Showhappy.net - Members diary

日記

日記主簡介

<< 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 >>

2004 年 3 月 9 日星期二【晴】

唔係好想打日記，可以話冇咩興致 . . . .
總係覺得唔知點咁 . . . .
想喊又喊唔出
唔知係唔係我太得閒 . . . .=.=

Microsoft 個廣告好好 . . .呀 . . .

後記：
一拍兩散容祖兒

作曲:方樹良
填詞:林夕
監製:舒文

專一至今竟會敢避過你的吻
伏在你身說找到更喜愛的人

我也居然變心不禁要承認我
像往日我恨透的罪人

當初的我為了你圍滿著好友
日夜怪你愛不夠還驚你風流
然後到我內疚任旁人來認購
恨你沒有問情由便放我走

誰都會散怎知一拍便會散
怪我自己作反明明我不應再揀
忠貞怎可以貪給拋棄亦已很慣
不慣去承認自私移情別愛太奸
遲早要散散得清脆未算慘
我卻要忠變奸斗膽一腳踏兩船
想上岸時又晏無面目再解釋
自費了承諾是否太斗膽

當初枉我未拍拖曾這樣講過
外遇那些女主角遲早惹出禍
誰料那個是我又能如何恨我
沒法面對自我其實最痛楚

誰都會散怎知一拍便會散
怪我自己作反明明我不應再揀
忠貞怎可以貪給拋棄亦已很慣
不慣去承認自私移情別愛太奸
遲早都散散得清脆未算慘
我卻要忠變奸斗膽一腳踏兩船
想上岸時又晏無面目再解釋
自費了承諾是否太斗膽

何苦再自命悽慘你當我搗蛋
誓要去與他邂逅仍然從不怕被人話濫
從未做過玩家但我卻誠實認真去玩

真心相愛未見得為了他英俊
換掉角色也許你你都會包容
我到今天至懂為情而淪落了
在背後確實有些苦衷不可不信

>>March 10, 2004 at 12:02:54 AM GMT+8

2004 年 3 月 8 日星期一【晴】

呢排見到身邊所有既人都有好野煩緊
好似感情、學業、友情、家庭
佢地好忙好忙
但突然好 '' 善 ''慕佢地
因為個個都有野煩 . . .而我呢 . . .. . . .?
全世界好似得我一個最無所事事
我諗 . . .世界開始遺忘我啦
身邊發生既所有事都唔關我事
見到佢地為左自己既生活而各自默默咁努力
見到佢地開為，我又無啦啦覺得開心
見到佢地唔開心，自己又會跟住佢地唔開心
或者我唔駛戀愛，都霍以感到好幸福
只要佢地幸福
我覺得自己掛住人地既問題多過緊張自己既問題
其實明知道自己都有好多問題，自身難保
第一個問題就係我既學業
但係我都扮到好唔在乎咁
或者呢幾個月發生既事太多喇 . . .
令到我覺得好煩厭
唔知再點去點對
好想有個人一直響我身邊咁支持我 . . .可惜唔知仲有冇呢個人
發覺自己流得太多眼淚啦
或者我係唔係應該感謝
感謝仲有一件事值得我去流淚

後記：
流淚的人，不一定悲傷
微笑的人，不一定快樂

>>March 8, 2004 at 11:51:50 PM GMT+8

2004 年 3 月 7 日星期日【晴】

今朝 . . .呀唔係 . . .o個陣已經成一點到架啦 . . .我先岩岩起身=.=
之後同喬去買野俾 key . . . .
跟住就同 winnie 去左喬屋企
其實我上去，都係為左見到呀妹一面架 za~~哇哈哈哈！
但係原來佢個妹好高 . . 既相反詞 . . .=.=
o個十歲黎講就真係 X (身高) 左d . . .=.=
不過都係咁可愛

過多一陣就同 winnie 去左長發見八號仔o個班
嘩！！好嬲 law! ! !
佢地成班話我似仔仔呀？！
有冇病呀佢地=''=
好無聊 lor 佢地

後記：
幸褔和安穩令人不安。到最後，我們每個人的一生，都在重覆不斷地，用自己雙手，不自覺地把擁有的一切推向崩壞。因為只有回首時，我們才能看見幸福的輪廓。

>>March 7, 2004 at 8:28:19 PM GMT+8

2004 年 3 月 5 日星期五【晴】

今日 lunch 去練波 . . . .
唉 . . . .聽日比賽啦 . . . .如果聽日輸左就咩都冇啦 . . . .
原來 yuki 寫左封 XX 信俾張妙詩喎？！
有冇搞錯，點解係 yuki 寫呀
我地錯晒呀家下？！
有病
我唔明點解yuk 要理佢 law
睬佢都晒時間

放學，見到「佢」 . . .
所以我即刻同 yuki 走

之後就響ok 到等喬同呀 key

好眼訓呀 @.@

>>March 6, 2004 at 1:57:11 AM GMT+8

2004 年 3 月 4 日星期四【颳風】

今朝食左藥所以好眼訓 . . . .@.@

之後原來o個堂變左做PTH
有個人黎代課，俾我地自由活動
所以我同 yuki 傾計
跟住張妙詩無啦啦叫 yuki
跟住 yuki 同佢講：你唔知我同 man 講緊野架咩？！
之後張妙詩用條頸巾打左 yuki 一下
我一直都冇出過聲，之後過多幾分鐘
張妙詩無啦啦喊
我覺得好奇怪 law，點解係打人o個個喊先
之後唔知點解佢走左入陳紫靈o個一大棚人入面到喊
跟住唔知邊個無啦啦話俾我聽我整喊佢
嘩 ! ! ! ! !我o個陣真係發火 law 想 ! ! ! ! ! ! ! ! ! ! ! ! ! ! ! ! ! ! ! ! ! ! !
關我咩事呀？！我同佢講都冇講過野呀呢幾日
佢話佢難受，咁佢有冇諗過佢話人之前人地都好難受呀 ? !
之後呀聲問陳紫靈咩事
之後o個條友明串咁話我地呢班咩賤人
跟住我真係發火啦，佢成日以為自己好串，咪又係講廢話
超，人地鬧佢淨係識講 '' 仆街 '' ，仲要做口型喎
超，咁勁，講埋出黎呀笨！又唔敢講喎
仲要講黎講去都係講同一句
好失敗 law佢

跟住搞到我好似千古罪人咁 ? !
咩天理呀，打人o個個喊，唔係俾人打o個個喊
仲要屈我
係呀，咩都我錯呀，我錯晒呀？！得未呀？！
我真係想問，針對我係唔係真係咁好玩呀？！

跟住放左學之後
練波啦~~~~星期六就比賽啦 . . . .唔好以再輸架 . . . .
今日最慘既係我串魚蛋 . . .
都唔知係唔係佢黑住我 . . .=''=

>>March 5, 2004 at 11:17:03 PM GMT+8

2004 年 3 月 3 日星期三【颳風】

上 I.S 堂
唔想上呀 .. . . .因為我張 ''木台 ''D 人 . . . .唉 . . .
雖然我似男仔 za . . .但成張''木台 ' 得我一個女仔，唔知點咁 . . .好似好怪

之後上 Eng 堂，嘩~!勁開心，上演講室睇碟，有得俾我訓覺~~~
但係因為我早落番班房，但係都要等家寶落黎開返門
原來李日朗佢地都番晒黎，等緊開門，李日朗見到我落黎，無啦啦鬧我：搞錯呀 D 人去晒邊呀？！你快 D 叫佢地落黎啦！！我要番入去呀
我聽到之後勁嬲 law，
咪同佢講：你有病，你自己又唔叫？！關我咩事？！
佢仲要講晒粗口扮晒勁咁喎，佢咁勁，自己上去叫啦！
佢真係有冇病 law想問

放左學之後 . . . . 我、winnie 、Step 同喬玩左一個好失敗既跟蹤 . . .

之後去左打波，嘩，佢地傻架 . . . .
佢叫完就算啦 . . .
仲要搵埋我落水 . . .
佢地仲要一人講兩個字，
跟住話：謝 X X 愛死 X X X
嘩 . . .o個陣佢地響到架 . . .咁多位大佬 . . .唔好咁玩我啦，好嗎？ . . .
好無奈 law o個刻
我真係從來都冇鐘意過佢 law . . .
唉 . . . . . .

之後 Step 、Euling、winnie 上左黎食飯 . . .~

>>March 4, 2004 at 12:06:58 AM GMT+8

2004 年 3 月 2 日星期二【暴雨】

今朝返到去，又好無聊，上數學堂呀 key 好唔開心，我諗係 . .因為琴
晚o個件事 . . .
上P.E o個陣做左一 D好白痴既野 . . .無奈 . . =.='''
到左lunch ，我去左練波，點知 YUKI 冇叫我走，搞到我遲到 . . .=.=

捱左幾堂，又放學啦

去左青衣同 key 佢地兩個打波 . . .

見到呀 key 同佢一齊開心左 D 我覺得
見到佢地
我都幾開心 . . .
或者我淨係睇到身邊既朋友幸福
我都突然覺得好開心
呀 . . . .我傻左啦又 . . .

不過俾人誤會我鐘意佢 . . .唉 . . .我又再一次俾人誤會喇 . . .

後記：
如果地球上的萬物都是互平衡的話，那麼，當地球某個角落正有人快樂歡笑的時候：在地球的另一端，一定有人在悲傷流淚。

>>March 3, 2004 at 1:04:49 AM GMT+8

2004 年 3 月 1 日星期一【陰】

今日好無聊 . . . 放左學，留左學校一陣，同 yuki 企左響到傾計，之後 yuki 話俾我聽佢個樣好似好無奈咁望過黎，我覺得係啤緊我 law . . . .

之後陳紫靈同張妙詩講左一 D好過份既野，搞到我喊，好彩喊得一個字到 za . . .
我真係想同張妙詩講，你覺唔覺得你真係有 D 輕度弱智架 . . . .
成日講埋 D 人地唔覺得好笑而你又響到笑既無聊野
最重要既次次都係你聊交嗌先既，之後話你兩句就扮晒可憐咁
如果係咁，唔該你唔好出聲 . . .
我知我都有唔岩，但係我覺得你完全唔知 law

之後就同呀 key 佢地走左
無啦啦就去左呀 key 屋企，跟住又無啦啦走左落去同呀 key 練波 . . .
搞到成身汗

之後就特登為左個比賽而→剪頭髮←
因為唔剪就會影響我跑得快唔快架啦
雖然我覺得短左 D ，但係個頭輕晒！

之後又無啦啦落雨，天文台話可能得十度 . . .嘩 . . . .真係 . . . .

距離第二場比賽仲有四日 . . . .

>>March 1, 2004 at 11:27:17 PM GMT+8

2004 年 2 月 29 日星期日【陰】

今朝起身係咁咳，跟住豬頭無啦啦叫我買飯上去，其實都唔想理佢架啦. . . .但係我響屋企冇野做，四點先比賽，咁咪買 law . . . .

因為食左藥，所以勁眼訓@.@
所以就響佢屋企訓左一陣，訓完舒服左 D . . .
之後呀 key 打黎話佢打俾佢，佢話俾呀 key 聽佢都會去，o個陣時 . . .我唔想佢去，但係琴晚，又係我叫佢去架喎 . . . . . =.= . . . .

之後豬頭同呀聲同埋o個個好似叫維維既''物體''去葵涌運動場練波，我就去左呀 key 屋企

去到呀 key 屋企，發覺 . . .我每一去到，都會比上次去更亂 . . . .
之後我就響到玩電腦，之後呀 key 無啦啦話 '' 你係唔係三點要去到全灣地鐵站呀 ? ''
我以為佢問下，所以咪就答佢係，跟住佢指住個鐘，我正常反應梗係望下個鐘啦 . . .點知 . . .兩點五十五分，嘩 . . .所以啦啦聲同呀 key 走，因為我知道我已經趕唔到，所以叫 Euling 佢地去先

同呀 key 去到大窩口，再轉的士去城門谷公園 . . .好彩我地四點先打，我三十五分去，去到原來我地同裘錦秋波衫又係黑色 . . . . .如果我地搵唔到龜背就要棄權 . . . .好彩最尾都搵到~!

都唔知裘錦秋 D 人友係唔係低架，勁鐘意拍人手，踩人腳，又響到玩暗串，佢地有冇病呀，我地邊到得罪佢地呀，我真係想同問候佢呀媽 law！！可惡！哼~不過佢地又真係幾勁 . . .或者係我地屎 . . .

比比下賽 . . . .電話響，但係 . . .唔可以聽架 . . .我又響到諗邊個 . . .

因為龜背數量有限，所以我地可以出場既人數都有限 . . .所以我頂唔順啦 . . .第三節到要換人 . . .
我睇我地原來唔識 key 波，唔識傳波，o係咁 key 住個波，唔傳 . . . .=.=''仲有好多問題 . . .唉 . . .結果，當然輸左啦，但係輸得好好笑， 62：1，我知你地睇到會笑架啦 . . .唉 . . .

之後睇返個電話，原來係 Ah ling 打黎，我咪問佢咩事 law，佢同我講夾唔夾錢，嘩，佢唔係打黎同我講呢 D 野下化? ! 好似同我講玩笑咁，比比下賽佢打黎就係為左 d 咁既野，我o個陣真係想殺死佢 lor . . .!

不過算啦 . . . .

其實落街場同人組隊打一場，好過響學校練十場 . . 街場o個 D 先真正係打波呀~!

之後同Step佢地去左麥當勞，點知見到裘錦秋班人，我諗佢地真係有病 law，無啦啦整 D 野過黎，跟住佢地走o個陣，佢地班人其中幾個男仔同呀 key 拎 ICQ，電話，睇佢地都想媾呀 key 啦~跟住又拉呀 key 同佢地影相 . . .我覺得呀 key 係好無奈架 . . 但係o個兩個男人兩個都唔掂 . . .學人媾女 . . .突然之間好想笑 tim . . .之後我地就返屋企啦 . . .

仲有兩場，大家俾心機呀！

之後返到屋企，開電腦又冇野做，咪睇下人 info law . . .之後俾我見到 Euling 個hkflash 日記，咪上去睇下 law . . 佢到佢 26 號o個個既日記，其實我都諗，我響籃球隊係唔係真係會累左你地，我知我成日做 D 野係好任性，唔理人感受，但係我想講，我唔會為左失戀，如果為左失戀我一定會喊，我知如果我以後再係咁，你會鬧我，但係我驚如果真係有o個日，你唔會鬧我，
因為o個陣你可能已經覺得睬我都晒氣，鬧我都嫌麻煩，我知我身邊既人都好有耐性，因為佢地都忍緊我，我都想同每一個忍緊我既人講：對唔住，我搞到你地咁多麻煩！原諒我既任性 . . . .

>>March 1, 2004 at 1:17:07 AM GMT+8

2004 年 2 月 28 日星期六【微冷】

今日朝早同Yuki佢地去左三棟屋，入面好無聊 .. . .=.= . . .

之後走o個陣見到1B o個個女仔同佢一齊，一見到我地就好似好驚咁，佢地拍拖係人都知啦~跟住我就響到笑佢地 . . .不過好細聲咁笑 . . .

之後五點半到，去健健屋企，哈哈哈哈，松松一聽到結他聲就會好驚架啦

彈左一陣就同健健去盛樂樓樓下o個個籃球埸打波，見到成班人，所以就同佢地組隊，其實佢地讓我 za都係 . . .佢地成日都放我俾我射，可能佢地知道我係女仔 . .不過o個個呀伯超勁呀！三分都勾手，仲要好多都入左~

係喎 . . .咁日浠生日，雖然行左 D 都要講句生日快樂架啦 . . .~

>>February 29, 2004 at 11:19:08 AM GMT+8