2006 年 12 月 13 日 星期三 【微冷】

依兩個星期 辛苦妳了 對唔住 我唔係唔想問妳關心妳 而係 我唔知再點樣問落去 我要講d咩做d咩 先可以令到妳覺得我無逼妳 令妳覺得我唔係有心睇妳既信息

妳話妳有理我既感受 但係 我覺得我響妳心目中係一個外人 妳有咩唔開心 都唔會同我講 只會搵妳既朋友 我會覺得自己好無用 點解我一d都幫妳唔到 點解妳唔開心 唔係搵我去傾 妳無晒安全感 其實我都係 男人都需要安全感 我覺得無安全感係因為 我對妳既事一無所知

係我講說話有問題 定係我講既野真係咁難明?點解妳都唔會諗下我講每一句說話既意思 我一時無工返 就變回以前咁 我有工返 我地就咩事都無 我都想有工返 但係 好多野都唔係我可以控制...

依兩個星期 我覺得自己唔知做緊咩 亦都唔知自己可以做咩...妳迷茫既同時 其實我都有 我有感受妳既感受 但係 點解妳總係要諗到我逼妳...點解妳唔可以去諗我係為妳好...

妳唔想無左依段感情 我都唔想 問題係 睇妳自己想點 妳要一直維持咩都唔講 我地亦都唔會有改變 妳話妳想改變 妳想我去感受妳既感受 但係 妳咩都無同我講過 我可以感受幾多?妳只係叫妳既朋友去感受 我永遠都唔會感受到

原來妳所講既轉變 就係以後咩都唔講 就係好似尋晚咁 返到黎 咩都唔講 訓覺就算 妳話妳響我面前做唔返妳自己 妳又唔講點解做唔到...我大男人 我乜野大男人 妳可以話比我知嗎?我做過d咩可以比到妳話我大男人 大男人 會響妳面前扮小朋友令到妳開心?大男人會諗每次同妳出街去睇咩食咩?妳果d所謂既朋友 妳話係佢就話係 幫到妳咩?佢識我幾多 有咩資格去批評我係唔係大男人 我真係好想問下妳果d所謂既朋友係幫妳定係想妳同我分手 響妳開心既時侯 有講過我做過d咩嗎?唔通妳剩係將我既缺點都話比人知 我既優點就比妳食晒?

妳要我理妳既感受 咁我既感受邊個理 妳響我面前同妳既朋友講妳既心事 佢地就係人 我就唔係人 佢地就可以聽妳既心事 我呢?妳有理過我感受嗎?我對妳係一無所知...簡單黎講就係一個陌生人 我大大個響妳面前 妳都剩係搵妳既朋友

妳搵妳既朋友就開開心心 我搵我既朋友 我話完比妳知 我仲要擔心妳會唔會唔開心 妳可以剩係交代一句就同妳既朋友出去 我呢?我要好似個仔問阿媽問比唔比出去 出到去打比妳 妳就用d好悔氣既語氣同我講野 我出去都唔會出得開心 妳咁又叫有理我既感受 妳會唔會問下我比唔比妳出去?有問過我鐘唔鐘意嗎?我係咪要每日都坐響屋企等妳返黎 一個朋友都唔可以有 返到黎我就要去理妳 自己想做既野都唔可以做 做人公平d好唔好?妳累 妳唔想比人嘈 妳想去訓覺 我無嘈過妳 我放工 我累 我返到屋企訓覺 我都希望有同樣待遇 依d野 妳又有同妳既朋友講嗎?

我唔知妳點同妳既朋友講我係一個點既人 但係妳講得妳既朋友話我係大男人 即係佢地根本唔知我做過d咩對妳好 如果妳同妳既朋友傾計只不過係為左想有人支持妳去認同妳所講既野 恭喜妳 妳做到了 因為 我已經係一個衰人 一個仆街 我只有對妳差 無對過妳好 唔係話妳 而係妳所講既野 妳朋友聽既野 都係只係聽到我係一個差既男人 妳成功了 好多人認同妳 我可以同妳講 妳係第一個我識既人而又話我係大男人既人

我要再重新講多一次我要講既野 唔好再屈我話我逼妳 我講左十幾廿次 我無 只係妳自己覺得 咩都係妳自己覺得 妳覺得既野就係岩 我點解要咁嬲 係因為 依5個月 妳都當我一個外人 妳從來咩都唔會同我講 妳既所有朋友先係妳男朋友呀~~~~~~~~~~~~~~~~~~~~~~~~~~~~

妳要我用心睇妳既日記 我都希望 妳會用心去睇返我既日記 將我每一句說話都諗清楚 唔好睇完就算 希望妳會用心去睇 去聽 我同妳講既每一句說話 唔好聽完 睇完 只係諗去壞果一邊

最後 我回復返平靜既心情同妳講 我仲好愛妳 如果依篇日記我所講既野都係錯既 妳同我講 我向妳講sorry 我怪錯妳 如果有岩有錯既話 希望妳會同我講 留言比我

妳睇到我內心世界有幾灰暗嗎?有感受到嗎?我既傷口 永遠都唔會有人醫得到...我經歷過既事 永遠都唔會磨滅到 感情 家人 朋友 事業...老婆 我好辛苦 我好想有妳既支持 因為 只有妳會聽我講野 聽我既心聲...

>>December 13, 2006 at 5:47:24 AM GMT+8

2006 年 12 月 10 日 星期日 【晴】

睇左妳日記 妳話妳心目中已經有左答案 我亦都知妳個係咩答案 既然妳有左答案 妳唔需要怕有d咩事會發生 因為根本就唔會有 妳仲會為我傷心流淚咩?唔會 妳唔會擔心我出去玩會點

要分手既咪出聲囉 可憐我呀?我唔需要 打電話比妳唔聽 妳咁唔想同我講野咁唔想見到我咪講囉 我亦都唔會做一個煩人既人 但係 我好憎人地有野唔講

反正妳都一早想分手架啦 我亦都無野可以再同妳講 分手吧 我來做決定 聽日我打比我媽 大家以後各行各路 我唔係乞衣 我唔需要妳可憐 我死係我既事 唔關妳事

妳可以大大聲聲同妳所有識既人講 阿洋依條仆街食軟飯 係呀 我係食妳軟飯 我返工辛苦 無人睇到 我返工有錢果時 妳唔會話無錢 到我依家無工返 每日都同我計住條數

妳可以話我硬頸 但係 我都係人 我都有骨氣 我唔會衰比妳地睇 我有工返 我一定會比任何人都做得更加好 不過 妳同妳既朋友 無一個睇到 我辛苦 唔會有人過問 我無工返我仆街果時 就只會個個響度笑我話我無工返

坦白講 我真係睇唔到我同妳既將來 一黎因為我無工返 二黎係我地既世界就只有錢 係 我地係需要錢 但係 唔需永遠都講住

我地由一開始到到依家 根本就係錯 妳返工辛苦 我睇到 我從來無話要妳陪我 因戚 妳返工已經好忙 我唔需要妳陪我做任何野了 妳放互返黎就算即刻訓覺 我都唔會嘈妳 但係 我有工返既時侯 我放互都好累 點解妳仲要走去嘈我 點解永遠都無人睇到我都辛苦 只有人睇到妳辛苦 我既辛苦 就唔係辛苦?我有向妳申過我返工辛苦嗎?我幾辛苦都做落去 因為 我知道我唔做既話就無錢 但係妳永遠都只會叫人睇諒妳自己

妳有同妳既朋友講我返工有幾辛苦嗎?妳只會同妳既朋友講 妳養男朋友 妳男朋友用晒妳d錢 妳男朋友無野做 妳男朋友又食煙又打機

妳有好多人會問妳工作辛唔辛苦 好多人關心妳 但係我無呀 就連妳都從來無關心 只係講妳有幾辛苦 我一直都無同妳講 但係我依家都想講呀 我返完倉之後 我兩邊膊頭都已經拉親 原因係因為d貨太重 我都要頂住去搬 我無同妳講 妳亦都睇唔出 妳一直只覺得妳自己係最辛苦果個 而我唔想增加妳既付擔 所以我一直都唔想同妳講 怕妳會唔開心

我唔係想講d咩 我係想話比人知 我都響依段感情 我都有付出過我既努力架 我同妳一齊依5個月 我唔係日日坐響屋企架 我亦都相信 妳同妳朋友傾既時侯 只會話我無工返係點 無話過我返工係點

夠喇 既然妳要得到所有人既支持去做一樣野 咁我都幫埋妳一份 我支持妳同我分手 唔會再有得返轉頭 永遠都唔會

>>December 10, 2006 at 1:54:40 PM GMT+8

2006 年 12 月 8 日 星期五 【晴】

睇左妳日記 我諗 我地都係時侯要分開 分手會係最好既方法 我會執埋d野 同我媽講搬返返去住 坦白講 無左妳 我真係唔知點 我亦都唔會有錢返工 我唔係要妳可憐我 而係我只係想講 自己有幾失敗 我仲好唔好返妳阿哥果度?我諗 妳咁多個男友當中 我係最無用既一個 照顧唔到妳 食妳軟飯 亦都帶最多痛苦比妳既一個

我相信 我走左之後 妳屋企人會最開心 如果知道我同妳分左手 一定會慶祝 好對唔住 我依d廢人 只會帶比妳無限既痛苦 希望妳可以忘記我 可能 問題一直都響我度 我要妳改 我一直係覺得妳有問題 妳既問題就係等於妳阿哥講既野一樣 但可能 妳根本唔覺得自己有問題 我今日同我既朋友講我地之間既問題 佢地都話 兩個人一齊 就要為對方改變 改變唔係因為d咩 只係想兩個人生活得開心 但係 妳永遠都唔會明依一點

妳成日只會覺得我要去改變妳 但係 妳都唔會問點解 只會問點解要妳去改變 我亦都有改變架 只係 妳從來都無睇到 妳話妳之前既男友咩都唔會同妳傾 我同妳一齊 就咩都想同妳傾 但係 妳有心機同我傾嗎?妳只會覺得我要妳去改變

尋日 妳煮左我想食既餸 但係 我真係好唔開心 唔開心 係因為 妳居然會諗到 我為妳做野 妳會覺得我係有目的而去做 如果我幫妳手 我會行到出去用電腦嗎 我幫緊妳手 我會用到電腦嗎?點解妳可以將我諗成一個咁既人 估唔到 我響妳心目中 會係一個咁既人 我真係 已經無咩可以再講

唔止妳既朋友叫妳同我分手 我既每一個朋友聽完我同妳既事之後 個個都叫我同妳分手 我將我地一齊既日子裡面所發生過既事都講得清清楚楚比我既朋友知 佢地都唔覺得我有問題 唔好話我既朋友 妳阿哥都話妳有問題 咁點解 妳唔去試下面對 唔通 兩個人一齊 真係咩都要問點解 問完知道左先做?唔通我為妳好 妳一d都感覺唔到?我響妳心目中 就只係一個剩係識打機既人嗎?

既然 妳要逃避 我唔會阻妳 妳自己決定吧 5個月既時間 就咁完結 唔好同我講妳唔想分手 妳自己日記都已經打左妳想過放棄 念頭有過 就會一直存在 到將來 分手既念頭都會再出現 希望妳以後 可以搵到一個明白妳唔需要妳去改 唔需要妳去成長既人 我真係無資格去教妳任何野 因為 妳從來都無聽過我講野

聽日 我會放低妳家鎖匙 之後 妳就可以永遠都唔駛再見到我 咁就唔駛再唔開心了 恭喜妳 我去邊度 妳唔需要問 我連我自己屋企返唔返到都係一個問題 所以 我根本就答唔到妳 妳既關心 就到今日為止吧 妳可能話我已經做好晒決定唔問妳 但係 妳都已經話想一個人 咁我都唔想再煩妳

今次真係永別了 電話號碼我諗我都會轉 以後妳都唔會搵到我 我亦都唔會再搵妳 妳又可能會問我仲愛唔愛妳 我可以答 我一直都愛 不過 係妳唔再需要我愛妳 都岩既 有邊個會需要我依d人 妳可能會諗到 依家既我呂似以前岩岩同妳一齊既時侯對妳咁好 但係 我可以話妳知 我為妳做既每一樣野 都係真心 都係出於一番苦心 我情願妳憎我 我都想妳做返以前我岩岩認識既阿wing 對住每一個人都係開懷歡笑

坦白講 妳對朋友仲好過對我 可能男友可以再搵過 但係朋友就好難搵到好既 我唔係介意依樣野 只係 點解每日妳對住我都只係唔開心 對住朋友妳就永遠都會咁開心 我真係完全帶唔到歡笑比妳 或者係都唔定 希望 妳會珍惜身邊既朋友

最後 我想講 我係一個廢人 我無資格要妳對我好 妳唔需要唔開心 妳離開我我覺得好正常 比著第二個都會 同我一齊唔開心就當然會離開我 好正常 又打左一大篇廢話 以後 自己好好保重吧

>>December 8, 2006 at 4:08:49 AM GMT+8

2006 年 12 月 4 日 星期一 【晴】

當妳睇到依篇日記 可能我已經離開左妳屋企了 尋晚訓既時侯 妳電話有sms 於是我幫左妳睇 恭喜妳有一個新既男朋友 以後 妳都唔駛再為我而辛苦了

我真係一個非常失敗既人 之前既女朋友係咁 暪住我有第二個 到左今時今日 事件重演 不過 我又可以怪邊個 怪就怪自己吧 希望妳同佢會直到永遠 我響依度祝福妳地

希望妳可以快d忘記到我 應該係話妳一定可以忘記到我的 因為 我都感覺到妳對我 已經無晒感覺 妳同妳既朋友講話睇埋我今次既最後機會 不過唔需要了 因為當一個人對令一個人無左感覺 就算佢做咩都無用 對吧...

好多謝妳依5個月帶比我既快樂同埋幫左我咁多 以後 妳就將妳既心機時間 放響妳依個男朋友身上吧 我唔值得妳為我咁做 我永遠都欠妳 永別了

>>December 4, 2006 at 10:09:43 AM GMT+8

2006 年 11 月 28 日 星期二 【晴】

都有成個月無打過日記了 因為 依個月都過得好平凡 最近 我諗左好多野 諗既野都係 我自己到底響度做緊咩 或者 有問題既人唔係老婆 而係我自己 到底 我會唔會比到幸福老婆 我連照顧自己既能力都無 每個月都唔夠錢用 一個男人 最失敗都莫過於無自己既事業

每日 我都令到老婆唔開心 可能 我真係唔係一個好人 唔係一個好既男朋友 最近亦都感覺到 老婆對我既感覺好似少左好多 可能 都係自己一手做成 可能 我根本就唔應該有愛情...

下個月有工返了 好想一直做落去 難得有人請我依個廢人 我都希望自己唔會再係廢人

老婆 響度同妳講一聲 對唔住...

>>November 28, 2006 at 1:11:23 PM GMT+8

2006 年 11 月 8 日 星期三 【晴】

聽日又要開始返工了 好似玩咁 岩岩上左手 又叫我唔洗返住 都唔知想點
今日打黎 又叫我聽日再返 返到月尾再算 唉...

又過左一個月了 11月了 好快就到我最鐘意既節日 不過 睇黎今年都係自己一個過多架喇

唔知阿勤佢地最近點呢 好耐都無見過佢地了 我唔係無朋友 不過 最好既朋友真係得佢地 起碼 佢地真係交心既朋友 唔係酒肉朋友 希望仲有機會可以見返你地啦

聽日返工 唔知會唔會唔慣呢 希望唔會啦 出左糧 有錢 又可以做自己想做既野了

>>November 8, 2006 at 7:56:56 PM GMT+8

2006 年 10 月 22 日 星期日 【晴】

不經不覺 返左依份工差唔多一個月了 時間過待真係好快 工作上既野亦都開始上手 同同事既晦係就一般 可能始終係做得未夠耐 唔緊要 慢慢來吧 最近 公司既球隊招攬我入隊 不過我都仲未決定入唔入

前排又同老婆大抄左一次 果時 真係有d忍唔到想提出分手 但係 最後我都無 因為 我唔想咁快放棄 我知會見到彩虹出現既一日 果日之後 老婆都變左

我唔係要一個聽晒我話既老婆 我只係想要一個溫柔既老婆 唔好下下聽到唔岩聽既野就發晒脾氣 其實 每次我都係用講笑既語氣話妳 目的 係唔想妳唔開心 想妳知道自己有咩問題 妳話我好似完全無問題咁 但係 我有問題既時侯妳睇唔到姐 因為 我既問題係同妳一齊之前都已經無事 即係話響以前我已經發生好多問題 到到依家已經改晒

錯過一次 我唔多再錯多一次 而以前無人同妳講既問題 我以後都會幫妳慢慢糾正返好

>>October 22, 2006 at 10:49:02 AM GMT+8

2006 年 10 月 15 日 星期日 【晴】

話咁快又一個星期了 過得好快 工作都算ok 開始上手 出左少少糧 買左個袋同兩件新衫 唔知過唔過到試用期呢

最近同老婆又有d嘈吵 講真 真係唔想再嘈了 妳唔識控制 我會幫到妳 改 我一定比時間妳 只要妳會改就夠了

其實 我真係唔會離開妳 我見佢兩個真係唔代表d咩 好似朋友咁見 唔通妳去見追妳既人 我又驚嗎?過左去就唔會有返轉頭先機會 就算真係有 單方面都唔會發生任何事

好好諗下我地既將來吧 老婆^^

>>October 15, 2006 at 7:57:41 PM GMT+8

2006 年 10 月 6 日 星期五 【晴】

今日係中秋節 不過我就響屋企過 不過唔係自己屋企 而係女朋友屋企 不經不覺住左響度三個月了 有開心同唔開心既野 不過真係不能盡錄 依家既我正係一個人過緊中秋節 真係自己拿來的 但係又可以點...朋友 我都唔知可以搵邊個 阿勤佢地?我都唔知佢地仲會唔會見我 可能 已經忘記左我了

返左4日工 暫時都算唔錯 希望今次真係可以做好耐 好想安定下來 計劃下自己既將來 好想儲錢 可以有我同老婆既小天地 屋企人已經唔要我了 就連朋友都...唔通 真係咁唔值得妻同我做朋友?唉...

其實 有時真係好想離開依個世界 去一個無人識我既地方從新開始 可以忘記過去所有唔開心既事 但係 依個樂園又會響邊?

無朋友 無親人 做人又有咩意思 有人可以話我知嗎?依家既我 依然都係得我自己一個 由細到大 我都係一個響人群中唔起眼既人 到到今時今日 我都係一個唔起眼既人 又有邊個朋友會記得我?今晚陪伴住我既 就只有BG4車房...

完筆

>>October 6, 2006 at 11:20:48 PM GMT+8

2006 年 10 月 1 日 星期日 【晴】

唔經唔覺又到左10月了 過多幾日就係中秋節 回想返以前 做錯既多 做岩既少 好想返轉頭去改變依d錯既野 好想同返依班稱兄道地既兄弟做返朋友 好多人都話佢地唔好 但係響我心目中 佢地永遠都係最重義氣既一班 有事亦都係佢地第一班行出黎支持我先 響佢地身上 感受唔到會比人出賣 但係到左今日 我無左佢地依班朋友了

過多幾日就返工了 唔知點解好緊張 可能真係唔想再無工返了 尋日諗住響返工前下佢地 可惜最後都係見唔到 唔通依d就叫做無緣?但係 我相信 只要係認識既 將來一定會再見返 不論之前發生過咩事 只要再見返 一定會可以再好似以前咁樣 開開心心 希望 我有命等到依一日既來臨

>>October 1, 2006 at 10:35:19 AM GMT+8