2002 年 9 月 17 日 星期二 【雨】

17/9(補)呢度都down左好多日, 又要我打番咁多日!!!><"
今朝明明約左alan 8:30等, 住一齊返學, 點知一向好少遲到ge佢竟然未起身, 咁o岩又撞到大舊, 跟住我就同佢兩丁友返ive 喇.
去到canteen, 我地join 埋大舊d fds就一齊上課室, 做做下問卷, 大舊佢地就行先, alan打黎話佢返到, 咁我就梗係同佢一齊行啦.
去到間房, 已經有好多人…跟住我地一路係咁聽d人發嗡風, 係咁聽, 係咁聽, 大舊佢地四條友仔終於都頂唔順, 走左去唱k, "懶"抵我同alan><"
之後我同alan都頂d teachers唔蒲, 趁lunch time join埋大舊走埋!
我地三個志同道合ge人臨走仲走左去蒲機舖. 呢三個人ge新組合真係經唔起風浪, 玩photo hunt居然玩得出奇地差!!!真係好唔及"關, 俊, 峰, 豪"ge 四仔聯盟~!
臨走, 個妹carrie打黎叫我返粉嶺一齊去接豪放學. 去到學校, 已經見到豪仔行緊出黎, 跟住ge仲有carrie, 俊(chris), 關(kwan).
我地幾個人係咁就一齊走, 行o個陣諗起好耐都未試過淨係四仔一齊出現, 今日真係難得, 行o個陣仲比人撓住黎行, 真係好耐都未試過喇! 又幾過癮喎~^^
later, 我地五個人就行左去老地方m記度吹水. 我地吹到咁上下樣, 阿sir(fd黎架!)同埋momo又出現, 今日咩日子呀!好多人~
之後仲見到momo ge阿嫂真人tim~
最後, chris 去左豪仔屋企, kwan 同carrie 一齊返上水, 我又一齊走埋, 今日ge活動終於都完左!


>>September 22, 2002 at 2:47:44 AM GMT+8

2002 年 9 月 16 日 星期一 【雨】

reply:
carrie:呢個世界無乜值得我心酸架喎...自己諗下啦!
low b chris:其實都無乜剪到架...你睇下咪知囉~
包包:你黎左就得啦~我夠開心架喇~

今日就好呆滯咁過左, 成日都o係屋企打機...
唯一特別ge係我部手提無響過,
都唔知幾耐都未試過...其實我都想佢間唔中響下...

>>September 16, 2002 at 11:58:38 PM GMT+8

2002 年 9 月 15 日 星期日 【雨】

15/9今朝唔夠八點就比人嘈醒左...要返大陸拜山and送月餅!!
好難頂, 好耐都未試過要咁早起身喇, 我諗都係時候要開始適應下第時返學先得喇!
今日成日都"落雨c濕", 都唔明點解一定要返去ge...!
好在到左拜山ge時候又咁arm無落雨喎! 祖先庇佑??
但係我個串精細佬就彈一句出黎:"梗係啦, 見呢個反骨仔返黎, 天都變呀~!"我都唔知幾時得罪左佢, 佢梗係搏打喇, 咁我就成全左佢~~~
跟住剪左個hair就返左黎喇(剪左等於無剪~)
返到黎粉嶺, 去左名都影左四張證件相就行去中心, 點知咁都比我撞到四仔入面其中兩仔!!呢個世界可以有咁巧合~
過左無幾耐, me, mum and 崑就食完dinner返屋企喇!
到左玩icq, 知道一d我好唔想知道ge野, 個心好酸呀!!!

>>September 16, 2002 at 12:25:25 AM GMT+8

2002 年 9 月 15 日 星期日 【雨】

14/9今日終於都拎番張回鄉咭喇, 等左成個月...聽日一早又要返大陸tim!!!
本來今日夜晚係約左班fds去教會度食飯ge, 但係我阿媽居然話我無同佢講過, 唔比我出!!><"好無奈呀!仲放左人地一次飛機tim! 唔知佢地好唔好玩呢??
跟住就要去我阿婆度食飯兼拎月餅!今日都唔算人齊, 但係餐飯都幾好味, 梗係啦, 係我同我阿媽夾手夾腳整架嘛~
食完飯又見落晒雨咁, 就惟有坐o係度同阿姨同佢honey吹下水啦~
吹吹下有人打黎喎...原來係一個比我o係幾日前"嘈"過ge人, 佢終於都肯用有no. ge電話打黎...但係呢個唔係佢屋企或者手提電話, 係落左街先打黎(我話過無來電顯示ge電話係唔會聽!), 哦~原來係咁, 佢係有苦衷ge~
最後, 我地成家人坐到成九點幾十點先走, 我阿婆見到咁多人都幾開心咁喎~~
唔知聽日返大陸拜山會唔會好天呢?

>>September 15, 2002 at 12:23:59 AM GMT+8

2002 年 9 月 13 日 星期五 【晴】

今朝一早就同kwan去左李惠利搞註冊, 又咁o岩咁撞到阿man~
成朝d死人雨成日又落下停下咁, 出住太陽都仲要落, 真係頂唔順呀!
一路行去浸大, 佢兩條友一人一句咁串住晒, kwan 同man咁快就變左自己友!臨走時佢地仲互相拎電話tim~年輕人ma~
跟住12:00返到粉嶺join埋ho, ka, and ice 食lunch~
我同kwan都仲未食完, 佢地三個中學生就"dum"低左我地兩個大專生返左學! 吹漲~!
(期間, 我同kwan得知ho係好受form1仔歡迎架, 細路仔咁~~)
食到咁上下, 我個妹carrie用yan打提打黎, 又叫我地去lunch! 要去搵埋佢地先~
去到, 我同kwan都無食到, 淨係坐左o係carrie and yan 佢地四個之中吹水~~
到左佢地夠鐘要走, 我同kwan叫左小白and chris落黎睇相, 原來佢比人呃錢,
咁我地三條仔就同佢一講番去間黑店度"講數"!
條數o係個老板度, 佢點講都o岩, 又吹漲~!
之後就去左就近ge M記度吹水兼睇相, 到左咁上下時間yan 佢地放學喇, 小白一條友就撇左先, yan佢地一行三人黎埋m記join我地, 又吹水!(都叫左你地唔好亂睇人野啦!好好玩咩!)
坐大無幾耐就各自回家喇~今日真係繁忙~!

>>September 13, 2002 at 6:10:48 PM GMT+8

2002 年 9 月 13 日 星期五 【陰】

12/9朝早比個電話嚇死, 十點幾話我細佬仲未返到學校!整到我同我阿媽幾擔心, 成間屋都瀰漫住緊張ge氣氛!之後mum去左間死人學校度問清楚先知係點錯名!我頂, 玩死人咩!
到左11:45沙田ive打黎, 係好消息一個--沙田ive居然會收番我!
仲要係本身第一round已經入選左ge科目!
真係搞黎搞去都無乜分別, 但係多左只係吸取左爭取目標ge過程同埋經驗, 係一次好好ge經驗~!
晏晝2:00我就拉埋kwan 坐我老豆車出去沙田ive, 我就係去註冊, 佢就係去搏一舖睇下仲有冇位剩!因為我唔想賴低kwan o係李惠利!
佢就好似對沙田無乜祈望, 但係我阿媽話佢有預感會收埋kwan喎!
(我阿媽d預感好準架!有成六七成,睇下佢今次又係咪咁準!上次佢都批死我第二round ive唔收!)
搞左一輪, 我就搞掂晒d野, 可憐ge kwan就要等沙田ge通知, otherwise就要一條友入李惠利!
祝你好運啦kwan!!

>>September 13, 2002 at 1:21:40 AM GMT+8

2002 年 9 月 12 日 星期四 【雨】

第一次有日記出現o係我身上!!
11/9今日都算幾"頻撲"囉, 九點幾去完沙田ive跟手又要趕去李惠利...同行有三人,我同momo先去沙田, kwan就去左黃克競先, 跟住再join埋一齊"返"李惠利!
本來撘緊火車都好地無乜落雨ge, 點知一會合左kwan之後就落屎咁款...返咁耐學行咁多次o個條路都未試過咁濕, 一日都係kwan衰><" hah~
去到hall門口, 點知就見到阿man~佢仲同我地一齊報埋tim~
71200見到阿man ge成績就好爽快咁收左佢, 事關有credit wor~
咁我呢?71202見我又係有credit又收左我...但係一旦李惠利收左我, 咁沙田ge design就凍過水...ar!kwan就漏帶野, 整到ive好遲先收到佢, 最後, 今年佢又同我做番同學--71202 student!
因為打風呀, 所以又要我地星期五先可以拎學費單, 正式咁做返ive人!
雖然沙田九成都唔收我架喇, 但係都有為過自己ge目標and理想努力過, 而且今年不是孤單一人!
everybody努力ar!

>>September 12, 2002 at 1:21:42 AM GMT+8