2006 年 7 月 7 日 星期五 【酷熱】

尋日全日都留左響老婆房無出過黎 因為覺得唔好意思 到到夜晚老婆返到黎 我就寫左封信比世伯 講下我既感受

全日都響老婆房睇碟 原來我都好耐無睇過碟了 睇左一陣就訓左一陣 醒左再睇 之後老婆就返黎了 坐左一陣食左少少野我同老婆就訓了

越來越愛老婆了 13日 我已經愛妳愛到咁深 之後既日子 我相信我地會仲開心 老婆 "我愛妳"

>>July 7, 2006 at 11:27:11 AM GMT+8

2006 年 7 月 6 日 星期四 【晴】

尋日送完老婆返工之後 就過左中環搵我阿媽拎鎖匙 因為仲有野未拎 所以要返屋企拎 返到屋企 拎左ps2 同埋我既成績表 拎完之後就閃了 出返去比返鎖悶我阿媽

之後就等老婆收工 打左一陣機 就返左去搵我兩個同事 同埋上左2c見工 見完之後 就等老婆收工 落左樓外搵我兩個同事吹水 之後約左尋晚食飯 我就問老婆一唔一齊去 老婆話好 咁我就同老婆一齊等我既同事收工

之後就出左旺角食野 食完就去左打波 打完大約1:30 之後就行去坐車返屋企了 返到屋企 同老婆攪埋其他野就訓了

今日老婆一早要開會 所以好早就出左門口了 希望2c請返我返去做吧

>>July 6, 2006 at 9:22:09 AM GMT+8

2006 年 7 月 5 日 星期三 【晴】

尋晚接完老婆收工 去左食野 食完就坐車返老婆屋企了 由尋晚開始 我就住響老婆屋企了 返到老婆屋企 佢細佬未訓 我就入左老婆房坐 換完衫 就同老婆玩電腦

玩左一陣之後 就同老婆落左街買野飲 因為睇波 去左7仔買 因為手提電話無電 但係就要行好遠了 行到去等莖電期間 我就買左本game書睇 成7~8年無買game書了 睇返之後覺得以前多野睇好多

之後就買左雪糕比老婆食 因為老婆話熱熱 食完岩岩好差完電 咁就買野飲同野食了 點知想走既時侯就落雨 咁都無法啦 所以買左把遮 點知一買完就停雨 真係勁無奈 徙左50蚊了....

之後就行返屋企了 行到返去岩岩好開波 睇左半場都無咩起色 所以決定同老婆訓覺了 臨訓前同老婆傾左一陣計 幫佢按左一陣摩 當老婆比我睇佢背脊既時侯 我都不禁嘆氣 成身傷晒 唔係比人打既傷 係搬野搬到傷晒 見到老婆咁 我決定要帶佢去睇趺打

按摩完之後就訓了 訓到今早 睇到一個信息 唉...都唔知點好了 令到老婆好難做 總之快d搵到工就自己搬出黎住好了

之後就送老婆返工 送完之後我就過左去搵我阿媽拎鎖匙 因為我仲有野未拎晒 一拎之下 都估到佢地真係會換架喇 有邊次唔會換呀~仲要係無得配既 都幾好呀 我就當無左個阿媽同阿哥

依家就返到屋企了 坐一陣就閃了 因為要拎返條匙比人 以後都唔會再返依個屋企了 亦都唔想再見到依兩個人 我就當自己從來都無親人 至親既只得返老婆 佢亦係我依一生最親既人 唔會改變

>>July 5, 2006 at 3:04:49 PM GMT+8

2006 年 7 月 4 日 星期二 【晴】

尋日下午同老婆出左街 因為約左阿妹食飯 於是就出旺角了 出到去之後 就去左東京一番食野 好耐無黎過了 d野食都仲係咁好食 唔錯~食野其間都有講有笑 幾開心架~

食完之後 就一齊去左行街 因為老婆話買野比我 最初我都唔知咩來架 之後問阿妹 佢一估就估到了 女仔即係女仔 本身一開始叫老婆唔好買的 因為我唔想徙錢 但係老婆話一定要買 所以最後我都聽老婆話去左買了

最後去左新之城 睇左幾間之後 覺得其中一間有一條好岩自己 於是就決定同老婆去果度買 買左$450 之後個老細仲送多條白晶比我地 我就比左老婆帶了 我覺得老婆帶得好好睇

買完之後 阿妹話返屋企了 因為佢男友好累 我就同老婆去行apm 之後就各自閃了

之後就行左去坐巴士過觀塘 原來老婆第一次行apm 於是我就帶佢行下 無黎咁耐 覺得多左好多野睇 同老婆睇既野都係一樣的 本身有野想買的 但係因為要幫老婆慳錢錢 所以最後都決定唔買了

行完之後 我話幫老婆開車車 因為我想教老婆玩灣岸 就去左金田了 玩左幾鋪之後就閃了 之後就同老婆坐車車返屋企 行去坐車其間 我媽打黎 叫我快d還錢 同埋唔好再帶人返屋企 又係打黎講廢話 我無同佢嘈 就咁收左佢線

之後上左車無幾耐 我媽又打黎 又叫我尋晚一定要返屋企 因為還錢比佢 還完之後就唔駛再返 因為佢會換鎖 之後我都係無理佢 就咁收左佢線 老婆問我做咩 我話返比佢聽之後 老婆叫我唔好還 因為還左同唔還都係以後無屋企返 咁還黎做咩

如果唔係我屋企人 我都唔駛問我老細借糧 唔駛一次過還 唔駛出得果千五蚊糧 依間屋既人永遠都係剩係識得顧自己 我已經唔想再住響度了 每日都剩係識得講錢 從來都唔會理人感受 睇住人地死佢兩個就最開心 4年了 我衰足4年 佢地一蚊都無比過我 仲要我比錢佢地?

同老婆呻左一陣之後 老婆叫我上佢屋企訓 本身都唔想的 怕佢比屋企人話 但係老婆話唔緊要 所以 我最後就上左老婆屋企了 上到老婆屋企之後就即刻訓了 因為我同佢都好眼訓

直到今朝一早起身 我媽又打黎 叫我今日返屋企拎埋d野 咁我咪返屋企拎囉 我情願死響條街度 我都唔會死響依個屋企

老婆叫我今晚再上佢屋企訓 不過我叫佢問左屋企人比唔比先 因為始終都唔係太好 不過 其實我都無咩要執 剩係得d衫褲 一個袋就ok

今日老婆send左個信息比我 老婆多謝妳呀 老公一定會努力的 我衰比任何人睇 都唔會衰比依兩個人睇 既然佢地想我走 咁我留響度都無晒意思 我最多訓街

>>July 4, 2006 at 1:59:44 PM GMT+8

2006 年 7 月 3 日 星期一 【晴】

今日好早就起左身了 同老婆成晚都訓唔到 唔知做咩...等我哥走左之後就起左身玩電腦 同老婆睇下網頁咁啦

尋晚訓癿既時侯發生左d野 老婆問我係唔係想 我係想 但係 我知老婆唔想 所以 我亦都唔會要求 其實 口口聲聲話自己唔需要 但係 我都係男人 我都好耐無做過 不過 果一刻覺得自己同佢之前d男友都無咩分別...覺得自己都係一樣咁差

老婆 唔知妳果一刻點諗 但係 我就好睇唔起自己 諗住自己可以控制到的 但係 最後都係唔得 最後都係開口同妳講左 唉...仲話自己好男人 我覺得自己響妳心目中已經唔係一個好人了

>>July 3, 2006 at 5:06:01 PM GMT+8

2006 年 7 月 3 日 星期一 【晴】

尋日大約兩點到起左身 之後就打機 一路打到大約4點到 之後食lunch

再打到大約7點到 就去左沖涼出去接老婆放工了 上到車都無訓覺 落左車就去左打機了 唔知點解今日狀態好好 入左一次錢就係咁贏 都好耐無試過了 可能練返之後d技術返返黎啦

一路打 老婆都到左了 之後本身打完就走 之後老婆同事打黎話留低左個銀包 咁我叫老婆去搵佢同事 我自己就再打過

打到咁上下 老婆就返左黎了 不過佢同同事打機 咁我就再打28人 打左5條28人了 差一條就升s5~6

之後就開始比人挑機了 一開始比一個人挑的 佢不停撞我 不過我都由佢了 返正又挾我唔死的 之後佢都好似挑左我6鋪 但係都係我贏的 開始唔想玩 之後就有兩個傻仔坐落黎挑了 仲以為佢地好勁~~~~~~挑左兩鋪都係我贏~~~~之後最後一鋪就到終點停響度就算了 係串左d架喇 但係唔咁做 成晚都唔駛走~

之後就坐車去旺角了 去到旺角就即刻去食野 食炳記牛牛 好似好食左咁 可能好耐無食既原因

食完就同老婆行左去尖咀 行左半個鐘到啦 行到海滂 老婆話好累 於是就坐左一陣 之後見老婆好累了 就叫老婆返屋企唔好再坐了 返到屋企就即刻訓了 但係兩個一直都訓唔著 呵呵 死未~~~~~

依家就有兩條活死屍響度打日記同睇我打日記 哈哈~~~~~~

>>July 3, 2006 at 10:36:59 AM GMT+8

2006 年 7 月 2 日 星期日 【晴】

今日終於都出糧了 不過就出得唔多 得千五蚊 返去公司出糧同埋接老婆收工 唉 本身如果唔係借左糧都有4千幾蚊 還返之後就得返千五 唉...都唔知點過...

出完糧 就去左機鋪等老婆收工 打左幾鋪之後 老婆就到了 打多一陣就走了 之後就去左坐車送老婆返屋企 上到車 見到老婆個樣好累 於是就叫老婆訓覺 (唉~都係我唔好 唔係我老婆就唔會咁累了)

落左車之後 老婆就陪我食野 食野其間好搞笑 哈哈 食完之後就送左老婆返屋企了 之後我都坐車返屋企了 出到去旺角因為好悶 所以走左去打多一鋪機 三蚊玩左幾耐...打完就行左去坐車了

依家就響屋企打緊依篇日記

岩岩諗返起果兩年既生活 突然間好驚 好驚又會再重演一次 又係一拍拖就無工返 真係好驚會無左老婆 我真係唔想無左老婆呀 我已經去到好愛佢既階段喇 老婆 求妳唔好離開我

>>July 2, 2006 at 2:21:20 AM GMT+8

2006 年 7 月 1 日 星期六 【晴】

岩岩睇完老婆同佢之前既男朋友既相 好多感覺 第一個感覺係 佢地比我既印象都好差 第二個感覺係 佢地都唔係好人 第三個感覺係 我好似從來都無響老婆既世界入面存在過 其他既仲有好多 不過唔知點講

7日了 今日係同老婆第7日 好多感覺 依7日話左比我知 以前既我真係好白痴 點解會同果兩個人一齊 浪費左咁多時間 我響一年前就認識老婆 雖然我同佢既見面機會簡直係少到可以話機乎無 但係好坦白講 如果果時我唔係有女朋友 我就會響果時追老婆 但係如果果時追老婆 又唔知會點呢

我同老婆識左一年 但係 我同佢都只係今年5月先見返面 仲要一開始老婆都唔認得我 但係 我就好認得老婆了 因為果時既我對佢有過一剎那既感覺 不過 當時我同佢都有令一半 所以我都打消左追佢既念頭

直到見返老婆之後 即係今年5月 無見一年了 居然會響同一個電腦商場見返面 仲要係同一個商場返工 我知自己對佢仲有感覺 雖然唔係多 之後過左幾日 我就問佢拎電話了不過我亦都知老婆一直都有好多人追 所以 其實我都唔敢對老婆做d咩 怕會因為比佢知道左我鐘意佢而避開我

直到有一日 我約老婆搵日放工之後食飯 佢答我無問題 我覺得我係時侯話比佢知我鐘意佢 起碼 就算真係無結果 我都可以令自己死心 於是就send左信息比老婆話我想追佢 不過佢都無答我

過左兩日 我再上去老婆公司問佢係唔係放工食飯 佢拉左我出去講 之後話係 同埋佢話我知佢收到個信息了 不過 果一刻我都唔知點回應老婆 所以我無講依個話題 到到第二日放工 我就同老出左去食飯了

去左食壽司 一路食 我同老婆都有傾有講 其間老婆問我點解想追佢 我答老婆 感覺 因為我鐘意一個人真係唔會理佢既樣貌 外表 衣著 之後老婆再問我佢有乜野好 我無答佢 我話剩係知自己鐘意佢 之後老婆比左一個答案我 "我暫時已經唔想再拍拖住了"果一刻聽到依句說話 覺得老婆已經好婉轉咁拒絕左我了

食完飯之後 同老婆行左一陣就送佢去坐車返屋企了 因為老婆住好遠 住屯門 我同老婆講我送埋佢返屋企 因為我唔想佢自己一個夜嘛嘛返屋企 仲要係女仔 仲係我鐘意緊妳 我更加唔會比妳咁夜自己一個返屋企 就算只係普通朋友 我都會送佢返屋企

緣途同老婆一直行都有講有笑 不過 老婆都拒絕左我了 我都唔會覺得係咩 不過我仲鐘意妳 所以 我既想法都只係希望老婆開心 送到去車站 老婆叫我唔好送 但係我已經決定左了 所以老婆都無再講d咩 上到車 同老婆吹下水 之後好快就到了 夜晚坐車始終都特別快的

送到佢返屋企之後我就返屋企了 到左第二日 開始同老婆send信息傾計 係好開心 不過 果時我都無期望d咩 放左工 我又送左老婆返屋企 上到車傾左好多野 諗住落車送完老婆返屋企就閃 點知老婆話帶我去海滂坐一陣

坐低之後 同老婆傾左好多野 一路望住個天一路傾 不過 有好多唔開心既野都唔想講出口 因為果時老婆仲未同我一齊 唔想佢幫我分擔我既唔開心 但係就見到老婆唔開心 所以就問佢做咩 聽下佢講佢唔開心既事

坐到大約4點到 我叫老婆好返屋企訓了 唔係無精神返工 送到佢返屋企之後 我就閃左了 之後既日子 我都有送老婆返屋企 亦都想見老婆多d 所以轉左放期放星期一 到到星期日既時侯 老婆叫我等埋佢收工 我當然無問題 返正我都無咩做

老婆收左工之後就去坐車了 因為話去海滂坐 上到車 老婆話今次帶我去第二度坐 佢話我一定會好鐘意 我答佢好呀 坐車途中 我同老婆都訓左覺 我攬住左老婆訓 因為想等佢訓得舒服d 不過果時既我亦都無亂諗野 只當老婆係朋友 落左車之後 同老婆去左食野 食野其間都傾左好多前女友既野 令到我好嬲 不過都算了 老婆聽完都無講d咩 其實都好正常 比著係第二個都唔會有野講

食完野 去左買野飲 之後就出發去海滂了 去左海滂既令外一邊坐 不過要行好遠的 但係無所謂 同老婆一齊 我去邊都會咁開心 行左一陣就到了 於是就同老婆坐低 坐低左一陣之後 老婆喊左出黎 我問老婆做咩喊 佢話感受到我既唔開心

之後我叫老婆唔好再喊了 我係唔開心 但係 妳都有唔開心喎 之後我就開始開解老婆了 其實 老婆同我講佢拍左好多次拖 佢已經好驚了 不過 我比左一個答案老婆 "喊即係表不妳仲相信依個世界仲會有一個人會對妳好好 只係妳未遇到" 老婆好認同依句說話 可能 因為我同佢都差唔多啦

之後我落左去海滂果度果d岩石度 坐左響度諗左一陣野 因為 如果我都喊埋出黎 就無人會開解老婆了 我唔想僭唔開心 坐左一陣之後我就行返上去了 不過 因為好多小強 所以同老婆轉左地方 行到去海滂既盡頭 我同老婆再坐 不過都係好多小強 所以最終都係企的

企左一陣 到我開始講我既野了 所左好多野 眼淚都一直忍住 因為 我唔想要老婆擔心 我 何況只係朋友 我唔想佢擔心我咁多 因為 佢每日工作都好忙 我唔想影響到佢 就當我忍唔住既時侯 老婆叫我轉身望住佢 當我轉完身之後 老婆已經攬住左我了 我聽到佢講左一句野 但係聽得唔係好清楚 剩係聽到"我好鐘意妳" 我呆左一呆 一直以黎 我都以為老婆只當我係普通朋友 因為 老婆拒絕左我 所以 我一直都無諗過老婆會鐘意我 個腦亦都浮現返同老婆一齊返屋企依幾日既野

當我呆完之後 我就答返老婆 "我都好鐘意妳" 之後 我就攬住左老婆再講 講完我既野既時侯 老婆講佢細過既野 其間呢 老婆講錯野 果樣野聽到 於是開始跟住我同老婆 我就叫老婆快閃了 之後我就拖住左老婆行

行左一陣已經無再跟了 於是我就同老婆慢慢咁行 行返去第一次坐既地方 本身話去沙灘果邊 但係我既感覺話我知唔好去 最終 我既感覺全正確的 於是就坐返響第一次坐既地方了 坐響度 攬住左老婆 講左好多 好多好多自己既過去 之後因為太夜了 第二日我仲要拎野比老婆 所以決定走了

送左老婆返屋企 我就閃了 返到屋企send完信息比老婆 我就已經訓死左

我同老婆就係咁問始架喇 真係好開心 因為 我得到我最想要既一個老婆了 佢係我心目中既女神呀 以後我地都要開開心心呀 老婆 我~~~~愛~~~~妳

>>July 1, 2006 at 12:38:31 PM GMT+8

2006 年 7 月 1 日 星期六 【酷熱】

岩岩出左去搵老婆 不過佢今晚約左人食飯的 但係我都話出去搵佢 出到去send左信息比老婆 之後我就企左響度睇人打機 大約過左半個鐘到啦 本身想返屋企的 因為唔想老婆食得太趕 所以send左信息比佢話我都係返屋企 之後老婆就打黎了 問我係唔係上左車 我話唔係 不過響新之城 於是老婆就過左黎搵我了

老婆過到黎之後問我去邊 其實我都無話想去邊 只係想見下老婆 之後問老婆想唔想過尖咀 老婆話無所謂 再問老婆尖咀有無車返屋企 佢話無 於是我就打消左依個念頭了

之後老婆問我想唔想睇人打機 我話好 因為一黎有冷氣 二黎免費娛樂 於是就去左機鋪了 去到機鋪睇人打灣岸 睇左一陣老婆問我想唔想打 本身話唔想的 但係老婆見我好耐都無打了 所以比我打左幾鋪

打完之後 就同老婆打手指機 咁次過左好多round呀~我同老婆都好開心 打完之後 老婆知我肚餓 佢要我食野 本身都唔想食的 因為無錢 但係最後都聽左老婆話 去左食野 食完野再同老婆行多陣就返屋企了

當行到去車站既時侯 見到條龍長到見唔到尾 要轉一個街口先見到 於是問老婆上唔上我屋企訓 不過諗左一陣最後都係叫老婆唔好上 因為怕我個仆街阿哥比說話老婆聽 所以最後都叫左老婆返屋企 送左佢去第二個車站坐車之後 我就行去坐車返屋企了

To老婆:對唔住呀老婆 老公任性 咁夜出來搵妳 係我唔好 明知妳唔夠訓都要妳陪我 sorry呀...搞到妳今日又唔夠訓了 老公以後都唔會咁架喇 老公以後都唔會再咁任性 又要老婆妳辛苦了...

我出左糧之後就帶老婆妳去食返餐好既 妳想食咩話我知 老公邊度都同妳去 總之妳開心就無問題~

>>July 1, 2006 at 4:08:44 AM GMT+8

2006 年 6 月 30 日 星期五 【晴】

無工返既日子 真係好悶 都唔知點解自己之前可以兩年無工返 依家 好想返工 但係 暫時未有錢返住 叫左老婆幫我問佢公司 不過細心諗下 如果返依間公司 我同老婆拍拖就要好避忌

因為依間公司好似好反對同事之間拍拖咁 所以 我諗我都會考慮下搵第二份返 等出左糧之後 返公司搵我同事傾下佢果邊做d咩 唔想再比自己懶落去了 要同老婆有將來 就要努力搵錢

返左工之後先發覺 一個人無工作真係好似廢人咁 就好似我依家咁 我唔想做廢人 所以要快d搵返份工了 我相信老婆會同我一齊努力的

再過多兩日就見到老婆了 無見兩日 好似無見好耐咁 好掛住佢 好想日日都見到老婆 見唔到老婆好辛苦 好似無左佢咁 仲有兩日 覺得好漫長...

>>June 30, 2006 at 8:30:56 PM GMT+8