2002 年 10 月 17 日 星期四 【晴】

祝realize生日快樂~今日十七號係佢生日, 大個仔喇, 唔知佢ge願望係乜呢~我諗佢同我一樣都係 "o個樣"~
今日十一點上堂, 未到十一點零五分, 阿昌返到黎, 好似係佢第一次返早上堂, 早過阿sir 入課室~!上堂o個陣, 我諗都無乜邊個係聽阿sir講野, 因為我地仲有個report未寫好, 個個都好搏殺~!
到左lunch, 個canteen又無位, 我地好多人去左禾輋大排檔食野...但係品質唔係太好...又貴!
一點半又係李力持阿sir堂, 本來諗住到左下個week開始唔係駛個個禮拜見佢(以正常time table黎講, 佢o個堂係隔個禮拜上!)因為我地已經連上左佢四個week, 佢勁補堂, 今又話要補, 下個week照上!我真係未過一d ive阿sir對教學咁有熱誠!佢又搞到我地"媽"聲四起~!
三點正放學, 但係我地仲未走住, 我, alan, realize, gary鋒, 奶媽, 家樂去左電腦室做功課, 係我o係呢間ive第一次做功課同埋勤力~!做做下, real開左個"西"黎睇, 係睇理工大學男版cookies--anuties! 勁爆笑, 地個個笑到拍晒機咁, 亦引黎圍觀~!
做到五點半, 要收機, 我地仲有人未做完, 做完ge只得兩個, 但係唔緊要!有人做完就得喇, 因為...hehe~
今日ge病情總算好左d, 淨係得咳同埋有啖, 要o係星期六之前好番, 因為我要sing k!!

>>October 18, 2002 at 12:31:31 AM GMT+8

2002 年 10 月 16 日 星期三 【晴】

好虧呀我今日...自從尋日比鋒"野"到之後, 今朝一早就咳、乞chi、流鼻水...上第一堂我同鋒一計完數到左十點就比睡魔襲擊, 跟住我就同佢一齊扒低左黎訓, 個阿sir 完全唔理~同佢訓左半點鐘, 都發覺係好左好多! 家樂就o係十點三返到黎, 佢尋日全日都無返到, 所以唔知今日要返八點半, 仲以為係返十點, 我地完全都無人提過佢要早返, 整到佢一返到去就比阿sir 串~
lunch見ive canteen 無野好食, alan, 我同鋒就去左wo che食, o個度好多人, 仲好多"野"睇, 死鋒一路食野一路o係度望~~佢對眼同對口都好唔得閒~!
lunch之後, ka lok拎左佢個鎖匙扣--小丸子爺爺出黎玩, 仲幫佢著皮褸(also匙扣), 帶頭巾(眼鏡布), 帶勁鍊(我條珠鍊), 同埋o係佢下面掛左支野(係小型電筒, 個頭仲係花左tim~!好似生野咁~!)我地整到爺爺成個淫僧咁~之後將呢一樣杰作轉左去後面, 點知後面組人仲顛, 將佢又加耳環等物件! 仲要影低埋! 成班痴晒~~~
到左三點, 仲未放學, 要做lab, 我地組人d速度好落後, 仲有一個task ge lab仲未做, 但係聽日就要交report, 問你點死! 到左五點半走得, 我諗住去yes satation換野, 鋒又要book期學車, 所以就同左ka lok, alan, 鋒行左去沙田. 去到yes station, 個sales話已經換晒, 真吹漲!!
我地行左一陣, 就各散東西, 今日得我自己一個返fanling, 悶!!
條寬頻企街又唔o係度, 惟有局住打比佢問佢點交form, 點知佢又話要fax比佢, 煩到嘔! 但問佢野o個陣d語氣勁似fd to fd 講野!
夜晚, 個妹打黎, 由於我虧左ge關係, 把聲好自然咁變左, 佢居然話我man左, 仲話原來到左十八歲就會man d! 真係頂佢唔順! 跟住三線打埋比包包, 佢仲衰, 衰到唔認得我把聲, 灰晒~!

>>October 17, 2002 at 12:54:48 AM GMT+8

2002 年 10 月 15 日 星期二 【晴】

本來以為今日返十點半就會好精神, 但係原來事實唔係咁...仲眼訓過平時....
返到ive第一堂係maths, 一聽阿sir 講d野簡直想暈, 一d都聽唔明! 我地有好多人都覺得阿sir 記錯野, skip左一堂! 我地惟有死頂, 到要計數先問!
lunch 個canteen太多人, 我地又過左wo che食! 我就無食野, 淨係飲左一碗送ge糖水~lunch 消費--五蚊(買汽水~)^^!
到左上三點半ge eng堂, 上到大約五點, 坐我前面ge real無lala流鼻血, 好彩佢用隻手"逗"得快, 唔係d血實周圍滴! 跟住我同佢去左toilet...用左三張tempo...!! 佢d血稍為止左, 我同佢行返入課室, 見到miss 檯o個邊有部T68, 一望阿昌, 佢對住我好無奈同埋好傻咁笑~唔講都知咩事~(miss 比d電話響聲整興左, 到左阿昌響, 就搵佢黎祭旗~)
放左學, 同耆英同埋大舊同我地一齊踢毽, alan就鬼上身, 次次都踢唔到十下~十下之ma, 談何容易姐~佢已經唔係我對手~~~
比個衰人鋒"野"到...而家又咳又"乞chi"好辛苦!!虧+ing!!!! v.v|||

>>October 16, 2002 at 12:21:24 AM GMT+8

2002 年 10 月 14 日 星期一 【晴】

尋日都唔算太夜訓, 所以今朝就十一點半起左身, 一望出去, 個天勁晒, 而且勁熱, 好在今日無戶外活動要玩姐~
今日心情唔算太差, 真係好反覆!! 一起身就打機, 打到lunch, 之後又係咁繼續打...好耐都未試過咁樣打成日喇^^~
到左夜晚, 見到張超人迪加掃描ge outline 之後(畫黎送比包包, 大相公, 做生日禮物!), 又好唔想再畫落去...而且對手已經生疏晒, 好似唔屬於自己咁...畫得好核突, 簡直唔見得人, 好在距離廿八號仲有成兩個week, 大把時間執靚佢, 但係我已經好無mood再掃落去><...就係咁, 佢就比我丟棄埋一二邊喇!
今日照樣都係電話無響過...係好事定係唔好事黎呢...
聽日又要返學, *今個禮拜大計--儲一舊水!!* 要黎星期六玩~~~

>>October 15, 2002 at 12:48:40 AM GMT+8

2002 年 10 月 13 日 星期日 【陰】

reply:
做乜突然間大細相公都黎呀??好熱鬧喎!
連"蜜鋒"都黎埋~少有!
今日訓到十一點幾就起左身...跟住係咁打機, 打到一點鐘食飯先停下><"
到左成兩點, kwan 打黎, 叫我去打ball, 仲要打3:30 tim, 咁晏!好在我老豆今日唔o係屋企, 唔駛早d食飯姐!
到左三點半我先出門口, 等車等到我發顛!居然等左成五個字!!!!!
去到都唔係太多自己友到左, 得四仔...好在跟住lok學完車見到我先入黎打下波姐...
今日又有奇蹟出現--咸ho終於都掂到個籃圈!!四仔之中三個都得左...咁幾時先到我?呢排仲重左, 實死!
我地打到六點半先走, 我同lok同路, 行先~

>>October 14, 2002 at 12:40:34 AM GMT+8

2002 年 10 月 13 日 星期日 【晴】

而家成兩點幾...同人傾電話傾到過左好多時間tim..., 仲有d眼訓, 又要寫番今日d野...
今朝一野就訓到十二點, 尋日打完波好tired, 腳都軟晒!
一點鐘食過午餐, 同我阿媽跟左我老豆車出去行街, 我同mum就o係上水落車, fa就返工!
今日去上水係要破財--交上網錢!! 56k都要交一百四十幾!! 跟住就同mum去左搵公司上寬頻喇...o係上水行黎行去都係無乜收穫, 都係返粉嶺搵企街!(有d公司請人企街做promote)卒之, 我地搵到個, 條友都幾好禮貌, 跟住就問佢拎左張form 返屋企填!
之後同mum去左買lan card, 買完之後去左行家品店同埋花店...同佢行左成三點鐘, 佢居然唔叫tired, 相反, 做開運動ge我就一早叫腳軟! 今日難得ge係佢居然會陪我行一d佢唔like 行ge電腦舖!
夜晚, 個妹carrie同chris睇完戲, 返到屋企就打黎, 講講下, 佢又問我做唔做佢個妻子(八奶), 個輩份排到好後, 由阿哥變做妻子, 今次笨左喇! 整整下, 佢駁埋三lines打去我本身個相公度, 講講下, 居然比我level up做埋三奶, 正三八呀我!我地三個九唔撘八咁傾到九點幾十點, 我收左線, carrie就將佢收多個妻子ge事周圍唱~!
十一點半, 打番比yan, 同佢傾到一點幾先收(今次講左好多野, 我仲成日都提阿一米七tim~真係好搞笑~!)
real ar, don't be unhappy la...係你個fd心情唔好先會咁架姐...希望你今年生日會有意外驚喜而且開心d la, 畢竟又係一個"齊頭"!

>>October 13, 2002 at 2:17:30 AM GMT+8

2002 年 10 月 11 日 星期五 【晴】

首先好多謝各方好友黎左呢度留野, 就連o岩o岩識左無幾耐ge ive 同學仔都有~真係多謝晒!
同shu好似就黎識左一年喇喎~我仲未諗到去邊度玩好呀, 但係正日就會同屋企人去ocean park玩~
講番今日, 一早返去做lab做到十一點幾就放lunch, 阿昌就食lunch先返, 佢仲帶埋部數碼相機返黎影人~我仲好不幸咁比佢攝中左!
lunch之後返左一堂maths就放左學, 放左學就踢左一陣毽同埋射左一陣波就走左, 打ball o個陣, 我仲約埋chris 黎一齊玩(讀morrison hill ive, but live in fanling!)!我, alan, 耆英, chris就約左kwan o係火灰等, 跟住再返fanling打多次!
但係o係打o個陣又再次發生o個樣不幸ge事, 我地今次擺野真係前所未有咁緊密, 但係有時d野係防不勝防! 四仔之中, 又有一個比人偷野! 佢仲係上次同我一齊中過招ge chris!本來佢今日同我講佢終於都可以唔駛用佢o個部nec, 可以用8250, 但係過左粒幾鐘之後就比人"笠"埋!!!佢真係唔好彩, 可能係部nec 同佢極之有緣份!!!
今日ge心情又變得好差...尤其睇完人地個info後就仲死! help me ar!

>>October 12, 2002 at 1:41:26 AM GMT+8

2002 年 10 月 10 日 星期四 【晴】

reply:
to realize, 好多謝你黎呢度留咁多野比我, 仲一次個留五個tim, 難得ge係咁夜仲留!
但係你條pk仔實在玩得太串~居然企圖o係我呢度玩聯誼?!死啦你~
今日無乜特別事發生, 最特別就係我成日都話唔帶個波返ive打, 之後又帶左, 仲放左學同人鬥波tim~今日手風都算幾順, 可能係打番自己個波, 同埋太耐無打(對上一次打係星期日). 最衰對鞋又冼, 唔係就發揮得仲好~最離譜莫過於alan射籃底波居然大針!!你d功力幾時先返齊黎?!

>>October 11, 2002 at 12:15:03 AM GMT+8

2002 年 10 月 9 日 星期三 【晴】

今日ge唔開心只係發生o係夜晚…
講番今日, 本來係改左返10:00, 但係有好多人都唔記得, 包括好少遲到ge alan!佢居然十一點先返到，而阿昌仲誇，11:30放lunch 我打比佢佢先醒!
Lunch 有好多人一齊去西田食野, 一共有八人: 我, alan, gary, real, 奶媽, 鋒, 家樂, 基, 我地一路食野一路講笑~ 食完野就去左會合o係超時空打緊機ge昌少, 佢勁煲winning, 但係又唔係成日win, 交左好多學費比機舖! 我地仲有幾個人打機, 個個打到唔捨得走(明明要1:30上堂, 但係我地要等齊人, 到左一點半先走!行到返上課室已經係1:55, 大遲到~!)
上堂o個陣好多人都無留心阿sir 講乜, 整到做lab o個陣個個都”痴痴呆呆, 坐埋一檯”! 上緊堂o個陣有人打比我, 講左一件大件事比我知…嚇到我丫!好在之後得到證實, 原來只係虛驚姐!
三點九放學, 踢左一陣毽就走左…
到左夜晚, 睇到電視有個”大雄”, 佢可以做到自己理想ge職業, 佢可以發揮到佢ge天分, 可以做到佢有興趣ge職業, 即時令我有感而發, 我居然同我阿媽討論我自己ge前途同埋天分…懷才不遇!
我一路都好羡慕人地可以向往自己ge理想奮鬥, 努力, 最後可以成功達到自己ge理想…但係”life is not fair”又發生左o係我身上, 我經常都係最唔好彩o個個, 明明自己對設計好有天份, 但往往事與願遺, 讀唔到design發揮唔到所長(我唔係淨係只係對畫漫畫同埋為左易讀o個d), 即係白費左個天比我ge野, 簡直就係一大遺憾!!事實上, 我極唔想做一個平凡到對乜都無天份ge人…而家讀緊呢科, 我唔係幾鍾意, 唔係為左將來ge前途我實唔會讀, 屋企而家ge情況根本唔容許我再浪費一年, 做designer係我志願, 而家係背叛緊自己ge天份, 向住自己ge理想逆走, 仲愈走愈遠…
到左而家先至明白詩人李白ge心情!!


>>October 10, 2002 at 12:05:28 AM GMT+8

2002 年 10 月 8 日 星期二 【晴】

10:15同alan撘緊火車返ive o個陣, 阿昌喘晒氣咁打黎, 問我點左名未, 真係好搞笑, 佢以為今日返10:00, 聽到我話今日返10:30佢先知佢早左出門口, 如果唔係佢就可以訓多三個字, 吹漲~~~
返到去上我最唔like ge maths! 但係我今日出奇地留心聽書, 而且仲明佢講乜tim~
lunch同埋耆英一齊食, 今日我地霸晒兩張檯, 所以有成十幾個同學仔同檯食飯, 好難得!
lunch之後又上埋d電工堂, 我最憎! o係o個粒半鐘真係好似無聽過書咁, 又同鋒o係度唱下twins and yumiko d歌~條友仔又幾唱得!
三點三, 係tea time, 我地六七條友落左去canteen食野, 到左三點半先上番去我最like ge英文堂, 但係阿miss janet好惡~~聽完listening落番去課室填"大計", 到左四點十個字就走得~!
放左學又去踢毽...今日玩得仲激, 就係玩數字毽!!輸左就要除衫~~~我踢得最勁, 好自然就首當其衝, 比人圍住黎叫...咁玩法梗係我輸, 但係我好大方咁除衫, 皆因我仲有件小背心著住~~~之後兩round就有鋒同埋real輸左, 唔到佢地唔除~兩條友仲露兩點tim~最衰就係無乜人啦!
我地踢到六點幾就走人, 返屋企喇~

>>October 9, 2002 at 1:15:05 AM GMT+8