, 2006 at 8:25:30 PM GMT+8 have a happy bel >>October 8, 2006 at 10:04:54 AM GMT+8 eeeehummmmeeeehu >>October 3, 2006 at 9:39:49 AM GMT+8 俾妳個假髮厄左TIM~ <br> >>September 23, 2006 at 10:56:41 AM GMT+8 HEY,my lovely ho >>September 16, 2006 at 10:30:29 PM GMT+8 mu...你個髮型....有d似 >>September 8, 2006 at 7:53:12 AM GMT+8 hihi~~Hody!!一排冇來 >>September 7, 2006 at 12:23:00 PM GMT+8 <font_color=oran >>September 6, 2006 at 1:04:25 AM GMT+8 嘩 <br>你個look 好.. >>September 4, 2006 at 6:13:16 PM GMT+8 hody. 恭喜你買左咁多野啊~ >>August 23, 2006 at 10:10:07 PM GMT+8 好開心見到你的回覆呀~~~ <b >>August 22, 2006 at 10:58:06 PM GMT+8 <font color=gree >>August 22, 2006 at 8:22:48 PM GMT+8 Hello..&#26080;聊 >>August 19, 2006 at 2:23:05 AM GMT+8 hody, 最近我和fai愛上了 >>August 19, 2006 at 12:36:14 AM GMT+8 you always on my >>August 15, 2006 at 12:12:34 AM GMT+8 你有心事可以打俾我.. >>August 11, 2006 at 3:41:25 PM GMT+8 really miss you >>August 4, 2006 at 9:14:43 PM GMT+8 Because of you ^ >>August 4, 2006 at 3:11:09 PM GMT+8 hody. 我有一日發夢遇見你們 >>August 4, 2006 at 1:51:25 AM GMT+8 i miss u ~~~ my >>August 4, 2006 at 1:48:55 AM GMT+8 我的頸一天比一天長喇...... >>August 1, 2006 at 6:55:50 PM GMT+8 hody, how about >>August 1, 2006 at 12:00:27 AM GMT+8 hody hody.. <br> >>July 29, 2006 at 1:24:26 PM GMT+8 是不是忙於適應新生活呀? <br >>July 26, 2006 at 12:44:00 AM GMT+8 hey.好少見你係msn woo >>July 25, 2006 at 3:49:40 PM GMT+8 hey..終於分手了? <br> >>July 25, 2006 at 10:59:26 AM GMT+8 被廟街睇相佬講中了...... >>July 24, 2006 at 6:21:54 PM GMT+8 wahhhh.. <br>tha >>July 24, 2006 at 6:16:40 PM GMT+8 what do u mean? >>July 21, 2006 at 3:06:20 PM GMT+8 hody...miss u so >>July 17, 2006 at 10:57:50 AM GMT+8 u and me both ha >>July 8, 2006 at 1:45:39 PM GMT+8 of coz la vicky >>July 7, 2006 at 8:51:40 AM GMT+8 靘女hody... <br>叻女 >>July 7, 2006 at 12:33:04 AM GMT+8 恭喜晒呀！成績全部合格！ <br >>July 5, 2006 at 3:46:12 PM GMT+8 Good news for u! >>July 5, 2006 at 1:31:11 AM GMT+8 hody. 成日都趕唔到溫書.又 >>July 5, 2006 at 1:06:41 AM GMT+8 i'm so sorry! <b >>June 29, 2006 at 1:12:14 PM GMT+8 yeayeayea <br> < >>June 28, 2006 at 12:53:31 PM GMT+8 我又來了~如果妳唔想加入會員，可 >>June 9, 2006 at 10:16:16 AM GMT+8 hihi~hody！好耐冇來了！ >>June 8, 2006 at 4:39:16 PM GMT+8

人氣: 28275

Design & Scripting by ShowHappy.Net