2005 年 5 月 13 日 星期五 【晴】

尋晚去左睇早熟，
一直都冇諗過要睇呢套戲，
基本上我對港產片興趣不大，
原來對上一套已經係功夫，
大家要諗下我睇幾鬼多戲喎…
上星期門訓，
導師話佢同兩個學生去睇早熟，
佢話係勵志，正面o既，
我睇左d影評，都覺得ok o既~~
所以咪去睇o羅﹗
唔…
其實套戲o既意念幾好o既，
加糞講過爾冬陞d戲係比較老土，(旺角黑夜係例外…)
早熟都係老土，個結尾亦都麻麻地，重有d說教﹗
不過對年青人黎講，有時說下教都無妨o既~~
套戲最精彩之處一定係黃秋生，余安安，曾志偉同毛舜君，
四個都交足戲，好掂﹗
曾志偉有一幕喊，確係令人感動~~
重有，我欣賞套戲無色情o既地方，
而家d戲，一有機會就影床上戲，
呢套無，只有一幕kiss左不夠十秒的鏡頭﹗
總括黎講，我覺得唔算極好睇，
但卻有它的意思，價值，
講下年青人、父母的心態。
年青人，有機會看看吧﹗
差D唔記得講，兩個主角都無演技﹗
-------------------------------------------------------------------
尋日下午，
因為係SPECIAL SCHOOL DAY，
特登請左半日假同佢地去飲茶，
陳宇軒，阿LUEN，加埋8個2D的學生們。
我地叫左17碟小點，5碟中點，3碟炒野…
小葉依然強勁呀~~~
哎，有個好核突O既笑話，
真係好核突﹗~~~

銘子話：我唔怕GIG，但係你GIG我，我會笑O羅

ADA話：我唔食啦，我食左3個飽，奶白飽，叉燒飽，雞飽仔

黃嘉慧話：哦~~

ALEX話：你個名就叫做「唔好叫我全名」

小叶話：嘩~~

阿LUEN話：你唔講我真係唔明~~(張圖文，張傳真)

高雞話：我捱下義氣啦﹗

巧兒話：留返兩個飽比我

>>May 13, 2005 at 9:05:09 AM GMT+8

2005 年 5 月 12 日 星期四 【晴】

巧巧話：一張紙乍﹗(一張重唔夠？)

子僑話：我o個封呢？﹗(我爭你定係你爭我呀？原來係我﹗)

abbey話：你睇下呢個係邊個？(阿橙，abbey同銘銘都好可愛@@@細個o個陣，而家？﹗)

阿珊話：你等左好耐呀？(係呀﹗)

周俊話：u know? I have two 車's (捉棋時)

ada話：喂~~聽日係咪飲茶呀，等我「鬥」埋木先 (等到幾點呀？餓死架喎﹗)

阿橙話：你話去咪去o羅…(去死啦咁﹗講笑咋﹗)

九九八十一師妹話：搞錯呀，五十五蚊咁貴﹗

雞哥話：我可唔可以星期一先覆你…(唔通唔得咩？)

林海峰話：擠塞，嚴重擠塞呢d用詞唔掂喎，香港人會唔明﹗要咁樣：少少塞，好鬼塞，塞到爆…

廖秀冬話：天氣的錯。(我諗起鄭伊健首"天氣的錯"，第一句就係「不要迫我」，唔通呢位局長叫大家唔好迫佢？﹗)

阿慈話：今晚食左超多野，意粉啦，一包著片，兩包kitkat，一個芒果﹗(對於佢黎講已經係多﹗)

唐狗話：燒野食好乾喎，不過燒都唔緊要，搽野o羅…

周俊話：呢d咩人黎架﹗

周俊問：星期一得唔得閒去街
師傅話：我同你兩個呀？
周俊話：咪玩啦﹗

>>May 16, 2005 at 3:29:32 PM GMT+8

2005 年 5 月 11 日 星期三 【晴】

昨日lunch同舒媚，家豪，三位中七畢業實習生食飯，
去左飲茶，食左超過廿碟(籠)野食，
全部食哂，恐怖的﹗

家豪話：使唔使叫碟飯呀？

鴻強話：好在我唔係同你(舒媚)著同一件衫o者﹗(呢樣野係冇可能，只可以係同一款)

韋老師話：homework要o係屋企度做﹗話明係home-work…

子僑話：你睇下佢，彈住結他o係度賣藝，但係都冇人理佢。

森煜話：阿爪高分過我呀﹗

嘉文話：咳…咳…咳……咳…咳…咳…咳………咳…咳…咳…咳…咳………

駱駱話：你好似咳到就快死咁

銘子話：我可唔可以唔請呀…

誠根話：好多人都係消費者心態

肥仔話：牧師房呀，太好啦﹗

陳宇軒話：有機會叫到兩個人返約團呀﹗

>>May 11, 2005 at 9:08:54 AM GMT+8

2005 年 5 月 10 日 星期二 【晴】

Cookie仔：呢方面…你實係唔知我其中一個花名﹗你試下打聽下啦。哈哈﹗

>>May 10, 2005 at 9:08:05 AM GMT+8

2005 年 5 月 9 日 星期一 【晴】

Emily：李志彬是你的師兄，是我的師弟﹗

累積了許久不夠訓，
今天黎一個超級補鐘﹗
尋晚十二點訓到今朝十一點半，
之後傾左個長途電話個幾鐘，
又訓到差唔多三點，
勁呀~~不過都好似重係好眼訓…
可能訓得過多。

又黎連續三晚返學的日子，
過埋呢幾日就有少少好日子過，
起碼唔使再連續三日返學啦﹗

>>May 9, 2005 at 4:38:25 PM GMT+8

2005 年 5 月 8 日 星期日 【晴】

Ada：就算係無聊，我都欣賞作o個個人o既創意，尤其佢成首歌都係講住屋村o既人﹗
首歌咁鬼長，咁都作到，同埋有幾句真係好好笑﹗^o^

前晚同李志彬icq，
原來佢重有打甲一架，
我重同佢講17/5去睇波，
會見到佢。
太平洋對新青聯呀﹗
南華對福建呀﹗

>>May 8, 2005 at 9:07:17 AM GMT+8

2005 年 5 月 7 日 星期六 【晴】

好正，大家聽聽﹗

http://www.ttx.com.cn/bbs/EC_Music/Uploadfile/214058_2005531843258397.wma

原曲: 勁歌金曲 改??：住屋村大作曲：雷頌德
改?：大頭B & 8800622

住屋村大

１２１３１４１５１６１７
細個 訓公屋四十座 住係對面肥婆
成晚鬧我不要亂踢波
我自細就有便秘 急到就快要死
七歲的年紀 鐘意周圍里
我大嗌 細佬妹要食奶 單車我要黎"柴"
邊個夠我勁快?
尋晚阿媽先叫妳 咪食野用條利
家裡唔堯得沬地 我夜晚欄街 全無識死
浦到阿媽都刮妳 返屋企怕受人氣
就算打到飛起 阿媽都錫你
鐘意就訓先 我出街有無話唔惦?
無奈阿媽最嚴 怎麼閃? 樓下七仔轉頭見

炎炎夏 住冷巷 共細佬妹走出巷訓泥龍床
對對做筒索 清一色開槓 可惜八筒都仍然未槓
妳咬住唔放 成日猛裝
因咩野事會 賭出冷巷?
廿二座多蚊 完全無情地咬過份
明明知都點蚊香訓 照咬到邊有得訓?
我細個至怕上學 令我擔當機鋪的主角
打親無時停 完全代表作
有靚女 妳可不可以暫時住隔離
黎問妳 若妳岩岩搬既請留下手機
若唔比 就黎睇兩場戲 或者....
我有無話住洋樓? 我似嗌極仲唔走
完全毫無內疚 對妳再溝多幾溝 如狼狗~

阿婆早晨~! 公園裡耍棍
耍得興起~! 小心被'扮"親
好多女過緊黎 對我有利實在衰到死
讓我陪妳 轉頭問妳要抄低我手機
殺兩注 Woo~ 遇差佬啤牌好少理
個阿伯賭親都輸 已經好多注
都無叫妳去第二度定話落球場好?
打波講論實力 應該都幾好
最快趣到 點知去到人都無
樣確係衰 周身有除
咁臭係無罪 將陣狐味用力吹
各種 師奶 最愛去 組織吹水 三'四隊
過去吹水 搭咀無罪 講起阿某某幾衰
頭又蓬鬆 涼又唔沖 望四座乞衣比細路愚弄
如住皇宮 談話唔懂
通身已經污穢佢無面朦
係妳至約我出黎 不如睇戲?!
妳咁驚悶 邊敢賴低妳?

時常扮晒無貨 要睇戲洗得幾多?
仲話要去買炮谷幾籮?
陪住妳欄街去 洗錢無所謂
點可能用左幾千 哪麼多?
你睇公廁幾殘?
就殘就殘在污遭處處有糞便 去水慢
每一個都彈
入去係點頂哪份臭? 四處濃烈的痰
又有煨番薯 買隻比妹豬
望住阿媽投注 佢餐餐都無煮
爸爸望見 就話:"我煮" 要吃咸魚

其實呢排逢望人
就會講起係邊度話移民
也許一搬搬晒變難民
成日話去未去話去未去話去未去話去未去...
從前功課鐘意抄
自小抄落抄到錯都照交
到了作文英語 我要靠我手語
原來都無特赦 大聲講句: "車"!
成日話跌手機 唔知你
每次去到當鋪見得番你
當埋呢鋪 咁鬼易無 係離奇~?!

通兩晚頂就 不會郁
好想返屋企 我會舒服
D錢每次就快用晒
問老媽子拎過 再出街 係最幸福
如常地探佢 爺爺係有趣
成日話舊陣後生英俊係佢
跟班有數十隊 小心有晚行雷
仲搏命去吹水 無話信咪照吹
我起身見雞啼 就拎筒水黎
佢一想叫時 成盤倒啦喂
買隻雞幾咁弊 淋完又試照啼
唯有即刻湯佢 有無人睇?!

原來屋村有好多都斯文
叫阿嬸的永遠係阿嬸
原來就係憑住你膽色過人
阿嬸從來未結婚
係掛? 都算係掛? 班師奶唔化
佢地有野滿面查
溜漣茶樓尋腳 求成台麻雀
完全就似執藥
當年好多女笑我 成晚都公園坐
邊似係拍拖? 笑我真折墮
其實我一早清楚 原因我無貨

見球場 有啜咀 個兩件叫乜水?
叫埋細佬細妹睇佢咀
嗌熱華田常餐點樣計?
你條盲毛 黎左西米露
話我係流氓 又踢拖又無銀 終日撩人
仲要返學最少 舉世奇人
而我金毛穿耳 街坊睇見成為仇人
家長不嬲放鬆我 家長不嬲放鬆我
流離浪蕩最坎坷 媽媽不會采我?
原來老豆最囉唆
仲算術唔去讀 沒有英語還是我
但欠父母親都幾多 不如認衰仔講句錯~

(成長這裡十數秋~ 如今清拆沒法留
隨時日漸逝去 烙在我心中銘記)

>>May 7, 2005 at 8:41:59 PM GMT+8

2005 年 5 月 6 日 星期五 【晴】

人生不如意的事，十常八九…
呢幾日心情好一般，
不過見到他們，
心情會好一些。
多謝﹗

>>May 6, 2005 at 9:28:06 PM GMT+8

2005 年 5 月 6 日 星期五 【晴】

尋晚同左阿慈同九九八十一師妹去看球賽，
我地食飯遲左入場，
去到o既時候，
永倫對青年已經差唔多完第三節，
就咁睇第四節，
都冇咩好睇，
青年o既守健冇出過，
而阿翁亦冇出到。
阿香留左鬚，唔掂喎。

都係講返南華對新青聯，
當永倫對青年打第四節o既時候，
我已經開始留意南華o既球員，
我見到女人同賊仔已經熱緊身，
而劉子同觀音就o係觀眾席睇波，
觀音著件白裇衫，又好斯文﹗
之後過左無耐，就見到阿州，阿鋒，阿襪，阿倫同阿洋啦，
其他二打六都到齊架啦…
阿洋同阿倫熱身o既時候玩得好開心，
阿洋坐o係度伸直對腳，阿倫o係隔離搞佢，踢佢，
阿洋就係度係咁笑，
跟住佢地有一輪對話，跟住就係咁笑…
咦~~觀音無換衫，可能係傷左或者病左呀﹗
另外，熱身o既時候，新青聯好多球員係咁入樽，
高又入樽，矮又入樽…彈跳力極好。

終於開波啦，
幾搞野，跳球之前球員都會握下手咁，
話說羅意庭想同阿倫握手，阿倫唔理佢，
之後羅意庭mun阿倫件衫﹗幾得意
先發陣容係阿鋒，阿州，阿洋，阿倫同埋賊仔，
一開始跳球，南華跳輸左喎，
新青聯開始進政，跟住冇幾耐，
阿鋒偷到波，阿倫好快就跑到前場接應阿鋒o既傳球，
輕鬆得分。呢個時候，突然球証吹停左賽事，
大家唔知乜事，原來大鐘無計到時，
之後搞左一兩分鐘，
球証叫羅意庭同埋阿鋒行過去，
解釋發生乜事，其實當時全場o既球迷都唔係好知搞乜鬼，
個大鐘又郁左少少，又要教返o岩個時間，
大約教十秒左右啦，
有d球迷話：唔係嘛？唔通由頭開始過？
阿慈同九九八十一師妹即刻話：你黑阿倫唔係黑到咁呀嘛？
不過好彩冇事，場波繼續﹗
之後就到羅意庭入返個3分回敬。
然後阿倫又快攻，又入﹗
阿倫入左頭四分(亦都係佢全場o既所有分)
過多一兩個攻勢，阿鋒又偷波啦，
今次快攻交比阿賊，
點知阿賊手軟炒粉﹗獲得全場噓聲﹗
第一節， 南華炒哂6球罰球，洋洋失左4球，阿州兩球都唔入。
第一節就完，重有大約10秒，
羅意庭又入三分，之後得返六秒左右，
阿州由後場帶到前場入埋，
結果第一節23:23，新青聯打得幾好呀。
第一節比較搶眼係阿州同賊仔，各得7分，兩個都入左球3分，
阿鋒只係入左一球3分。

第二節：出左阿州，阿倫，阿洋，女人，阿襪
開始有多少火藥味，
新青聯其中一個球員犯規，
阿洋同佢有爭執，
之後阿襪將佢地分開，
新青聯個球員依然怒氣未息，
阿洋射緊罰球重係度嘈，
阿洋已經無咩野，就無鬼理佢。
不過換出左阿洋之後，佢好似有d唔開心，
阿襪搭下佢膊頭，鼓勵下佢。
呢一節阿州發力，拎左12分，其中有兩球係3分球
阿鋒得1分﹗阿洋o既罰球未有特別改善，射4球入得1球﹗
呢一節南華26:20，上半場南華領先49:43

第三節：出左阿州，阿賊，阿鋒，女人，阿襪
呢節有精彩東西發生，
唔知係咪比好人話佢係狂野蔡，
佢就狂野比你睇﹗
其中有一球係新青聯兩個內線球員mark阿襪，
跟住有點混亂，新青聯球員係咁話阿襪3秒，
又好似頂住阿襪，阿襪想行都行唔到，
跟住佢一時氣頂，一野推低左個球員﹗
球証要証實乜野事，未有入任何行動，
球迷當然鼓譟，尤其今晚超級多新青聯fans。
過左無耐，就吹左阿襪T-foul，
阿襪都知自己衰，要求換走。
之後，阿襪就成場都冇出過﹗
呢一節，南華入左36分，只有4個球員得分，四個都唔係內線球員﹗
阿鋒(15分—1個3分球)
阿州(8分—兩個3分球)
賊仔(11分—3個3分球)
吳卓佳(2分)
新青聯呢一節得13分

九九八十一師妹對阿襪是有所不滿的，
覺得他之前叫阿洋唔好爭執是好的，
但識話人唔識話自己喎…

第四節出：阿鋒，阿洋，阿倫，阿賊，吳卓佳
呢一節最值得一提就係阿鋒，
除左呢一節得16分(4球3分外)，
有一球係佢偷左新青聯球員波，
之後順勢，後手過埋新青聯個球員，
個球員連個波去左邊都唔知，
阿鋒仲上埋籃入埋﹗
全場球迷係咁歡呼，拍手掌，

最尾完哂賽事，返更衣室啦，
阿襪無端端又行去鬧新青聯o既球員﹗
好在比人推佢返更衣室，
唔係打架都似。
所以叫佢狂野蔡都好o岩﹗

四節得分如下：
1) 23:23
2) 49:43
3) 85:59
4) 111:83

球員方面:
胡國鋒：33分，6個三分波
張錦州：27分，5個三分波
石少基：22分，4個三分波
女人：10分
阿洋：5分
阿襪，阿倫，吳卓佳：4分
沈思銘：2分

羅意庭：23分，5個三分波﹗好勁呀﹗
李翹峰：12分
黃鎮煒：12分
徐子龍：12分
謝文俊：6分
湯健文：9分
鄧耀豪：4分
陳世傑：5分

>>May 6, 2005 at 7:31:12 PM GMT+8

2005 年 5 月 5 日 星期四 【晴】

lanlan：阿豪冇咩特別，瘦左o羅。你唔講我都唔知阿倫o個段係最長，無居心﹗

九九八十一師妹：今晚同阿慈一齊去呀，你都去嘛﹗好的…

梁彤：有d野又想寫，又唔想寫，咁唔鬼寫o羅

白飯魚：好呀~~喂，我地組約左星期六12:30去食飯呀，你同梁彤得唔得？

銘子：我得閒會寫下其他…
---------------------------------------------
記憶

人的memory好特別，
會記低唔同o既野，
大部份野都唔會記到，
但係有少部份o既野又會記到。
你想記o既野，有時又會記唔到，
你唔想記o既野，又偏偏記住。
有時又可以好快唔記得哂所有野﹗
其實都幾有趣，還記得final year考試，
一考完試之後，個人開心掛，好relax，
所有關於書本o既野都即時洗哂，
好似自動去左"資源回收筒"咁，
不過肯定無還原呢個功能﹗
記憶真的很特別﹗
唔…我又諗有些東西是神故意要我們記住的，
究竟神要我記得乜呢？記黎又做乜呢﹗

>>May 5, 2005 at 9:31:29 AM GMT+8