2006 年 6 月 27 日 星期二 【晴】

今日一早就起左身 大約12點吧 之後就睇下大眼妹既網頁 睇完之後又有好多感覺 唔開心既多 同埋 令到我更加想去保護佢 呵護佢 佢同得我一齊 我就會用盡我全力去保護佢 包括拿出我既生命 好耐都無試過話要用性命去保護一個人 大眼妹係第二個 佢係我值得去保護既人 唔似得之前果兩個 可能 大眼妹對我黎講真係得來不易 所以 我會好珍惜佢


睇左一陣之後 我就去左打日記 打到咁上下 大眼妹就打比我了 佢岩岩起身 佢問我今日點 當然係拎把風扇比妳啦 唔想妳再熱熱 於是就即刻沖涼裝身 之後就出門口了

上左車之後就打比大眼妹 同佢傾左一陣我話轉左車再打比佢 收左線之後就訓著左了 訓到咁上下好在醒到 唔係過左站就死火了 之後就行去坐令一架巴士了 上到車一個人都無 之後就再打比大眼妹 佢問我做咩上依架車 我話好熱 見到係屯門馬頭既就上了 唔理了= =

之後我再同大眼妹講我落車先再打比佢 去到差唔多屯門我就再打比大眼妹 之後就落車了 大眼妹響屋企已經見到我行緊過去了 於是佢落左黎接我 食埋支煙就上左佢屋企了

上到去 大眼妹就去沖涼 我就玩左陣電腦 之後眼訓 大眼妹就叫左我入房訓下 訓左一陣就起身了 因為怕佢爸爸返來比佢見到我唔係幾好 於是就拿拿聲出門口了

落到街 大眼妹同我先記得無食野 哈哈 於是就去左買野食 買完之後就去左坐巴士出灣仔了 因為佢今晚要同同事食飯 坐巴士既時侯 大眼妹問我留完個留言有咩感覺 我其實有好多野想講 但係響佢面前我又講唔出口 所以剩係答左少少 之後我因為眼訓就訓左覺豬了 大眼妹都訓左一陣 落車前大眼妹就叫醒左我了 佢唔叫我 我都唔識醒 哈哈

落左車 我同大眼妹就向銅鑼灣方向行下 緣途睇下眼鏡周埋電話 我知大眼妹好想買過部電話同埋眼鏡 所以 我要再努力d工作 搵多d錢了 行到過去銅鑼灣 我地就行返轉頭了 因為佢差唔多要返到公司了 緣途有講有笑 好開心 果一刻諗 好想妳永遠都響我身邊 唔好離開我 我好需要妳

行到過去灣電 同大眼妹去左增值 之後就要走了 好唔捨得大眼妹呀 見唔到佢之後已經好掛住佢了 不過又唔可以同佢一齊去 又唔可以比人知我同佢一齊 不過算了 我無介意過 只要同到妳一齊我就開心了

我上左車之後就打信息比大眼妹 之後過左一陣 我就打返我睇完個日記既感覺比大眼妹知 我其實都好想有信心架 不過 我好怕無左妳 我唔想再失去我至愛既人 我真係好無用...對唔住 不過 我會改架喇 我唔會再講依d說話 因為 我想比到信心妳

返到屋企 我哥同我媽已經響度了 不過無得玩電腦 所以搞到依家先打日記 岩岩訓左一陣 所以依家都好精神 大眼妹返左屋企了 好掛住佢 好想可以攬住大眼妹訓覺覺豬 唔知點解 每次佢攬住我既時侯 個腦都會一片空白 剩係得返佢 比佢攬住真係好想心 唔開心都會變到開心返

我地以後要努力搵錢 我要比到妳鐘意既野比妳 我唔怕辛苦 只要見到妳開心 我就會開心 我就係咁單純...

>>June 29, 2006 at 8:32:01 PM GMT+8

2006 年 6 月 26 日 星期一 【晴】

尋日一返到屋企就訓了 因為好累 臨訓前同大眼妹傾左一陣電話 等佢訓左之後我就訓了 叫左大眼妹起身打比我 臨訓前send左個信息比佢 咁我就訓了

之後第二朝起身 見大眼妹無打比我 一開始以為係因為個信息 所以佢唔想打比我 我都算了 可能真係唔應該send一個咁既信息 因為會令到妳反感 所以見妳無打比我 我都唔敢主動打比妳 怕妳會嬲

沖完涼之後電話響 係大眼妹打比我 我仲以為佢睇完個信息之後唔會再理我了 當佢打黎既時侯真係好開心 之後同佢傾左一陣 佢話今日又遲左日身了 好眼訓 正一傻妹黎架 之後我同佢講出門口打比佢 叫佢如果上左車就訓陣

出門口之後我就打比佢了 傾左一兩句之後叫佢快d再訓過 唔係一陣返成日工都無精神 之後我都上車了 上車後我都訓左了 訓左一陣
有個女人坐左響我隔離 佢d香水好勁 我訓著左都聞到 好想死 坐成程車都不停咁咳 不過都無辦法 算了...

差唔多落車 大眼妹就打比我了 問佢響邊 佢話都差唔多到了 咁都好啦 都唔係遲好多~返到公司就開始做野了 星期日好少人 今日老細都無返黎 我見大鋪咁多人 我就過左細鋪做野 企左響細鋪成日 其間亦都有同大眼妹send信息 不過全日都好眼訓好累 但係唔緊要 同大眼妹send信息我就會好精神架喇 之後訓左一陣覺 我同事都無叫醒我

過左無耐 大眼妹問我想唔想出黎 我話好 就去左果度見面了 我見到大眼妹都好累呀 但係我又可以做到d咩 剩係可以心痛 但係又唔知點樣先可以令到精神返 我依個人真係好無用 連為自己鐘意既人做少少野都做唔到...剩係可以見到佢辛苦

見左一陣面之後就返返去做野了 其間再send下sms 同大眼妹講左好多野 坦白講 我真係剩係識得咁樣對妳好 我唔識用說話去令到自己鐘意既人開心 只係識做 我亦都係一個好悶既人 剩係識得打機 其他咩都唔識 我亦都知追妳既人比我叻好多好多 但係 我又可以改變d咩 只係識做一d雞毛算皮 個個都會識做既野

不過 只要妳開心 我永遠都會做落去 成日都同自己講 有咩資格要人地對我好 自己條件已經唔係好 仲可以有咩要求 只可以順人意去做 亦都唔會有人在乎我依個朋友 可有可無 算了 都慣了 咁多年都係咁 可以做到既 都只係對人好來同人維繫感情

send完個信息之後 自己走開左去第二度 因為d眼淚真係流晒出黎了 我係一個好眼淺既人 剩係識得喊 好似廢人咁...但係 自己又無能力去改變任何野 只可以接受

過左一陣都無事了 心情好返d之後就返返去做野了 到到差唔多放工 再send個sms同大眼妹講我等埋佢收工 咁我就同我d同事去打住機先 不過開始都唔係太想打了 因為一黎徙錢 二黎我唔想大眼妹成日等我自己一個坐響度悶 同埋我又玩得唔叻

打完之後 就同大眼妹同埋令一個同事行去坐車了 上到車又係好多人 又係得最後果行有位 大眼妹又要坐得辛苦了 對唔住呀 係我衰 打機打到咁夜 如果早d走我諗就會有位坐了 都係我唔好...又要妳辛苦了

坐左一陣之後前面有人落車 我同大眼妹就好快咁走過去坐了 見到大眼妹坐得咁舒服 我都好開心 之後同大眼妹傾下計 就差唔多落車了 落車之後去左食野 食野果時再講下我兩個朋友既野 講到我自己都有d火 大眼妹聽完都無講d咩 其實係正常既 比著其他人都唔會有任何野講

食完野之後行左去買野飲 之後就去左海旁了 今次大眼妹話帶我去第二度吹海風 好呀~我好鐘意坐海邊 由其係妳帶完我黎依度之後 我就好想成日黎了 如果我係住附近就好了 可以日日都黎 只可惜唔係...

去到目的地 就同大眼妹坐左響度 之後坐左一陣佢喊左出黎 正一傻妹黎架 有咩好喊喎 妳都識講過左去了 唔好再諗了 係咪^^ 坐左一陣之後見大眼妹都無事了 之後就轉左位坐 因為有小強 行到去海旁既最盡頭就再坐 不過都有好多小強 於是決定企響度算了

企企下就到我講下我自己既野 講到自己都又想喊 但係 我唔想響大眼妹面前表現得唔開心 我想佢每次見到我佢都會開開心心 不過 都係阻唔到自己既眼淚流出黎 大眼妹見到我咁 佢都唔開心

當我靜左一陣之後 大眼妹叫我轉過去望住佢 之後佢攬住左我同我講"我好鐘意妳呀" 我呆左一呆 因為 我一直以為妳只當我係朋友 所以 我無諗過會有依一日 無諗過自己會響妳口中聽到依句說話 當妳攬住我既時侯 我腦海浮現返依幾日發生既野 之後 我先識答妳 "我都好鐘意妳"

我都話我我遲鈍架啦 對於愛情 我真係唔識有咩做法去維繫 總之對妳好 我剩係識得咁 之後我話我無事 大眼妹話我眼有淚光 不過 我真係唔想妳擔心我 妳平時返工已經辛苦了 仲要諗埋我 妳會仲辛苦架 依d野就等我去做啦

之後再傾多一陣 大眼妹又講下佢之前既野 不過呢~大眼妹講錯野 之後就出事了 我覺得好熱 於是叫大眼妹走 拖住佢行得好快之後 叫佢行返慢d 唔好比果d野知道我地感覺到佢 之後行返去我地第一次坐果邊 坐到一半 果樣野就走左了

之後過到去 坐返同一張橩 望返同一個天 好舒服 攬住大眼妹妳既時侯就更加舒服 坐左一陣 再講下以前既野 我同大眼妹就閃了

之後就行返返去佢屋企樓下 大眼妹叫埋我上去 咁我都無所謂 我一直都想送到妳返屋企門口先走 上到去 大眼妹再次攬住我 果一刻真係好開心架 我知自己做既野無白費到架 我對人好 人地都會對返我好架 好多謝妳呀 大眼妹 響妳身上 我終於感覺到 攬完之後 我就鍚左大眼妹一啖 見到妳好開心咁喎ccc~之後我就閃了 其實仲好想見到妳架 不過無法啦 妳要返屋企 好唔捨得妳架~

之後行去坐車 見到原來無小巴了 咁無法啦 周圍行下睇下有咩車出返去 之後見到有個巴士總站有車去旺角 唔理了 上左先 上到車就打信息比大眼妹了 之後佢就即刻打比我了 佢咁快沖完涼既@@" 同佢傾左一陣 佢問我夠唔夠錢用 我話唔駛理我了 我有辦法架喇 最多真係再問我老細借住少少先 之後再同佢傾下還錢既事 我都係會還左比heidi先 fanny果d遲下先吧 再問大眼妹好唔好開信用卡 不過佢好似唔係好想我開 所以我諗我都會考慮清楚先了 妳唔想 我就一定唔會開

之後叫大眼妹快d訓覺豬 我知佢好眼訓 不過佢想陪我先話好精神 早d訓 聽日早d起身出去行下仲好啦 係咪^^ 收左線之後 我就訓死左了 訓到出旺角先醒 落左車個人都好頭暈 迷下迷下咁行去坐車返屋企 上到車又唔訓得 因為唔係響總站落車 返到屋企坐左一陣 send埋個信息比大眼妹之後我就訓左了 剩係知好快訓著左

依家就岩岩起身 睇左大眼妹個網 同埋打依篇日記 睇完佢個網頁之後 自己都有好多感覺

to大眼妹:我唔識用說話去取悅妳 我剩係識得做我諗到既野令到妳開心 我亦都會用盡我方法去保護妳 唔會比妳有事 對於我黎講 妳係得來不易 我唔會對妳講任何承諾 因為 我唔想當我做唔到既時侯 令到妳唔開心 我只可以講我會盡力去做 做到最好 我情願用行動去表示比妳睇 好過我空口講白話 亦都係妳 令到我覺得依個世界唔係得自己一個 對於依家既我黎講 有妳已經足夠了 只要妳唔覺得我悶 唔覺得我唔識做人男友 我生命裡有妳就夠了 請妳唔好離開我

>>June 29, 2006 at 8:30:14 PM GMT+8