Showhappy.net - Members diary

日記

日記主簡介

<< 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 >>

2004 年 2 月 27 日星期五【陰】

信恆今日同我講 '' 大人既野小朋友唔好理啦 ''
其實我一直響到諗
咩我都算 '' 小 ''朋友咩 . . .=.=
咩我真係咁細個 . . .=.=??
咩大人既野小朋友一定唔可以理架咩 . . .
係大人既思想複雜定係我地諗得太天真?

>>February 29, 2004 at 11:17:34 AM GMT+8

2004 年 2 月 26 日星期四【陰】

四年級o個陣曾經有個老師同我講我唔笑既時候好似好唔開心咁
可能係因為我天生就係一個唔開心同孤獨既人
或者係天注定我唔可以開心
一分鐘都唔得

退出完排球，宜家就退出藍球

咩人會o係絕望既時候，見到奇蹟架咩 . . .
但係唔好意思，我到宜家仲未見到 law . . .

我唔明 law，點解我做乜野之前，
都會俾人睇死 law . . . .
係唔係針對我真係咁好玩呀?!
如果係既話
我冇野好講

>>February 26, 2004 at 11:18:31 PM GMT+8

2004 年 2 月 25 日星期三【陰】

今日一朝早就俾人記左兩個大名啦
一個係腰帶，一個係戴手鏈 . . .=.=''
唉 . . .算啦算啦 . . .之後返到去 . . . .無無聊聊又過左幾堂喇 . . .
到左 lunch，返屋企食野，嘩 . . .我表弟食到成 '' 木台 ''都係，搞到要我執=.=

lunch之後，最尾o個堂中文堂上左去演講室到上
ms.Wong 派左其中兩個人既腦思圖俾我地睇
其中一張係周 X 婷
一睇，勁爆笑，哇哈哈哈哈哈哈))))))))))))
佢畫左 d 箭咀指住 D 圓圈，
D 箭咀又勁''曲''
好似 D精子同卵子，笑死喇啦~~
之後Miss 又問知唔知今日教邊課
o個課原本叫 '' 夢痕 ''(唔知係唔係咁寫)
跟住 D 人話 '' 夢遺 ''
嘩，笑到我肚痛！哈哈哈哈哈哈 . . .

放左學之後，俾人迫左去 SHPC o個個唔知做乜打籃球，
但係我企左響到唔知做乜事 . . .
又唔想見到佢 . . .咁咪行埋一邊 law . . .
其實到宜家我仲唔知係我嬲定係佢嬲
不過算啦
我已經為左呢件事而行左好多步架啦
只係佢原地踏步，不過算啦，我又唔係鐘意佢
我只係唔鐘意一個我當佢呀哥既人俾人搶走掛
呢 D 可能係呷酷啦 . . .
不過唔係鐘意o個種呷酷 . . .算啦，講你地都唔明架啦 . . .
總之唔想見到佢啦 . . .

之後盧叔食左我同 Step 佢地食珍珠米加豬骨，嘩，勁好味呀~!
食飽之後，就同呀 key 去屯門信恆屋企學結他..，嘩 . . .我覺得佢做既野係唔太似男仔平時做既野 . . .
不過我同時都發現.，我學左咁耐結他，都唔算耐既，一半啦都 . . .但係我宜家先發現，我係音樂白痴黎架 . . .=.=
之後十二點幾先返到屋企 . . . 俾呀媽話左兩句

>>February 29, 2004 at 11:23:00 AM GMT+8

2004 年 2 月 23 日星期一【微冷】

今日朝早開機，見到呀爺佢 send 個網址黎
見係佢咁咪開黎睇下 law
點知 . . .一開 . . .game over我部電腦 . . .
跟住就梗係咁返我呀哥執手尾啦

之後張妙詩、Ka Po同Yuki黎左 . .其實係我迫佢地上黎架
哈哈哈哈

到左兩點咁我同 YUKI 就去林士德啦練波喇 . . .
Ka PO 同張妙詩響到睇 . . .=.=

一入到去，就見到 Step 佢超喇
我仲以為佢地會遲到 tim . . .
原來係我遲 . . .=.=
但係全場得我一個著晒全套波衫 . . .
有 D 怪 law . . .=.=

嘩~~但係響o個到打勁㊣，起碼好過響學校打~~
跟住我好白痴地拎住部相機狂影

之後我地四點練完，岩岩好係女排同陳 X民打友誼賽 . . .
咁咪睇下 law . . .
睇睇下
呀 key 唔知同呀聲講咩，就同佢講：憨兜
之後呀聲問：下？聽唔到你講乜
我以為呀 key 講憨 X ，明顯地粗口，但係我o個陣口快快咁樣同呀聲講：佢話你憨 X 呀
之後俾 leung sir 聽到，佢望左我地兩眼，就問我地邊個講粗口
嘩 . . .跟住o個陣驚啦 . . .之後諗諗下，係喎 . . . .真係粗口黎架喎 . . .=.=死啦，咁點 tim . . .
跟住豬頭就同 leung sir 講：下？憨 X 呀??
嘩 . . .好彩 leung sir . . .唔知 za . ..
但唔知佢係唔係真係唔知 . . . .=.=

之後就同 Euling 佢地行左一陣新都會
哈哈哈哈
之後 Euling 就做左我地 dad . .
Step 就做左我媽媽~~哈哈哈哈~~

>>February 28, 2004 at 2:37:54 AM GMT+8

2004 年 2 月 23 日星期一【酷熱】

今日朝早去完呀 key 到拎野之後，俾呀媽捉左去彩虹村到唔知拜咩神喎 . . .話我冇心機讀書，我唔讀就唔讀架啦，拜乜都冇用啦 . . .
之後，去到彩虹，仲要行一大段斜路 . .跟住行到一段高速公路旁聽既一個山 . . .o個到淨係''答''個棚，放勁多觀音大佛象之類既野 . . .我覺得我有D 衰 law . . .基督徒走左去拜神，不過算啦 . . .我平時 D 行為都唔似一個基督徒架啦 . . .咁咪去 law . . .不過 . . .好熱 law . . . .
去到仲要等成個鐘，先到我地問，o個個女人話自己會觀音上身 . . . .
我心諗 . . .車~真係上身咩= =''

等左一個鐘之後，到我地喇 . . .我俾勁多蚊咬= =''慘！
之後我地同個女人坐低，個女人就問我咩名，幾歲，幾點出世之類之類 . . .
跟住個女人就合埋眼，響到狂念 D 唔知乜野既經，
之後就講喇 ( 以下講既野如果用《》，就係我諗既野 . . .如果用 ( )，就係我呀媽既動作同講既野，因為如果就咁講太亂喇 . . . )：
個女人同我呀媽講：你個女生男相，佢個時辰同佢既命好好，應該好聰明，第時應該做文職
《我正在冷笑中》
我呀媽：係 law！個衰女成日都成個男仔咁，真係生錯相 . . .
跟住個女人又話：你個女信朋友多過信父母，千奇唔好咁信朋友呀，遲早有官非
我呀媽同我講：聽到未呀你
《無奈中，不過咁又係 . . .我都俾 D 朋友(例如姓X同姓 X o個個咁 )，搞到我成日都唔開心，或者真係我太信佢地，搞到宜家咁掛 . . .》
個女人又同我呀媽講：你個女識到 D 唔好既人呀，搞到冇咩心機讀書
《下 . . . .有咩 . .??呀 . . .我諗到喇，好似有幾個，但係 . . .好似我教壞佢地多 D 》
女人又講：你個女好早就拍拖，千祈唔好俾佢識到男仔拍拖
我呀媽望左我一眼
《嘩 (我好驚o個陣！！！點解佢會知我拍過拖架？？？！！！好驚喎，你係唔係真係知架，喂喂喂，你唔好再爆 D 你唔應該爆既野呀！》
跟住我就扮晒傻咁講：點有呀~~唔會唔會 .. . . .~~
o個陣我已經驚到塊面青晒 . . .驚個女人又唔知會講 D 乜 . . .
之後我呀媽同個女人講：咁會唔會關學校事呀？
我就講左學校地址
之後個女人等左一等就講：你學校有好重陰氣，你個女唔好彩，有兩隻污租野搞到你個女冇晒心機讀書，想讀都讀唔到，一個姓羅，一個姓伊，一男一女
《下？！唔係呀化 . . .係唔係真架 . . .姓羅 . . .=.=''我係唔係前世得罪左姓羅既族人呀 . . . .我真係想響班房到同o個兩隻野大叫：我有咩得罪你地呀！！仲乜係到要搞到我喎，你地就膽既就出黎同我死過！！哼~！ . . .但係，我邊夠膽呀 . .=.=唉 . . . .
唔怪得之學校成日都有救護車出入啦 . . .我之前仲同人講笑話：哈哈哈，點解成日都有救護車出入架？？係唔係我地學校邪得濟，哈哈哈哈 . . . .我記得我講過呢句野 . .=.=''驚啦開始》
我呀媽：下，咁點呀
女人：唔怕，我同你個女作福啦
之後就問完喇

【呢個簡短架 . . .因為講過太多野，不能盡錄 . . 】

之後搞搞下四點半先走，嘩 . . .''支力''死我喇

到左夜晚，呀聲響豬頭屋企，佢話悶喎 . . .叫我去 . . .我心諗：唔通我去到就唔悶咩 . . .?! . . .我諗仲悶 . .=.=''
不過算啦 . . .我都冇野做 . ..
不過好好笑，我地響到錄野，笑死我地~~哈哈哈哈

>>February 23, 2004 at 12:28:09 AM GMT+8

2004 年 2 月 21 日星期六【陰】

死啦死啦 . . .
就比賽啦籃球 . . ./.\
希望輸得唔好咁難睇啦 . . . ./.\

2月 29 號 ---- 林護對葵裘錦秋 ( 城門谷公園 )
3月 6 號 ---- 林護對皇仁舊生會( 城門谷公園 )
3月 15 號 ---- 林護對陳兆民( 城門谷公園 )

嘩 . . . = =全部都係城門谷公園 . . .熱死喇 . . .
仲要對裘錦秋 . . .同陳兆民 . . .打死喇 . . .
死上加死 . . .死！

>>February 21, 2004 at 7:06:56 PM GMT+8

2004 年 2 月 21 日星期六【陰】

今日好悶 . . .好悶 . . .
唉 . . .好想快 D夏天呀 . . ..
仲記得除文謙佢地o個段片
笑爆~!
響個沙灘到一邊扮劉德華
一邊唱天生天養
笑死我 . . .

後記：
我和你之間己劃上十萬個句號
只好靜心等待橡皮擦把這些句號狠狠地擦下
雖然明知我們活在一個早已失去了奇蹟的世界
但 . ..我還是傻傻的等待著

>>February 21, 2004 at 12:19:55 PM GMT+8

2004 年 2 月 20 日星期五【炎熱】

今日起身已經唔舒服架啦 . . .
仲要我上 P.E ，可惡 . . .仲要做埋 D 勁益智既野 . . .------ 拍波 . . .好掂 law . . .中一仲做埋 D 野仲低 B 過小一 . . .救命 . . .悶到我想死 . . .
之後仲學咩土風舞，已經暈架啦，仲要我響到不停咁轉，暈上加暈 . . .= =''不過最好笑既係，E 班o個個女仔勁似憨豆先生，笑爆！
之後真係頂唔順啦，要早退 . . .
我二哥黎接我 . . .但係 . . .佢著拖鞋呀 . . .大佬，你去我學校都著返對鞋啦 . . .
之後我二哥同我講我學校好大 . . .= =''我唔覺 law . . . .

睇完醫生之後，返到屋企，睇到電視
見到又有一個新既樂隊，好似叫咩 '' 方華十八 ''
嘩，o個 D 人極度嘔 law . . .邊到及女子十二樂坊好呀 . . .
跟住 '' 方華十八 '' D 人話自己徐左識中樂之外，仲識唱歌，跳舞，仲識→ 玩雜耍！←
嘩，大佬，依家做馬騮劇呀??好無聊 law . . .明跟女子十二樂坊啦宜家 . . .=''=

>>February 20, 2004 at 9:38:10 PM GMT+8

2004 年 2 月 19 日星期四【晴】

勁瘀 law . . .
今日呀 key 話 3:10 落到去，點知佢聽錯原來係 3:50 ！！
搞到我同 Yuki 落到去唔知做乜事
跟住 Leung sir 問我地做乜事
跟住我地就好無奈咁上返去，勁瘀呀！！
呀 key！！你差我一餐呀！！

不過上英文堂我地玩到好癲 = =''

跟住放學，我五點先可以去打波呀！！黑人憎 =''=
最衰野係我打波o個陣佢係咁望住晒！
乜事呀佢
搞到我球球都唔入！
可惡！

不過最後佢都走左~好彩，如果唔係我死俾佢睇啦真係 . . .

唔知點解 . . .今日特別熱咁 . ..
打完波，成塊面紅晒= =''
要洗頭先涼返
不過 D 人見到以為我傻左

>>February 20, 2004 at 1:11:30 AM GMT+8

2004 年 2 月 18 日星期三【酷熱】

今日冇野做呀 . . . .仲好唔舒服 . . . .
上 PEA 堂 . . .佢叫左我勁多次 man . . man . . .man . . .
我都唔知掛住寫野 . . .我諗我真係傻左喇 . . . . .
叫左我咁多次，我先俾反應佢，覺得有 D 好唔好意思 . . . = =''

最嬲既係 . . . .
o個個李日朗呀！！可惡
上次佢上 D & T 堂屈我o個單野我都未同佢計呀
今日我同 Yuki 玩，關佢乜事呀？！
又關佢事？！無啦啦響到鬧
我真係想同佢講 '' o靚仔，你高過我先同我講野啦！ ''
我真係想咁講架 . . . .= =''不過我驚我傷佢自尊心，就咁算 . . .
不過佢真係好黑人憎呀！！
我懷疑佢係唔係有病 law . . .!
我更懷疑既係，我係唔係得罪左全世界，個個都針對我？！

不過 . . .我諗係我自己麻煩 za . . .Yuki講得岩掛 . . .我根本就係一個忽冷忽熱既人 . . .= =''
唉 . . .算把啦 . . . .

聽日終於有得練波啦 . . .好耐冇練啦 . . .
不過聽日都係著波衫算啦 . . .
因為我唔知左件運動衫 . . .
另外一個原因係 . . .太熱啦 . . .= =''
我今日行到返屋企已經濕晒喇
我真係想死. . . .不過. . .我鐘意夏天~~~
冬天o個響好似搞到個個都冇晒活力咁
個天又暗喎 . . .
所以夏天係好 D 架~
因為 . . .我仲記得 02 summer！

>>February 18, 2004 at 11:09:26 PM GMT+8