2005 年 3 月 25 日 星期五 【晴】

日本鹿兒島籃球邀請賽
港隊名單如下：
名譽團長：李群華太平紳士、陳瑞添；
領隊：朱春生；副領隊：莊毓璘；
教練：麥錦輝；副教練：譚友塘。
球員: 羅意庭、翁金驊、吳華鋒、黃鎮煒、梁國成、呂楚威、宗銘達、鄭錦興、羅文光、劉子健、譚偉洋及蕭劍榮。
!!!!!!!!!!!!!!!!!!!!!!!!!!!!!!!!! 冇李偉倫，冇襪、冇香振強!!!!!!!!!!!!!!!!!!!!!!!!!!!!!!!!!!!!!!!!!!!!!!
冇呢幾號人物，港隊無望喎﹗

尋晚同班好朋友去置樂打邊爐，
$43任食，多得鍾太介紹，
幾好食，態度亦幾好，
夜晚平時都食卅幾蚊，
打邊爐又可以坐得耐，
o個度都算坐得舒服，
唔錯~~~
過程一於平常，好relax，
又幾好笑~~~

~~~~~~~~~~~~~~~~~~~~~~~~~~~~~~~~~~~
佢講到好慘呀，比女朋友管住，唔俾佢出夜街。
好心唔好講出黎啦，分明就係好開心﹗(其實我都唔明，咁都開心﹗)
好肉麻﹗好肉麻﹗好肉麻﹗好肉麻﹗好肉麻﹗好肉麻﹗好肉麻﹗
唔比你出夜街，即係對你冇信心呀，重開心~~~唉~~~
如果阿慈管住唔俾我出夜街，我唔會同人講o羅(咁無聊，重講出去咩﹗)
不過阿慈話呢件事唔會發生o係我地身上，
乜野唔比人出夜街o者，痴線﹗
~~~~~~~~~~~~~~~~~~~~~~~~~~~~~~~~~~~

林加糞：唔該寫文章﹗~~~

駱駱：幾無聊架﹗都有人睇~~~~

>>March 25, 2005 at 11:50:07 AM GMT+8

2005 年 3 月 24 日 星期四 【晴】

睇ky日記，無聊玩下

０1. 全名：周紹俊
０2. 花名： 周俊，周小俊，周大福，周姑娘，wolf，叉燒醬……
０3. 鞋號： 9號半波鞋
０4. 高度： 164cm
０5. 頭髮顏色：黑色
０6. 兄弟姊妹： 1兄1弟
０7. 喜歡洗澡時唱的歌： 冇定
０8. 喜歡唱的歌： 詩歌
０9. 生日： 9月6日
１0. 星座： 處男座
１1. 用左手或右手： 右手
１2. 鞋子或者是拖鞋： 鞋子
１3. 可口可樂或者百事可樂：可口可樂
１4. 在一段愛情關係中想要什麼： 好o既野就要
１5. 有沒有試過越軌：越乜野軌呀？
１6. 有沒有結婚： 未結
１7. 現在在聽的歌： 蝸牛
１8. 喜愛的香水：唔識
１9. 喜愛的電影：今年鍾意情迷祖莉亞，大魚奇緣，無間道
２0. 喜愛的數字： 8
２1. 喜歡的樸克牌遊戲：橋牌
２2. 喜愛的電台： 903
２3. 喜愛的運動：籃球、游水
２4. 喜愛的地方： 床
２5. 喜愛的食物： 雞
２6. 喜愛的電視節目：新聞
２7. 喜愛的卡通：星矢
２8. 喜歡的個性： 性格
２9. 喜愛的顏色： 藍色
３0. 計劃過生小孩： 想生，未計劃
３1. 孩子叫什麼名字：周界，周倉，周瑜，周公
３2. 急不及待要說的話： 不得了呀﹗
３3. 想過結婚： 有
３4. 想過未婚生子：冇
３5. 有一個男友或女友：有
３6. 有沒有暗戀別人：明戀
３7. 什麼傷你最深：冇錢
３8. 音樂或電視：音樂
３9. 男生或女生：男
４0. 綠色或藍色： 藍
４1. 粉紅或紫色：紫
４2. 夏天或冬天：夏天
４3. 晚上或白天：晚上
４4. 喜歡逛街和到處留連：喜歡
４5. 喜歡好笑的東西：好喜歡
４6. 你聽到這時會知道我在：唔知乜黎
４7. 你去哪一間學校： 陳記
４8. 享受自己平時做的什麼事：睇波
４9. 最令你興奮的事：玩
５0. 你的愛人：阿慈
５1. 最笨的人：冇d咁o既人
５2. 最友善的朋友：陳佩慧
５3. 最好笑的朋友：雞哥
５4. 最高的朋友：盧柏恆
５5. 一個朋友可以對你做出的最差的事：唔知
５8. 有了另一半之後還跟別人調情是對的嗎：不對
５9. 最後一次因為甚麼事而哭了?：感動
６0. 最不明白男生之處：冇乜
６1. 現在最想做的事：訓
６2. 你覺得人生中不能缺少的東西：耶穌
６3. 愛情或者短暫的激情：愛情
６4. 銀色或者金色：銀
６5. 鑽石或者珍珠：鑽石
６6. 日出或者夕陽：兩樣都好
６7. 有沒有去過skinny-dipping：冇
６8. 會跟娃娃睡：有公仔會同我同床，但我唔會同佢訓
６9. 身體有沒有穿洞：冇
７0. 現在穿什麼顏色的內褲：想知先問我啦…
７1. 現在又在聽什麼歌：世界未日
７2. 家裡電話的最後4個數字：屋企冇電話
７4. 最想跟誰一輩子在一起：女友，將來係太太
７5. 第一樣對另一性別的人留意的東西：說話態度
７6. 曾經令你開心的事和物： 玩
７7. 下一次會買的cd：唔知
７8. 有沒有戴眼鏡或者是隱形眼鏡： 冇
７9. 別人給你最好的意見或提意：叫我增肥
８0. 與你最似的人：諗唔到
８1. 比較喜歡笑片或是恐怖片：笑片
８2. 比較喜歡見到真人或是在電話上溝通：真人
８3. 比較喜歡抱抱或是親親：睇情況
８4. 哪一首歌最像你：冇諗過，又諗唔到
８5. 如果你明天死的話, 你會把所有東西給誰： 女友
８6. 你有沒有敵人：有
８7. 最後抱你的人：愛人
８8. 你會不會選擇做一個有錢和出名的人：會
８9. 現在阿爾巴尼亞幾點鐘：唔知
９0. 你這裡現在幾點： 14:01
９1. 有沒有真的遇過聖誕老公公：冇
９2. 一樣你覺得漂亮的東西：海
９3. 最後一次跟心儀的人講話：bye
９4. 有沒有養寵物：冇
９5. 最後一個跟妳跳舞的人：唔記得
９6. 最後一次感到壓力的時候：唔記得
９7. 你是不是醉酒漢：不是
９8. 誰把這寄給你：自己copy
９9. 你覺得這個人怎樣？好
１00. 你想不想別人把這傳回給你：唔駛
１01. 最近最難過的事情是：尋晚套戲好悶
１02. 最近最喜歡的男歌手：冇
１03. 最近最喜歡的女歌手：冇
１04. 俾你決定一個立刻收檔藝人：是但
１05. 將來的夢想：環遊世界
１06. 尊敬的人：梁牧師
１07. 你重色輕友嘛：係
１08. 覺得今生最想去的地方：歐洲
１09. 地球滅亡的前一天要：食飯、訓覺
１10. 覺得blythe恐怖嘛：唔恐怖
１11. 會把什麼類型的人當是自己的對手：冇
１12. 最希望他消失的人：伯伯
１13. 看過印象最深的演唱會：城城
１14. 如果讓你自由選擇的話：先發達，後發福
１15. 生活中覺得最快樂的事：吃喝玩樂
１16. 生活中覺得最痛苦的事：訓唔著
１17. 認為自己最有魅力的地方：無聊
１18. 把自己比喻成什麼動物：小狼
１20. 你會想做阿嬌,定阿sa?：兩個都唔想
１21. 咁想做kenny,定steven呀：兩個都唔想
１22. 鍾意吳日言,定薜凱琪多：薜凱琪
１23. 你認為自己是個值得交的朋友嘛：值得
１24. 適婚年齡應該係：而家
１25. 你覺得自己有幾長命：就快死
１26. 印象最深刻的場所：諗唔到
１27. 接受到同性戀嘛：接受到，唔贊成
１28. 最煩的人：冇乜邊個
１29. 識左最耐既朋友：鄭德泉
１30. 最深刻感受既朋友：鄭曉華
１31. 最唔鍾意既朋友：諗唔到
１32. 最比到你安全感既朋友：女友
１33. 唱歌最好聽既朋友：靚仔鑾哥
１34. 最靚仔既朋友：靚仔鑾哥
１35. 最靚女既朋友：女友
１36. 最講到心事既朋友：女友
１37. 相距最遠既朋友：鄭曉華
１38. 拍過拖的朋友：太多
１39. 做唔番朋友的舊情人：冇
１40. 最風趣的朋友：師傅
１41. 唔同學校的朋友：好多
１42. 唔同地區的朋友：好多
１43. 你自己最喜歡的朋友：好多
１44. 最難忘的情人節：2004年
１45. 最難忘的生日：2000年
１46. 最難忘的聖誕：冇邊年
１47. 最難忘的結婚紀念日：未結婚
１48. 最近在icq聯絡最多的人：橙
１49. 最近在msn聯絡最多的人:冇
１50. 最近最常做的事：睇戲
１51. 最想做的事：訓
１52. 最期待的事：4月1日睇波
１53. 最喜歡的牌子：冇乜
１54. 最想買的東西：多不勝數
１55. 最近遺失的東西：冇
１56. 最近經常一起的人：子僑，同事
１57. 你經常叫他全名的人：陳佩慧
１58. 喜歡的卡通人物：泰來
１59. 最夜回家的日子：去camp唔返算唔算？
１60. 經常搭尾班車：唔係
１61. 試過搭不到：試過
１62. 你思想開放：普通
１63. 到過最遠的地方：紐西蘭
１64. 一生最愛的人：阿慈
１65. 最喜歡的科目：冇
１66. 不喜歡早起：喜歡
１67. 常日夜癲倒：不
１68. 遇過最不知所措的事：自己不能控制的事
１69. 遇過最尷尬的事：諗唔起
１70. 遇過最不想做的事：功課
１71. 遇過最無奈的事：朋友仔唔聽勸告
１72. 遇過最開心的事：同女友一起
１73. 遇過最氣憤的事：唔關我事的事要我入局
１74. 遇過對你最好的人：女友
１75. 最恐怖的夢：迫鬼追
１76. 最甜美的夢：結婚
１77. 換過的電話：手提
１78. 姊弟戀：可以
１79. 父女，母子戀：唔好玩啦
１80. 今天生日的朋友：冇
１81. 有自己的房間：有
１82. 你現在想問的問題：重有幾多條題
１83. 將會經歷的難關：冇乜大難關
１84. 有乾弟，妹：冇
１85. 令你自豪的地方：肯答200題
１86. 體育最強的朋友：冇乜邊個
１87. 音樂最強的朋友：Soo Young Lee
１88. 電腦最強的朋友：唐狗
１89. 自己收藏的東西：情信
１90. 現在最想見到的人：友人
１91. icq list裏online的人：冇online
１92. 英文名T字頭的朋友：theron
１93. 名字最長的朋友：William James Broughton
１94. 懂得的語言：中英
１95. 在隱藏名單的人：好多
１96. 住得最近的朋友：mandy
１97. 想說對不起的人：呢一刻冇邊個要講
１98. 永遠也不想再到的地方：深圳
１99. 坐在電腦前的時間：唔知呀
２00. 這一刻的感覺：極無聊﹗

>>March 24, 2005 at 6:43:38 PM GMT+8

2005 年 3 月 24 日 星期四 【晴】

尋日同前日都睇左戲，
前日睇情場絕橋王，
我都預左會幾好睇，
一如所料，唔錯，
勝在夠輕鬆，
但係冇乜驚喜，
睇完個人都開心咁﹗

尋日睇情流心海，
唔係咁多人聽過呢套戲，
係西班牙片，
今屆奧斯卡最佳外語片，
講安樂死o既，
網友講到超好睇…
我就覺得幾悶下，
演技唔算極好，中上，
劇本幾普通，
拍就拍得幾好o既
有幾幕印象深刻，
睇完個感覺幾沉重，
但係總括黎講，
我覺得認真麻麻﹗

黎緊都有d戲想睇，
尼蒙利斯連環不幸事件(聽講呢套係黑色幽默片，要諗下野喎)
美麗女郎(前年奧斯卡最佳女主角，今年先做返，阿慈想睇的)
哈爾移動城堡
A Very Long Engagement(呢套要睇下影評先)
藉著雨點說愛你(睇下朋友仔睇唔睇先，我估會好睇過在世界的中心呼喚愛)

可能最終都係睇一、二齣，諗下先啦，睇情況而定啦﹗

九九八十一師妹：謝謝你的午餐

lanlan，九九八十一師妹：最多唔用路人留言果到覆o羅…

>>March 24, 2005 at 10:00:03 AM GMT+8

2005 年 3 月 20 日 星期日 【晴】

呢排個日記成日「輕」
真係麻煩，
而家都係打住先，
睇下幾日個版得返…

尋日約團分享，
睹物思人，
emily帶左佢八歲左右時候影o既相，
阿luen都有，但係都唔似佢o既，
可能唔係佢黎，哈哈~~
最搞笑係ada帶左佢小學本謄文簿返黎，
其中一篇係：寫給外星人的一封信，
佢昨o個篇文個上款係：親愛的巧兒﹗﹗>.<
最正係佢小學係唔識巧兒架喎
hahakahakhakahakhakahakkaahk
小組我地出左去爬蟲館，
我係從來都未去過，
我一直覺得幾無聊，
所以一直都冇去，
點知……直係咁無聊…
之後，我地行左一陣石春路，
阿桂話好痛，佢一定係相當多病…
之後，我地重去左買雪糕呀~~
好好味呀~~

活崇完左，
我同阿雞冇經其他人同意之下，
代表以琳對尼希米團，2打2，
第一場：sexy+余仔 vs我+六師弟~~
結果係……慘敗10:5
第二場：復仇戰，居然贏返5:1 hahahahahaha出真功夫啦﹗
第三場：阿山+阿興 (要o係度形容一下佢地兩個，阿興係以高度見稱，而阿山則係以「氣」度同埋速度見稱，心水清的朋友都知我在說甚麼﹗)亦都係慘敗10: 2

今日執事會完左，
用一個不同的組合再戰尼團弟兄姊妹﹗
我同阿毛 vs 阿山+阿禎
結果係……哈哈~~贏10:8
我地本來領先9:2，當然比佢地追下啦，比d甜頭佢地﹗
一追到9:8，我地就贏返~~搞到佢地好灰﹗

點解兩日會有咁大差別o既？有幾個解釋﹗
1) 六師弟同阿毛的實力有別
2) 晚上打波同日頭打波的分別
3) 合作問題，我同六師弟這對後場孖寶太唔掂 (我諗唔多人知點解我同佢係後場孖寶)

a) 1, 2
b) 2, 3,
c) 1, 3
d) all of above
e) none of above

我昨天有幸跟六師弟1對1，
結果係5:3，某君先入3球，
然後另外一個某君連入5球，
某君灰左~~因為某君入完三球之後已經冇哂氣~~~
大家估下，邊個係某君，邊個係另一個某君呢？

>>March 21, 2005 at 11:00:22 AM GMT+8

2005 年 3 月 18 日 星期五 【晴】

尋晚即興去左睇波，
好在朋友仔又肯同我即興，
重食左餐幾好味o既野食，
放心，我真的不喜歡迫人食野~~

講返場波先，其實都幾悶，
因為實力幾懸殊，不過南華好衰，
正選出埋d我唔係幾鍾意o既人，
算啦，青年實在又係幾麻麻o既~~
今次不如每個南華球員都講下，
因為青年d人唔識，冇法啦~~

張錦州：11分，射左幾球波，有兩球唔入，一球係三分，另一球好正，一個扭兩個，之後o係第二邊空中第二時間轉手，爭少少入呀﹗勁呀﹗
石少基：6分，正選上陣，冇乜特別﹗唔會特別唔鍾意佢，又唔會鍾意佢~~
楊敏華：10分，正選上陣，個頭成個塔咁，幾肉酸。表現一般而已。
蔡芳裕：12分，正選上陣，換左對短襪，剪左髮，表現脫胎換骨，最尾重有記者做訪問，佢做訪問時候好認真，好似幾淡定同流利，幾好幾好﹗對佢越黎越有好感﹗
譚偉洋：12分，正選上陣，依舊型仔，不過塊面好多「一達達」野，今次唔盡全力都夠贏。
吳卓佳：6分，正選上陣，射波姿勢超肉酸，其他冇乜特別。
梁英豪：2分，入左兩球罰球，個人大大舊，都係C隊實力咁上下，有待改進﹗
劉子健：23分，全場最高得分，但係好唔鍾意佢，又唔防守，入親每一球都係跑到最前等隊友交，我知呢個係戰術，但係咁樣入波，都幾悶下﹗好唔鍾意呢種人呀﹗最尾重要賴死唔走，可能想搏訪問…唔掂喎咁…
蕭劍榮：5分，搶左好多籃板，幾好啦…好高好橫…
胡國峰：出左冇耐比人撞親個鼻流血，之後都冇出場，真係慘…
沈思銘：6分，出得比較少，樣貌幾好，冇乜特別…
李偉倫：未去之前，總覺得佢應該總有一場會發圍，點知去到影都唔見﹗又唔知佢搞乜鬼，唔知係乜缺席，甚至曠工。到到差唔多第二節定係第三節先出現，唔係著運動服裝。唔通真係傷左，睇佢個款似係感冒多，面青青咁，不過佢不嬲面都好似青青地，所以唔知。聽朋友講話網友話佢斷左腳，我諗唔會，斷左腳好嚴重喎，我都見到佢行，應該係少事黎，放心放心﹗下場對永倫，會唔會出場？會唔會發圍呢？

多謝朋友請我食黑加倫子糖﹗^^

>>March 19, 2005 at 11:19:16 AM GMT+8

2005 年 3 月 16 日 星期三 【晴】

尋晚第一次去百老匯電影中心睇戲，
呢間戲院真係一流，座位舒服，service好，
又唔會有人嘈，講電話~~
(去開睇o既朋友仔都話係呢間戲院o既好處)
我諗我日後會多d去呢間戲院，
票價又平~~~總之就係好

講返套戲，尋晚係睇情迷祖利亞，
好好睇，極力推薦大家睇，
女主角演出好得不得了，
我認為演出不比JAMIE FOXX遜色，
男角同女角又難比較o既，
不過，如果大家睇完女主角o既演出就會明白，
因為實在太令人震撼，成套戲幾乎係個人表演。
其他角色亦不錯，每一個重要角色同主角o既關係都表達得很好，
不會很白的表達，卻是很多地方可以讓人思考，
很多對白也有特別的表達﹗
總之就係一流﹗
惟一冇咁好o既地方就係個故事唔算好好。
但係都暫列05年我最喜歡的電影﹗

>>March 16, 2005 at 12:37:56 PM GMT+8

2005 年 3 月 13 日 星期日 【晴】

昨晚活力崇拜完了後，
她倆找我祈禱，我當然樂意，
實在我感到榮幸聽到他們的心底說話，
無論是擔心，害怕，憂慮，
我相信上帝必定幫助她們，
與她們一起走過這段路﹗
我會默默的為妳們守望，
真的謝謝妳們對我的信任﹗
跪o係度祈禱，個人會謙卑d，
同埋都會專心d架﹗
得閒多d互相代禱，守望…

十一點半先返到屋企，
同阿慈傾完電話，
再同她們傾電話，
也談了很多，
實在，我們很久沒有傾過偈，
真的很享受這些時間，
雖然好眼訓…
放心啦﹗在你未feel comfortable去跟別人分享時，
歡迎你們找我，一起祈禱，一起分擔各樣…
當然，就算以後你可以好comfortable去跟別人分享，
你仍然可以找我傾﹗希望我不會令大家失望~~

>>March 13, 2005 at 6:48:44 PM GMT+8

2005 年 3 月 12 日 星期六 【晴】

朋友仔搵工話要有三個準則：
1) status好
2) 公司有好o既structure
3) 人工有萬五蚊以上

九九八十一師妹話，
原來朋友仔真係好適合做紀律部隊，
1) 唔諗野
2) 體能好
3) 已上三個準則FIT到盡﹗
好明顯紀律部隊就係status好，有好o既structure，人工都過萬五啦…

我聽到o既時候都已經覺得幾好笑，
返到屋企同阿慈講笑到佢死~~

朋友仔：你都係諗諗紀律部隊啦，最多你做五年之後再搵MT啦~~~
--------------------------------------------------------------------------------------
黃巧兒你呢個人~~
為左你份禮物，
我行左好耐，
但係都諗唔到，
我已經決定唔送比你啦~~~
我肯定大家都讚成我呢個動議，
一於咁啦﹗

商討事項：
1) 唔送禮物比巧兒﹗
提議：周紹俊 和議：全世界O既人 一致通過

2) 唔同巧兒講生日快樂﹗
提議：周紹俊 和議：全宇宙O既人 一致通過

YEAHAHAYAHAAYAHAYAHAYAHAHAAYAHAYAH
實在係一個太美滿O既計劃啦~~~

----------------------------------------------------------------------------
尋晚家豪幫我車左個架返屋企，(唔該哂家豪)
而家有個架擺野，間房冇咁亂啦~~
ada黎到我屋企，見到我間房，好似有d赫親﹗
冇辦法啦，之前冇野擺，咪擺哂o係地下，
而家整齊好多啦，見得下人啦﹗

陳佩：謝謝你的幫忙﹗

>>March 12, 2005 at 8:44:02 PM GMT+8

2005 年 3 月 9 日 星期三 【晴】

尋晚去左睇波，
南華對新青聯，福建對永倫
好睇呀﹗係我去左幾次最正o既一次，
可能要比錢入場，所以多d人睇，high d咁﹗
話說我同朋友仔傾開，
講話估李偉倫拎唔拎到雙位數字，
咁我當然話唔得啦，話係9分或以下，
其實我心裏面估，上兩場咁差，
係時候發威啦﹗
點知，仲衰過上兩次，上兩次都有三分，
今次，得兩分，重要係執雞…
計埋三場加埋先得8分，你話丫﹗
我重點撐李生呀﹗
呢個人真係唔係好掂，著件AND1裇又有粗口手勢，
又唔射波熱身，又 唔合群，打波o個時好似唔想打咁，
南華用兩皮請佢真係浪費到極﹗
嘩﹗寫左佢咁多，寫下其他叻人先﹗
我最鍾意o個三個球員係
張錦州，譚偉洋同埋香振強，
尋晚三個都表演好好，
雖然阿香把聲同埋個樣都衰，
但係有實力嘛﹗
不得不提阿襪，我對佢幾有好感，
打波幾有熱誠，又進取，
可以用八個字黎形容佢：
「積極有餘，實力有限」
尋日南華同埋福建都有禮物掉比觀眾，
等d fans開心下，最衰我拎唔到啦﹗
最搞笑係福建，佢係掉護腕，
我遠睇以為係襪，幾想拎到。
如果真係襪，又比我拎到到就正﹗
我一拎到，肯定即時「轉帳」比阿襪﹗

其餘人，阿興，潘浩賢打得幾好。
福建d主力就冇乜打得好。
下次再睇南華對永倫，
唉﹗冇得睇南華對福建，或者永倫對福建tim，
因為要返工﹗
咁算啦，總有機會o既﹗

>>March 9, 2005 at 11:04:16 AM GMT+8

2005 年 3 月 8 日 星期二 【晴】

尋日去左拍拖，
去左青衣睇戲，
諗住買禮物比巧兒，
點知睇唔o岩，
o既然係咁，唔送就係最好啦﹗

睇戲，睇捉迷藏，
errrr…唔知係咪近年少睇驚慄片，我係有d驚﹗
更有可能係我細膽左﹗
講返套戲，麻麻地，
同鬼眼比，爭好遠，鬼眼個結構，佈局做得咁好。
嘩﹗呢套…好似唔係好合邏輯咁，犯駁位頗多﹗
為赫人而赫人，為一個(冷係)特別的結局而亂黎﹗
不過勝在蘿蔔滴露同埋個小女孩演得好，
劇情都緊張咁o羅﹗
呢幾個星期睇o既戲都係RAY最好睇

女友整左個blueberry cheesecake比我食﹗好味道﹗
女友買左個水樽比我﹗
謝謝﹗

>>March 8, 2005 at 9:26:57 AM GMT+8