2006 年 9 月 24 日 星期日 【陰】

有時對住老婆妳真係又愛又恨 我想為妳好 所以問我妹 我唔係想要開心呀 做依樣野我唔覺得有咩咁開心 我只係想同妳更加親密咋 唉...

可能我用錯方法啦 可能妳只係需要精神上既愛 完全唔需要肉體 我就係知妳因為比唔到我 所以我先問下我妳有咩解決方法 點知妳又諗埋一邊

老婆 如果我真係要開心而去問 我仲會等妳比我?我暪住妳出去搵第二個比我啦 仲邊會等妳?妳話我講得岩唔岩

就算真係開心 都唔係我一個人開心啦 我搞妳妳都會興奮妳都話舒服 咁會唔會剩係得我一個開心呢... 傻妹 有時諗下點解我做每一樣野要咁做 唔好一諗就諗壞果邊先啦....

就算妳一世都比唔到我 我都唔會唔開心 因為都唔係妳想咁樣

>>September 24, 2006 at 3:29:50 PM GMT+8

2006 年 9 月 22 日 星期五 【晴】

岩岩去完見工了 唔知點解見依一份工特別輕鬆的 可能係我一直都想做既工啦 所以覺得特別開心

見既時侯 唔知果個係唔係老細 但係就同佢有講有笑 都見得幾開心 希望會請我吧 我唔想再坐響屋企了

老婆 多謝妳一直支持我 我一定好快會有出頭之日的

>>September 22, 2006 at 4:25:07 PM GMT+8

2006 年 9 月 22 日 星期五 【晴】

唔知點解 今日好想打日記 一陣出去見工了 好緊張 依排同老婆好左好多 嘈少左好多了 老婆亦都慢慢咁改變佢既情緒問題了 好開心

人大左 好多野已經唔可以好似以前咁 要識得自己去控制 我自己亦都對工作看得重左 因為我明白到 有工返先會得到自己想要既野 其實 我應該一早就要識咁諗

希望可以同老婆直到永遠吧

>>September 22, 2006 at 4:22:45 PM GMT+8

2006 年 9 月 13 日 星期三 【颱風】

唔經唔覺 又到左9月了 時間真係過得好快 今日既我 依然都係無工返 其實都有同老婆傾過 前幾日什至嘈到差d分手 原因係 老婆覺得壓力大 但其實 我壓力都大的 只係我亦都一直無同老婆講

我既壓力 就係唔想一直返一份工返幾個月就唔做 有時老婆只係睇到我既開心 都睇唔到我做野既時侯壓力響邊 我做既職位已經唔係高 仲怕驚做錯少少野就比人話 比人抄 做每一樣野都要好小心 有時好想同老婆講下 但係佢壓力已經夠大 我都唔想煩佢 不過 有時只係覺得 無人會明白我工作上既壓力有幾大

同老婆一齊就快3個月了 但係 唔開心既多過開心 我真係唔想再咁樣落去了....我要同老婆永遠都開心

>>September 13, 2006 at 11:07:01 AM GMT+8

2006 年 7 月 27 日 星期四 【晴】

故唔知有幾多日無打日記了 今日無返工 因為病左 發燒 唉...返左2c之後 身體就好似差左好多咁 我同老婆日日都唔夠訓 再係咁落去 都唔知會點 不過都無法 我同老婆都需要錢 希望可以快d搬出去住 住得比較近 咁樣可以多d時間休息

一陣就要去睇醫生了 依家老婆就返緊工 老婆都唔夠訓 唔想老婆咁辛苦 好想老婆轉工

依家同老婆既感情真係好好 好想同老婆結婚 好想真真正正做老婆既老公 同老婆一直到永遠 唔會分開 老婆 妳嫁比我啦 我一定會對妳好好架

>>July 27, 2006 at 12:40:42 PM GMT+8

2006 年 7 月 16 日 星期日 【晴】

好耐無打日記了 因為唔知可以打咩 日日都響屋企打機 所以都無咩打 聽日老婆放假了 好開心 可以係日都見到老婆

不過真係好特別 同左老婆一齊唔耐 但係 我好似同左佢一齊好多年咁 有時仲覺得我同佢好似結左婚咁 好鐘意依個感覺 可能 我同老婆真係經歷左好多野 亦都即自己所有既野同對方講晒 所以好了解對方

過埋今日同聽日就要返工了 可以唔駛浪費時間了 做人真係需要有一份工 去充實自己 令自己成長 要收拾心情準備返工了~~~

>>July 16, 2006 at 10:23:47 AM GMT+8

2006 年 7 月 12 日 星期三 【晴】

兩日無打日記了 前日去左2c見工 之後話過幾日就會打比我 希望快d打黎就好了 見完之後 就去左幫老婆tuner車車 因為老婆話想學玩灣岸 好快就815了 等有錢就教老婆玩

打完機就坐車返屋企了 返到屋企都係打機同訓下覺 訓醒老婆都差唔多返到黎了 老婆返到黎同佢食完飯之後 坐多一陣就訓了

第二日好晏先起身 因為老婆放假 等老婆起身之後就同左老婆去剪頭髮同埋買左幾隻ps2game 之後就返屋企了 返到屋企食埋飯就訓了

記得好似依兩日係咁 最近有d失憶 哈哈

>>July 12, 2006 at 4:47:52 PM GMT+8

2006 年 7 月 10 日 星期一 【晴】

尋日2c打黎 見我去見工 今日就係了

尋日大約5點到同左老婆去行街街 行左好多地方呀 原來有d地方我去過的 之後睇下我同老婆要買既野啦 之後去食左少少野 食完行多陣就返屋企了

返到屋企就食飯 食完就再睇碟 本身諗住訓一陣睇波 點知一訓就訓到今朝 哈哈

希望今日見工會見得成啦~

>>July 10, 2006 at 9:22:37 AM GMT+8

2006 年 7 月 9 日 星期日 【晴】

尋晚成晚都無訓 訓唔著 直到今朝 老婆d燒都仲未好 於是我叫老婆唔好返工住 之後再叫老婆訓多一陣

起身之後就叫老婆食野 因為佢要食藥 食完野之後 我就返返入房打機 老婆就玩電腦 打左一陣機訓左一陣覺 之後 老婆話睇埋隻碟 咁就起身睇了

癷完爬就再打機 打左一陣 老婆話打左日記 咁我過左一陣就出去睇 睇完之後 果日發生既事 好清晰咁響個腦度浮返晒出黎 覺得 自己都只係咁既程度

一直以來 我都認為自己響妳心目中係特別既一個 到左今日我先知 我原來唔係

>>July 9, 2006 at 5:15:42 PM GMT+8

2006 年 7 月 8 日 星期六 【晴】

前晚同老婆第一次做果樣野 佢只係用手 但係 就好特別 第一次有咁興奮既感覺 老婆亦都係第一個令到我咁興奮既人

第二朝起身 老婆既爸爸買左飯盒比我食 多謝世伯 雖然唔知世伯點睇我依個人 但係 我一定會比到幸福妳個女

食完之後我就返左入房了 打左一陣機同訓左一陣覺 醒左之後老婆就打比我了 再過左一陣老婆就返到黎了 之後就同老婆食晚飯同埋睇碟 睇左一隻就訓了

當食朝訓醒既時侯 老婆話唔舒服 之後摸摸佢個頭 要來發燒呀 之後叫老婆訓多一陣就起身睇醫生 依家就起左身了 準備出門口了

>>July 8, 2006 at 4:51:26 PM GMT+8