2002 年 10 月 7 日 星期一 【陰】

今朝早做lab, 又要繞電線--T Joint, 不過幾好玩, 而且今日繞得幾好, 好難得有咁ge手勢~
做左大約半粒鐘, 大部分人都做晒, gary佢地唔知痴乜線, 拎d剩番ge銅線黎繞八爪勾, o係度扮釣魚~~好似成班低b仔咁~~
到左差唔多十點九, 遲大到ge real一返到黎都仲未坐低, 阿sir 就叫落堂, 幾搞笑~
有成兩個幾鐘lunch, 我地行遠d去左打機先食野, 日日都有源源不絕笑料ge阿昌今日又做左焦點, 事緣係咁ge:
有個幾靚仔ge後生仔o係度打緊街機winning, 佢已經隊林左幾個黎挑佢機ge麻甩佬, 而且每場仲數人地幾粒tim, 跟住阿昌就好手痕咁話玩, 走左去挑機, 一見佢入幣入咭, 見到佢得打左三舖, beginner Class E級數, 仲要係輸晒, 對手就係win左一百六十幾場, professional Class A ge人, 等我地拿拿臨話開盤估下佢輪幾多粒~佢打左一輪之後, 打到完場都仲未有紀錄, 到左最緊張ge時候--射pk~!死阿昌好負碌咁撲到人地一球, 對手就好唔好彩咁慘敗一球比個beginner!!!呢個都可以話係世紀十大奇蹟之一~!之後人地唔憤氣, 入番四蚊落去同昌少揪過! 卒之, 阿昌終於都輸左, 佢仲交多八蚊"學費"打多兩舖吸收下經驗值! 在場人士無一不笑爆咀~!
而o係另一邊廂, real就好專注咁打佢ge拳皇, 企佢隔離ge ka lok 就忍住要同佢隻揪, 可惜係敗北而回~之後alan又要去收拾佢, 點知結果都係一樣! 跟住ka lok就叫埋ka sing同埋alan一人一隻咁同real打, 集佢地三人之力本應都係可以搞掂呢條友, 但係real可能鬼上身, 一路都未輸過...又真係睇唔出佢打得咁勁喎!
打完機之後去左食飯, 食完飯就連上四堂之後先放學...(5:30 ar!! ><|||)
放左學踢左一陣毽, yan無la la打黎問我o係邊, 話等埋我, 好出奇佢居然會咁做!!!整到我走都走唔切!我去到太和, 佢居然話唔等><"又同佢緣慳一面tim!
今晚同佢傾左一陣電話, 佢講佢以前d野, 我變得無乜感覺, 得個聽...好明顯, 我對佢已經唔同左. 都係一件好事黎ge~

>>October 8, 2002 at 1:34:53 AM GMT+8

2002 年 10 月 6 日 星期日 【晴】

尋晚成三點先訓, 跟住就昏迷到今日十二點先比個電話嘈醒左...但係一起身都仲係好tired 同埋眼訓, 想死!
個電話打黎係叫我去打ball, 可惜仲未約人, 又要等call...打左粒幾鐘機, 終於有回覆, 好在都有人去姐, 唔係就waste左今日咁正ge天氣, 涼涼地咁, 幾過癮~~
三點幾同崑去到, 得kwan 黎左, 之後d人陸續黎到, 我同kwan and chris 去左跑場一週作熱身, 跑完返黎arm arm到我地打, 幾好幾好~
我地兩隊人一路同d傻仔打左三四舖, 一舖都無win過, 一個二個都發波瘟, 射又射唔準...又呆晒咁, 低能架! 之後由耆英佢地隊林左隊低b野, 然後全部人猜勻, 再打過, 同我一隊ge人一路都無win過...唔好意思, 本少爺今日手風勁唔順...
打大好耐, 我同penny and大舊(6'2")終於都開齋, 連win三舖~跟住我就趕住返屋企食飯, 要走先, 打唔到第四舖tim~
返到黎係咁頭痛...痛死人...一路痛到而家十二點!!!

>>October 6, 2002 at 11:59:31 PM GMT+8

2002 年 10 月 5 日 星期六 【晴】

re carrie:
你兩個真係唔知痴左邊條筋咁喎~一係就無電話響, 一係就兩個一齊黎, anyway, 你兩個打黎我都幾開心, 尤其係佢, 今日你返去o個陣打黎, 我收左你線之後佢就打黎, 我仲同佢傾左好耐, 由三點幾傾到成六點tim~
今晚約左舊年李惠利班fds去旺角福星打邊爐, 聽落都幾無聊下...
未夠八點, 黎左十個人, 跟住就上樓先, 上到去見到都幾多人, 好在一早book左位姐~real就大約八點半先到, o個陣我地都食左好多野咯~到左, 九點幾, 小明黎埋, 在埸人數有成十三人, 好耐都未試過有咁多人一齊食飯囉~
出席人物如下:
我, anthony, theron, 小明, 阿昌, real, 基佬, 腳指, 阿傑(自從六月到而家先見, 仲剪埋佢ge長髮!), william, 阿"田", 阿宏同埋阿賓(七月見過到而家~)見到佢地都無乜點變, 個個都係差唔多, 食緊o個陣一個二個都分享ive經歷~我地當中仲有好多間ive 人tim, 有成四間分校咁多~
今日真係有好多笑料同埋瘀野發生, 第一件就發生o係阿田身上:
由於部電視太細聲, 坐o係電視機下面ge佢就梗係要幫手校大聲d啦, 但係佢唔知做乜, 校校下整到變左追台, 跟住我地就順勢咁勁噓佢, 瘀到佢爆, 勁過癮呀~~
有阿昌o係席就梗係有好多笑料, 事發時係咁ge: 我唔小心撞到阿田, 阿田又撞到拎緊糖水ge william, william就唔小心將成碗糖水倒左落阿昌個身度, 個阿昌咁仲傻左成秒先知咩事, 之後我地仲唔知為乜咁乾杯, 笑阿昌, 即刻見到阿昌個樣好無奈~~~^^
跟住之後我地又唔知做乜咁有好多次o係度勁噓人, 隔離檯d人即刻望住晒~好很得意~~!
到左十一點五, 我要趕住十二點之前返到粉嶺撘尾班車, 埋左單之後我就拉埋real同我一齊撘火車, 今日同佢一齊佢八左我好多關於"咩"ge野, 我又知左佢唔少, 到左而家佢先知我有幾坎坷, 有幾心酸, 等你地個個仲以為我有幾得! 撘到十一點十一, 見趕唔切就問real借左一百蚊飛的, 最衰得一張五百蚊, 無散紙, 我勁唔想成日問人借錢!!!
盡左最後努力, 返到粉嶺已經係十二點一二, 惟有又要破財!!
早知今日又要使咁多錢我就唔出去啦, 睇在呢個聚會有幾個好耐無見jar!

>>October 6, 2002 at 2:02:12 AM GMT+8

2002 年 10 月 4 日 星期五 【晴】

re carrie:
有我都唔mind ar, 但係我一個都無, 佢地班成野一個都唔信...仲話睇我個款都實有一個...><"
鬼唔知要隨緣咩...但係我地四仔都有個十八大限架...會好遺憾架第時!!!
8:30上第一堂, 由於早ge關係, 有好多人仲未返到, alan話阿昌要九點先返到, 我就估佢會早d, 但係佢太令我失望...真係九點正返到, 比alan批中左tim~!
上堂o個陣, 我地將尋日ge活躍延續, 見阿sir唔理, 我地唱左兩首歌, 第一首係"假如讓我說下去", 第二首係"愛之初体驗"~
唱完之後要做lab, real上個week無返到, 所以佢有好多野要做, 我、家樂、alan同埋鋒一早做完就拎d焊錫石黎屈公仔, 屈出黎d野真係驚你一跳, 而且又搞笑, 又拎去撩忙碌緊ge real, 整到佢發晒顛~^^玩完焊錫我地就拎左個吸錫器黎把玩, 家樂就亂將d垃圾黎射, 仲射仲隔離檯d人, 勁過癮~~~我地玩足兩堂, 笑爆咀~!
到左十一點半, 晏晝d堂唔駛返, 即係話放左學, 我地同我ge fd ge fds成十幾個人玩左一陣, 之後到左十二點, 我去左交資助ge form, 排左成兩個幾字先到我, 到左我o個陣條友話我未排好d紙ge次序, 叫我出去排番先再交...排好之後, 我又排隊排左兩個字, 到左我ge時候, 佢又話我未串好洞, 又叫我出去串過...><"排兩次都未得, 好無奈同埋好燥!!!
見到個鐘已經係十二點半, 就唔理三七廿一, 就左出去同d year two買舊書, 一舊水買左本有notes ge text book, 我諗都算抵ge...
買完書之後又去番交form, 原來我漏填好多野, 仲copy漏左d野tim...搞咁耐原來都係交唔到><"惟有星期一再黎過!
成一點先去食野, 食完野無定去, 又o係個canteen度吹水, 成日都講女, 仲o係度討論我出面收埋左一個...無奈><|||! 講講下佢地就講埋d上網睇到ge核突野, 例如剪舌頭, 切下体, 食屎....整到我即時好有作嘔ge感覺!!呢班友變態架!
之後出番去, 一個二個都叫走人, 得番我同alan返粉嶺打波!
出到ive門口, 見到個fd阿lok, 撩埋佢打, 跟住我地三個就返去打波喇~
返到黎粉嶺, 約左kwan 同埋chris打波, 今日我又幾準架喎, 衰鬼~~~
我同lok打到五點就一齊返屋企!
今日yan打左幾次電話黎同我傾過, 好出奇呀!

>>October 5, 2002 at 1:44:53 AM GMT+8

2002 年 10 月 3 日 星期四 【晴】

今日幾好天, 一落左火車就晒到隻狗咁!!
lunch o個陣, 個死人canteen好多人, 好逼, 差d無位坐同埋無野食...諗住食佢個巴基餐, 點知cheap到連咖哩汁都無埋...跟住就同real分左個炒飯!
lunch之後我地照舊去左踢毽, 今日好特別, 特別在有女好我地一齊踢, 而且仲係阿昌少開口叫tim~
踢到一點半, 去左上兩堂"李力持"(真係好似)ge 堂, 我地唔知發咩神經, 一個二個都無飯氣攻心, 反而仲好活躍, 一開始上堂, 我就同real唱左首"浪花一朵朵"比同檯ge人聽, 都有成十個, 過左無幾耐, 我地又互窒, 總之成堂係咁o係度笑...笑到肚都痛埋~~^^
落左堂, real 好抵死咁問我地一個問題, 就係問有冇人識唱"藍精靈"同埋"雪姑七友"ge正常version!!
真係比佢考起, 我地個個都淨係識唱個咸濕版~!
之後我地無好似平日咁玩一陣先走, 淨係去左報gym玩, 之後就各散東西囉!

成日都比人誤會...人人都以為我收埋幾個, 其實知我多d ge人都知係咩ge一回事><", 最衰ge就係連alan都信埋佢地講...死野丫~真係有就好囉!

>>October 4, 2002 at 12:25:50 AM GMT+8

2002 年 10 月 2 日 星期三 【晴】

2/10 晴 適中
今日都無乜特別事發生…開始有d日日如事ge感覺!
上堂要計幾題數, 發覺成張檯都好似無人識計…簡直就係"痴痴呆呆, 坐埋一檯", o係咁ge情況之下, 我地惟有出絕招—老抄~! 結果, 成圍檯ge答案幾乎全部一樣~
放學已經係三點幾, 一切照舊, 又玩圍踢, 今日開始覺得乜野係"支力"喇, 真係會踢唔郁…踢左無一粒鐘, 我同拉左柴ge real去左籃球場睇波, 7號billy又真係幾好波!
到左四點幾, 全左canteen tea, tea完之後gary同我都拎左份資助ge野出黎研究, 我地發覺原來係有好多野仲未填…今次"大檸樂"喇!
填野填到五點半, alan又出舖頭, 我就同real and gary撘火車走人喇…咁就一日…
*小星星carrie叫我做佢八奶喎…好明顯係"貪就手"! let me考慮下先啦…~


>>October 3, 2002 at 12:22:36 AM GMT+8

2002 年 10 月 1 日 星期二 【陰】

今日國慶放假一日, 但又見好耐都無睇戲, 所以就約左個妹carrie, chris同埋企鵝出去沙田睇喇~
o係kfc食埋lunch都以經成一點, 又驚無2:30睇, 咁我地就拿拿臨走人!
諗住去沙田UA睇, 但係一去到就見到幾行好長ge人龍, 見到都唔想排><" 之後我地就好無奈咁去左間"up dup"野希爾頓買<<我老婆唔夠秤>> ge飛, 原來今日要成四十蚊><", 勁貴喎!
睇睇下, 阿sa媾唔到仔, o係雨中同e kin 講"當你愛上一個人而不被對方所愛, 原來個心係會好痛架!", 個死人carrie望過黎, 想lor景定係贈興呀!好在個"主角"唔o係度姐~
睇戲之後成四點九, 又想走又唔想走ge我地就去左宜家傢私行...上次同人行都唔覺有咁大, 今次居然行左差唔多成粒鐘!!!!好tired ar!
睇企鵝平時成個自閉妹, 唔出聲咁, 原來係好死串, 句句都頂撞chris~
撘火車o個陣比我地見到包包個老豆, 睇真d又真係幾似喎, 尤其係個nose~
(企鵝你講咩呀, 咩見家長~)
同企鵝一同落火車, 先知佢住華心, 但係唔記得左問佢個全名tim~!

>>October 2, 2002 at 12:27:59 AM GMT+8

2002 年 9 月 30 日 星期一 【晴】

今日一早10:30做完lab, 阿sir 就放左我地, 由於1:30~2:30今日係空堂, 所以我地就有五個鐘頭lunch la~
o係ive玩左一陣, 我地就去左富豪唱k, 今日有八個人一齊行動, 係入學以黎最多, 但係阿昌就無返到, 如果唔係仲多人~
有好多人唱k ge功力係超出我預算, 原來有人係好勁架~!同佢地唱得多我諗我遲d實會好勁!
2:30, 我地唱完出番黎, 行過城門河, 見到有條阿叔釣到一樣好新奇, 又"好玩"ge野, 就係雞泡魚~~呢樣野我真係第一次咁近見到, 條魚仲要谷到好大咁死, 好過癮, 話佢得意又得, 話佢"濕立立"好核突亦得! gary居然夠膽伸手去掂!! 跟住返到ive, 見到班上面ge同學仔有ball打, 咁我同alan就立即撲埋去打埋一份~射射下波, 我地仲同班上面ge同學仔一齊鬥波tim~大家有幾多實力都一目了然, alan ge功力開始返番黎, 更成為全場焦點tim~
3:30上左兩堂好悶ge電腦堂, 之後放學係5:30, 照舊踢番一陣先走人, 但係今日打左ball, 成日都"軟奶奶", 好很tired !!
聽日放假去睇下戲都好喎~~

>>October 1, 2002 at 1:08:51 AM GMT+8

2002 年 9 月 29 日 星期日 【陰】

今日9點都唔夠就比屋企人嘈醒, 因為o係深圳住ge阿爺屋企前幾日比人偷左野, 身為孝子賢孫ge我地梗係要返去睇下咩事!
返到去見到完來係好少事, 只係損失左一部手提, 原因係阿麻機警, 吼條友未有進一步行動及時喝止! 如果唔係, 我諗損失都幾大!
食完午飯過後, 一家人就坐低閒話家常. 我身為大孫, 有好多話題都係圍繞住我, 例如學業同埋愛情…><"! 先講愛情, 我阿媽學人玩篤灰, 話我成日同女傾電話, 可能收埋左個!!我真係吹漲, 我細佬日日都同仔傾電話佢地又唔會驚下喎, 反而呢排我無傾就話我日日傾!!! 到左我最唔想講ge話題—學業, 好明顯, 兩老係好想我呢個首席孫仔入到大學, 仲話如果得呢, 就可以叫住o係杭州ge姑姐"協助"我入去讀全國第三勁ge浙江大學!!! 佢地言語間對我充滿住希望, 但係希望背後對我黎講係一種好沉重ge壓力><"…聽完之後覺得好驚…但係又唔知驚乜!!
到左三點幾, 見無乜事就返出黎香港, 之後去左粉嶺中心買番個室內電話(上次大閃電整壞左). 行到差唔多四點, 同細佬去左會合三仔打波, 打左唔夠三場就落雨, 超吊癮!! 跟住打完波照舊去m記吹下水, 我地去到只係問counter拎左一人一杯水飲, 並無使到一分一毫, 原因係我地四仔已經風光不再, 再無多餘ge消費, 以後"四仔"ge長寫一於就叫做"四個折墮ge傻仔"!!


>>September 29, 2002 at 11:54:51 PM GMT+8

2002 年 9 月 28 日 星期六 【晴】

我好憎等人同埋遲到, 本身今日約左11:15齊三仔就去打ball, 但係我自己都11:28特登遲到已經係好唔o岩, 但係其餘兩子居然分別o係35同埋44先到!! 次次都係我等佢地, 好似無乜邊次係佢地等我, 次次都等到我把幾兩把火!!!
到左三點幾四點, 我地四仔輸晒ball之後就由石峽尾去左旺角食lunch! 食食下, penny 話o係灣仔放工想join埋我地, 其間我地已經約左差佬吹緊水好迫...所以我地趕住走. 行出左m記撞到penny, 一路行一路同佢嗲左幾句之後佢去買ball鞋, 跟住我地四仔就同差佬返屋企喇....
撘火車o個陣因為唔夠位, 四仔坐埋一齊, 完全忽略左個差佬, 連佢落左車都唔知!
返到屋企已經係七點二, 但係返到去竟然無飯食! 咁我惟有搵雪櫃入面一早已經pack好唔知幾多日ge一盒飯叮黎食! 好似好折乜咁!
今日真係唔係幾想打日記, 所以好似好語無倫次咁!!!

>>September 29, 2002 at 12:37:37 AM GMT+8