2007 年 7 月 14 日 星期六 【晴】

今晚同 housemates (landlord/landlady) 阿 Mike, Shelly, 仲有鄰居 Karen, Mke 同 Carol 睇 Harry Potter, 琴日同今朝一口氣睇晒之前4集 DVD, 今集都唔錯, 天馬行空式童話故事 + 電腦特技.....班細路演員大得好快唔同晒樣.....Emma Watson.......mark 低佢先

佢地都仲係當我細路看待, 睇戲飲野食野咩都唔駛我出錢........

我鍾意係 Dingle Hill 住因為D左鄰右舍個個都相熟, 成日唔鎖門都得, 一齊食飯喝酒BBQ睇戲睇DVD行街散步.......

由於係 Conwy 區內唯一大戲院, 一入到大堂就水洩不通人頭湧湧, 同埋次次都係成間戲院又係得我一件黃種人 (係群群白人中我覺得自己似黑人多D), 望咩呀望......未見個靚仔呀

坐阿 Mike 車次次都係離唔開呢個 topic, "James you should have a girlfriend", 一路揸一路望行人路D鬼妹, "James you see girlfriend everywhere".......how about that one".........."James I will find you a girlfriend", "What type do you like? tall, fat, blonde , black hair........", "James you will meet somebody"..........一講起我D女出事就問 "Is she attractive?"........

見過咁多女同事最掂都係我地房 Katy 同樓上 Countryside Section 個 biodiversity officer Rebecca (Becky), 特別係佢叫人果聲響亮而帶笑容嘅 "Hiya" 同埋件白色背心 + 牛仔褲 + 金髮.....美中不足係矮左D......有無興趣研究下黃種呢樣稀有 species 呀..........

佢今日終於第一次問我黎緊星期五晚有無興趣跟佢去夜蒲.........

shit 黎緊星期五係同事 Viv 嘅 retirement leaving do.......我諗我又係象徵式去下放工後嘅 tea time 頭場跟住借踢波之名鬆人唔係下半場蒲夜 bar 出現......同房 Ian 同 Katy 兩個日日係咁問我去唔去.....我例牌遊花園扯開話題或索性唔答.....班友仔開始知我味野........"come on James stop playing mind game"........"Oh James why are you so difficult"......."James you can't just don't answer the question everytime"......."James you need socializing......James why are you so shy to us"

>>July 15, 2007 at 8:24:40 AM GMT+8

2007 年 7 月 13 日 星期五 【晴】

見聽日要睇 Harry Potter, 今晚就睇著頭一二集, 預左係俾小朋友睇, 不過睇落比想像中好睇

D童星通常越大越唔掂, 不過 Harry Potter 嘅 Emma Watson 睇黎就有望打破宿命

呢個世界最慘就係靚野太多.......教人喜歡的實在太多太多.......

>>July 14, 2007 at 9:17:43 AM GMT+8

2007 年 7 月 12 日 星期四 【晴】

唔知點解意大利人係唔同D, 樣貌唔一定好靚好美艷, 但係就有種特別嘅氣質同激情, 英國人D粗獷真係無得比.......

>>July 12, 2007 at 5:27:31 AM GMT+8

2007 年 7 月 11 日 星期三 【晴】

睇見D friend 嘅日記係香港開工真係幾堪坷, 日日做到無停手, 最開心可能就係係大學做 research 果班, 睇下文章寫下野, 返工時間有彈性, 無咁大壓力.........攪到家陣開始唔係好敢返香港住.......

黎緊 8月份我有 19 個 case 要批, 已經算係近期比較忙嘅月份

當阿占同 admin Ann 姐講要供 pension 之日, 就係選擇定居威爾斯之時

阿 Mike 買左 ticket 星期六晚預埋我睇哈利波波, shit.........無甚興趣

>>July 12, 2007 at 4:15:46 AM GMT+8

2007 年 7 月 10 日 星期二 【晴】

英鎊 1 對 15.8........勁抽

>>July 12, 2007 at 4:15:25 AM GMT+8

2007 年 7 月 9 日 星期一 【晴】

有時睇 planning journal, 都唔知英國大城市 D council 嘅 DC team 點可以 approve D 垃圾 proposal, 係我就 recommend refusal, 同D developer 同 architect 砌過........

究竟呢個時代建築物係未一定要一支支香咁最少40層高同一定要用玻璃幕牆?

雖然我 join DC minor team 時間尚短, 不過我 refuse planning application 嘅比率頗高, 同埋就算 approve 都係咁加 condition 管 material 管 colour 管 design 管呢樣果樣.........家陣同幾個 North Wales 主要嘅 architect/planning consultant 開始混熟, 大家都開始知道大家嘅作風, 有幾個 agent 同佢地 negotiate 就成日玩野, 家陣我遇到呢幾個 architect/agent 都唔再浪費時間 negotiate, proposal 睇唔上眼就直接 refuse 佢, 鍾意嘅弊12個月內再 resubmit, 唔鍾意弊去 planning inspectorate appeal 囉..........

我就係果類唔多鍾意作太多妥協嘅 planning officer

阿占第一個 appeal 黎緊, advertisement consent (shopfront fascia sign), conservation area, 一間英國大型連鎖 convenience store SPAR, 等同香港嘅7仔.........

有時睇到枱頭 Royal Town Planning Institute 嘅 Code of Professional Conduct, 估唔到崇尚自由嘅我都會俾D凡文俗節管住.......好一個 "皇家規劃師學會"

Council planning department 又有 planning code of conduct.........有時都幾羨慕其他行業嘅人









>>July 12, 2007 at 3:44:55 AM GMT+8

2007 年 7 月 8 日 星期日 【晴】

Cheshire Oaks Outlet 秋季 shopping 大出血, 洗左 150 鎊買左一條 Billabong 牛仔褲, 2 件 tees, 一條 Nike 單車褲, 一件 Polo 長袖冷衫, 一件 Timberland 長袖線衫

物色多一件綠色大褸返工著, 咁就有排都唔駛再買衫啦

今日 shopping 先知英國有 regulation 管大品牌公司, 星期日唔可以早過11點開門, 要俾條生路細公司同中小企行, 積極不干預.........快D覺悟啦

睇左一場精彩嘅 Winbledon man final

英鎊對港元 1 對 15.79, 不知強勢還可以持續多久

成日話百萬富翁, 我諗好多香港人都係, 只要積少成多, 還不是時間問題.....

>>July 10, 2007 at 6:41:57 AM GMT+8

2007 年 7 月 7 日 星期六 【晴】

終於攞左 gym form

>>July 10, 2007 at 6:42:38 AM GMT+8

2007 年 7 月 6 日 星期五 【晴】

今日 day off 同阿 Mike (我 landlord/housemate, 我嘅主要證人) 走左去 civil court attend hearing, 廿幾歲人第一次上 court 第一單官司勝數, 雖然單 case 拖左成8個月, 不過可以退番部2手車 (defendant/seller 自己磅水拖番部車走, you deserve it) 同攞番全數 1,000 鎊加 80 鎊堂費, 對我黎講總算有個完美結局

hearing 前控辯雙方 submit statement, hearing 唔算 formal, 不過全程會被錄音, 過程就好似辯論咁對抽鬥砌幾回合, 雙方陳詞之後接受對方提問, 之後退庭30分鐘等個 judge 考慮所有 evidence, 最後個 judge outline 所有 material considerations, 睇下每個 consideration favour claimant 定 defendant, 好似 boxing 咁玩點數定勝負

雖然只係民事法庭, 不過總算係好好嘅 experience, 用英文陳詞都真係第一次, 不過希望唔會有下一次

老野同我玩野, 剩係識扮死狗, 係 statement 話自己單身無錢失眠有 cancer (條友同佢買車果時係佢屋企出面吹水企足成粒鐘鬼打都無咁精神), 出庭明明行得走得又要用兩支柺杖同上一樓唔自己行要 call staff 幫佢坐傷殘梯, 好似攪到我蝦阿伯咁, 仲夠膽死用假證人上庭同用假證供 (辯方D statement 同 witness 何其兒戲如同垃圾, 相反我方D statement 全部都好 formal 同 serious, 開頭有晒 Statement of Truth: "I confirm that the information contained within this statement is the absolute truth to the best of my knowledge"........部車 down 左果日叫我 recovery service 到左之後再 call 佢, 點知就永世唔再聽電話, 搵到上門就熄燈唔應門, 家陣輸左官司出到大堂就想同我講數, 老野你死開啦.......(唔好死住, 磅完水先)......臨走前仲要同我講 "shake hand".....fuck sick......

本來幫 private seller 買二手野 sales and goods acts 就唔 cover, overriding principle 就係 caveat emptor, 即係顧客留心(意為貨物出門概不退換), 不過老野呢次就老馬燒鬚 (條友根本就係 trader 唔係 private seller, 同個 engineer friend (佢 witness) 係 auction 低價收車後妝身再賣出, 屋企出面成條街十幾部車都係佢 (不過係我地 Planning Department 樓上Trading Standings 班老友就試過幫我手但係話好難 prove, 話條友同個 friend 好古猾到時到後就揸走 D車去附近幾條街泊), 老野今次就衰左幾樣野:

1) 佢寫左同簽左張 receipt 俾我
2) 係 advertisement discription 寫左部車 "just full service", "full MOT", "mint condition"
3) 話自己係 experienced engineer, gasket 燒左多數係因為 engine overheat

其實所有野都係原自 1967 年 beale v taylor 呢個 case law (private seller, used car sale between 2 individuals) 同 sales act , 呢個 case law 亦成為家陣 goods and sales acts 嘅基礎, 不枉阿占用左一個 weekend study 呢個 case law 再寫 statement 砌個老野

sales acts 一開始就 define 左 seller, buyer, sale, price 同 contract, contract verbal 同 written form 都可以,老野張 receipt 1) 就正好成為 contract 同 trigger 左 sales act mechanism.......sales act 之後又根據 1967 case law 確定如果 sale by description 就會將 "product description" 列入 "contract term" 之中 (雖然 sales acts 本身係用黎 regulate trader 而唔係 private seller, 但考慮到其出處同立法背景, 目的, 精神, sales law 某部份還是可以 apply 係 private trade), 好彩阿占 print 左同 keep 左住 online advertisement 2) 做 evidence 啫, 到最後個問題就係究竟 seller 有無 breach 個 contract term? 即係個 sale 究竟係未 comply with "product discription" 呢?

阿占係 hearing 就問左老野幾個問題:

1. What is "full service"? - 多謝個 judge 幫我一把追問, 老野個 friend (witness) 幫佢部車做 service 果時無詳細 check 個 engine 同 gasket, 果次只係普通檢查, 我開始懷疑張 MOT certificate 係未兩條友係自己車房做馬 approve 個 test.

2. What is "mint condition" - 又要多謝個 judge 幫我一把追問, 個老野開頭話唔知咩野係 "mint condition", 話係 "general expression", 個個 private seller 係 advertisement 都係咁寫, 唔怪得佢, 跟住個 judge 就姪佢話 "mint condition" 等於 "as new", "perfect", 之後老野話唔可以 expect second hand good 係 perfect, 係佢字典同眼中無 second hand good 係perfect, it may be "fair", "average" or "ok", 個 judge 就拍停佢話你寫你部車係 mint condition, 但講講下你就係咁 downgrade 緊你部車嘅 condition, 咁你做咩又寫 "mint condition"...........我心諗一部新車落地車主揸左5秒出到車廠門口就唔鍾意唔想要想賣, 名副其實二手車, 但係同新車有咩分別, 邊個話 second hand good 唔可以係 mint condition. (不過我怕囂張得滯無爆出口, 激死老人家過意唔去)

3. You said you sell your car for your daughter, but the previous owner said she never heard about you and your daughter, how can you explain? - 我開始覺得個 judge 好似收左我錢咁似我律師多D, 狂問老野部車嘅背景同資料, 部野係佢係 auction 買到, 佢自己從來未揸過部車, 個 judge 又姪佢未揸過咁你又肯定部車係 mint condition?

4. In your statement you said gasket blown is mainly caused by overheat, and you said I had ignored the overheat warning light and keep on driving, I couldn't see any warning light on and you were not in the car, so how do you know? Is it based on experience, assumption or hypothesis? - 老野話揸過同一款車話 gasket blown 多數係 engine overheat 所致, 但係又話根據經驗 (佢 claim 自己係 experienced engineer) 可以由好多原因引致, 聽完個 judge 就絰佢咁即係唔肯定啦, 再問我有無見到 overheating light on, 一個字 "NO".

法律 - 還不是文字邏輯遊戲

最後當然唔少得多謝 council Trading Standards 班同事 photocopy 左兩頁 small claim, sales law 同 case law 嘅 guidance 俾我 attach 係 statement (查實得兩三段有用), 話晒我同個 judge 講我 "seek further legal advice from the Trading Standard", 查實同個 enforcement officer 吹左幾句水咁大把, 不過試問一個 District Judge 邊有咁大 authority 同 gut 推翻 case law.......

阿占好少打無把握嘅仗, 要打就攞你命

>>July 10, 2007 at 7:09:39 AM GMT+8

2007 年 7 月 5 日 星期四 【晴】

今個月無咩 application 要趕, 家陣7月初但係已經做緊7月尾 deadline d cases........good

>>July 4, 2007 at 2:12:19 AM GMT+8