2002 年 12 月 13 日 星期五 【晴】

今日買左陳慧琳隻新碟"Baby Cat",好正呀!同上一隻碟"飛天舞會"一樣,今次都係以慢歌為主!Kelly唱慢歌真係好正!!...."情毒"大家都聽過啦,有D激情味道,好好聽..."她一定很愛你"同"更愛"D歌詞好到,有Feel呀..."最佳位置"旋律好舒服,有D似"最愛演唱會",正~...."暖我"同"逃出生天"好聽得黎有D特別,都係Kelly唱得有感情啦,就好似聽緊故仔咁.....

快歌就有4首..."躲貓貓"係最新Plug上台既歌,好鬼鍾意佢中間Rap個度,應該係繼"你這個男人"之後,好耐無試過喇,呢首歌既MTV仲正呀!!..."想當你親人"同"巨人",唔會好似"這班人"同"大日子"個種Disco歌咁跳舞,而係聽落好輕鬆,愈聽愈鍾意...仲有"千手千尋",雖然個歌名就無厘頭左D,不過首歌好輕快,用黎Relax就Perfect~~

仲有呀,入面D相先正呀!張張都索到Dum一聲...個度係馬灣附近既一個偏僻既沙灘,風景好靚,加埋Kelly呢個絕世靚女簡直一絕,靚人靚景無得彈!!!今次隨碟附送一個年曆,入面12個月12張相都靚到丫....嘩....索到你唔信呀!!!!!!!!

所以,大家都唔好Download喇,拿拿聲買返隻啦!!唔買好蝕底架~~唔計D歌淨係睇佢D相都抵返啦!!何況10首歌都係咁好聽呢?

陳慧琳---絕對係我心目中既完美女歌手!!!

回覆黃狗:
話佢仆街已經係最溫柔架喇,激多10萬9千倍都仲得呀!你想唔想聽下丫?

>>December 13, 2002 at 9:54:13 PM GMT+8

2002 年 12 月 12 日 星期四 【晴】

呢個日記原來都半年喇......都唔覺既?!

12點幾出左大圍同麥希,大面,歐佬,Kitmy,蛙仔,首領同大笪食Lunch~去左隆亨大排檔,佢地話平喎...其實都OK既,無所謂啦~都係志在見下面,吹下水姐.....唔...無見兩個禮拜,麥希靚仔左喎~~

食完之後返去上左3堂文學,好悶好難頂~不過捱完3堂之後就即刻返返劉百樂搵佢地反,好耐無係課室打乒乓波喇,以前就係拍埋晒D檯咁玩,不過今日仲過份,搬左成張乒乓波檯入課室玩,哈哈~~~仲有今日見到好多同學仔呀~~~當然係Feel So High啦!!

打完之後同歐佬,蛙仔,首領同Ricky去左麥當當食野同吹水,同佢地講下笑下玩下,唔覺唔覺又兩粒幾鐘......之後仲同陪埋Ricky返屋企添~

過幾日再搵過佢地先~

話時話,今日係河清生日喎,唔知佢生日快唔快樂呢?祝佢生日快樂啦~

>>December 13, 2002 at 12:57:15 AM GMT+8

2002 年 12 月 11 日 星期三 【晴】

今朝無返學,因為約左首領,蛙仔,大笪同主席去左第一城AMF碌齡,好耐好耐無玩過喇,不過好在狗屎撞棍亂咁碌...都唔係最差個個,都有百幾分咁啦...哈哈~碌完之後又跟埋去左篤波,今日篤完,同我係15歲第一次篤既感覺一樣....都唔好玩既~

跟住同首領,蛙仔出左尖東唱K,今日星期3,所以唱K Lunch好抵呀,30幾蚊咋喎,仲有個幾好味既Lunch食....今次係第一次同蛙仔唱K,真係好鬼鍾意聽佢唱歌....特別係激動版既<祝君好>...首領都好勁,唱發姣版<戀愛神經>,都係聽到我眼定定....唱完之後,去左吉野家食下野就回家喇~

你話....去玩緊要定係返學緊要??梗係去玩啦!!!!!!!!!!!!

回覆Sparking Diamond:
算吧啦,聽唔到首領同蛙仔唱歌肯定係你今年最大既損失,佢兩個唱歌同馬面Juno根本就無得比.....哈哈~至於邊個激親我個個,其實又唔係既....無咁嚴重....你認為係呢個世界上仲有人比個劉咩達更仆街咩?

>>December 11, 2002 at 11:40:34 PM GMT+8

2002 年 12 月 10 日 星期二 【晴】

放學之後同同學去左新達麥當當吹左陣水,跟住約左Kei Yiu出左旺角買野,唔....行左九條街之後,終於都買左對鞋喇!!!真係行左好耐,行到個人都累晒...

我決定左喇!!我要試呀....係真係Work先好呀!!

原來我知既野係好表面架咋...經過今晚之後,一切謎底已經解開喇...原來有人係咁賤格,咁唔要面,咁變態...真係唔屌佢就以為自己好撚型,正一陷家Ling...簡直就影衰晒D男人!!唔知佢幾時仆街死呢?一段咁難頂,咁嘔心,咁畸形既關係,都係及早了斷好D.....醒覺啦,朋友~睇見你咁樣作賤自己,我都好唔安落....

>>December 11, 2002 at 12:13:00 AM GMT+8

2002 年 12 月 9 日 星期一 【晴】

今日都係凍到黐筋~

本來係諗住返上晝唔返下晝,點知唔知醒,上晝無返到,咁就焗住返左下晝,上左兩堂中文就閃左喇~好無聊...真係好無聊!!

放左學去左沙田吉野家食野,食完就兜左陣咁啦....之後竟然撞到兩個以前蘇浙既舊同學傑傑同基哥,佢地話相請不如偶遇喎,咁就一齊食飯喇.....

同佢地傾開計,諗起好多蘇浙既事,諗返個陣4B同5B兩年真係好過癮,日日都係玩玩玩同玩玩玩,哈哈~尤其係個陣Form 4上唔鳩明堂,真係....爽到爆~~諗返起都覺得自己癲呀!!!仲有Geog堂Miss Chan鬧人個樣,好喪!!不過佢真係一個好Miss!!文學個麗雲又係好好,雖然我訓覺佢成日叫醒我,不過佢又真係幾有耐性既,咁都頂得我順,Heehee~~仲有好多個陣D同學呀...唔知佢地而家點呢??不過講起蘇浙就真係幾失望,唔係D人愈來愈衰,係真係頂個低裝校長唔順,做埋D野都多舊魚既...唔怪得之個個畢業生都話無歸屬感啦~~

雖然過去已過去的,情懷不會倒退,不過得閒諗下都幾開心既~~

>>December 10, 2002 at 12:53:29 AM GMT+8

2002 年 12 月 8 日 星期日 【晴】

去左黃大仙度訓左一晚,同媽媽打麻雀......輸左成20蚊俾佢呀,不過唔記得左俾錢~

Cathy打俾我話有飛睇個個.....唔知咩咩"滅罪耀北區",本來我都好想睇架,不過最後由於無人肯陪我企,所以無去到....點知之後發覺.....有陳慧琳喎?!!真係當場Down晒....唯有等下年啦~

夜晚搵左Kei Yiu食野同行惠康,樓下間惠康變左好多喎,唔同晒...係就係大左,不過格局唔同晒,無乜安全感....係惠康又買左半打雲呢拿可樂,Good~

凍到仆街陷家富貴鏟...鼻到甩咁滯~

>>December 9, 2002 at 11:54:54 AM GMT+8

2002 年 12 月 7 日 星期六 【晴】

今日都係悶到死,不過好在下晝Cathy打個電話黎,咁就出左沙田行左陣....本來沙田就行到驚架喇,不過係佢就唔同啦,行咩都係咁好玩,志在吹吹水姐,跟住仲係西田開始行到去銀禧.....要成半個鐘有多既路程,行下行下都唔覺...哈哈~

返到屋企就睇"獎門人",Kelly真係太靚喇,無得彈~不過個個....關淑怡呢就真係.....頂係個肺!!!個樣衰都唔在講,棚牙先至恐怖,係黑色架....好心就咪鬼出黎啦~嚇死小朋友!!

唔.....呢期愛上左飲雲呢拿可樂~

>>December 7, 2002 at 9:27:07 PM GMT+8

2002 年 12 月 5 日 星期四 【晴】

今日做左逃學威龍~上左兩堂文學之後終於都係頂唔蒲,要離開個笪鬼地方!!!

陳慧琳"情毒","躲貓貓"MTV索呀....索到跌渣~
全力支持陳慧琳做"最受歡迎女歌星"!!!!

>>December 5, 2002 at 11:31:30 PM GMT+8

2002 年 12 月 3 日 星期二 【晴】

今日返學俾個Fucking訓導捉我染髮,正粉皮~心情經已唔多好,跟住上英文堂,拎返份Fucking Section C同Fucking Listening....見到個分...都OK,咁就算啦~~

放學之後去食野,同上左皮仔屋企玩佢隻狗,好鬼抵死~跟住就回家喇~~

回覆Con:
E?係喎.....哈哈~我都係而家先知~係!新達先岩~

回覆Cathy:
喂~你有無攪錯呀....呢D野都唔係而家至係架啦!!!心有靈西都唔係第一次啦~哈哈~

回覆阿包:
我做到既野已經做過,可以講既都已經講過~路係佢自己揀既,我唔理架喇~~~~~

有一首歌,開頭聽覺得唔好聽,但聽多幾次又好似順耳左D喇喎,再聽,唔....仲要連續咁聽添呀!我講緊既係下面呢首...

高妹正傳 梁詠琪

巍峨高山 若要攀登都總會有段路
大廈頂樓 定有階梯終於通得到
所以別說 高妹孤高總是追不到
害怕不自量力行過望見經已畏高

你沒有六尺高 你答應待我好
努力也能彌補那點高度
對你印象還好 只不過自信差兩毫
要是你樂意做 怎會給那幾寸難到
我的心裡你一樣高 你別為此苦惱
鞋爭 只不過磨平幾吋 會試著習慣這差距　
就你的擁抱

如何落淚 落到山腰都經已化做霧
如何寂寞 候鳥飛機通通飛不到
雖說習慣 高空之中孤立的感覺
願我低頭時 仍能夠望見安置我的 情人懷抱

>>December 4, 2002 at 12:14:33 AM GMT+8

2002 年 12 月 2 日 星期一 【陰】

奇蹟地,訓左3個幾鐘之後,我最後都係有返學...返去上中文堂,原來對返份卷,又奇蹟地個成績都OK喎.....真係費解~~不過其實都無乜點Check,返去玩左個零鐘就閃人Lu~

放左學就去左好好食野先,再係先達兜左一陣就返屋企喇~返左屋企之後都無訓喎,玩下個腦就吃晚飯...睇下<孫悟空>,而家睇睇下都覺得幾得意既~之後做<皆大歡喜>個陣就瞌著左幾個字,到左做<談判專家>就起返身喇......嘩~郭可盈真係超靚,同埋我覺得呢個以換妻為題材既劇集都幾新鮮...唔錯唔錯~之後都要日日睇呀!!

再奇蹟地....而家竟然唔覺得眼訓喎~

>>December 3, 2002 at 12:02:41 AM GMT+8