Showhappy.net - Members diary

日記

日記主簡介

<< 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 >>

2004 年 4 月 18 日星期日【晴】

嘩. . . .今日俾o個個死 key 點黎點去，本來話去既
跟住我咪出去 law
出到去，唔記得拎 key 條褲，搞到我要特登返屋企拎
之後再出去，行行下呀 key 打黎話，唔去啦
嘩 . . . .我真係好都殺死佢

到左五點到，我就殺上 key 屋企，衝呀 . . . .殺key ! !
上到去，原來佢地都黎左~
搞搞下變左七、八個女仔 . . .
間屋又細喎 . .
真係 . . .
之後仲發癲，真係名乎其實既“拆屋”
整爛左勁多野
好似整爛左三隻杯咁 . . .
恐怖 . . .

後記：

孩童只盼望歡樂　大人只知道寄望
為何都不大懂得努力體恤對方

難得　可以同座　何以　要忌諱赤裸
如果心聲真有療效　誰怕暴露更多　你別怕我

成人只寄望收穫　情人只聽見承諾
為何都不大懂得努力珍惜對方
螳螂面對蟋蟀　迴響也如同幻覺

陪我講　陪我親身正視眼淚誰跌得多
無法講　除非彼此已失去了能力觸摸
鈴聲　可以寧靜　難過　卻避不過
如果沉默太沉重　別要輕輕帶過

>>April 21, 2004 at 12:46:55 AM GMT+8

2004 年 4 月 17 日星期六【雨】

今朝去左打波 . . .
打打下無啦啦落雨喎 . . . . .?!
搞到我成身濕晒 . . . .= =''

破紀錄呀今日~
一日畫左三幅畫響 yuki 個板到~
我終於畫到洛克人啦~~~> <感動!
可能我屎掛 . . .~
http://www.hkflash.com/gb/gb.asp?id=yuki06
第20個
第23個
第25個

>>April 17, 2004 at 8:48:48 PM GMT+8

2004 年 4 月 16 日星期五【陰】

今日考中文、I.S、PTH
我溫都冇溫過中文
I.S溫都未溫夠十分一 . . .
係咁 e 睇下，之前呀喬同我解左
都識少少既 . . .
PTH就睇過下啦 . .
其實考咁耐我都冇咩點溫過
今舖真係考天才 . . .
個天好心既咪俾一分我 lor . . .~
算~~考左就算 lu~~~都唔理架啦~~開心幾多丫~~

哈哈哈哈~~其實 . . . .我覺得我測驗o個陣 . . . .
我諗我隔離o個個一定好想鬧我，諗我係唔係痴線
因為我通常用十分鐘就做完份卷
仲有三十分鐘比我 . .
我通常都望下「佢」，睇下佢個樣識唔識
跟住都費是，因為 d 老師都會望下我係唔係望人份卷~
咁唔望人咯~咪望牆 law~因為我左邊就係牆咯~
有時我好白痴咁響到對住牆唱歌= ='''
哈哈哈哈~~跟住就周身郁~郁黎郁去~坐唔定
跟住又食下野咁~
再諗下 d 無聊野咁，好似諗下淨間去邊，諗下我一開始唔係入林護，我都唔駛唔開心，唔駛坐響呢到考試，唔係響到諗埋 d 無聊野~
又諗下我如果我死鬼左，會去邊~
如果我痴左線會唔會有人送我入青山 . ..好多無聊野諗 . .
跟住呢~就周圍望下~左望右望~
之後就開始眼訓喇~跟住既時間就係訓覺喇~
哈哈哈哈~我隔離o個個好似諗緊我點解咁得閒~
因為我見佢好似好辛苦咁做份卷 . . .~

之後考完試，我、 key 同蔡留做左一 d 好白痴既野 . . .
我地響OK 出面o個個電話亭入面到食野 . .
d 人不停響到望住
搞到我地好似絕種既動物咁 . . .= =''''
-------今日既野講完--------

呢排覺得 X X X 變左 . . .
佢以前有一種吸引力，令到身邊好多人都想同佢玩，
有時接近得佢多，會令到d 人都會開心左
但係佢之從同左佢一齊之後
我覺得 X X X變左佢既精神奴隸
成個人謝晒 . . . .
冇左以前o個種眼神
就好似一棵好有生命力既草，為左一朵花
而缺乏營養咁 . . . .謝左 . . .
呀 key 話可能佢成熟左，可能係啦 . . .
都係o個句 . . 呢 d 係好事定係壞事，冇人敢肯定 . . .

牛牛講得好丫 . . .
↓↓↓↓↓↓↓↓↓↓↓↓↓↓↓↓↓↓↓↓↓
就算你地今日響呢度係講清楚你地係唔妥佢...咁又點?
你可以話自己之前無試過響背後講人地咩?
你地一時就話唔鍾意呢個...聽日又話同呢個好返...又同佢講唔鍾意邊個...你唔覺得自己好假咩?
你每日就係咁樣返學,周圍都係你唔鍾意ge人...咁樣你好開心咩?
你永遠唔知邊個唔鍾意自己...咁樣你又好開心咩?

睇完之後我諗緊我係唔係都係呢 d 咁既人 . . .
周圍都係我唔鍾意既人 . . 我或者真係有 d 唔開心
但係我行o個一步之前，我諗得好清楚，
我唔會後悔 ! ! !因為呢條路係我自己行 !

我想同趙雅詩你地講：

我諗你唔係好清楚我係 d 咩人. .
我唔會聽陳紫靈或者係其他人叫我做咩我就做咩
我絕對唔會聽人講野，可以咁講，呢 d 叫固執
我鐘意做咩就做咩
我唔駛聽人講叫我做咩
所以之前我做過同講過既所有野
都係我既決定，唔關任何人事

問心o個句你地同陳紫靈都冇響對方既角度諗下 lor . . .
大家響到鬥寸，鬥鬧，永遠都係覺得自己o岩晒
咁寸黎又有乜意思
你地大家都覺得自己o岩晒咯~
就算大家點寸，都唔會令到對方覺得自己錯架啦 . . .

算啦 . .唔講啦 . . . .如果唔係好似牛牛咁
好心講下野都比人鬧 . . . .

>>April 17, 2004 at 1:16:07 PM GMT+8

2004 年 4 月 15 日星期四【陰】

今朝九點同蔡留、喬同王磊去左自修室 . . . .
我都唔係溫既 . . . .我淨係好想食野同訓覺 . . . .= =

返到學校，唔想見到佢地呀 . . . . . .
好無聊呀佢地= =
幾大個人呀 . . .
唉

我 . . . .我 . . . . .我. . . . .都係冇野啦
如果 . . . .如果 . . . .我真係男仔咪好 law . . . .

突然覺得牛牛好 man~
佢終於似返個班長啦 . . .

後記：

亂唱的歌楊千嬅

作曲：Eric Kwok 作詞：黃偉文

這張碟少了這闕歌損失的相信不會很多
想講的反正不太多來聽著我
聽著我這亂唱的歌

*我不知意義為何就當是作者懶惰
能輕輕快快鬧著玩亦很不錯
有何非講不可有何非聽不可

我也哭過或者吵過唱壞情緒也沒有幫助
不過什麼不過下秒鐘我要快樂
又何必嚕囌不過想要唱一首歌

不開心想唱幾句歌一開口不記得了很多
慘的歌反正都太多來唱著我
唱著我這亂作的歌

Repeat *

有誰非想不可有誰非寫不可

曲與詞編跟唱拒絕陪你抱著飛墮
講你或者講我下闕歌也要快樂
任何一首歌邊笑邊唱也差不多

無聊但那口感真不錯將它延續將成為甚麼

這張碟少了這闕歌損失的相信不會很多
損失的反正不太多隨意亂唱再亂唱
這亂唱的歌錯不都唱亂胡

>>April 16, 2004 at 1:05:27 AM GMT+8

2004 年 4 月 14 日星期三【晴】

今日同左蔡留去"全"灣中心既一間麥當勞到，喬幫我溫~
唉 . . .o個個男仔又打黎啦 . . .救命 . . .
坐左兩個鐘之後~
就走 lu~
點知喬打黎~
佢話返到屋企有野同我講

咁之後返到，我問佢咩事
佢話左比我聽，嘩嘩嘩~~真係嚇死我~估唔到佢會 . . ..~
笑左我成晚= =~~

>>April 15, 2004 at 8:43:53 AM GMT+8

2004 年 4 月 13 日星期二【晴】

今朝青青返左學，我地就出香港啦~
點知舅父舅母都出埋~佢地話出去睇下間公司點喎~
宜家 D 個人遊真係快 . . .= =

點知舅母今朝狂嘔~
之後出到羅湖既一間茶餐廳佢都冇咩謂口~
但係我又好大食喎~
我食左一碗粥，一碗餐蛋麵，一個吉列豬扒~
點知仲唔飽 . . . 不過費是食啦 . . .

跟住出左關~
我同健健就響沙田轉車，舅父佢地就直去旺角

上巴士o個陣同呀 key 講緊o個對岩岩開始既情侶~
真係估唔到，佢變得咁痴情~
不過呢 d 我地唔係當事人係唔會明架啦~
希望佢地拍到一年或者更耐啦~
亦都希望兩個唔係玩玩下，可能因為見得太多，唔想再見到啦 . . .

之後去左呀 key 屋企~
哈哈~佢溫緊書~我不停嘈住佢陪我玩~
哈哈哈哈~終於同我落去打波啦~~
打到八點返番上去~
響到睇 d 好舊既歌~~
不過好好聽架~

>>April 15, 2004 at 8:39:55 AM GMT+8

2004 年 4 月 12 日星期一【晴】

今朝去左見樂樂同思思呀~~
好開心
不過樂樂冇以前咁得意啦 . .

到左夜晚，健健話去剪頭髮~
咁我咪自己一個響廳到食野 lor~
點知一食就食左一個杯麵、兩杯珍珠奶茶、兩包糖、四包蝦條、一包朱古力、三包餅，仲有. . . .呀 . . . .唔記得左啦~~食得太多，唉 . . .呢幾日唔係食就訓﹙雖然平時都係﹚，跟住夜 d 我舅父返到黎，哈哈~我同佢爭電視~好彩屋企有幾部電視，佢就去左飯廳睇~

之後連 feel 100% 都睇晒，健健仲未返，嘩，佢剪頭髮剪左成兩個鐘啦喎 . .
乜都比佢剪晒啦 . . .

過多陣，佢返喇~點知 . . .剪左等於冇剪 . . .= =都唔知剪乜剪成兩個幾鐘~

跟住我同我舅父玩“色鐘”（唔知點打）
點知我次次都輸，飲左成幾枝青島 . . . .~
第一次有想嘔既 feel . . .

玩到一點，就上房同健健睇相（我學校o個 d ，佢始終都係覺得佢靚仔 d = =）跟住就玩泡泡龍~
玩到成三點半喇~~跟住就訓 lu~

>>April 15, 2004 at 3:09:30 AM GMT+8

2004 年 4 月 11 日星期日【晴】

今朝早去左一間好出名既麵店到食
嘩~~真係好好味架 . ..
食完之後

就去眼鏡店，
驗左出黎，嘩！青青 d 近視好嚴重呀> <
見到咁多眼鏡，又諗起自己好耐冇戴啦 . . . .=.=
我 d 左眼 d 遠視又深左喇 . . . 但右眼又乜事都冇架喎 . . .
之後健健戴左副黑超 . . .
響到扮特攻 = =
無奈 . . . . .

之後返到去
冇野做，睇電視. .
嘩~~《打機王》勁好睇呀~~
但睇睇下
舅父問我仲記唔記得佢上次教我開電單車
佢話再同我去玩喎
哈哈哈哈
舅父差唔多全程比晒我開
好好玩呀
我地仲響公路到踩盡油
嘩
d 風吹埋黎勁舒服丫! ^^

返到去，舅母話燒唔燒野食
佢話琴日燒剩好多野
今畢燒埋佢
所以就響門口o個到燒喇~仲叫左好多人 tim~~
但係燒燒下同左舅父、健健打波
嘩~~打到死死下~返到黎，佢地仲未燒完，所以沖完涼先燒~~
沖完涼舒服晒 > <~~
跟住就去燒野食喇~~
嘩 !~原來打大赤腳黎燒野食係勁舒服架~~仲要岩岩沖完涼~~
食左好多野丫，食左好多排骨~~d 雞翼燒得好靚~~

之後夜 d 就去左買珍珠奶茶，好好味丫 . . . .

跟住就同健健、舅父、舅母去食粥~
講左好多野呀我地 .. .
無啦啦傾到我大哥 . . .
傾我大哥既事蹟~~
嘩~~真係講一日一夜都講唔晒~
咁我響到講其中幾件佢做過既大事喇~~~

佢細個做過既野
１﹒推電視機到落地下
２﹒三次同我呀媽出街、都要麻煩警察叔叔搵返佢
３﹒佢好鐘意去公園玩，但差唔多次次都搞到受傷入醫院
４﹒我呀媽返工，所以比人托管，但係佢出街o個陣周圍走，搞到唔見左佢，托管佢o個個人嚇到唔知點咁，搞到冇人敢幫呀媽托管
５﹒“柔”道比賽，出場唔駛兩秒即比人打低，仲要搞到流晒鼻血

大個做過既野
１﹒經常響七分鐘內食十個以上既漢堡包，有一次食到嘔
２﹒佢就算冬天都係短衫短褲﹙無論o個日有幾凍﹚，有一次朝早返到黎，佢不停嘔，跟住過多一陣，訓o個陣，嘔白泡
３﹒有個星期我地成家返大陸，除左佢，但係我地返左兩日到，唔知點解佢自己返左黎，o個陣夜晚，唔知點解佢唔按門鐘，自己由車頂爬上露台，然後入屋，自此之後，舅父既車頂就凹左 . . . .
４﹒經常用D好奇怪既形容詞 . . . . .
５﹒出街一定要載帽，但帽尖戴到落個鼻到，唔知出街點睇野
６﹒經常做埋 d 奇怪既動作
７﹒我 d 野，佢一定要加把口睬我兩腳

講住咁多先 . . .
其實仲有好多架 . . .
提起都笑到我地痴線，但係雖然係咁，其實佢心地都幾好架﹙除左對屋企人﹚，一出街見到“黑依”，一定會比錢佢地，唔好以為佢係o個 d 好壞，食晒煙o個 d 人喎，其實佢唔食煙唔飲酒，對朋友好好，可以話正直，又可以話佢傻，但傻唔晒
其實佢都幾可憐架 . . .小學o個陣佢唔小心講錯一句，佢既老師就針對佢，大佬呀，小朋友講錯一句 za，駛唔駛咁呀，聖人都有錯啦= =

食完粥，
舅母叫我去佢間房睇返以前 d 相，
嘩，我地o個陣仲好細過
真係變左好多 . .
o個陣好純真呀我地仲 . .
不過宜家 . . .
因為我舅母o個張書“木台”牆，貼左好多相，點知佢問我有冇相，我咪拎個銀句俾佢 lor~
佢問我邊 d 拎得，我就拎左俾佢睇
點知佢拎左我同 key 兩張，另外又拎左我同 LaLa o個張貼左上去= =
好無奈

跟住去青青間房打左陣機~~
點知成三點 lu~

>>April 15, 2004 at 2:57:24 AM GMT+8

2004 年 4 月 10 日星期六【晴】

今日同健健返大陸~~~( 則係我婆婆到 )
本來話2:15 響o個到等
點知搞搞下3:00 先去到=.=V
我地等 47X o個陣，呀媽響到講 " 你地呀，搭的士o個陣見到D樣樣衰衰，講一半廣東話，一半大陸話既司機，千祈唔好上呀 ! ! ! "
嘩 . . . .真係有 d 比佢吹漲 . . . .=.='''人地樣衰就唔可以搭架啦？！" 奇 "視 za 家下 . . . .
我地又唔係第一次自己返喎=.=
南頭，則係深圳世界之窗o個邊 za ma . . . .駛唔駛咁呀 . . .
經過我呀媽一輪既煩功之後
終於上到車 . . .

之後去到羅湖，
見到個女人帶住幾個細路，
因為佢地拎住好多野
所以個女人好辛苦先過到 . .
最好笑既係個女人好大聲講 " X你老母、shit ! ! ! "
哈哈~中英對照，但係佢個 shit 仲要唔o岩音架喎~
笑死我地~~

過左關. . . .
去搭的士啦~
等左一陣
上到車，我地話大沖
佢好似唔識去咁，可以係我地講廣東話，佢唔識聽
跟住響呢一刻，我呀媽打黎，問我地去到邊
我地話上到的士，但係佢好似唔識去咁
之後我呀媽聽到之後好大聲咁講 " 咩話？！唔識去？！快 D 落車快 D 落車 ! ! ! ! "
嘩. . . .連個司機都望左我地一眼
我話唔駛理佢
哈~我地睬佢都傻~~!
即刻收左佢線~~
點知 . . .. .響我地搭的士的途中 . . . 我呀媽打左十幾次黎 ! !
煩都煩死= =

返到去喇~~
點知唔知舅父舅母同青青
但原來呀姨返左去 . . .
不過佢淨間就走
佢話舅父舅母同青青去左小梅沙到燒野食~
全部夾埋百幾人~! ! 睇清楚 ! 係百幾人 ! ! !
嘩 . . ..夠唔夠野食架 . . . .

十點到，佢地返啦~~
點知燒剩好多野~~
唉 . . .無奈= =

之後肚餓，就去左出面叫外賣
以為健健都食，點知佢唔食
搞到我要食埋佢個份 . . .
食左一個勁大的炒飯
兩份三文治，兩份奶油多
舅父呆左咁望住我食 . . .= =
點知我食極都唔飽 . . .= =
越黎越驚自己既食量

>>April 15, 2004 at 1:21:09 AM GMT+8

2004 年 4 月 9 日星期五【晴】

今朝一早就俾 key 打黎整醒左 . . . .=.='''''
唉 . . . 我唔記得約左佢同金去歷史博物館 . . .
所以啦啦聲出門口 . . . .
又要去我舅母到拎相機
key o個部借左俾人
我以為佢地一定響到等 . . .
點知 . . . 都係要我等佢地 . . .=.=''

去到喇 . . .我入到去第一件事係想走 . . .行都行悶啦 . . .=.=
次次做報告都要去 . .
呀 . . .好想殺死 d 老師 tim . . =.=
用返琴日個男仔既不自然方法同自然方法
其實到宜家我仲未明，你殺得既，都係唔自然架啦
點先係自然呢?? . . . .

影左幾幅相，抄左 d 資料
諗住走 . . .點知金同易文好似睇得好開心咁. . .
key 話由得佢地行多陣先喎 . . .
唉 . . .但我好 "支力"
唔知點解今日特別 "支力"
係唔係琴日打完波黎呢 . .
之後 charaine黎搵 key
跟住佢既仲有成班既女仔 . ..
則係江淑雯，施迪妮、李永欣呢 D 咁. . .
見到佢地個個都冇紮頭髮 . .
好似有 D 怪 . . .特別係江淑雯=.=''
其實我好唔明點解 D 女仔可以忍受到 D 頭髮咁長咁厚，而唔覺得熱既 . . .=.=''
我就冇呢個耐性去留 . . .我見d 頭髮長少少我就忍唔住剪左佢 . . .= =V
跟住我講笑咁同 key 講 . . .貞子團 . . .=.=''

金佢地終於肯走喇
所以我地就去左食野 . . .

之後就去左碼頭o個到玩左陣 . .

跟住佢地就去東涌踩單車
我冇所為，但係我好"支力"丫 . .
要返左屋企先
淨間先再去

點知返到屋企
見到部新既數碼相機 . . .
打俾呀媽問佢咩事
佢話呀姨買架喎 . . .
原來琴晚呀 key 問我有冇相機
之後我就幫佢問我表哥，
但我表哥呀媽 ( 則係我呀姨 ) o個部唔借得 . . .因為佢都要用
我呀姨就話睇下比唔比到第二部你，問下人
點知 D 人話冇，我呀姨索性今朝走去豐擇買過部好過 . . .
佢仲要諗都唔駛諗就買左 . . =.=
宜家先知有個呀姨係咁好架!
一早叫埋佢買電話啦 . . ..
( 哈哈，講笑 za~ )

之後坐左陣就去踩單車喇~
去到已經黑晒喇~
但係o個條單車徑好正！> <
好舒服~~

不過今日真係好 "支力"呀 . . .> <
隻腳軟晒
仲要咩呀 key . . .=.=''

後記：
突然發現，在那星空的某個角落，一直存在我們的記億。

>>April 14, 2004 at 2:05:16 AM GMT+8