2002 年 11 月 21 日 星期四 【晴】

唔駛返學,休息一天

Shared Files最新存貨:
許志安--On Hits(新歌5首)
英皇群星--留給這世上愛羅文的人(全碟)
鄧健泓--戇男.好(全碟)


回覆阿心:
個個落仔既人真係太冤孽喇...我諗佢應該晚晚訓唔著~
仲有個個變態佬....嘩,尋日見到黑框,即刻諗起佢同你講個D變態野,打機喎....打到佢咁既樣....唉~

回覆阿包:
個3兄弟真係人間極品....人人得而誅之!!!仲有呀....唔好為左個冤孽咁激動喇~~

回覆阿鋒:
無所謂呀~~你得閒咪搵下我囉!

>>November 22, 2002 at 12:41:28 AM GMT+8

2002 年 11 月 20 日 星期三 【晴】

今日返學校考文化,唔係好識,不過都無所謂啦,我都無讀過書,唔識都好正常既~考個陣都淨係諗住拿拿聲做完就快D走,完全無心機做~終於用左兩個鐘做起走人!

放左學就返返劉百樂睇7A踢波,佢地好勁呀,又贏左呀~聽日爭冠軍喇,其實我都好想返去睇,不過都係唔係咁方便,所以都係唔返喇,不過心靈上我會支持佢地既~今日走左之後,同阿蓋,首領,歐佬,大笪去左新翠麥當當食野,仲坐左係個度3個幾鐘,差不多9點先走,返到屋企都9點半,攪到我又影唔到學生相喇~

各位朋友,墮胎好無陰功架,唔好亂試呀~~

回覆中田仔:
Yumiko就梗係度度都靚啦~~~頭先你有無睇勁歌金曲呀?佢好正呀!

回覆包包:
你咁無厘頭既野都講得出口既?你唔唱歌可以代替周星馳拍喜劇啦!!!容祖先豬扒黎架喎!!!點能夠同咁靚既Yumiko比呀......

>>November 21, 2002 at 4:11:14 AM GMT+8

2002 年 11 月 19 日 星期二 【晴】

尋晚2點訓,今日成1點先起身,訓左11個鐘,勁爽~~不過終於都係無返晏晝個3堂Geography~

下晝媽媽同哥哥上左黎,同佢地同埋女麻女麻打左4圈牌,贏左佢地少少錢~Haha~~~到左夜晚就睇無線台慶,都唔好睇既~

聽日考文化,到而家都未掂過,所以好有信心~~不過都無打算溫喎!!

回覆中田仔:
由於你個留言可能會俾你講既其中一個人見到(你應該知道係邊個啦~),所以我Delete左,不便之處,敬請原諒!!下次留言小心D喇~~
不過我就唔係好贊同你講既野囉...Yumiko點可以同你所講既人比呢??尤其係Micheal變彥祖呀!差好遠喎!!!!!!!個Micheal都唔係人樣黎既!!!

>>November 19, 2002 at 11:30:40 PM GMT+8

2002 年 11 月 18 日 星期一 【晴】

成個月無試過咁早起身喇,尋晚差不多4點先訓,今朝7點就要起身....尋晚11點先知原來今日要考英文Listening,所以要返今朝800個堂英文....呢D係咪叫任性考試時間呀?佢鍾意幾時考就幾時考,完全唔駛通知D學生!真係唔讀過私校都唔知私校D騎呢野~

考完9點幾,係麥當當吃個早餐,坐低吹下水,磨到11點幾就出沙田搵一搵人先,到12點幾先再過大圍搵D舊同學吃Lunch~今日同好多人吃呀,成12個人,成班人係本場度嘈喧巴閉,好鬼過癮....都係阿包囉,係度大叫大笑,成間本場都聽到佢D笑聲啦,不過都唔怪得佢既,佢竟然係本場度遇到一個讀鄭榮之既俊男,心花怒放D都好正常既....HaHa~~

到1點幾先返出大埔上兩堂中文,又係聽Listening,到3點放學就返屋企喇~

好奇怪...真係好奇怪.....做咩而家D人咁鍾意興風作浪,無是生非既?作得勁有獎架?一個係咁兩個又係咁,都唔知點面對佢地!
真亦假時假亦真,真真假假,假假真真,真係要當事人先清楚喇.....

仲有呀...咩事謝霆鋒又唔駛坐監呀?無野呀嘛....個法官正一豬頭黎架!!!食屎大架??

回覆阿包:
我覺得Yumiko真係靚喎....我諗我話佢靚,都無你話Juno靚仔咁經典,咁Bad Taste卦....大家黎評下理喇!!!!!!!!

>>November 18, 2002 at 11:49:34 PM GMT+8

2002 年 11 月 17 日 星期日 【晴】

休息左大半天,夜晚溫左"西湖七月半"......勁!!!

now.com套網劇"藍罐最痛"都幾好睇....唔錯唔錯!

Shared Files最新存貨:
趙頌茹--"Yu See!"(全碟)

女人之苦 許志安

情 其實那可分勝負 若見女人淚眼模糊
男人都感到痛苦 含辛茹苦 但別不分愛惡
幸有歸宿 只求得到照顧

浮光 略影 時間裡暢泳
誰蒙蔽過你眼睛 是你太眼淺造成
拋開一段情 難過開始新一段情
你要任性 天逼你要清醒

從此 男人 來按你門鈴
難同你冷笑一聲 強悍到嚇走熱情
做女人極難 硬朗也會成為罪證
這應該講中了妳們 女人心聲

情 仍是你終生抱負 但要記得別太在乎
如果跟他怕吃苦 寧願孤苦
想與你平邊天 多美滿 仍然渴望男仕愛護

移山 填海 求兩腳落地
然而愛遍滿天星 贏到博愛的罪名
就算一夜情 亦怕百歲無人認領
假使你要至性至情 無謂言明

即使不怕苦 別為了狠心者太在乎
前瞻了 也要後顧

>>November 17, 2002 at 11:40:25 PM GMT+8

2002 年 11 月 16 日 星期六 【陰】

今日下晝6點幾7點去左馬鞍山打邊爐,又可以見到D舊同學,所以覺得好開心~~有麥希啦,大面啦,歐佬啦,Kitmy啦,蛙仔,鼠欣,阿蓋同首領~阿包又話黎喎,最後又唔黎,攪到我有D失望....食完野,睇下電視,之後就竹戰左300回合,由10點幾打到3點到啦...跟住就坐阿蓋男朋友車返屋企喇~

其實我覺得阿蓋男朋友都幾叻仔喎,咁後生,仲細過我就有自己一架砵砵車....所以話,其實讀唔讀到書根本就唔重要,肯上進就真係OK!我都真係唔知幾時先可以自己買架車....有D慚愧~

回覆阿心:
傻左咩你....講埋D咁既野,駛咩對唔住呀?你都無對我唔住...對我唔住個個都唔係你!!而且我都無嬲.....不過你自己諗清楚啦,根本就唔係淨係呢件事咁簡單,佢做D野都唔應該係男人做既!!如果你覺得佢係你身上咁拎著數係無問題既話,我都無話可說~~我唔係俾壓力你,事實擺在眼前就係有好大問題....不過點都好啦,你咁大個人都應該知自己做緊咩既~呢D野我唔再講架喇!!
我聽日會打俾你架喇~

回覆Sparking Diamond:
哈哈~~~我都知你會企係我個邊架喇~放心啦....我咁大個人唔通會俾個傻仔兇到咩?如果佢講兩句粗口我就怯,我都唔係你識個個Edison啦!!!我肯定唔會有事呀!!你得閒就諗下我地星期一去邊樹吃Lunch仲好啦~~~

>>November 17, 2002 at 4:39:36 AM GMT+8

2002 年 11 月 15 日 星期五 【晴】

今日返學校俾人投訴,話我上堂食大餐喎....文學個阿伯正一仆街,一係就當面叫我唔好食啦!又要係背後投訴,鬼鬼祟祟咁,一D都唔大方~~不過我心情好,皆因我書法比賽贏左亞軍,咁就原諒佢條粉皮啦!!

放左學去左大埔中心陪人食下野先,跟住就搭K巴返火車站,搭火車出大圍...約左麗清同以前D文學同學出沙田食Tea,去左偉華下面間上海野度食,食完之後同佢地行左陣就返屋企喇~

呢個世界咩人都有.....一樣米養百樣人~閒人既野都無謂多講啦~~

>>November 16, 2002 at 3:20:45 AM GMT+8

2002 年 11 月 14 日 星期四 【晴】

今日上3堂文學,係麥當奴買左個麥樂雞餐上堂食,隻咕嚕醬唔好食既~

放左學返左屋企先,跟住5點幾就出左沙田,行下食下野咁啦....西田D下午茶餐好抵食呀!兜到9點幾先返屋企....返屋企之前係樓下惠康行左陣,買下野,都幾得意喎.....最邪既係係惠康竟然有條癲佬,講野語無倫次,仲聊D鬼婆同個好醜樣既收銀員....好變態~禾輋愈來愈邪....

係惠康賣洗頭水個度,諗起呢首歌....

Shampoo 何韻詩

站在那滿架新貨的 超市
望著數百種洗髮水 興奮地埋頭 在試
為你用慣的味兒 胡亂試

合著眼每樽開蓋吸 一次
為著買你的洗發水 整天也漫遊超市
紅黃綠白一支支 排好了 來面試

幸福感覺 若然亦能 有樽裝
擰開樽蓋 被期待的 即刻到訪
長長路遺下一人 仍然像你在旁
沿途又甜又香 呼吸我戀愛 盛放

就像你那天擁抱間 飄過
就像你那天于我的 恤衫領上 留低過
讓我全日都在分心 從衣領 回味你 靠近過

幸福感覺 若然亦能 有樽裝
擰開樽蓋 被期待的 即刻到訪
情人未 在身旁 情人味也伴在我旁
悶人夏天 想起你暑氣 也驟降

Shared Files最新存貨:
鄭敬基--I'm Joe(全碟)

回覆Sparking Diamond:
你咁講...我真係好唔開心囉....聽日同麗清食飯個陣同你Jam得唔得呀?

回覆阿心:
唔好咁敏感啦.....有野我實會同你講既~

>>November 15, 2002 at 12:42:06 AM GMT+8

2002 年 11 月 13 日 星期三 【晴】

今日上英文堂個陣做Oral,由於太耐無做過既關係,而家好似唔識講英文咁....今日做Oral Presentation,講到一舊舊,真係好樣衰!!!!成個智障兒童咁呀!!!!!仲衰過F.5個陣...有時間有心情既話就一定要操返好佢呀!!!

放左學之後返左劉百樂攪D野,同阿Miss Choy傾左一陣,又同阿Miss Ng傾JUPAS排Choices D野,佢地兩個真係我讀十六年書以黎最好既兩個Miss,呢D咁既先生真係可遇不可求,比起蔡玉嫦條粉腸就真係差天共地....傾完之後就出去睇7A踢波,我一出去咋,佢地就即刻有波入喇~~~~幾勁呀!!!!一次過見返晒佢地真係好高興,秀清一見到我就大嗌"Edison".....哈哈~~~~見到阿包就即刻諗起以前上文學堂一齊坐一齊傾計一齊玩,見到Yoyo同秋玲就真係即刻諗起以前點樣一齊捱Chan King堂,個陣真係好鬼過癮~~難得佢地竟然日日帶住部相機,咁就真係要珍惜機會影下相啦~~下星期一就再搵佢地吃Lunch!!!

5點幾就約左Karmen出沙田,睇"勾魂谷",套戲就一般啦,無想像中咁好睇~開頭至中段都頗悶,最後半個鐘就好D喇....睇完之後就去左吉野家吃飯,原來吉野家D牛肉飯都幾好食架喎~之後係沙田行左一陣就落糟殃公園吹吹水,吹到夜晚仲過埋沙角村食糖水添~~食完之後先搭81K返屋企~返到屋企都12點幾Lu.....

如果日日都好似今日咁開心你話幾好呢.....

今日發現我個班又多個PK....自己有個咁好既女朋友都唔珍惜,周圍溝女,顛倒是非,大話連篇,呢種人唔死都無用....睇下東窗事發個日你點死!!!

回覆阿包:
呢個馬面歌手咪就係係你個留言板度,Cherry話佢係敗家仔個個囉.....佢好靚仔架!!!成個陳欣健咁架!!!

回覆阿心:
呢D邪野....留返俾達達啦....哈哈~~~~~

>>November 14, 2002 at 1:18:21 AM GMT+8

2002 年 11 月 12 日 星期二 【晴】

今日同幾個舊同學歐佬,Kitmy,麥希,大面同首領去左唱K,睇返原來都好耐無唱過喇....對上一次係9月23號,咁都即係個幾兩個月喇....原來都有好多新歌!由12點幾唱到4點幾都只不過係30蚊咋~~

唱完之後就係尖沙咀行,行左個零兩個鐘就搭地鐵落旺角,都行左好耐下呀.....買左少少野啦....屌.....想買條褲都咁難既?岩腰就唔岩褲長....行九年都買唔到一條褲~

夜晚係個度唔知邊度食左個Pizza,好鬼美味!跟住就返屋企喇.....今晚做左件好戇居,唔應該係人做既事....本來搭81號係可以係屋企樓下落車,但係我.....竟然係新城市度落,跟住自己行返屋企....而家我都覺得自己好低能~

Shared Files最新存貨:
張學友--他在那裡(全碟)
陳思慧--Way To Love(全碟)

回覆阿包阿心:
咁阿包而家咪受歡迎過我??不過你唔好學似某個馬面歌星咁買Fans喎~~

>>November 13, 2002 at 1:13:43 AM GMT+8