2006 年 6 月 30 日 星期五 【晴】

今日又係好早起左身 因為老婆返工 我等佢起身打比我 之後收左線我就訓多陣 訓多一陣 又起左身了 因為打比老婆 睇下佢去到邊

老婆同我講佢今晚同佢前男友出去食飯 因為佢前男友今晚生日 其實 我真係好唔想老婆出去 我唔係介意老婆妳出去見前男友 而係 我唔想妳見到佢 妳會唔開心

不過 妳見邊個妳都有自由 我唔會管妳 同埋 妳同左我一齊 亦都唔代表我可以管妳 係 個心係有唔舒服 因為始終係妳前男友 我好驚無左妳 但係 我亦都完全信妳 信妳只會留響我身邊 唔會再同第二個一齊

老公只想妳同我一齊會係開心 唔會有壓力 所以 妳鐘意做咩就去做吧

今日妳同我講如果唔想見到果班人 最好既方法就係離開依間公司 如果妳夠決心願意同我一齊捱 我同妳一齊重新開始 去搵第二份工 離開妳依間公司 離開傷心既地方

>>June 30, 2006 at 1:02:32 PM GMT+8

2006 年 6 月 30 日 星期五 【晴】

To:老婆

手 願意捐給你拓著頭
做你的安枕剛好足夠
望你的天真可以永久
眼 看你半世還未夠
喜歡你的眉頭 哪怕皺起始終清秀

在某天 未發展 在某間咖啡店
尚記起坐你後面 習慣守望半天
望你從來都溫暖 想一生看下去
還會等一天八十歲 看你髮端灰色的點綴
未來只有樂趣 和你去拖手看新居
雙眼開始像飲醉 尤如觀星 你在這裡
我的雙眼裡 尋找到宇宙之最

心 像太專心看你在忙
望你不施脂粉多好看
自信坦率多可愛眼光
你碰上挫折仍硬朗 不沮喪不徬徨
看你鬥心多麼兇悍

但你竟 用決心 任意放棄所有
獨個走 我要殿後 視線跟著你走
直到你放開所有 想一生看下去
還會等一天八十歲 看你髮端灰色的點綴
未來只有樂趣 天真追我所追
只怕始終未登對 仍然想講我第一句
我的雙眼裡 尋找到美麗之最

說過愛你要接受意外 總要挑戰障礙比賽
最怕看見你抱著決心離開
說過要與你赤道看海 更說永遠愛你未變改
等著你 目光未會離開 等你 回我身邊繼續回味
眼裡每種溫馨好滋味 未來只看著你 微笑中
班點會皺起 得我始終望穿你
仍然想講 最後一句
我的雙眼裡 尋找到美麗之最

>>June 30, 2006 at 12:16:35 PM GMT+8

2006 年 6 月 30 日 星期五 【晴】

TO:老婆 其實 妳無比唔到開心我 同妳一齊已經係我最開心既事 所以 我話我生命裡面有妳就夠 因為 我唔需要屋企人 朋友 我亦都可有可無 響我角度來睇 我覺得一生人最親莫過於身邊既令一半 而妳就係我依家至親既人

將來我既親人都過身後 身邊至親既都只會得返令一半 所以 我只會認為我既令一半係至親 唔好再成日覺得自己咩都比唔到我了 有妳響我身邊 我乜野都唔再需要 只想妳響我身邊 就已經滿足到我 同妳一齊 我會永遠都咁開心

同埋 睇左妳日記了 唔好再話接受唔到自己既過去喇 妳接受唔到 就等我去接受吧 依個係我既責任 同妳一齊 我就會接受妳既全部 同埋 妳要話比妳以前果d男朋友知 依家妳無左佢地 反而比同佢地一齊既時侯更開心 妳要等佢地後悔 後悔點解當時唔珍惜妳 比佢地知道 依家既妳比從前更加開心 因為 妳好有眼光咁同佢地分開 話比佢地知佢地唔值得妳去愛

有咩唔開心 就同老公講 老公係妳既盾牌 有咩事 老公都會幫妳解決 我唔會剩係要妳一個面對問題 因為 我要我老婆同我一齊永遠都開開心心 忘記左果班不知所謂既男朋友吧 妳要話比自己知 妳永遠無對佢地唔住 只係佢對地欠妳一世

>>June 30, 2006 at 11:32:21 AM GMT+8

2006 年 6 月 29 日 星期四 【晴】

岩岩再睇老婆既日記 諗到好多野 雖然我同佢日子唔長 只有4日 但係 響佢心目中 我係一個點樣既人呢?係細路一個?我比唔比到安全感佢?佢覺得我對佢好唔好?依d我都係唔知的

其實 我真係好努力咁去維繫 不過 當依家我無工返之後 我真係好驚 我怕老婆會唔要我 我怕會發生返半年前既事 真係驚

由3月開始 至到今日 其實個人都不停精神緊張 因為依段時間 真係發生左好多野 朋友之間既野 愛情問題 不過 當我識到老婆之後 佢令到我可以放低晒所有依d問題 因為 我真係好想全心全意去對佢

其實 我成日提起heidi同fanny唔知老婆會唔會唔開心 但係 我真係好想比老婆知道以前既我係點 好想佢睇清楚我依個人 我唔想老婆同我一齊有後悔既感覺 因為 我真係好愛佢

依排成日都同老婆傾我既野 佢比我既意見真係好有用 所以 我決定放棄依班朋友 我要同佢地有個了斷 我一日仲搵佢地 我一日都會唔會開 我要老婆每次見到我都開開心心

依家既我 已經開始無再理佢地既野了 我依家只會關心我同我老婆既事 估唔到 經歷左咁多次拍拖之後 個天終於都比我搵到我最需要既一個人 就係我依家既老婆 "大眼妹"

同妳一齊 我真係完全無壓力 我覺得自己自由度好大 以前我d女朋友永遠都唔識睇諒我 開解我 只會理自己既喜與悲 但係 大眼妹真係好唔同 我同佢諗既野都好相似 經歷既野都好似 所以 我同佢對於愛情既認真 唔會有好多人會明白

今日我終於搵到妳了 我唔會比妳離開我 我要努力去維繫我地既感情 愛惜妳 保護妳 我要努力工作 我要有我地之間既天地 我要將所有唔開心既事放低 剩係關心妳既事

好多野想同老婆講呀 好多自己既心情都想講比老婆知 老婆星期一又放假了 到時我同妳一定會大把時間傾計 唔好話剩係星期一 以後都會有大把時間 我要永遠都只係拖妳一個隻手 永遠都剩係擁抱妳一個 永遠都剩係吻妳一個

"識到妳 是我今生的榮幸"

>>June 30, 2006 at 12:07:44 AM GMT+8

2006 年 6 月 29 日 星期四 【晴】

哈 我媽返左黎了 返到黎我講左之後 佢都係講一d唔會理我既說話 意思即係 就算我餓死都唔會理我 算了 預左了 依間屋既人 永遠都係咁

由細到大 依間屋既人對我都無好過 只要做錯一樣野 就會比人用木棍打 比人打到躲埋一角 佢地都仲唔會停手 由6歲開始 就一直打 打到18歲 哈 我都唔知點解會咁

由細到大 亦都無試過食一餐飽飯 每日都係捱餓 每日亦都剩係可以食到一餐飯 所以由細到大我都好瘦 記得有一次 我媽同我哥都去左旅行 去成個星期 不過 佢兩個都無諗過放低錢比我食飯 諗住都可以餓死了 就響依個時侯 有個朋友打比我話有人請我地食飯 於是就用身上緊餘既錢出左去 之後果一個星期 我都無返過屋企 因為 依個人知我無飯食 所以叫我住響佢屋企 等我一日三餐都食得飽 如果唔係有依個人 我諗我一早都餓死左了

到到大左 有一晚訓覺既時侯醒左 因為我哥同我媽講野講到好大聲 我無起到身 剩係聽佢兩個講咩 亦都比我知道左點解由細到大我都比人打到成隻狗咁同埋每餐都無飽飯食

我爸由細到大已經同我地分開住 因為 同我媽分左居 不過 我爸成日都返來探我同我哥的 不過 我哥好唔鐘意我爸的 所以 每次都只有我去見我爸 當爸媽離左婚之後 我同阿哥就跟我媽了 至於點解細細過就比人打同埋無飽飯食 其實依個理由都好無聊的 就係因為我個樣似我爸 我媽同我哥好憎我爸 所以 佢兩個都好憎我

就係因為一個咁既原因 我由細到大都比人咁對待 但係我又可以點 有邊個會信一個細路講野 我同我既親戚講過 但係 佢地都無信過我 剩係個個都話我唔乖 所以無飯食 所以比人打 哈 真係無野好講

唯一信我既人 只有我公公婆婆 同埋爺爺麻麻 但係都唔代表d咩 因為 我都好少見到佢地 有時佢地都會上來探我 但係 通常我媽都唔會比佢地同我講野 因為 唔想比佢地知我屋企人咁對我 原來 憎恨一個 真係可以咩都做得出

細過既時侯 亦都因為咁 我有試過自殺的 但係又死唔去 試過兩次都唔成功 唔成功唔係比我既屋企人發現 而係食安眠藥死唔去 兩次都係食安眠藥 有時問個天 點解唔比我死 點解仲要比我生存響依個世界

好細個 我屋企人已經同我講唔會比我講大學 因為無錢 就算有錢都唔會比我讀 所以好細個 我已經好討厭讀書 成日同學校既先生作對 係會比人罰 但係 佢地亦都唔會明點解我要做依d野

細細個亦都無咩朋友 每日返學都係得自己一個 放小息都係自己一個過 食lunch都係自己一個 因為 我既同學成日話我食粒 所以 我成日都比人蝦 不過算了 都預左

到到出來做野了 諗住可以自力更生 結果出糧 拎剩我2千蚊比我返工 哈 根本想走都唔會走到 哈 到底 我要幾時先可以脫離到依間屋既人 幾時先可以有自己既世界 直到今時今日我既生活亦都無改變過

依個世界上 有好多人都身在福中不知福 家人對自己好都覺得唔好 每日比足夠既零用錢 事事關心 唔會做錯野就破口大罵 想要咩就有咩 咁樣都覺得唔好~如果我屋企人有一成識做依d野 我都已經覺得有家庭溫暖了

>>June 29, 2006 at 10:56:39 PM GMT+8

2006 年 6 月 29 日 星期四 【晴】

今日我同heidi講左我還唔到錢比佢住 之後 佢就打電話比我 我同佢傾左好耐 講既都係講返前日阿京佢地做咩 同埋話比我知fanny上完大陸落完仔 依家返左落黎 不過 對於阿京同fanny既事 我都唔想關心 一個唔聽人講野既傻仔 同一個都唔知當自己係咩既女仔 兩個我都唔想理~

之後 我叫heidi唔需要講 因為我亦都唔想知 之後 佢話佢有兩篇密碼日記 我問佢睇唔睇得 因為係果日同阿京嘈果日打的 佢話有講我 所以我想睇下 睇完之後都無咩感覺 我係賤男人?如果我係賤 到到今時今日妳同fanny都唔會仲有搵我 講野都係口不對心 不過 依家既heidi對住每一個人都用一套方法 所以 我諗都係少見為妙

之後 heidi約左我聽日落九龍灣食野 又唔知佢想點了 不過唔緊要 我亦都唔會怕佢對我做d咩 佢話請食lunch 咁我一定到啦 難得有人請~順便睇下佢想做咩

傾完之後 我就訓左一陣 其間老婆都有打比我 於是都係訓下醒下咁 因為怕老婆隨時打來 咁我可以聽到電話響 要4日後先見到老婆 所以 只要可以聽到佢把聲 我都會即刻聽的 因為 我真係好掛住老婆

一陣我媽返來 知道左我無工返之後 佢會對我講咩呢~唉~怪又係怪自己無用啦 無啦啦又比人抄 真係好驚又會發生返果兩年既事 我唔想再失去老婆了 老婆 請妳比d時間老公搵工 我會好快搵到的

>>June 29, 2006 at 8:51:49 PM GMT+8

2006 年 6 月 29 日 星期四 【晴】

今日開始又無工返了 今朝老婆打左比我 話左比我知佢起左身了 之後到到大約十一點到 我都起埋身了 因為擔心老婆唔知去到邊 不過 打比佢果時 佢都返到公司好耐了 所以都放心晒^^

之後就搞日記既野了 因為同老婆講左我會轉日記 轉佢用果個 之後果個唔會再用了 因為 真係唔想再發生d咩事

之後我哥返左黎 見到我無返工 又響度嘈 根本佢都唔明我做返比人抄就已經破口大罵了 我仲有咩好講 都唔試下去了解我 就不停話我 唔關心我都算啦 仲要不停落井下石 夠了 我話過我要離開依一個家 既然佢兩個都咁唔鐘意我 我住響度亦都無意思

之後我哥同我講野 我都無理佢了 唔想同唔了解我既人嘈 依個家庭 由細到大都唔會有溝通 少少野就只會鬧人 重來唔了解自己個仔諗咩 都唔明其他人 自己屋企人關心自己都話煩 返而我自己都想屋企人細心問我點解無得做 篇篇 我屋企永遠都唔會

算了 唔想講d唔開心既野 我哥走左之後 我就轉埋msn 一了百了 咁就唔會比佢地搵到我 下個月出糧再轉埋電話number禁我以後就可以安安靜靜咁生活了

老婆 多謝妳支持我 對我不離不棄 不過講真 我唔想再發生果兩年既事了 所以 我會比心機搵工 唔可以再比自己懶了 我要同妳有將來 好認真咁講 妳 我已經認定左 將來同我一世既人 我認定左係妳 比我照顧妳一世 好嗎?

老婆今晚去同同事bbq~自己一個出去要小心呀 老公會擔心妳架 有咩事就打比我啦 老公會等到妳返屋企先訓覺豬

>>June 29, 2006 at 2:35:26 PM GMT+8

2006 年 6 月 29 日 星期四 【晴】

各位好 因為某些原因 本人在這裡開了新的日記 希望大家多多觀看 由其係我老婆 要多d上來呀^^

尋日返到公司就開始做野了 做到下午又出去送貨 做左成日野之後到到差唔多收工 老婆打比我話佢走得了 問我走得未 咁我就問我老細比唔比我走 佢話唔比 咁算啦 之後過左好耐 都唔見同事響倉拎野落黎 老細就話收工了

收工既時侯 我因為無晒錢了 諗住問我老細借少少錢 等我可以捱到出糧 不過佢話唔借 算了 之後我就閃人 打比老婆 老婆響地鐵站 我就行去搵佢了 當見到老婆既同時 公司打黎 原來係我老細 之後佢同我講話決定抄我 要我一次過還返晒所有錢 同埋即日唔駛再返工 果一刻 覺得好灰囉 老婆見到我勁唔開心

辛苦左差唔多兩個月 到頭來換返黎既係因為我調左放星期一 所以佢抄我 仲要話我無通知佢 講真 我話放星期一既時侯 講得勁大聲 我d同事個個都問我做咩想放星期一 咁我就話想就老婆 因為佢放星期一 所以我想放 我公司9個同事 9個都聽到我講 我老細當時都在場 佢居然同我講聽唔到囉 算 我無野好講

同我老細傾完之後 老婆問我做咩 我話我比人抄左了 老婆問我點解 我話唔知 可能我唔夠勤力掛 於是老婆叫我唔好唔開心 唉 唔開心又可以點 於是同老婆講我無野 老婆就同我左我去行左一陣了 行左一陣之後 我同事打比我 話返比我知我點解比人抄 算了 依個世界總會有仆街既存在 果條仆街一路都唔妥我架啦 又細路仔 算了 唔想講條廢人

收左線之後 老婆問我想去邊 一開頭話行維園 之後老婆再問我想唔想入海滂坐 我話想去海滂坐 於是就同老婆返入去佢屋企附近坐了 上到車 我同事再打比我 問我返唔言298 我都話考慮下先 因為依個場都幾煩下 同我同事傾左一陣就收左線了

收左線之後 老婆叫我唔好唔開心 我話我無野 我無唔開心 之後唔想d氣氛咁樣 問下老婆要唔要我d鈴聲 於是就過比佢了

過完之後 老婆想訓覺豬 於是我就攬住左佢 攬攬下 見到老婆原來喊緊@@"我問佢做咩喊 佢話無野 之後見佢冷靜左之後再問佢 佢話見到我唔開心 所以喊左出黎 正一傻妹黎架~有咩好喊喎 又要妳擔心我了 老公鍚返^3^

落左車之後 我就同老婆行左去食野先 同老婆傾下返工既問題 之後就去左海滂坐了 尋晚好好風 又搞到我唔想走了 坐響度真係好舒服 其間同老婆傾下佢既野 我問佢果時佢同佢既男友有無做果樣野 佢話無 因為 佢覺得當比左果樣野男人之後 個男人就會走 佢亦都將佢既經歷話比我知 聽到之後 我對於佢既男朋友只可以講一個字"恨"

同一個女仔一齊 我相信唔係因為果樣野而一齊掛 為左果樣野而生存?人地唔比就分手?無果樣野會死架咩 不知所謂既男人 我自己係男人 我都憎自己 點解自己要係男人 老婆見到我嬲嬲 佢都叫我唔好激動了 咁我都無再激動了 於是我又講下我果d 我有 但係 我要求唔多 果時同heidi一齊 我亦都試過幾個月先同佢搞一次

佢反問返我點解唔搞佢 咁我好直接咁問 我唔想就唔搞架啦 一齊又唔一定要做果樣野~係 每個男人都需要果樣野 我都唔例外 但係 我唔會經常

老婆 妳放心 我知妳唔鐘意做依樣野 我亦都唔會要求妳比我 到妳真係想比我既時侯 妳自然會同我講 係咪^^ 妳唔比我都得架 我無問題的 所以 唔好諗因為妳唔比我而會離開妳 我係絕對唔會 我地大把時間 唔急於一時

同老婆傾完依d野之後 見到老婆好累 於是叫佢訓響我大脾上面合埋對眼休息下 老婆訓左一陣話凍 於是叫左老婆返屋企訓覺覺豬 不過 我同老婆都無錢了 所以要等出糧先再見到老婆了 有成4日咁多見唔到老婆 我會發癩架~~~~

送左老婆返屋企之後 我就坐車返屋企了 上到車就打左比老婆~同佢傾左一陣就叫佢快d訓了 唔係無精神返工 收左線之後 我都訓左了

坐左兩程車返到屋企 開左電腦玩左陣 睇下日記咁啦 睇左阿京果日記 廢話一篇 我亦都第一次響佢日記留言了 不過 亦都係最後一次 同佢講清楚之後 講左一句永別 唔好再見 唔想再同依班人有任何既維繫了 兩年了 真係夠了 我再痴埋去 我只會做返佢地依家做既野 所以 我一定會聽老婆講 唔再理佢地

睇完之後我都訓了 因為 想老婆一早起身打比我既時侯聽到佢把聲

>>June 29, 2006 at 1:28:03 PM GMT+8

2006 年 6 月 27 日 星期二 【晴】

岩岩同heidi傾計 同佢講我睇左阿京日記 叫佢唔好再同阿京講我既野 同埋同佢講唔想再比班廢人知我依家過成點 點知佢又搵交黎嘈 都唔知佢做咩 又同我講還錢既野 下下都拎還錢既野黎講 我自己都真係頂唔住囉 如果搵返我係為左錢既 咁就咪搵我啦 我有錢就自動還 我仲同人講我無後悔搵返依個朋友 不過依一刻我真係好後悔囉 "無聊人撩人 成擔廢物在附近"

本身自己唔需要還咁多錢 諗住好心 佢之前自己有問朋友借錢 諗住還多d幫佢還埋 點知仲要比人話返轉頭做廢人 夠了 我唔想再對依班人既任何一個人好 簡直自己囉苦黎身 本身還9千5 自己話要還二萬 好了 到到依家 我唔會再還二萬 決定還返9千5算了 我唔會再對佢地任何一個人好 唔怪得我阿媽兩個女仔都唔鐘意 超級大細路女

真係好嬲 我會聽大眼妹講 以後都唔會再搵佢地 下個月就轉number 唔想再比佢地搵到我 唔想再痴返埋去 依家 我只會對大眼妹好 佢先係我既一切 我有種感覺 如果我再搵佢地 我同大眼妹一定會好快分開 我唔想 我要同大眼妹直到永遠 所以 兩邊選擇 我當然一定會要大眼妹唔要佢地

依兩年既生活 我今日更加學到一樣野 就係唔好亂做好人 我依家只會對大眼妹好 其他人 細心諗過先吧

其實仲有野想同大眼妹講 我同妳識左一年了 由見返妳 到同妳講鐘意妳 到到拖妳手妳做左我女朋友 日子雖然唔耐 但係 就係有一份莫明其妙既感覺 可能 依句說話真係會快左d 但係 我真係好想同妳講 由見返妳到到今日 我係"愛"妳既感覺 其實 由見返妳之後 到同妳講話鐘意妳 再到到妳同我講有人追妳 我其實有退出既心態 因為 自問學識又唔夠 都唔知點同人爭 但係 如果咩都唔做 我真係會好後悔

"做左而後悔比無做而後悔好" 就算真係無結果 我都可以死心 最後我當然無放棄過 所以依家 我得到妳了 所以我話對我黎講 妳係"得來不易"

響以前既我 真係無試過只不過係幾日 就講"愛"一個人 但係 大眼妹就係特別既一個 可能 我同妳真係心靈相通 只要一日同妳一齊 只要一日妳仲要我 我都唔會搵第二個 我真係唔想再重新開始了 比我成為妳最後一個 好嗎?

每年每月既25號 會係我地永遠最開心最重要既一日 比我響度叫妳一聲"老婆"好嗎?

>>June 29, 2006 at 8:37:15 PM GMT+8

2006 年 6 月 27 日 星期二 【晴】

今日大眼妹打比我時 我已經起左身了 因為 我慣左8:45起身的 之後就沖涼換衫就返工了 大眼妹就一早上左車 尋晚話拎d湯比大眼妹飲 唔知佢會唔會鐘意飲呢

我上到車既時侯 打返比大眼妹 聽到佢訓緊覺覺豬唷~咁我同佢講左兩句之後就無講了 因為想大眼妹訓陣 之後我都訓左陣了 訓到半路 大眼妹打比我 佢話又塞車 點解成日都塞車 搞到我既大眼妹成日遲到 過份呀~~~~~之後我就落車了 落車時大眼妹打比我話佢已經返到公司了 突然間又會咁快既@@"

返到公司之後我都開始做野了 做做下 隔離鋪無啦啦裝修 仲要比我聞到我一定唔聞得既野"天拿水" 聞到之後 成個人即刻勁唔舒服囉 頭痛 頭暈 最緊要係個心口好痛 但係又可以點呢...過左好耐都仲聞到 我頂唔順了 打左比我老細 同佢講佢返到黎我就閃了 我老細本身都唔想比我走的 但係見到我真係好唔妥 最後都比左我走 走之前拎左d湯比大眼妹飲 佢話好好飲 咁就好了 見到佢飲得好開心 我都好開心呀^^

同佢企左一陣就閃了 今日走果時妳主動鍚我 我好開心呀 就算唔舒服都值得既^^

臨走我話幫手送埋貨先 送左兩個地方 大約送左一個鐘到啦 返到去交低返晒d野我就閃了 等車果時打信息比大眼妹 話我返緊屋企 上到車大眼妹就打返信息比我了 之後佢就打比我 佢叫我訓一陣 返到屋企打比佢 不過 我頭真係好痛 無咩心情講野 於是就剩係打返信息比大眼妹 對唔住呀 大眼妹= = 到依家 我就打緊依篇日記了

其實好想叫大眼妹放工過黎我度 因為我好掛住佢 好想見到佢 但係 如果佢來搵我 佢就會好夜先返屋企 到時我仲擔心 又無理由叫佢響我屋企訓 因為唔知佢會唔會 本身亦都有諗過佢放工既時侯去接佢 但係我無晒錢了 仲要5號先出糧 都唔知點返工...算了 怪就怪自己無用了 大眼妹 對唔住呀 今晚送唔到妳返屋企 妳自己返屋企既時侯要小心d呀 我好擔心妳架 返到屋企就打比我啦 ~大眼仔鍚晒妳 愛死妳呀 我將妳響我電話入面個名改左做 "大眼妹(老婆)"了 唔知妳會唔會唔鐘意呢...

下個月開始 我就要節儉d了 因為大眼妹佢個個月都唔夠錢用 我唔想見到佢要捱肚餓 所以如果我有錢 大眼妹就可以食得飽飽了 我唔可以餓親我既大眼妹架 同埋 節儉d先可以幫到大眼妹買佢想買既野 下次我媽煲湯我再拎比妳飲呀 妳要飲多d湯水 個人先會健康架

>>June 29, 2006 at 8:33:51 PM GMT+8