2002 年 10 月 20 日 星期日 【晴】

無出去....自己一個係屋企咳到仆街.....
算啦....當係懲罰下自己...

>>October 21, 2002 at 12:00:16 AM GMT+8

2002 年 10 月 19 日 星期六 【晴】

尋晚咪話去左打牌既...11點幾開始打,打到今朝差不多8點,真係幾鬼累~跟住都唔可以即刻返屋企訓住,因為約左媽媽11點上寶福山....食埋早餐都係9點幾...無野做又去左張名屋企坐左一陣,之後先至搭車出沙田,係架車度訓鬼著左,差D落唔到車....

今日唔知咩樹Fucking咁熱,上到寶福山已經滿頭大汗....攪完走得都12點幾,跟住都未返屋企住喎,因為我媽媽竟然迫我陪佢行宜家傢俬,不過算啦....都無幾可啦~行完又去左食壽司,食完之後再行多一陣先返屋企....返到屋企都2點幾,再沖埋涼洗埋頭,3點幾先有得訓.....訓到8點就起左身喇...

可能呢排捱得多,令我終於都明白,原來我日漸消瘦係有原因既.....

尋晚蘿記死鬼左喎....為左紀念下佢,所以我download左佢首名曲"獅子山下"做鈴聲....唔該大家以後就閒就打個電話黎啦....Okay???

所以話....今日唔知聽日事,有得玩就好玩,有得Happy就Happy多D喇.....


>>October 19, 2002 at 11:29:25 PM GMT+8

2002 年 10 月 18 日 星期五 【晴】

今日上左3堂文學之後,下晝就因為紅色暴雨警告唔駛返學...即時high爆左!!!難得有一日無啦啦早放,當然唔可以咁浪費啦...於是就上左皮仔屋企打牌,打左一個下晝!仲贏左少少添~

嘩~~~陳慧琳拎左個傑出青年獎呀!!!完全係實至名歸啦...佢咁靚,拎咩獎都應該啦!!真係可喜可賀!!大家都要支持佢呀~~~~~~

真係....好野就唔好俾佢停!!陣間又要出去打牌呀~~哈哈~~~~好變態呀!!!不過無辦法....打牌大過天~~

回覆阿心同Cherry:
其實我都好明白你地既苦況....我諗佢已經上晒腦,你地俾D耐性啦....希望有一日佢自己會醒悟啦就好喇.....聽到Cherry咁講,我都唔敢係度再話Juno唔好喇,萬一佢炸個呢個網咪弊??祝你地好運啦~~

回覆包包:
我都好明白你既心情,因為陳慧琳隻隻碟都係咁....我都覺得好Dump~咁你仲打唔打算買佢既新Edition呀??新版送幾首歌MTV喎....買左咪可以成日睇到佢個"靚"樣囉~~~~



>>October 18, 2002 at 10:57:55 PM GMT+8

2002 年 10 月 17 日 星期四 【陰】

今日返學校測文學,返到去先知原來係Open Book Test....屌....又唔早講,我尋晚溫左半粒鐘架嘛,浪費晒我D陰!!!

測完個Fucking驗之後,就去左大埔遊遊盪盪,到6點幾先返屋企....

以後如果有人問我"你有幾多朋友"呀,我會咁答....
"有呀!彥生呀...還有彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生,彥生和彥生......."
呢個答法,同係"愛情白皮書"入面,成美答瞿守係一樣既.....當瞿守問成美"你有什麼朋友呀",成美就係咁答架喇.....
"有呀!成美呀...還有成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美,成美和成美....."
你話.....笑死唔笑死????

>>October 18, 2002 at 12:18:09 AM GMT+8

2002 年 10 月 16 日 星期三 【晴】

屌....無野呀嘛......謝霆鋒竟然唔駛坐監???仲有無天理呀??

經過左我既反覆思量,左度右度,終於都亂咁揀左Jupas個25個choices喇!雖然早就係早左D,不過既然都係揀唔掂,就不如趁早攪掂佢,當了左件事啦!!

"絕世好爸"同"流金歲月"都幾好睇喎....黎緊一個月既夜晚唔駛驚悶親啦!!特別係"絕世好爸"入面既陳慧珊,好靚喎~~

>>October 17, 2002 at 12:19:37 AM GMT+8

2002 年 10 月 14 日 星期一 【晴】

做一件事一定要用某一樣野,但原來唔做個件事都可以用個樣野.....而且感覺很好!

雖然容祖兒係一件豬扒,不過佢隻新碟"一個人的情歌"好好聽喎....

流沙 豬扒容祖兒

點點星光再耀眼　也會凋謝
情話說的難分難解　終將一別
最後留在你身邊　又會是誰
真心是否遠比不上　一千朵玫瑰

誰是真　誰是假
再狡猾遇上多情　也會變傻
那頻頻回首　心碎的人呀
可明白愛情咫尺天涯

有甚麼　放不下
昨日如煙火　未來如流沙
誰知道　下一分下一秒　會如何變化

有甚麼　放不下
青春如曇花 歲月如流沙
天再高　地再大　也容不下寂寞啊
談感情要瀟灑

再粉再香的花蕊　也會枯萎
用情再深沒了感覺　終難挽回
最後陪我到終點　又會是誰
承諾豈是激情過後　無聊的消遣

誰無怨　誰無悔
再皎潔浪漫的月　也有殘缺
當繁華退盡　未了的情啊
再纏綿終將事與願違

別再強說愁　自哀自憐
舊情終成為過眼雲煙
好景既已不再像從前
又何必擱在心頭　愛早已事過境遷


>>October 15, 2002 at 12:44:29 AM GMT+8

2002 年 10 月 13 日 星期日 【晴】

尋晚又係去左打牌打通頂,今朝9點幾先訓,5點幾起身.....而家覺得好累,腰酸背痛....有D筋疲力盡,精盡人亡既感覺...

>>October 14, 2002 at 5:34:47 PM GMT+8

2002 年 10 月 12 日 星期六 【晴】

梁詠琪新歌"魔幻季節"個MTV靚到絕!!

>>October 13, 2002 at 2:14:38 PM GMT+8

2002 年 10 月 11 日 星期五 【晴】

今日做左個乖學生,準時返學....
上3堂文學,係極度眼訓既情況下作左篇仆街文,跟住上3堂Geography仲衰,講D唔知咩"中地理論"聽到我頭都痛埋,聽左好耐都唔知阿Sir講乜春....為左平衡返個種不安既情緒,所以放學去左打牌...

夜晚同朋友落左街吹吹水,唔知係唔係我D風采太勁,竟然有條煲住煙既死o靚仔無啦啦走黎問我:"你係咪讀劉百樂架?".....當然,我地呢D Cool架嘛,冷冷咁答左佢一句:"唔係喎!!",佢就行開左喇....劉百樂呢D咁好既名校,我自問就高攀唔起啦!!!至於呢個咁不~~~~~~~~撚知所謂既師弟究竟係邊個,我都真係無印象,唔知係唔係我D Fans呢.....

10月11日,Kitmy生日,祝佢生日快樂之餘,仲要同豬小樂開開心心呀!!遲D再返去搵佢地吃飯啦~

>>October 12, 2002 at 1:29:07 AM GMT+8

2002 年 10 月 10 日 星期四 【晴】

我真係覺得自己太勁喇,今日3堂文學,我又自修左成課"題西湖",我對A-Level真係愈來愈有信心.....有信心炒!!

禾輋街市D豆腐花同煎釀3寶實在太美味喇...5蚊6舊....好抵屌!

Happy Birthday to Lovely Denise!
祝佢愈來愈正~~

>>October 11, 2002 at 2:06:37 AM GMT+8