Showhappy.net - Members diary

日記

日記主簡介

<< 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 >>

2006 年 5 月 29 日星期一【陰】

今朝..7點醒左，響張床到呆訓..眼光光望左成兩個字先捨得放起身..
返到去..上 geog..
無無聊聊咁攬住1大筒芝士波同埋d介辣豆食..
食10粒介辣豆1次過放晒落個口..即刻醒晒,,好過飲咖啡- -

bio，KaPig同呀maymay調位~
成堂係咁同佢傾計..
maths，訓下做下..

lunch 就拎埋d野走人返葵芳~
約左eve..franky佢地今日早放，同佢地買飯上黎我屋企食~
哈!!為左你地我特登走返黎葵芳呀=........=
跟住1齊去 7-11 買野飲~ 搞錯..大口仔匙扣抽中14.. 我要 13呀>口<
宜家條鎖匙係18..同14... 我同5同13..
2點幾到..eve 就要返屋企..
我同 Franky就繼續傾計..

跟住坐左陣出左去新都會行~
佢條友好似唱大戲咁=﹏= ( 佢講黎講去都係奸夫淫婦'' )
之後去左i-zone 到坐左陣..
佢稱我做'''''奇女子'''' @@'''
話佢做14年人都唔及我做1年人咁精彩XDD''
跟住上左公園玩左陣，就去3聯睇書..
呢排冇書好睇= =林詠琛冇新書出...冇得睇..
記得小6開始係咁煲佢d書..煲到唔訓覺XD
跟住就1齊去左旅行社拎d資料~
4點就返屋企，訓左陣
企鵝上左黎~
哈！睇小新..成屋都係:p

8點幾出左去葵芳地鐵站接1個o係紫灣收工但係唔夠錢返屋企既人!!
該名人士要本小姐等足39分鐘36秒...!!! 跟住老竇俾接我大哥o個張$20紙唔見左..( 簡間d黎講則係我跌左= = ..好彩有張八達通)

岩岩係個書櫃睇返d舊書..
搵到本..星星的眼睛~
好多年前..黃黃地@@仲用鴨仔膠書紙XD
宜家去3聯都唔多覺有得賣喇- -...

有好多舊書都翻新完再當新書出，
紅鞋兒..未翻新係咁既樣~

呢個係呀喬送俾我既生日熊~ =v=

後記：

小1至小3習慣同..lala..蔡留日日3個放學沿住斜路行落葵芳返屋企
周圍都係同校既人
由小4開始，翔、肥譚、俊加埋1齊行
小5，因為日日都要補課補到6點，書嬈又加埋1齊行
慢慢..都有成5,6個..
好開心，次次都1邊行1邊傾計
雖然講埋晒d廢話，不過次次都笑唔停
因為翔會同肥譚鬥咀，又成日講笑話俾我地聽
有時有會扮女仔引我地笑!
小6，學校搬左地址
以前1齊行落葵芳既都由唔同方法返屋企，變得好無聊

小1至小5習慣日日訓到10幾11點先起身
慢慢刷牙換衫，老媽子就會岩岩好煮飯
我食完，就同我返學
小6，變左全日制
我就會日日好早起身，再唔可以好舒服咁食1餐食

小5，做風紀，
習慣日日返學要行去2戌到看班
同佢地傾計..
小6，變左看4年級，小朋友早熟.. 好串..
唔會同佢地傾計

升小6既暑期
習慣日日同佢傾電話，日日都搵d野激佢
分左手就唔會。

小6，習慣星期2、4練籃球
孫sir好嚴，不斷逼我地練體能
每次返到屋企都''支力''到即刻訓覺
畢左業，就無左呢位好嚴..成日都話''你邊位''既孫sir

F.1 習慣逢星期4練籃球
同step..miri..winnie..key 1大班人練完波行落去''葵興美食''到食野!
轉左校，就好少去''葵興美食''到食野
F.1習慣每日飲兩觀咖啡
轉左校，就冇飲過
F.1習慣成日都俾s.m.lee 鬧..聽佢d理論
轉左校，就好少聽到佢把又沙又激動既聲音
F.1習慣lunch唔去食野，留返班房睇林詠琛既書或者訓覺
轉左校，就冇得再留的係班房
F.1習慣每1日都有好多訓導響課室門口排晒隊咁搵我
轉左校，係訓導叫我落去 ofice，唔係佢地上黎搵我

F.2習慣日日都同隔離屋o個位蕭豬行o個條奪命樓梯返學
轉左校，就唔可以同佢1齊返
F.2有段時間習慣同嘉寧、營營、叮噹、肥智、呀榮、wawa佢地去後樓梯
4月某日之後，就唔會
F.2習慣日日放學就等佢 on icq 同佢傾計
分左手，就知唔駛等佢 on 因為佢都唔會叫你
F.2既冬天，習慣你會俾我取暖
分左手，就自己1個保暖
F.2習慣上堂同麥雞.. 肥遠打交..堂堂笑唔停
轉左校，就好少見到佢地
F.2習慣同黃知遠扮晒野打交，但係次次都俾佢捉住兩隻手恰返我轉頭..好好笑..
轉左校，都係好少見到佢喇...
F.2習慣星期3練完手球，同tiger 佢地玩1大輪先肯走
轉左校，都冇左手球隊
F.2習慣上少玉姐堂同佢作對
轉左校，都上唔到佢堂
F.2習慣1大班人o係球場練田徑，好似開 party 咁..好好玩
轉左校，學校都唔會練田徑
F.2習慣放學同小優,,細路森,,河童,,白切雞子隊長,,嘉寧,,miu成班行落 OK ..
轉左校，都冇咁既機會
F.2習慣有咩都搵Franky同Eve訴苦
轉左校，要打電話先搵到佢地...

以前習慣真心笑
宜家習慣假笑
以前習慣係人面前想喊就喊
宜家開始要學識死忍爛忍都唔想係人地前面示弱

>>May 29, 2006 at 9:59:18 PM GMT+8

2006 年 5 月 28 日星期日【雨】

小時候最喜歡熱朱古力
鐘意佢甜..好純緒咁鐘意佢甜
小時候可以好純緒咁鐘意1樣野，
唔似得宜家
即使仍然係鐘意甜
但會介意甜之後既''漏'' . . .
話鐘意1樣野但又會好多計較好多執著
1d都唔純緒

小時候喜歡通山跑
小時候幾咁自由自在
「唔似得宜家」

「我也必叫時雨落下，必有福如甘霖而降」」( 以西結書三十四章26節 )

「你們所遇見的試探，無非是人所能受的。
神是信實的，必不叫你們受試探過於所能受的。」
( 歌林多前書10:13 )

張開雙眼

在看似黑白分明的世界

誰對誰錯，沒完沒了

睇左《秋天的童話》
好鐘意呢套戲..
以前既電影真係好好睇^^
鐘楚紅好靚~
唱"在森林和原野" 好動聽..好好聽
以前1直以為
" 親愛的朋友呀你在想甚麼? "
原來..
呢句係 " 親愛的朋友呀你在傷心麼? "

有的事情偏是這樣
想得越多越難明
多少日子了
左左右右前前後後火車還是鑽不出洞

history never repeats itself?

那在錯誤中學習到又如何?

打呢篇野，

係為左。讓自己冷靜
冷唔冷靜到? 我唔知
我只知道，我隻手累得很

想讓自己冷靜下來

看清楚身邊的人。事物以及心情。
聽清楚各人的呼吸聲。風聲

我不想以及不要讓自己作出會後悔的決定

可能，聽真自己的呼吸聲可能比起刻意做其他事更了解自己

>>May 29, 2006 at 12:31:04 AM GMT+8

2006 年 5 月 28 日星期日【雨】

琴晚12點幾落左去馬路邊坐左陣
坐坐下落雨，你睇下佢..佢好落唔落，係都要我坐係到就即刻落雨！..
之後照坐，坐左半個幾鐘，就上返去
睇睇睇電視睇到4點幾到

今朝訓訓下，俾個夢嚇醒左
跟住再訓過..過左陣表弟過左黎..叫我教佢數.. 呢d完全叫被逼!
佢試圖整醒我.. 我睬佢都有味= =繼續訓 . . .
之後佢爬左上黎瑤我..係咁瑤..
我頭其 up 左兩句又訓過- -

跟住訓到3點蔡留打黎..話今日要去奮興會..
我都唔記得左今日28號，所以冇去到
再訓..訓到3點3先起身，
同por傾msn+icq，之後去左沖杯麵..
點知''六''親隻身@@'''''''''
痛到嘔= =

6點到..去左荃灣搵呀喬..佢拎個新既生日熊俾我~
好襯我隻 sony 貓~ :p 多謝喬~
跟住同佢上左百佳 . . . 哼~引我!! 明知我實買野食 > <
買左野飲就走喇~

琴日整左張相...俾左 bel 睇~XDDD
好有成功感XD ( 事關..係整某個人既 =P哈哈 )

今朝表弟上黎叫我教佢做數..
我死都唔起身..佢用我部相機影我
我出奇既係點解佢會識會相機..
佢話佢個同學教佢.. 佢個死o靚仔= =

你睇..我訓到咁你仲要踢我起身!!
你忍唔忍心= =

↓好喇...呢個係我俾佢推左2個字之後，佢上埋我張床踢我起身..= =
我都已經成個身''另''晒身咁訓..你仲要我起身?! 宜家d o靚仔太過份. . . . . .

>>May 28, 2006 at 9:12:03 PM GMT+8

2006 年 5 月 27 日星期六【雨】

琴晚5點.. 同鎮豪msn傾左陣..
因為佢o個句''好過你冇野做''..
先發覺原來我真係冇乜野做!! = =
然後同雞少icq..不過進化左叫雞米喇..~
雞米講「有日饑荒你就死」
「um..唔緊要，我會''湯''左你黎煲飯食:P」
「咁你識到我你三生有幸啦」
「車~3生有幸有屁用~又唔可以當飯食..」
「你d隻冷血動物」

今日訓到3點半=.= . . . .
之後呆坐到4點先肯刷牙洗面落去買野食 . . .
夜晚.. 落左華潤開倉~!!買左成車野食!!

琴晚..12到4點點半1真埋首電視前..
睇有線電影台 . . . .
睇完神偷諜影... 播常在我心
以前1直都想睇但每次都唔記得

( 大概.. 唔想打.. )
富家女君兒(蔡卓妍)自小就著千寵愛在一身，但患上癌病，
佢唔接受手術食藥..有日去搵葬禮經紀小段(陳奕迅)幫自己安排將來既葬禮

最後結局
自己睇...

真係..好好睇..
唔知係唔係因為1直都想睇既關係..

「請。唔好問我咩事..拜托。」

前幾日..同長毛哥哥1樣
不停睇返周星馳既笑片..同埋近期少少既笑片..

不過笑完1輪.. 覺得好無謂 . . . .

香港很多輕鬆喜劇，因為社會太多抑鬱
大陸湧現城市電影，因為社會正在重構
法國很多愛情片，因為他們不再浪漫
美國很多英雄片，因為他們沒有英雄

那裡有甚麼電影，就代表沒有甚麼

在城市的角落裡
充斥著繁忙充斥著諷刺充斥著明爭暗鬥充斥著好勇鬥狠
沒有所謂的溫馨沒有所謂的愛情沒有所謂的浪漫沒有所謂的英雄
只有片刻歡愉只有裝空作勢只有虛有其表只有逞英雄

人與人既關係變得疏離有隔膜
「我們需要調劑
所以才有電影」

以前仲係陳方安生係政務司o個陣
我覺得成個政府..佢最正義
因為佢唔會搞3搞4 . . . 只係做好自己本份

你睇宜家?
今日電視又見到佢
我覺得佢宜家好有長毛 feel..

全部都為左權力走返晒出黎

社會?

>>November 26, 2007 at 5:12:42 PM GMT+8

2006 年 5 月 27 日星期六【雨】

頭先有人send 左段聲音黎..

「你信唔信人生，真係有好多野係整定架?
你去麥當當叫1個包，1打開，個包係凍，你就知道，呢個包係整定既。
你去KFC買隻雞，1打開，件雞係''淋''既，你又知道，呢件雞又係整定既。
你會話 '' 快餐店呀麻，d野食梗係1早整定架啦，唔通即叫即整咩？''
你話係咪好笑呢？人往往比藉口自己話d野係整定既，然後就開開心心咁咬住件凍左的包、''淋''左的雞，冇諗過點解就話因為佢地係整定既。
其實，要改變都唔係話唔得丫，不過，你要付出一定的代價。如果你唔希望食一個整定既漢堡包的話。
「唔該我要一個多醬少菜走洋蔥的漢堡包丫，我可以等。」
咁呢樣冇得整定啦掛」

我1邊聽1邊o係到笑. . . . .
好似好廢話咁 . . . .

哈 . .

唔知呢..

哈哈

>>May 28, 2006 at 4:10:54 AM GMT+8

2006 年 5 月 26 日星期五【晴】

今日放假 . . . .
晚晚12點1點都落去食''宵夜'' . . . .
今日訓到1點幾兩點..
3點落左去買野食上屋企 . .
之後無無聊聊咁囉=0=
7點出左去花墟打排球.. 同珠..tobe~
見到miffy~佢對於我讀邊間都好混亂下 :p
真係老喇= =... 打左陣''支力''到郁唔到= =
10點長毛哥哥收左工又過左黎花墟..
熄燈就走喇~成11點..

換完衫，
珠同tobe 走先~
我同長毛哥哥行去旺角食飯..
餓死- -'' 途中見到呀康..
12點食完就走人~

返到屋企..有線播緊《神偷諜影》..
睇到 o 晒咀= ='''''' 讚嘆@@
真係做戲咁做...

我12點搭地鐵返葵芳...
坐我對面既係1對男女..攬住好開心咁咬耳仔
到左長沙灣，個女落左車
個男1直望住個女走
1開車..個男就拎起個電話打 . . . .
過左幾秒佢就話 '' 係呀~佢落左車啦，如果唔係都打唔到俾你啦傻豬 ''
坐我o個排凳既男男女女都同時間望住呢個傾緊電話既男人，包括我
大概大家都知道係咩事
我望住佢，吸左1大啖氣
然後dup低頭..聽歌..

我都唔想講野..
大家諗下..究竟呢個世代既男女關係真係要搞到咁

真係要彼此互相傷害
先證明到，曾經愛過?

點解會有咁多事破壞緊我既價值觀

o係佢身上，我睇到男人最賤格..最低等..最膚淺o個1部份。

>>May 27, 2006 at 3:32:07 AM GMT+8

2006 年 5 月 25 日星期四【晴】

琴晚..整部電腦整到4點幾 =0=
今朝真係火到爆炸!!
首先係我o個位極聰明既老媽子！
佢今朝將我屋企謹餘o個3對白襪掉左落洗衣機!!!
好彩佢冇開到機，
我響洗衣機到搵返對襪
濕左d.. 又勁大陣洗衣粉味！用風筒吹左我勁耐! 幹 !
頂爆佢個肺= =. 同佢嘈完先出門口!! 勁晏

之後搭 407，我真係覺得條友佢唔識渣車架囉~!!
直路冇車，佢同我開 30 幾???!!! 仲要好彩唔識 cut 線咁..佢冇病呀??!!!
唔明點解佢可以做到司機，真係唔敢相信
我渣都好過你啦 . . . 我都未試過搭 407 入青衣用多過3個字呀大佬 - -
如果我唔係叫佢學校門口比我停，我遲到左好耐!!

跟住... 見到?'女人''' . . .
嘩！真係就黎爆炸喇~!!
OK ！我忍我忍我忍忍忍

to perform a prayer!!

冷靜完.. 第1堂上中文..
我真係覺得ms.蘇已經99%唔理我上堂做乜架啦= =
真係企起身走去睇風景...坐直傾晒電話，佢都唔理我
哈... - -其實都覺得自己幾過份下..不過 . . . .算喇~!! :p

Chem.. 成堂發夢..History訓訓下比人叫醒左..
中史..開頭都聽下佢講..最後都訓著左- -
lunch 返黎睇''茄呢啡'份報紙..
睇左好耐- -

放學，迦密B grade男排黎打 fdly..
本來諗住走架啦..不過見到..迦密 wo.. 都後都留返響到 :p
F.2 睇佢地學界打波睇到宜家>v<... 有得同佢地影相XDD
勁開心.. 唔該 leo 同埋 yee...XD...

之後走..去左深水PO練劍~
嘩~!!!教練肯比我出賽@@!!!! 十萬個開心~!!

我要練劍!! 屋企都要練！就算紮馬紮死我都制 >v< !!

>>May 25, 2006 at 11:52:42 PM GMT+8

2006 年 5 月 24 日星期三【雨】

黎佬.. 呀聲.. 亨少生日快樂!!!! ( 送多幾個 !! 俾你地又點話丫- - )
亨少.. 記住返去問老師.. 大笨象同長頸鹿點黎香港架~!! 呢個關乎我地ge來源架XDD

琴晚12點幾落去7-11食野~有d''驚險'' ge事- -'''
又見到佢喇~

今朝..唔多想返..
不過見老媽子咁好整埋早餐..
( 雖然到最後我都冇食到..哈，我邊會有1朝早咁得閒坐o係到食早餐丫- - )

1返到去上...phy~
最後o個堂響到同劉家忽..王ka樂玩..
係顏sir罰企XD 笑到傻
尾2上 Geog.. 俾吳sir 叫左出黎講 d 野 =..=
之後班務 . . . . 放學補課.. 都唔知邊個之前同我講個miss 似容祖兒@@... 似佢條毛呀=.=

夜晚10點..亨少打黎叫我出去~
其實我o個陣仲未食飯~ . . . . 岩晒~佢陪我落去樓下食飯:p
佢請左我食左串野
佢話未試過生日咁折墮，要請人食野又要陪人食飯XDDD
食完，就同佢行上葵盛~

我問佢點解要兩間消防局..
佢話仲駛講ge..1間要黎救綿紡，1間要黎救獅子會XDD...

佢 ( 發晒光咁望住個天 )：藍色既牆紙~白色ge綿花糖.. ( 拍1拍隻手 ) 合埋1齊 . . . . .
我：下? 合埋1齊會係咩呀?
佢( 高聲地 )：天空囉~
我：嘩~!!好神奇呀 >v<
「哈哈哈哈....」

大家..我既白痴係佢搞成我咁架~!!
哈哈哈=..........=

返到屋企.. 火都黎埋= =
我臨出門口o個陣..Format 緊..裝緊個 Window XP..
我出左去，我o個位聰明既老媽子..話部機好嘈..同我熄左佢@@''
嘈佢老鼠呀= =我完全聽唔到部機有聲囉..
白痴架= =搞到我要裝過..
今晚唔駛訓 . . . .

但最後整整下都俾電視吸引到..播六壯士~幾好睇=v=

>>May 25, 2006 at 4:10:32 AM GMT+8

2006 年 5 月 23 日星期二【雨】

睇到1篇訪問
訪問對像係幾個伯伯~
佢地分別係：造鞋師父、銅器工匠、仲有織補呀伯
個個都幾十年經驗既老師父，有1手不凡技藝~!
佢地造既野都好靚，
但係個個既收入都只夠餬口..
因為香港人唔識欣賞呢d技藝..
點解?
係因為手工製品冇市場?又唔見得
外國有d名牌公司標榜人手製作，香港人奉若神明
點解外國ge月光就特別圓呢?

最令我在意既係問佢地收唔收徒弟，
竟然得出同樣既答覆 " 唔會，費事累人 "
費事累人. . . . .好悲哀既答案
點解，用好幾十年時間歷練修行返黎既技藝只能夠餬口?
睇到太多奇怪既事，究竟咩係岩咩係錯?
破壞緊我既價值觀 !
我怕我既思想有日會因此變得殘缺不堪...
唔能夠再分辨..再相信..

而最感到可悲既係..
1d技藝，將會o係香港失傳
人地有，香港就。沒有了

活得太理實
活得太世界

1直都有個壞習慣
就係 met 口唇
老媽子經常走黎打1打我隻手，再話 '' 成日都met , met 到流晒血 ''

唔知呢.. 呢個動作好似好自然..冇意識自己咁做..
則係好似..
肚餓會想食野
急就想去廁所，

因為我1坐係到我隻手就好自己咁met..
搞到個咀唇流晒血..

所以夏天個咀唇仲乾過冬天..

>>May 24, 2006 at 5:44:06 PM GMT+8

2006 年 5 月 23 日星期二【雨】

琴晚..唔知搞乜..
今朝7點先走去訓~
訓左2粒鐘咁大把 . . .9點幾換衫出去
搭地鐵..然後轉火車..去紅磡理工大學宿社搵長毛哥哥..
不過佢未起身. . .
我就自己去國際都會到食早餐~
朝早自己1個食早餐好舒服..

食完就走去宿社..
我地去左2樓.. 坐在陣按摩椅.. 嘩..岩晒 . . 呢幾日成身都好痛= =
之後睇左陣報紙
o係張''梳化''到訓著左= =
1點半到..出去食意粉屋~

跟住上左佢間房..上左陣網..
長毛哥哥又要返工，就4點半 1齊走喇~

今日收到eve 個sms..
嘩~!!真係第1個sms 睇到我 ''r'' 晒頭 . . 10萬個問號XD
內容係呢.. '' Man豬今日有好多黑黑呀呀肥仲要去篤爆黑黑吸煙呀好驚呀可能因為d黑黑唔知對我地個男粉人so就發生......有時候我好似一個好左dan的人士''

Eve姐..唔好怪我打個 sms 出黎..不過我真係睇到呆左=.....='' 除左'' .... ''都冇其他標點符號..
成日sms就係得呀肥..我知佢..篤爆唔知邊個食煙囉= =''
究竟...你想講咩呢???? 哈哈~死咯!冇講野幾日姐~做乜我同你溝通唔到既???

夜晚即打俾佢問咩事- -

哈..有咩打黎啦傻婆~如果唔係以為你發生咩事..

夜晚同亨少傾左陣電話~
大家都有衝動9點飛去悅來..用7蚊做機王XDD
之後佢又不停講佢考唔到救生員銅章 ge ''英勇''事蹟
佢個白痴..真係自己講完粗口都唔知自己講過=..........=

>>May 24, 2006 at 12:13:00 AM GMT+8