2005 年 4 月 7 日 星期四 【晴】

要打返尋日o既日記
尋日真係好高興，
大家…唔好意思，我又講波啦﹗

尋晚係南華對福建，真係超級好睇，
隔左成日，場波依然o係我腦海游黎游去。
去到o既時候，就見到胡國峰同埋李偉倫，
我上場先開始鍾意胡國峰，所以當時感覺都一般，
少少開心咁。李偉倫就，我好似冇乜當佢存在喎﹗
當時，女子比緊賽，嘩﹗中銀領先成30分﹗
有個中峰好勁，我仲聽到人講：佢手臂粗過你個頭呀﹗^^

搵位坐啦之後，
今次冇左好人話我知坐邊度，
即係唔知南華會o係邊面
咁我地照坐返o係近大鐘o個邊，第四行。
之後，福建好多人都黎左，
坐我地o個便，
即時撤退，去南華o個邊坐﹗都係坐第四行
好彩，都算係個靚位﹗

成場波都好緊張，互有攻守，
除左最尾尾之外，
之前雙方最多都係領先六分乍，
領先冇幾耐，就比人追返貼，
打到最尾10秒左右，
南華射入好多罰球，終於領先三分，
之後無端端國成o係最遠射入球三分，
係咪神經架？﹗
南華加時前仲有一個攻勢，
做左比阿州射三分，
點知in and out~!!!
我大叫：唔好呀，我受唔住呢個刺激架﹗
雖然我心裏面都知南華打時應該唔會輸，
但係鄭錦興係有d變態，佢好勁﹗
又唔怯場，短短幾分鐘都入7分。
(不過讚壞左佢，佢有球太茅，球証判左惡意犯規)
打加時，福建宋方，宗銘達，吳華峰都先後五犯，
換出黎o既人可能未warm up，同埋實力都有分別。
跟唔到南華阿州呀，子健，楊敏華o既速度，
阿州搏到四球罰球，仲入哂﹗勁呀，阿州~~~~
子健又偷到阿威波，入左兩球快攻﹗
其實有球都算緊要，就係楊敏華鏟籃入左，(當時南華反超前一分)
又搶左球好重要o既籃板。雖然一向對佢都冇乜好感﹗
都要讚讚佢…


等我每個人都講下啦：
阿洋：15分，但感覺上佢唔係打得好好。可能其他人比他搶眼，不過依然喜歡他﹗
阿州：18分，南華隊中最高分，入左三球三分，好似五球罰球，最尾入罰球好關鍵，勁﹗
鋒哥：15分，都係入左三球三分，個人技術一流，有幾球扭入去靚到盡。仲有d助攻好靚﹗對佢極有好感。喜歡他，不只因為他勁，也因為他的動態，好專心。即使打得唔好，他的表情也是吸引人的，不知怎去形容，總之係型，係man，不過唔靚仔。榮升我心目中最喜愛的本地籃球員。第二係阿州，第三係阿洋﹗
倫倫：13分，五犯離場。上半場表現很差，射五球三分都冇球中，下半場就好得多，但當然不是極好，似返個人o羅﹗不過中段佢搶好多板﹗好人話對佢好失望，其實唔知乜事，不過算啦，對佢無好感可言。
蕭劍榮(蕭健瑩？)：15分，上半場表現特佳，好似主要係第一節，實而不華，難怪可以取替阿襪打正選。
劉子：15分，一貫打法，箭頭，跑得好快，佢入親波前面都係完全冇人﹗不過都勁o既，佢係都係好感唔大o羅﹗
楊敏華：4分，冇乜特別，特別之處已經o係上面寫左。
阿襪：0分，冇表現可言，通常打1-2分鐘就比人換走，遲早收山﹗

翁金驊：12分，上半場表現好﹗下半場就冇咁準，但係成日唔聲唔聲搶到籃板，快射入。
宗銘達：15分，五犯離場。最深刻係佢咁矮，有球搶到籃板入，射波都幾準。
阿威：17分，唔覺唔覺都17分，入左好似三球三分，但係就冇乜印象邊球特別靚，反而比turnover o個兩球就有印象﹗我諗佢應該唔差o既，唔會好似李生咁，要等成四五場先有場好d，睇下佢幾時發圍啦。
吳華峰：9分，五犯離場，頭段相當搶眼，搏到兩個得分兼得罰球﹗
宋方：8分，五犯離場，表現麻麻，冇乜特別。加時o個時有球雙手封板，其實應該goaltending，球証執法水平…
鄭錦興：7分，幾乎只係加時出現，表現特佳，入左四球罰球，唔知早d換佢入黎會點﹗佢真係明日之星。
梁國成：20分，全場得分最高分，射波準到極，射入球三分打加時當然係令人印象深刻。另外，佢起親手都好似入咁，好得人驚﹗贏唔到波，真係幾可惜﹗不過我係捧南華的。

尋晚重同胡國鋒影左張相，實在係好興奮﹗

好人話舊年南華對永倫超正，
南華加時贏兩分，應該超好睇﹗
好人：你咁慘見到香振強呀﹗

星期六南華對永倫決賽，無得睇﹗
南華一定要復仇呀﹗

>>April 8, 2005 at 7:03:31 PM GMT+8

2005 年 4 月 7 日 星期四 【晴】

Luen: 唔怕唔怕，做完唔同人講o羅﹗

淑儀：我初時以為係邊個數目，因為呢d測驗通常都係答0-9嘛﹗知道寫1億~~~

巧兒：好玩架﹗有幾題都幾準﹗

ada：懶da﹗

橙：如果比阿慈玩，話唔定佢都係答同一個答案呢﹗

九九八十一師妹：我都覺得有d幾準﹗

emily：呢d野係有d無聊架

>>April 7, 2005 at 8:46:52 AM GMT+8

2005 年 4 月 6 日 星期三 【晴】

很好玩的測驗啊！

一道一道題目地做，別跳著讀：

1) 寫下一個異性的名字
2) 你最喜歡的顏色是紅色，黑色，藍色，綠色，還是黃色
3) 你英文名字的第一個字母
4) 你的生日是幾月
5) 黑色和白色，你更喜歡哪個
6) 寫下一個同性的名字
7) 你最喜歡的數目
8) 你喜歡美國的加利福尼亞州(California) 還是福羅裏達州(Florida)
9) 你最喜歡湖還是海洋





答案 (括號內的是我的答案)

1) 你深深的愛著這個人 (阿慈)
2) 如果你選擇：(藍色)
　　紅色：你是很警戒的人，你的一生中充滿了愛
　　黑色：你很保守，但很自負
　　綠色：你的靈魂很散懶，而且你是個比較放鬆的人
　　藍色：你是個八爪魚，同時愛很多人，而且你喜歡你的愛人的吻和愛
　　黃色：你是個快樂人，而且你給失落的人很好的建議
3) 如果你的你英文名字的第一個字母是： (真正的英文名字第一個字母是S)
　　A-K 你有的一生中會很多愛和友情
　　L-R 你總是想歡享你的生命，你的愛情生活馬上就要開放
　　S-Z 你喜歡幫助他人，而且你的未來的愛情生活充滿希望
4) 如果你生在：（9月）
　　一月到三月：今年你會很走運，而且你會發現你會以外的愛上一個人
　　四月到六月：你會有個很強的愛情，這段感情不會很長，但那美好的回憶會讓你永生不忘
　　七月到九月：你會有個很快樂的一年且會經歷一個在你一生中好的，很大的改變
　　十月到十二月：你的愛情不會很好，但最終你會找到你一生的伴侶
5) 如果你選擇了： (白色)
　　黑色：你的生命將會改變方向
　　白色：你有個朋友很信任你，願意為你做任何事情，但你可能不知道這一點
6) 他是你最好的朋友 (林成)
7) 這是你一生中會有的貼心朋友的數目 （9）
8) 如果你選了：(California)
　　加利福尼亞州(California) ：你喜歡冒險
　　福羅裏達州(Florida)：你是個懶散的人
9) 如果你選了：(海洋)
　　湖：你對你的朋友和愛人很忠誠，且你是個保守的人
　　海洋：你是個八爪魚，同時愛很多人，且你想讓你愛的人快樂

哈…

>>April 6, 2005 at 8:22:10 AM GMT+8

2005 年 4 月 5 日 星期二 【晴】

昨天去了百老匯電影中心睇戲，
申請埋VIP咭，
$28一張飛真係好平﹗
尋日係睇美麗緣未了，
記得我第一次睇預告是睇魔間行者時看的，
那時是年初三，
日子無端端又過了差不多兩個月了。
套戲只是一般，
一半係講愛情，一半係講戰爭，
有點兩頭不到岸的感覺。
用懸疑手法帶出黎，
少少吸引，但都是一般而已，
我不會建議大家看的…

明晚又有波睇啦，
不過成八點半先開波，
睇下中間有乜好做先﹗

今日好似冇乜野好做咁，
有乜好做呢？
唔知呀，想玩呀，但係其實又冇乜野好玩喎﹗
是但啦，睇即興啦﹗

>>April 5, 2005 at 11:40:07 AM GMT+8

2005 年 4 月 2 日 星期六 【晴】

今日係dick大人生日，生日快樂﹗
我一早已經諗住買衫褲鞋襪比佢架啦，
跟住今朝就去買，
買左拖鞋之後就搵小葉同森煜，
再一齊去買o羅﹗
呵呵~~~特登玩野買左袋糖，
同子僑講：冇禮物呀，剩係買左袋二十蚊o既糖，
一人夾兩蚊﹗我講到似層層，話冇時間，d人要
整約團迎新會野食，哈哈，佢好似信喎﹗
不過，佢咁蠢，我都估到佢會信架啦…kakakak
子僑：快d搵個好歸宿…

今日約團，嘩﹗有68個人返﹗
神真係好厲害呀，
係神親自帶領人返黎架﹗
重有好多平時有返o既人今日返唔到黎呀，
如果佢地都返到，就成70幾人呀~~~
希望新人都keep住返啦，
大家努力祈禱!!!
約團要成為一個帶領更多人信主的團契，
要成為一個令人舒服的團契，
可以放心分享o既團契，
又係叫信徒成長o既團契…
我會加油，你地都要加油呀﹗﹗

>>April 2, 2005 at 9:19:05 PM GMT+8

2005 年 4 月 1 日 星期五 【晴】

30/3-1/4幾日去左造就營，
好玩呀~~靈裡亦有得著
不過我都好似ada咁，
唔係好想打返d野出黎喎﹗

以下又係講打波，
唔鍾意睇我講波o既人，
請注意啦~~

尋晚頭場係福建對青年，
冇乜特別，實力差得遠冇乜好講﹗
第二場係南華對永倫，
呢場好睇呀，
第一節南華憑張錦州射入10分，
領先住15-13，
之後第二節永倫就開始反先，
但都係好接近o既分數。
呢個情況去到第四節都係咁，
所以一路都好緊湊。
最尾剩返10秒左右，56-53永倫領先，
胡國峰射失3分，鍾馬菲入多球。
58-53永倫勝﹗
鍾馬菲頭三節冇入過分，
但係第四節就入左2球好重要o既三分，
永倫都係靠佢，
當然潘志豪最尾幾分鐘有球得分兼得罰球亦很關鍵﹗﹗
今場香振強表演都好，但係冇之前咁搶眼啦﹗
要加返句，阿香個頭好樣衰呀~~~
-----------------------------------------------------------------
講下南華，睇完今場之後，
我發覺呢三隊之中自己最鍾意係南華﹗
鍾意阿州，佢真係有實力﹗尋晚亦打算好，
不過最尾關鍵時候比教練換走，佢好無奈，
返到bench到講左句粗口：唔x識打呀…

鍾意阿洋，雖然呢場波好似好大爭議性咁，
好多人覺得球証吹得好差，我覺得冇乜問題喎，
而阿洋就因為咁比人係咁噓，
射左好多罰球，都係射二中一，
佢自己都苦笑。
其實佢頭兩節半都發發地夢，
比人偷波，又炒粉﹗
不過，佢都係有實力o既﹗
胡國峰見到佢係咁比人噓，
過去拍拍佢膊頭，好有鼓勵性，
我好鍾意咁o既精神。
其實今日好多次都見到南華球員互相鼓勵、安慰，
可能有人話隊隊都係咁，
但係我睇唔到永倫同福建係咁，
南華就比我見到o羅﹗
除左胡國峰鼓勵阿洋，
我重見到唔知邊個鼓勵張錦州，
(因為阿州無留意24秒，冇去交波)
最尾胡國峰射失3分，打唔到加時，
佢好自責咁o既樣，楊敏華走去攬下佢…
好感動~~~~
今日最拎我深印象o既人係胡國峰，
佢幾型，個樣都唔錯，又勁﹗
阿洋，阿州，胡國峰~~~很喜歡他們﹗

一直以黎，我都好鍾意男仔同男仔之間o既情誼，
就算書劍恩仇錄好多人都覺得悶，
但我就係欣賞呢本書講兄弟情，講義氣﹗

下星期三建華之亂，
我全力支持南華﹗﹗

>>April 3, 2005 at 7:57:25 AM GMT+8

2005 年 3 月 30 日 星期三 【晴】

尋日有個好人特登返黎學校，
幫我手諗造就營工作坊，
都好幫到手，
實在多謝哂﹗

夜晚同呢個好人食埋飯，
傾左好多心事，
我仲比阿慈d相佢睇，
佢話佢想像中o既阿慈唔係咁樣o既，
真人比想像中成熟，
好人又話：你執到啦﹗
我常常為此事而感恩，
阿慈並不是我執返來的，
是上帝賜給我的，
哈~~~
好人都有講佢o既事，
好好笑~~我都笑左好耐~~
佢今日去玩，應該都會好開心，
祝福你玩得開開心心呀~~
至於手信，我唔會強求，
有我就會要啦~~

全力支持永倫﹗
咁我就可以4月6日睇南華對福建﹗
建華之亂嘛^^

>>March 30, 2005 at 11:52:23 AM GMT+8

2005 年 3 月 29 日 星期二 【晴】

星期六，死人芒幫我剪左個髮，
普通啦，不過比較碎，
如果冇咁碎會好睇d﹗
o個晚同舒媚，六師弟，九九八十一師妹，elie，渣咋去食飯，
佢地食糖水，我就食飯+食糖水﹗
好笑事件一：渣咋話，唔該我要馬來亞渣咋
好笑事件二：我知你唔係冰河，你係佩琦
其他o個d都幾好笑，好relax呀﹗我鍾意呢六個人o既組合﹗

星期日冇去到睇elie彈古箏，因為我怕悶，
elie彈就自然唔會悶，但係其他人唔識，
應該會幾悶﹗唔好意思呀，el 小姐﹗
o個日係郁郁生日，我地去左豆漿大王食野，
炸雞翼超級好味﹗
然後行返教會，行過市鎮公園，巧兒表演，跳進泥濘﹗﹗﹗
之後去ada屋企玩大富翁，
好好笑架，有兩個闊太，有肥婆互惠計劃，
阿亨又有經濟困難，巧兒又做左監 "等"，
我有兩次得返極少錢，好彩都挨到個第二，
話哂我自己都擁有一條猛鬼街。
我有馬己仙狹道、淺水灣同埋山頂o既酒店，
可惜冇monopoly，ada就monopoly左，重要三間都係酒店，
踩親都二萬蚊﹗噢~~就此死亡
夜晚去左郁郁屋企，佢間房有我間房double，
勁呀~~我地去到係有d無聊，
玩下電腦，玩百萬富翁，贏左100萬呀~~哈哈~~
郁郁親戚話子僑好靚仔，重話左兩次，定係三次呢﹗
我話佢邊度靚仔丫，樣衰就真，之後搭輕鐵，
我係咁笑佢，又搞佢，搞到佢好無奈﹗
今日係累，不過都幾開心…

尋日就去左行山，
同一班以琳o既弟兄姊妹去，
由大嶼山行去愉景灣，幾好呀，景色幽美，
行得唔係太辛苦，又可以同大家傾下偈，
之後再同阿慈o係愉景灣拍下拖，
不過好累呀﹗返到屋企訓左十二個鐘﹗
聽日去造就營呀，去到星期五，
我計劃緊星期五完左camp去同佩琪影畢業相，
夜晚去睇波，南華對永倫，福建對青年
lanlan：永倫必勝﹗

>>March 30, 2005 at 10:18:11 AM GMT+8

2005 年 3 月 28 日 星期一 【晴】

本來諗住打日記，
點知打左幾個email，
打到好累，好眼訓，
應該係有d野可以打下o既~~
但係都係聽朝先算啦~~~

>>March 28, 2005 at 6:54:36 PM GMT+8

2005 年 3 月 26 日 星期六 【晴】

尋晚同子僑，森煜，小葉，ada，劉橙，銘銘，阿慈睇戲，
幾開心﹗我地本來想睇5:45，
點知去到得頭兩行，就睇7:45，
最初好擔心呢兩個鐘點過呢，
原來兩個鐘係可以好快過
因為影貼紙相搞左45分鐘，
(貼紙相好搞笑，尤其係ada)
食雞食左45分鐘…
總之就行得慢，搞得慢，食得慢，
最重要係笑得多，
子僑發左癲呀，大家小心d﹗

睇哈爾移動城堡，幾好的，
但有太多東西不明白，
今早上網看看究竟搞乜鬼，
看了以下的網頁，才知道發生乜事。
網友解釋係因為係改篇原著小說，
所以有很多東西交待不清楚。
(其實即係交待得差，有好多戲都改篇自原著小說，可以交待得好d)
如果想對套戲明白更多的朋友，
可以看這個網頁﹗
(內容有劇情，請留意﹗)
http://howl.086.com.tw/qa.html#top

總括黎講，我覺得故事雖然不及千與千尋，
但其他東西至少都做到一貫水準﹗
值得一看的﹗

婷婷：我未睇「連環殺人事件呀」，因為劣評如潮，所以唔睇住。
想睇下有冇朋友睇左先，其實我都幾想睇架﹗

>>March 26, 2005 at 9:49:23 AM GMT+8