Showhappy.net - Members diary

日記

日記主簡介

<< 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 >>

2004 年 4 月 8 日星期四【陰】

今朝十點半到本來去學單"黃"管
喬無啦啦打黎，佢問我做咩唔去學
下！！原來我記錯時間，我以為係十一點至十二點
點知原來係十點至十一點 . . . .
無奈
之後訓左一陣
就去打 fdly 啦 . . .
點知我都係遲到o個個 . . .
唉唉唉 . . .
之後去到，
見到o個班吳祥川好似好大殺氣咁 . . .=.=

之後開場喇~
好無奈，冇咩心機打 . . .

之後中場休息o個陣
佢響到講埋D廢話
妖 . . .換人咪換人law !
響到嘈住晒 !
忍唔住寸左佢一句

跟住無啦啦要我做 wing . . .
最屎就係做 wing !
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
不過最好玩都係o個個 10 號仔AMY
響到同我鬥大力
點知我大力少少就搶到波 . . .~.~

叫佢返屋企啦~~~~~

所以我勁鐘意搶佢波~
最後都係我地贏左 . . . .

之後輪到 B Grade 打喇~
睇佢地既 B Grade 好似好大殺氣咁 . . . .

第一節呀 key 唔駛出去打住
所以就同我響到練喬教 D 野 . . .
跟住 key 又加少少野落去 . . .
響到轉黎轉去 . . . .我暈喇就 . . .=.=

跟住我同皇仁o個班去買野食
佢兩個無啦啦問我o個隊 D 人係唔係唔妥我
跟住我好出奇點解佢地會知
我答佢地：錯喇！係我唔妥佢地！你地要搞清楚係佢對唔住我，唔係我對唔住佢！
我問佢地點知
佢話佢地成日啤住我~
超~
上次我都未同佢計呀！走入黎我班房啤住我，佢都有病
仲同人講我啤住佢先
喂喂喂！如果你冇啤我，點知我啤你呀！
佢乜事呀 . . .
我啤佢？我抄功課都費是理佢啦
晒我時間 ! !
就算當我真係啤你

聽講O個到係 1A 班房
聽清楚！係1A班房

唔係1E呀！
響我班房佢

冇資格

啤我呀
如果我走入1E，佢啤住我，我冇野好講 lor

跟住B Grade 贏左~
我地就響到打波~
點知「有個人」唔敢同我打喎~~淆底！

之後我同 YUKI ( B GRADE o個個 )佢地打
嘩 . . .勁好笑丫比佢整到~
我地都好似唔係打咁 . . . .成場響到笑
點知突然有個7、8歲到既男仔問我地可唔可以同佢打
之後唔記得左邊個指住YUKI話唔好丫，呢個肥婆會打死你架
哈哈哈哈
跟住仲唔知講左 D 乜，個男仔講左一句 " 我地可以用一 D 自然既方波殺死佢，因為用d唔自然既方然殺佢係犯法架 ''
我地個個聽到響到笑
哈哈哈，如果比著我O個陣都唔識講呢 D 咁深奧既野 . . . .
咩係自然既方波，咩係唔自然既方法??

之後6點到打完，就去左 KEY 屋企~
佢話就追到喇喎 . . . .
唉 . . .真係又要被逼睇佢地 D HISTORY . . . =.=

睇返以前 d 相 . . . .突然覺得變左好多
鬧人鬧多左，睇我呢個日記就知啦 . . .=.=差唔多日日都鬧人 . . . .
唔開心又多左 . . .
呢 d 其實係好事，定係壞事
冇人敢肯定 . . .
但我想我未變狡猾既大人之前
好想真真正正咁喊過愛過恨過
或者呢 D 就係我地宜家可以做既野
我唔想浪費我地宜家仲有既時間
因為. . . 青春就係我地擁有既本錢
我曾經聽人講過，青春就係可以義無反顧去愛一個人,去愛得死去活來. 當你長大了,有了負擔,就無法那樣再去幹了. 人大了,就是電費,水費,屋租等等許多瑣事

後記：

梁漢文 - 找我

作曲：陳光榮
填詞：青介
編曲：陳光榮
監製：陳光榮

我　有見過我吧
撞面於哪地　尚在調查
我　我走失了吧
但是失落何地　誰能回話

得　孤單會認得我　和沉默倆躺臥
日子給洗刷　思想給折磨
我願守在原地　再度找我

曾經　將一顆心埋在這地　殘留回憶獻技
這凶器　太鋒利　身心亦分離
留下傳記　無劇情講心死

你　你說你愛我吧
我會否接受　尚落力調查
我　走失了吧
但是失落何地　誰人能回話

請　收起這份牽掛　無能力接收下
沒空位擺放　簇新的愛情
某段　失落　情話　結下瘡疤

如果　將一顆心投入禁地　仍然埋首獻媚
這凶器　太鋒利　不適合嬉戲
留下傳記　由劇情講心死
尋覓自我傳記　隨劇情終枯死

>>April 9, 2004 at 1:57:44 AM GMT+8

2004 年 4 月 7 日星期三【晴】

今朝本來同佢地，則係喬同 kayi 睇戲
但係費是啦~~唔想去，好 "支力"
但係我表哥突然打黎，佢話佢之前買左< 這個阿爸真爆炸 >既飛
佢唔得閒，所以俾左我，我始終都要去 . . .
入到到，見到佢地，不過佢地見唔到我~

套戲都幾感人~
好搞野呀個呀爸~
不過 kenny 型 D都係~
但係佢成日著o個對燈色人字拖仲型~
總之好好笑啦~
但係唔知點解無啦啦彈左個張柏芝出黎
不過我覺得佢拍戲o個陣好過真實 . .

之後就同佢地兩個食飯
我同喬講返陳滿滿之日
kayi 好無奈我覺得=.=''
不過真係好好笑架~
一齊圍 "嘔" 陳滿滿
搞野~

之後就同喬去左青衣打波
聽日打 fdly 啦~
叫 key ，佢又響青衣村到同金打~
佢又唔黎~
跟住喬話佢射波o個陣係點
示範左
但點知係咁準=.=''
佢話原來好好射架咁樣 . . .
但我覺得比佢知道唔知會點=.=

後記：
所謂人生，不是不斷的獲得，只是一點一滴失去而已。
要走過人生，就必須抱著這樣的覺悟吧？

>>April 8, 2004 at 2:23:35 AM GMT+8

2004 年 4 月 6 日星期二【晴】

今日一點半先起身 za . . . .
琴晚傾得太夜 . . .=.='''
之後就去左書嬈屋企 . .
唉 . . . 見佢好似好唔開心咁 . . .~
真係比我估中左，佢同佢個呀桐乜 . . .
唔知點解見到佢
自己都搞到唔係好開心
不過我同佢個妹玩得好癲~~

夜晚返到屋企，又冇野做喇 . .

跟住又同喬傾電話傾到四點.. . .=.=
好驚聽朝起唔到身=.=

後記：

夜遊杜拜 - 李蘢怡

你也許聽過離別你我很傷心
你卻不知道逃出生天有多興奮
我試過獨個凌晨看過了異國邊界
怎麼不算狠
我已經知道離別你動魄驚心
卻更加嚮往流浪中東那種吸引
我試過伴我同行叫某個途人稱讚
這女孩極勇敢

*當我一個夜遊杜拜如何過
風沙中想起你哀傷多麼赤裸
獨來獨往如何過節目不必太多
多少都知道依賴你是我的錯*

我再不可以陪著你去逛花市
也至少可以憑自己闖遍這都市
這裡有極冷長夜卻也有炎炎中午
我再難讓你知

repeat *

連中東都去過就當分手要慶賀
還未相識的好對象太多

repeat * *

>>April 7, 2004 at 9:20:08 PM GMT+8

2004 年 4 月 5 日星期一【晴】

今朝同左呀ling、林婉珊、吳俊彥同張俊亨( 唔識打 )去三棟屋
我都唔知點解要約到咁早，十點=.=
響o個到行左一個鐘就走 lu . .
跟住就去左青衣城食麥當勞 . .
佢地傾傾下張俊"亨"話初頭見到我
以為我係超齡學童，十六歲o個 D . . .=.=我無奈 . .
我個樣頂多似 14 、 15歲 za
邊到咁大似 16 歲呀~~~=.='''
之後就去左公園坐左陣 . . .其實去o個到都唔知做咩~
跟住就殺上去 key 屋企喇~~
其實係上去拎波=.=
之後 1:00 我就走喇~
約左佢同徐文謙去沙田打波~
嘩，o個個細路丫 . . . .變態，射波都唔駛描籃
一起手就射，仲要十球中九球. . . .
無奈 . . .
我留意左佢好耐 . . .
或者只係響佢身上搵返我地以前既影子
可能o個陣時先至係我地真係既青春掛

之後o個個徐文謙話買鏈 ~
超~睇佢都溝女啦~
佢仲叫我搵呀 key 出黎
我話佢：你唔好溝女啦，人地唔會理你架啦，死心把啦~!
佢成日都話：呢 D 唔係叫溝，係擴闊生活圈子~
咁都比佢講到 . . .=.=
點知我地響個新城市廣場到行黎行去都搵唔到 . .=.=
唉 . .
葵芳都有啦~ . . .
之後六點到就走 lu . . .
去左蔡留屋企，佢今晚好自由呀 . . .
佢成屋都返晒大陸
所以我就去左佢屋企整野食喇~
玩左一陣，我就返屋企 . . .
返到去，同蔡留、喬傾電話
哈哈
破紀錄~傾到夜晚四點~~

>>April 7, 2004 at 8:50:13 PM GMT+8

2004 年 4 月 4 日星期日【晴】

今朝信恆無啦啦打黎
佢話響葵芳，o岩o岩拜完山
佢特登打黎話我知今日兒童節，但係佢講我先記得！
不過知左又點=.=又唔係有咩特別野做
之後打比 key
我同佢講信恆無啦啦打黎
又同佢講今日兒童節
佢好白痴咁話 " 下？唔係六月一咩？ "
哈哈哈哈！笑死我，六月一！
我問佢有冇事 . . .= =
跟住唔知講講下佢話 " 好野~ !今日陳滿滿之日 ! "
跟住我好順口咁應返佢 " 好野 ~ ! 今日圍"嘔"陳滿滿！"
哈哈哈哈~笑死

跟住十二點一點到
喬打黎
話響我樓下，叫我落黎同佢打波 . . . .=.=''無奈
之後泳池o個邊冇場
走左去盛樂樓樓下打
喬同我講左「佢」平時點話我
我都估到 lor

我想同佢講：係你同我一個人反面
你駛唔駛叫 d 人唔同我玩呀
呢d 人我同key 都好憎 lor
我有冇叫d人唔同你玩呀？！
好彩d 人冇咁得閒理你

好嬲 lor不過都冇咁得閒理佢，佢都有病
超
我講左乜同做左乜佢咪淨係識搵step o個幾個講
一係唔係 step，就係同姓王o個個講~
嘩~好驚呀~
夠膽咪同我鬧過 lor~唔鬧既，鐘意講道理，我同你講！睇下邊個o岩 lor
再唔係既咪單對單 lor~

欣有一句講得好o岩
有冇人嘗試扮演過我個角色去諗下
點解個個都話錯o個個係我
佢？佢冇錯既！原來一直都係佢大晒

之後打左一個鐘. . . .走左個大圈去左7-11食左 d 野 . .
跟住留左一個字到
由學校o個邊行去麥當勞
之後去到天恩堂o個邊，則係近地鐵站o個邊o個條馬路
因為紅燈我地企左響到呆等
但係一架車都冇，好平靜
我地呆等左唔知幾耐
我開口問 '' 點解我地唔行 . . ''
跟住喬話 '' 係喎，點解我地唔行 . . . ''
我地既結論就係原來學校平時訓練到我地架原來 . . .
返學之外，紅燈我地都乖乖地響到呆等 . . .
但只限學校出面呢兩條馬路
因為其他馬路我地都照走，理得佢紅燈=.=

之後去到麥當勞，坐左成半個鐘以上
喬講佢d 威水史
嘩！好勁呀！係我就好啦 >.<

之後四點半到我地去 44M 到等呀 key~
我同喬講今朝陳滿滿之日o個件事，佢都話我應得好~~
淨間就圍 " 嘔 "呀 key
跟住唔知等左幾耐先等到佢黎=.= . . .

我地響到笑 key
喬：E ?今日咩日呀 ?
我：陳滿滿之日！
喬：做咩架！
我：圍 " 嘔 "陳滿滿！
我+喬：好野！！！( 不斷鼓掌中~!)

哈哈哈哈！搞到呀 key 好無奈~

跟住我地行上盛樂樓o個邊睇下有冇場
點知見到佢，跟住就即走
去左我樓下到打 . . .
打左陣
就去左新都會以前 yes station出面到坐
我地見有得影
所以就走左入去
點知喬話要整下佢個頭，叫我帶佢叫廁所
跟住我都唔知點行，
見到個女保安，跟住我就扮晒男仔咁問佢 '' 男廁o係邊呀？''
跟住佢好疑惑咁由頭望到我腳到
佢就話 '' 男廁呀？ ''
我答 '' 係呀 ''
佢就指左比我睇

之後話返比喬聽，笑死我 . . .原來我真係可以扮到男仔

喬入左去之後，我等左一陣，我差d 想跑入去，問佢得未
因為呀 key 響o個到等緊

之後出到黎，我地行返去，喬無啦啦同我講 '' 終於搵到個女仔好似我行得咁快 . . .''
我好無奈
不過蔡留同 lavender 都成日話我 " 謝翠文佢都唔知係唔係行街架，次次同佢出親街都好似跑街咁 ''
無奈 . . .

之後我地響到影，影左好多=.=''
最好笑就係呀 key 同呀喬，笑死我=.=

之後7點到去左呀 key 屋企，但係去到唔知做咩好 tim=.=

>>April 5, 2004 at 3:38:43 AM GMT+8

2004 年 4 月 3 日星期六【晴】

今朝早去左同我表哥打波~~~
打左一陣就返學校學單 " 黃 " 管~
差 D 遲到=.=''

去到，我去左隔離課室練
點知吹吹下
喬入左黎，坐左我隔離笑我 ! ! 哼 !
佢見到我寫音
就係因為我寫音
佢就不知不覺爆左自己一樣野~~
哇哈哈哈哈 > <~!笑死我=.=''

之後4:00學完
同喬去左 OK
佢無聊到響到玩我電話
不過聽到佢講電話o個陣好肉麻~~好想笑 . . .
溝女到唔駛咁避掛~我都知佢做乜啦~=.=

之後我去左吉野家食野~
慘 . . .唔食得牛肉> <

＊哈哈哈~今日返學校之前用左半個鐘畫左個 WinnieThePooh~~
又多一幅啦~
http://www.hkflash.com/gb/gb.asp?id=wonderfulfriends
第132 個~
想睇之前畫過 D 乜
咁就自己睇返 18/1 既日記啦~

>>April 4, 2004 at 1:31:08 AM GMT+8

2004 年 4 月 2 日星期五【晴】

今日放學返左仁紀 ( 仁立紀念 )
Ms Kwong 生日呀~所以同書嬈返佢喇~~( 我拉埋 yuki =.='' )
上到教員室 . . . . . .
發現左一個問題 . . . .
點解男老師張 " 木台 " 仲乾淨過女老師幾十萬倍=.=''
不過 ms Kwong 收到我地份禮物好開心呀~
跟住我地就上左去6D 既班房
哈哈哈哈~比我地以前用o個陣乾淨左=.=''
不過以前我地真係恐怖啦~
又搞到班房水浸兩次=.=''哈哈哈哈~
但李sir 話今年6D有幾個穌家湋、 long 哥~
最嚴重係多左幾個周志威~~真係好見識下 . . . . =.=
小學好 d 始終
起碼小學 D 人冇中學o個 D 冇品~
屈人鐘意人，點知原來係佢自己鐘意人
哼~!

>>April 4, 2004 at 11:38:01 AM GMT+8

2004 年 4 月 1 日星期四【雨】

琴晚係訓得最好既一晚 . . . .
所以奇蹟咁六點起身
但起左身唔知做乜好 . . . .=.='''

返到學校，原來今日成日都係去 Hall . . .好無聊呀 . . . .
不過校長講得好好 . . .點解我地小學o個陣有團結精神，但點解宜家冇 . . .

跟住十二點半到就放啦 . . .
佢地又話咩練波，搞到我留左響學校一陣
就係因為o個一陣，個天落雨，
跟住佢地又話咩停雨先，宜家食左 lunch 先，大佬呀，幾時先得停雨呀？！
唔練就唔好練啦，食乜 lunch za ! ! !麻煩 ! ! ! !搞到我遲 D 離開學校，搞到我返到屋企就成是身濕晒！！跟住搞到我成身又腫起晒！搞錯呀 ! ! 妖！

>>April 1, 2004 at 5:22:02 PM GMT+8

2004 年 3 月 31 日星期三【陰】

今朝都勉強返到學 . . .

返到去，D 人個個都講：E??謝翠文?你唔係生野架咩??
嘩！大佬呀！個個都講到我好似有暗病咁~!
我宜家唔係 sars 呀~ !
唔會傳染架 ! !佢地有冇事呀 ? !
搞到咁，你估我想架.！
根來冇人明白我宜家有幾辛苦! !
你地3出少句聲當幫我啦！唔該！

但係上唔夠兩堂就頂唔順啦 . .
要早退 . . .
之後就上左去葵盛西睇醫生 . . .
唉 . . . .好彩唔駛打針

第一次病到想死 . . .
好辛苦呀
想喊又喊唔出 . . .
我究然幾時好返架 . . .T.T

後記：

身體健康

如若我　患了傷風　怕就怕你惹了我的咳嗽
連累你　發起高燒　跟我睡夠你也要昏睡床
如若我　喉嚨腫痛　怎樣去唱你愛聽的歌韻
連累你　唇乾口淡　因要共我吃最啖的粥　最清的菜

我不要做弱質病人　變１個負累你不幸
誰想有病　厭惡呻吟　
我不要千金百銀　也祈求這小小的福蔭

我只想　身體健康　我害怕你要照顧我擔心得出１臉倦容
而我病床中反悔內疚　令你太心痛
我只想　身體健康　要活到過百歲不需拐杖都可跟你相擁
不忍你勞碌的照料我　受了這種切膚之痛
如若我　跌斷雙腿　我就算去哪裡你都跟我
扶著我　輪椅中坐　親我時你也要俯身彎腰
人漸老　如落失聰　怎樣去聽你說我多可愛
惟願我　牙齒堅固　可吃盡你炮製我愛的每款小菜

我不要做弱質病人　變１個負累你不幸
誰想有病　厭惡呻吟
我不要千金百銀　也祈求這小小的福蔭

我只想　身體健康　我害怕你要照顧我擔心得出１臉倦容
而我病床中反悔內疚　令你太心痛
我只想　身體健康　要活到過百歲不需拐杖都可跟你相擁
不忍你勞碌的照料我　受了這種切膚之痛
我會為你好好的保重　我發病了等於失了寵
怕你嫌藥味太濃　藥煲太重　不知怎操縱

我只想　身體健康　我害怕你要照顧我擔心得出１臉倦容
而我病床中反悔內疚　令你太心痛
我只想　身體健康　要活到過百歲不需拐杖都可跟你相擁
不忍你勞碌的照料我　受了這種切膚之痛
我只想　身體健康　看著你替我蓋被
關心得心有點痛　得到你這般的愛護我　眼淚這刻難自控

>>March 31, 2004 at 5:55:26 PM GMT+8

2004 年 3 月 30 日星期二【雨】

今日冇返呀 . . .
好辛苦呀 T.T
之後就去睇醫生 . .
又要打針啦 . . .
但微打完雖然舒服 D . . .但係夜晚又痕返 . . .唉 . . . .

一早唔食o個個芒果啦 . . . .
搞到宜家咁 . .
其實食o個個芒果既時候，
我已經覺得 D 味怪怪地架啦. . .
不過佢地叫我食，咁我諗都冇事掛 . .
點知真係有事. . . .