Showhappy.net - Members diary

日記

日記主簡介

<< 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 >>

2004 年 1 月 30 日星期五【陰】

今日去左香港藝術館 . . . .
其實 . . . .入到去唔知做乜咁 . . . .
好白痴 . . . . .
所以就啦啦聲走~
之後同呀聲、張妙詩搭小''淪''去中環
跟住送完呀聲去地鐵站之後
我同張妙詩就搭15c 去到山頂纜車站搭山頂纜車上山頂
哈哈 . . .不停用部電話影相
最衰今日陰天 . . .

後記：
嘩嘩嘩！今日跟蹤人呀
好掂呀
哈哈哈哈 . . . .我好有狗仔隊既資質 . . . .！

>>January 31, 2004 at 12:25:19 AM GMT+8

2004 年 1 月 29 日星期四【晴】

今日 . . . . .朝早起身既時候
都唔可以話徵朝早，因為已經一點啦 . . .
我起身落床o個陣
我踏到去床梯尾二o個格
我成日仆低左 . . . . .
整親條頸同隻手= =
我之後同條梯講 '' 容我講一句粗口嗎? ''
但係突然諗番起敬叫我唔好講咁多粗口 . . . .
所以我就同張梯講 '' 容我打爆你嗎?
之後我望住張梯呆望 . . . . .
望完就開電視 . . . . .

嘩 . . . .痛死我喇 . . . . .琴日已經整親隻手
宜家簡直係痛上加痛 . . . .救命

之後就同我舅母買電話 . . . . .

但係 . . . .「佢」今日同我講左 D 野 . . .
其實我一早就諗緊佢有一日會唔會咁樣同我講 . . . .

>>January 30, 2004 at 1:12:20 AM GMT+8

2004 年 1 月 28 日星期三【晴】

今日朝早
本來約左張妙詩 8 點響我屋企樓下等
點知我訓覺o個陣順手閂埋個鬧鐘 ( 其實我覺得我買個鬧鐘返黎，係要黎放架，每晚都較，但係冇一次鬧得醒我，我訓覺聽到佢響，就會順手閂左佢 . . . .就好似每朝早聽下佢係唔係正常會響就算 . . . )
就係因為咁，所以我 8 點都仲未醒= =
覺得自己好失敗 tim . . .. .

好彩佢打上黎，如果唔係.. . . . .
之後我叫佢上黎

佢黎到我先刷牙洗面
之後換衫o個陣
我唔見左條運動褲，搵極都搵唔到，但係. . . .張妙詩一搵就搵到
之後，我又唔知左件長袖冷衫
張妙詩同我講 ''會唔會響房掛左響到 ''
跟住一搵，嘩！！真係響o個到 = =''''
點解佢仲清楚過我= =''驚

之後搭的士返學 . . . .

練練下排球，突然諗返起佢o個晚同我講過既野
所以我又冇啦啦發脾氣
其實我覺得自己好變態，過左咁耐既野，我都要仲記得
其實一開始我地拍拖，我覺得只係一個互相利用既一個遊戲
真正拍拖既係我隻手

練完 . . . . .我企左響到飲蘋果綠茶 <----唔知係唔係= =''
其實我o個陣響到諗緊，我兩點要去邊！我唔記得左！！
去我健健屋企？返屋企訓覺？約左人行街？定係 . . . . .
我企左響到諗左好耐，我諗到之際
無啦啦o個個豬腸粉問我 ''呀聲叫我問你做乜唔開心 ''
我o個陣真係好想殺死佢 law =''=
我差 D 諗到架啦！！就係因為佢呢句，我就唔記得左我就頭先諗起 D 乜=''=
唉 . . . . .之後終於諗到啦
我答應左竹君幫佢彈結他
跟住呀聲又問我唱唔唱 K
其實 . . . .我同你講 . . . .我好憎唱 K，覺得勁無聊 law . . . .=n=''

之後同張妙詩行左一陣就返屋企拎結他
張妙詩同我響我呀哥間房到
佢就響到整緊野
佢無啦啦講 '' 等我睇下你本書去左邊 ''
佢淨係用眼睇
冇拎走 D 野
跟住我同佢講 '' 響我屋企搵野，係唔可以用肉眼睇架！''
真係架，響我屋企搵野真係要用「暴力」！

去到教會 . . . .見到呀 co . . . .= ='''有點俾佢嚇緊 . . . .
之後原來祝君係叫我地夾 band
琴就栩懃負責
思恆就打鼓
我、蔡杰同唔記左咩名就彈結他
呀 co 、蔡留、雪麗同唔記得咩名 =.=''就唱歌
但係今日栩懃、思恆都黎唔到 . . . .

點知排o個陣
祝君同大舊嗌交 = ='''驚
好彩之後都冇事

嘩 . . . 部結他好耐冇彈過啦 = =
祝君話得一個星期多 D 時間俾我練 za . . . .
話要隻手好似以前咁
盡就要彈到 D 手指起晒 " 枕 "
先可以自己彈o個陣唔痛
嘩 . . . .救命 = ='''

>>January 29, 2004 at 2:19:06 AM GMT+8

2004 年 1 月 27 日星期二【晴】

後記：

想忘掉過去的時候，我們都想逃跑到沒有任何認識的人、被世界所遺忘的角落。
然而，最後才會痛苦地發現，即使被世界遺忘，我們卻無法遺忘世界。
唯有時間，終將忘記我們的過去、現在和未來。

>>January 28, 2004 at 3:15:40 AM GMT+8

2004 年 1 月 27 日星期二【乍雨乍晴】

＊＊＊＊＊＊＊＊＊＊＊＊＊＊＊＊＊＊＊＊＊＊＊＊
回應：
我夠知咯，係拍期諗唔到
先話項羽切賓周 za ma
勁好笑呀~~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日 . .. . .冇野講 . . . . .

講完啦)))))))))

不過好掛住佢呀 . . . .唔知佢幾時返= =
呢個假期又少左個同我傾電話既人 la . . . > <

註：掛住唔表代鐘意

今次真係講完啦 . . . .

>>January 28, 2004 at 1:51:26 AM GMT+8

2004 年 1 月 26 日星期一【晴】

今日夜晚同健健返香港
得係唔知點解，健健嘔瀉
哈哈哈，搞到條地低褲都有少少 A 響到 . . . .
但係佢換左之後，有 A o個條就用個黃色膠袋裝住，諗住返到香港先洗

之後入境o個陣有個女既香港海關
查佢 D 野
佢拎左健健袋野
全部都係衫
之後o個個女既香港海關搵到o個個黃色膠袋
o個個女既香港海關問呢袋咩黎
健健好白痴仲要好大聲咁答佢 '' 有屎既低褲 ''
o個個女既香港海關好無奈

真係笑死我

之後搭火車
健健去上水去佢呀爺到
我就自己一個返葵芳
轉巴士o個陣
睇到 roadshow 有 At-17既專訪
嘩！！勁開心呀！
越黎越鐘意 roadshow 啦

返到屋企
呀 ling 講俾我聽呀聲亂咁講野
好可惡 law

我想同胡欣婷講：

我唔該你講野直接 D 啦
你好似審犯咁審我
你估我唔知你咩事咩
咁大反應
你驚我鐘意佢
我會同你爭 ar ma
白痴都知你想點啦
唔駛走咁大個圈同我講野
我知你咩意思
人地講乜你就信乜
人地話你死左，咁你係唔係真係死左呀
有一日或者我會鐘意佢
但係宜家肯定唔係 law

講完

>>January 28, 2004 at 1:37:42 AM GMT+8

2004 年 1 月 25 日星期日【乍雨乍晴】

初四喇 . . . .
今朝去左飲茶
唔知點解，好多人都識我舅母咁 . . . .
佢掛住同 D 人傾計，我諗佢都唔記得食野啦 . . . .
不過都好，我有好多利是收~~~

之後去左香蜜湖玩賽車 . . . .呀姨響到影相
哈哈哈，影到健健好好笑

今日我呀媽呀爸、叔叔，呀姨，拍期同我二哥出香港先
得返我同健健
所以我地響房到打機
白痴地響到玩泡泡龍
哈哈哈
次次我都贏佢成條街
有一次仲唔駛一分鐘就贏佢喇
真係→《單手都可以打爆機》
跟住就叫外賣喇

>>February 28, 2004 at 8:32:32 AM GMT+8

2004 年 1 月 24 日星期六【晴】

初三 . . . .唔知自己逗左幾多利是 . . . .=.=''
正確黎講 . . . .我唔知 D 利是放晒響邊=.='''

今日三點先起身 . . . .所以成日都響清清間房打機
雖然我表弟部電腦係新 . . ..不過 . . . .
始終都係自己部電腦好 D . . . .

之後同健健、拍期去左打籃球

到左夜晚
叔叔同我講
上次我講o個兩隻馬
贏晒
佢講笑咁同我講
做乜唔叫佢買喎
如果佢買
就會有成幾萬蚊架啦
我聽到差 D 嚇死 .. . .不停響到笑
笑死我

之後極開心呀！！舅父教我開電單車
我地仲響公路到開盡油
極好玩呀！！差唔多全程我玩晒
好掂呀 > < ! !

我同我表弟呀~!

>>February 28, 2004 at 8:35:57 AM GMT+8

2004 年 1 月 23 日星期五【晴】

琴夜同呀 ling ，呀聲傾電話傾到好夜 . . . .
三點先訓

但係今朝訓訓下 . . . .聽到呀媽佢響到話我大哥
原來我大哥今朝八點先返屋企
但係我呀媽唔係話呢樣，因為我大哥成日都係呢個時候返
我呀媽係話我大哥冬天日日都著短衫短褲
今朝返黎即凍到嘔，訓覺o個陣嘔白泡，哈哈，笑死我！！我後悔點解唔錄起佢~

之後食完開年飯
就返大陸啦
但係我部 mp3響 winnie 到
所以我大哥就借俾我

去到大圍，見到叔叔同柏期
原來佢地去上水等健健
我都打爆佢電話啦
仲冇人聽
睇死佢都訓緊覺啦

之後搭火車o個陣
我拎部 mp3出黎聽
叔叔見到問我係唔係新買
我同佢講話我大哥借俾我
跟住叔叔問我 ''知唔知「劉備借荊州」下一句係咩 ''
我記得好似唔知咩一借冇乜乜
但係都係唔記得
所以叔叔就問柏期下一句係咩
柏期諗左兩秒就答佢 → ''項羽切賓周 ''
佢仲要鬼死咁大聲講，好似驚死成車人唔知咁喎
我就不停響到笑，笑死我喇~~~哈哈哈哈

跟住去到上水，我同叔叔，拍期就響o個個站等健健
我地坐左響到，見到叔叔響到睇馬經，所以我就睇下有咩馬名好
睇晒成本，我就同叔叔講 '' 水星同輝光之驅最好聽 ''
李實我覺得自己好無聊，成日做埋 D 白痴野
又唔知我睇學校 D 書睇晒成本 .. .= =

返到大陸，凍死我啦 . . . .> <

之後到夜晚
我同健健響到睇魔界 2
睇左三個鐘

到左十二點到，佢地上晒去打機
舅母打麻雀o個班又散晒場
個廳得返我一個
所以無聊地翻睇籃色大門
冇睇咁耐
宜家再睇返
都係咁好睇
因為 . . . .我地同樣都有一樣既愁悵與快樂
或者係再一次觸動我吧. . . .

後記：
請不要在車廂內大笑 . . ..=''=

>>January 28, 2004 at 1:14:09 AM GMT+8

2004 年 1 月 22 日星期四【晴】

年初一啦~~
但係我一 D 都 feel 唔覺得今日係新年 law . . . .
唉，我呀哥又唔起身喎
搞到得我呀爸呀媽同我上安陰去我舅母屋企
凍死 . . . . .

上到去，嘩！見到表姐既 BB
可得意呀 ~ !
我傻到捉住佢地影相 . . . .哈哈 . . . .

之後去左我挈媽屋企
嘩 . . .佢屋企好大棚人呀 . . .
見到俊俊，佢大個左好多
最好笑既係佢副哈利波特眼鏡 . . . .

我呀媽同契媽講 . . . .我響林護點點點 <----全部都係衰野= =
原來我契媽教O個間，則係恆商﹝全名：恆生商學書院﹞
好出名架間學校 . . . .上過報紙 tim ga . . .
原來林護成日同恆商開會交流 . . .
因為我契媽係院長，所以識我地校長，同好多林護老師 . . . .
佢話幫我同校長傾下喎 . . . .
其實都唔知有咩好傾 . . .=,=

之後我先記得 . . . .我要幫阿欣影花車 . . .
唉 . . .咁咪叫佢地陪我去 law . . .
不過有 D 後悔

oceanpark 既花車呀

>>February 28, 2004 at 8:23:55 AM GMT+8