Showhappy.net - Members diary

日記

日記主簡介

<< 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 >>

2006 年 3 月 9 日星期四【晴】

今朝返到去英文統測~
痴線...得半個鐘，做鬼做馬咩?!你做俾我睇喇..
之後上中文..訓覺=.=Phy 又小測 . . . .上history.. 又講近代文化..

放學練波 . . . . 得好少人..統測掛,,
得幾條友響到練.. 之後打比賽，勁好笑~!..
但係打完25分.. bel佢地就走喇..
諗住叫呀珠o個 d 入黎一齊打.. 點知吳利君話佢著裙唔打得=....='''''
跟住無啦啦 AlanY o個 d 入左黎打..
打打下，越入越多= ='''成八條友 . . .
後尾唐老鴨過黎掃場，頂..勁煩=.=

之後換返衫，出去 cover playground 到..同佢地響到聽 ms.蘇講考乜=.=
跟住去左買野食，就去左海旁坐~
佢地兩個溫左陣書..就響到玩=.=''
7點幾就走喇~
搞錯..去到 44m個位..唔見左個角位!!!! 唔得呀!!我要上訴>︿<
哼..

返到屋企，又要出返去拎條 key 俾柏期,,
見到 Tracy..見得閒所以就送埋佢返屋企~

上返去，9點幾
就落左去同長毛哥哥食飯~
教左我一陣中文就走喇..

我發覺我次次飲親野都好似會倒瀉架囉= =lllllllllll

>>March 10, 2006 at 1:25:12 AM GMT+8

2006 年 3 月 7 日星期二【陰】

琴日o個兩碗苦茶飲到我傻 . . . .今朝一起身就頭痛 . . . .痛死 . . .
返到去上maths~見頭痛，就係咁食止痛藥 . . . .唔好問我食左幾多粒@@'''''總之係淨返一粒 . . .
好有效 . . .小息就唔痛喇=.=不過我都知我再咁樣食法我會死 . . . ..-.-不過算啦。死唔死都係咁= =

之後上 hist ...教近代流行曲 . . .
哈！我記得我彈過半斤百兩~!
最後上 chem . . . .我地班可以拍《斷背山續集之三個肥仔的淫蕩》XDD
主角：林兆民、王嘉幾！
第三者 ( 死配角仔一名 )：劉家''峰''
XDDD笑到我地肚痛 . . . .

放學練波 . . .不過係幫手教 C grade . . .
真係教到我火到黎=.= . . . . .痴線!!
5點半就走喇..
真係打爆你個頭=.= 你唔好再響到唉呀!! 你係跳既快 d 跳...唔好搵40層啦..搵夠80 層一了百了啦！=........=
( 喂！你包二奶我都未同你計呀>口< ...XDD )

我覺得全部事都好似衝住我而黎
好已經冇咩氣力架啦！
唔該放過我

好''支力'' . . . .

不知不覺將回到故事開始的日子
剩下走不出去的呆望著面目全非

當一件事，同你所諗既有出入既時候........................

在街的轉角，我鬆了手

別揭我瘡疤

>>March 8, 2006 at 12:32:13 AM GMT+8

2006 年 3 月 6 日星期一【雨】

琴晚訓到半夜嘔..今朝食左藥...訓到10點幾..
好暈...12點9 lunch 返學校...打班際..返去學校o個陣..頭暈到差 d 俾車撞..
3D對4C 第三場..
我做返副球..江浩然做主，一個二個都好煩..佢地揭錯分牌..咁揭返岩咪算囉...
揭返岩仲響到嘈！由其是o個位吳小姐...
之後..我地對3B..冠軍決賽..完全冇心情
輸左..ok.fine..預左..
我喊..係因為我第一次個頭咁痛...痛到..我想死左去...
每個人心情都唔好...廁所就已經有兩人喊

崩潰

完全崩潰

已經到左一個冇得救既地步

好唔鐘意咁既天氣 . . . .

天氣可以影響心氣
人可以傳染心情

討厭

有架車響按，我連縮都冇意識
呆企o係路中間 . . .

我諗...宜家有人摑我幾千巴
我都唔識去避

廢人

>>May 23, 2006 at 4:20:50 AM GMT+8

2006 年 3 月 5 日星期日【雷雨】

今朝 kelvin打黎叫我起身，
之後就出門口返教會..
林俊杰剪左個光頭@@'''''我地成班都一齊問佢受左 d 咩剌激XDD
後尾竹君粒朱古力唔小心掟中偉庭個額頭@@'''中到應一應 . . . .

12點返到屋企
之後去左食野，再去北葵涌睇波 . . .
C grade 對安柱，2：1贏左 =........=
之後由梨木樹行落葵芳...痴線..我第一次咁樣行法=.=
都唔知邊個話行既.

返到葵芳，搵 por 、肥超同埋呀娟..
去左食野，之後送埋 por 去地鐵站就走..

「唔開心
由頭到尾都唔開心
有好多好多野　拎得出黎講唔代表無野」

曾幾何時，我都打過一模一樣既野
無他既....只不過係有人唔明白我想點

我究竟同邊個講野，同邊個玩
駛唔駛同你地交代，駛唔駛同你地申請，上繳中央，再得到批准
我係咪先可以同其他人講野?係你地既問題定我既問題?!

你係我邊個？你係我呀媽，定我呀爸?

我淨係想講做人唔好太過份

有咩不滿請你直接同我講
無謂響到周圍講，然後再搞到大家都唔鐘意

我真係唔明點解可以咁現實

「唔同既階段需要唔同既人」
呢句係寧同我講既野
我由 f.1 記到宜家

有幾耐冇正真咁喊過?
哈=.=

fine..我仲撐得住

>>March 6, 2006 at 12:56:58 AM GMT+8

2006 年 3 月 4 日星期六【陰】

今朝..成堆人係咁打黎叫我起身~
連我冇叫佢打o個 d 佢都打埋俾我叫我起身..
哈哈..我諗佢地覺得我會遲到..

9點3出門口，去青衣地鐵站等齊人
今日要去銅鑼灣o個個入樽計劃既義工服務分享會,,
有林思欣、呀key、janet、易文同伍子
二佬就帶我地去~
嘩))晨咁早要我出銅鑼灣..都幾''支力''下..>.........<
後尾二佬響7-11買左個三文治俾我..

去到o個到，入去坐響到
啦啦聲分晒講野o個d..
我地抽到第一組上台講呀=口=
好記得個司義話 '' 第一組上台講係驚 d 架啦 ''
痴線..你知就好啦~仲叫我地上去講先=.=

上到去，我做開頭，再俾佢地輸住講,,
見佢地咁驚，就我講埋感想同結尾，仲答埋司義個問題XD
哈哈..覺得自己講得都算好掛~
岩岩好呀 d 時間，講完我就即飛返青衣練波
響青衣城到見到 kelvin,, 佢陪蔡留睇醫生..
哈哈..你就好喇~你病左有人同你睇醫生..
我病左，由得自己死啦XDD哈哈
睇左陣就走喇

去到學校門口，見到小吉,,
佢俾 3M 搞到走=.=
佢話女排唔知去晒邊.. 車..咁我返去做乜野=.=
跟住我地兩個就坐左響出面等黎佬佢地 . .
等左陣見凍就入左學校等~

過左陣男仔上左去練 '' pk ''，我同小吉響下面開波..
發生左件事..又再次證實左..宜家d 女仔唔帶紙巾=.=
後尾小吉都俾人叫左上去練

我就呆坐左響到=........=
1點女排先開始練~練 C grade..
但係無啦啦我電話響，成場人望住我=.=
a wong 走黎話我要做旁樣..收一收我部電話俾 d C grade 睇=.=
之後早走..2點3就走喇..
小吉同低b生陪我去左覆診
( =.......=''''''' ) <--- 呢個真係好似我XD
跟住買飯去海旁食~
無啦啦走左去玩片石=...=
過多陣，去左中心到搵二佬帶返張單俾佢地,,

之後齊齊去左青衣城走人..
返到黎訓覺 . . .

唔好意思，我真係唔識做所謂既''旁樣''!
冇人話俾我聽旁樣係應該點做
我唔講粗口，佢地係唔係真係唔講？！
我唔帶電話，係唔係佢地真係唔帶先？！
唔好以為佢地自己冇思想啦

我從來冇講過我係一個乖既人
我真係未試過打到要咁睇人面色囉
一個完全唔好笑既笑話

同埋唔好俾人篤爆左事後
再走去搵人捉人痛腳啦

真係出名多麻煩人！

後記：

當別人到你的喪家，你便會到那人的喪家看個究竟！

是一種追逐？還是報復？

>>March 5, 2006 at 1:46:48 AM GMT+8

2006 年 3 月 3 日星期五【晴】

今朝返到去...上英文,,訓左成堂=.=
之後 art，又響到練字..
中文，笑死左，又響到同劉''同學''玩猜輸比人摑..

lunch 即落左去開網,,今日我做副球証..蘇俊做主~
3D對4C，有球我係勁無奈架囉= = . . .
最後夠鐘，未打晒 . . .
上到去，我完全係發癲=.=
sorry..我都唔想!
但係我地冇諗過你會累我地..你肯打就夠喇 . . .

放學，即落去 mmlc，
做卷，點知做 ms蘇 ''dun''我地波鐘=.=''
做完即同小吉同埋低b生落去，等其他班 d 人~
但係其他班仲未得，我就響到等，佢地就響到同 d f.2 打波
哈哈~!有個我教架！仲好過低b生個仔,,

跟住等齊，男乙女乙就去喇~
我同佢地幾個搭的士，去顧超文到打 fdly~
響KCM 個門口等..
入到去即換衫，唔知係唔係慣左皇仁個''空間''
覺得 KCM 好細好細=.=''

換完衫出到黎，見到 franky、eve 佢地..
個吳生笑我''粉紅色炸彈'' ( 件波衫 + 個袋 ) =...........=''''
落去猜波，之後男乙打先..小優吹波~
抄佢地.. 第一場 25 比 7=.=''
我地女乙坐響到係咁嗌XD
跟住我鼠左去買杯麵食，之後佢地都一齊過黎買:p
坐響到食o個陣,,同人傾計..( 其實我係唔記得叫咩名.. )

之後食完鼠返過去.. 男乙贏晒，
跟住到女乙打，出左一陣=.....=
後尾見到某人， d 火完全係直線上升 \''/
跟住我同時發現到李家豪先生佢地幾位係.. 淨係識吹 out 波同落地..
哈哈..得閒叫我地教你地XD

女乙同佢地 2：1贏左，6點幾7點先打完
後尾見到河童企左響籃球架底o個邊，
問佢響到咩..佢話開波..
哈哈，呆左，所以就叫佢開俾我睇
成個炸彈咁飛過去...呆左@@'''
後尾叫埋低b生、小吉佢地睇河童開波~
哈哈...完全係勁囉!!@@'''''睇到呆晒..

換完衫出黎，小優問我男乙邊個話要同佢影相
..估唔到佢班友仔真係有所''行動'' . . . [email protected]

出到去，佢地成班問點樣搭車...
講左俾佢地聽又唔行=.=
跟住佢地成班仲跑馬路，真係..好'' 壯觀'' 下..
唔好話我識佢地XDD'' ( 講笑姐.. )

之後同佢地5個落葵芳食飯，
食完去百佳到買野食，去天晶樓梯到坐..
勁好笑.. 小吉打左去詠春o個到，問佢泰拳XD
坐到11點就走喇

>>March 5, 2006 at 12:44:15 AM GMT+8

2006 年 3 月 2 日星期四【晴】

今朝返到去，仲好暈= =
第一堂上geog . . .小測 . . .
之後上 bio...王秀明冇返，個 p.e 呀 sir代，真係頂佢唔順>..........<
係都要開大 d 窗，大佬 . . .好凍架 . . . .=...=''''''
recess o個陣，激死左我 . . . 我死都唔會改期 . . .

lunch . . .食左 d 野就出左去幫手開網
班際 . . . .3D對3B..
睇睇下同小吉佢地搵江淑華講聽日講座 d 野~
佢叫我地極速寫晒男、女乙o個 d 人名@@
響prefect counter 撕左張紙同好''順''手咁拎左隻筆XD
用左10分鐘唔駛寫晒喇XD
之後搵黃兆恩比張名單佢就上返班房 . . .

跟住ENG，笑死我喇！！
同劉''同學''玩包剪揼摑人，笑爆咀！成堂完全係無停過架囉..
哈哈哈XD佢係咁想報仇，點知我贏返佢XD

放學係隻肥豬屈機去留堂，同霖一齊落去 . . .
4點8放，落左去打波 . . .
5點半走..我地又係響巴士站到傾傾左2班車 . . .
跟住返到葵芳，陪低b生等 47X o個陣，
見到隔離o個檔野,, 笑死我地喇!!
超好笑. . . ''神打'' . . . .真係隻腳唔斷都搞到斷XDD

返到屋企，無啦啦有個有線女人響到
原來係我大哥申請左有線..
屋企又有新電視，又有線 . . . 睇死我=.=
後尾個女人仲同我呀媽坐響到傾計 . . .
痴線 . . . 講埋 d 無聊野 . . .上黎整有線，可以同我呀媽傾到邊到鄉下 . . .=.=''

頭先同呀 bel 傾電話
笑死我地..
給某人：不知所謂，發姣虛偽，令人反胃！
XD

>>March 3, 2006 at 12:32:50 AM GMT+8

2006 年 3 月 1 日星期三【乍雨乍晴】

今日係全方位學習日 . . . . .9點先返去 . . .
嘩..真係凍到痴晒線@@
8點半就返到去，上去一樓搵呀 bel同 lok 彤 . . . .
佢地響 hall 個門口睇野 . . . .搞到要捱凍@@
9點幾到入 hall...睇 drama，其實 . . . .唔多好睇囉..( 比某某學校相比 . . . . =.= )
睇完就仲未放得，佢叫我地落操場到 hea 4 個字先放 . . .
落左去，打左陣波
10點半一鐘就同 bel、lok彤、琪搭車去荃灣唱K . . .
佢地係咁唱容祖兒 d 歌，搞到我好眼訓= =

我地唱到 4 點半先走 . . .
佢地陪我叫南豐整機 . . . .( 哈哈，都話一有機響我手上一定會爛XD )
要等半個鐘 . . .就同 lok 彤,,bel去影相. . . 好耐冇影過=.......=

之後拎返部手機就搭地鐵走喇,,
返到去，7點幾食飯，Por 上左黎食飯 . . .順便叫佢買排多多上黎~!! >v<

夜 d 去沖涼，
你地有冇試過 11 度既環境底下沖凍水涼？！
我就黎痴線喇！我大哥沖完涼同我走左去息左個煲水制,,搞到我沖凍水涼 . . .
我又唔想咁麻煩著返衫出黎 . . .基本上我響廁所凍到呆企左響到= =''''''''
我真係好憎我大哥！好想打爆佢個頭呀))))))\''/

>>March 2, 2006 at 11:35:03 PM GMT+8

2006 年 2 月 28 日星期二【乍雨乍晴】

宜家係.. 29號既凌晨 2點51分..
算啦..反正個太陽都未出黎，當呢篇係 28號架啦..=.=

我宜家...o係十度既環境底下，著住衛衣+一條短褲，以最懶既姿態..坐左響電腦前面好得閒咁''靜坐'' . . . . 真係唔凍死，都病死左 . . . .
岩岩仲掃完地黎添呀 . . . 究竟 . . . .

我謝同學係唔係真係唔駛訓？！
識答既同學..記住打去 XXXX XXXX(1條線) 24 小時
答中....--->滿足感一大籮

係呀...
我係咁無聊 . . .
又點？唔滿意既話，咁請你話一話俾我聽我可以做乜野 . . .

我發覺，全世界最無所事事既人

就
係
我
。
呢一件事，早已經o係暑假既時候發現
所以，都未算遲

文字是有權力的，
你無法阻擋他訴說著任何的過去式現在式與未來式
我不怕得罪誰，我更不怕傷害誰 . . . . .

慢慢睇住BB囡慢慢大個
好有滿足感 ( 其實關我咩事=.='''我冇湊過佢 . . . .=.= .. . .)

原來，我需要一年既時間。
慢？我都覺，可惜，我都冇辦法

在這個【年代】，
誰又應該被捨棄，誰又應該存在]]]]

離開講得太多　情感一早泄光

>>March 1, 2006 at 3:23:19 AM GMT+8

2006 年 2 月 28 日星期二【雨】

今朝返去 . . . .落雨 . . .=.=
響小巴到..聽到收音機講 7 : 30 發出寒冷天氣警告,,
我7點半都出左門口啦！搞到我冇帶件褸=.=

上中文都冇乜野...一上 bio..見到個王秀明，就開始暈..
都唔知乜人黎架=.=
之後上完中史..
lunch 去左打班際=.= . . . .我地對 4C,, 吳利君o個班 . . .
第一場輸左..俾人炒 . . .
我o個陣都唔敢出聲..不過都好耐冇試過一班人..好認真咁做同一件事 . . .
後尾..第二場贏返 . . . .打第三場,,
有球我無啦啦發脾氣冇跳起就打左落去 . . .out左...
唔知點解..望住佢...搞到我 d 火無啦啦直升上黎@@後尾15比13...贏左兩分 . .= =''
好彩贏左@@''''
之後一齊去左買三支多多''慶祝''XD

跟住上 maths..
ms.pang 話小組形式教..
跟住因為某 d 野所以都係維持原狀..
我坐響到...望住...我即send去同 por 講..我宜家先知..一個男仔堅持某樣野既時候
o個種所謂既''堅決''其實係幾恐怖下 . . .
可能係我唔理解...

放學..班排,, 3D對2C . . . .
玩野既=.....=''
之後打完，練波...
練左陣，吳利君同 d C grade 練位 . . . .
我地 d B grade 一d 就幫手，一 d 冇野做..<----包括我..我係最無所事事o個個=.=
響隔離猜左一陣無聊波 . . . 就凍到坐左響到= =''
痴線架！點解會咁凍架??!!

5點半練完，去左街市買野飲
就走喇..返到葵芳好大雨..等左陣先行返屋企..

返到屋企..見到成地都係野 . . .
原來我大哥響山西返左黎@@
哈哈!!!我部相機終於返番黎我身邊喇~
佢又買左5把劍落黎 . . . . 屋企已經有 3 把架啦之前響少林寺到買=.='''
佢真係想我屋企變做兵器庫@....o

好嘔心既係.. 我大哥 d 頭髮 . . .見到都想打佢=.........=''''''''
我唔要屋企多左個長毛呀>口<

後記：

天氣=心情

雨過今天沒看見彩虹
怕這季節風刺痛漸凍
心很空洞微細雨中

>>March 1, 2006 at 2:24:17 AM GMT+8