Showhappy.net - Members diary

日記

日記主簡介

<< 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 >>

2006 年 2 月 7 日星期二【晴】

今日係我最早返到學校= ='''
諗住有得抄 maths 點知個個都冇做 . . . .

上 maths . . . .教 sin cos tan . . . .教返上年教既野= =
但係唔知點解佢地全部未學過 . . . .

上 hist . . . .堂堂都冇帶書 . . .我用 50 蚊借肥民本書,,佢條友見錢開眼，但係搞搞下無啦啦唔借 . . . .同劉家峰話佢白痴， $50借本書佢都唔借 . . . .白痴= =有錢俾佢佢都唔要 . . .明益佢啦~有錢都唔識要 . . .

lunch，打班際排球 . . .我地班對 2E ，我地換完衫，1點2仲未見佢地. . . .大牌到要本小姐同呀 BEL 上去崔佢地，個班會主席話仲未搵齊人!!係咁俾我話佢..''你唔係一早搵好架啦咩?!''
佢就話黎緊 . . .咁我落去等. . . 點知等到搭 4 都唔見人..最後佢地棄權

頂爆佢個肺 . . . .X佢個叉交YZ . . . . 棄權一早響啦,,響到''dom''波鐘，你估我地好得閒呀?!唔好搞到我地等你地 4 個字囉 . . .
2E淆底!!最鄙視o個 d 打都唔打就棄權o個 d 人囉. . . .未打就知我地實贏你地架?!爭都唔爭取下 . . . .廢！
阻住本小姐 d 時間=''= 360°環回轉體媽叉佢 . . . . .

打鐘上返去 . . .個葉昌發問我打左去租車公司問未,,我都唔記得呢件事 . . . .
算啦= =成班齊齊搭巴士去 . . . .哈哈=.=

上 Chem，同 ada玩,,嘩..原來上堂唱首勁歌金曲就過左 10 分鐘 . . . 哈哈 . . .

放學，晨早換左衫響到開網. . . .但係 bel 佢地冇衫 . . .
跟住我帶 d C grade 熱身o個d . . . .今日主要教 d C grade，佢地好唔主動 . . .= =''
今日響到響小跳開波，梗係覺得手腳唔協調 . . .= =
最後做體能 . . . .抬車仔... 一個人抬住另一個隻腳，跟住o個個人要爬
我同易文做，笑死我地!!!!!佢係咁叫我 man man bb 快 d 爬啦 . . . .笑到我地兩個趴住地咁笑XDD哈哈
6點3就走喇 . . .好早 . . .

我屋企部電話終於轉左啦 . . . 我唔駛傾得咁辛苦=.='''

空虛

>>February 8, 2006 at 1:18:29 AM GMT+8

2006 年 2 月 6 日星期一【晴】

琴晚真係頂肺 . . . .我琴晚竟然 12 點就死上張床到訓 . . . .點知條死人魚十二點幾打黎叫我聽朝叫佢起身，大佬！我訓唔到點叫你起身呀 =''=
講完繼續訓，
到左兩點，易文無啦啦打電話黎同我問我諗左花式未！頂佢丫！兩點打黎擾人清夢 . . .你話打黎叫我去廁所都有建設性 d 啦!問我諗左花式未 . . . 吹到啤一聲
之後仲搞到我訓唔返 . . . . 打俾長毛哥哥傾左陣 . . . .睇下電視 hea 到5 點先訓返!!係 5 點呀!! 易文湘你快 d 俾返o個 3 個鐘俾我!! > <
以後都係息左電話先訓=''=哼 . . . . .

今朝 . . . .響到等呀 bel 同 lok 彤 . . .
第一次見識江生打招呼既方法 . . . .忍笑忍到我想死= ='''

返到去大檢，我後面勁啡 . . . 冇俾人捉，但係個葉昌發走黎問我乜事 . . .
痴線 . . . 都唔關我事=3=,,,我染返黑，對上一次剪頭髮 . . .條友剪晒我出面o個 d 黑色頭髮 . . . . 露返我入面o個 d 啡頭髮=口=''''

第一堂上 p.e . . . .撞鬼佢. . . .放完假一返到黎就要人跑=''=

上EPA . . . .對住溫豬我真係冇晒野講 . . . .送你幾個智理言= =. . . . .你條腸粉兼蛋散食狗屎出街踩蕉皮仆死佢啦= =

lunch . . . .去OK 買報紙睇. . . .
返到黎上 ENG . . . .笑爆！同劉家峰睇報紙，有份馬報，入面其實係包左份風月版,,條友知道左叫我拎俾佢睇，佢放左響櫃桐，我就即刻大叫 '' 劉家峰睇咸報呀！仲收埋響櫃桐 '' 個個全部一齊望住劉家峰 . . .笑到我肚痛！佢即刻扒左響張''木台''到，吹到啤一聲 . . . .哈哈哈 . . . .真係好好玩呀你=v=

放學 4 點就走喇..好耐冇試過咁早返屋企
返到葵芳，顧超文岩岩放學，跟住就去搵蕭豬、jovy同埋 kiko . . .去左食野 . . .
隻咁既蕭豬係咁串我話我受左 d 乜刺激咁早出返黎葵芳搵佢 . . .又響到問我係咁就黎到情人節
你隻豬 . . . .好心黎搵下你就響到問我有乜目的 . . . .=.=宜家 d 豬真係現實 . . .

唔知做乜野 . . .講野講得好辛苦，要用好多力先講到一句出黎= =

最憎o個 d 不可一世，以為自己乜都叻晒，聲大夾惡，懶串既男仔，我都未見過 d 男仔好似你咁既死樣架= =望咩望?! 你話你呀!! 仲望?!再望食腸粉啦你@.o哈哈 <----冷笑 . . .

我要擺脫你呀 . . . .!!!!

有時自己一個坐響廳到 . . . .
都唔好話唔寂寞下

俾人傷害得太多次
原來會麻目
你唔會識再去俾反應 . . .

心。空
空到裝得落一個計時炸彈

>>February 6, 2006 at 11:35:10 PM GMT+8

2006 年 2 月 5 日星期日【晴】

琴晚五點先訓 . . . .今朝八點去左油麻地練劍 . . .
返到屋企繼續訓 . . . .訓到兩點幾，起身落去順便幫埋二哥買野食
食完又繼續訓，訓到六點
我呀爸係咁話我 ' 你響張床到生蛋呀?!由朝到黑都響張床到唔落黎 '
係有蛋就好呀，訓完即刻有得食=.=

特別新聞報道，經過一個假期，本人既校服已報稱失蹤，經一人搜索隊經兩個字搜尋，證實係一個角落到=.=

高順魚，你知唔知用 Gap 黎形容一個人係貶義詞呀??唔係讚緊人架

一個一個將我拋棄在路邊

風流

蕩了這麼久　繼續在浮游
即將打擾還沒有走
誰若好心幫　當我拖一拖我的手
就算這一生　一天一個女友
心中始終留下缺口
人望我　我話算風流
老實說路過無以後

＊已經不能重新　喜歡一個人
像已窮盡信心　無力再生
只想一起不會傷心
無聊時或釵n想戀愛
就像為寂寞消災解困
伴侶再親近　沒法變戀人
終生夜夜扮著熱情地擁吻＊

共你的分手　已是六年前
傷口新鮮尤像昨天
懷念過去怎麼說　找一段更深遠
沒細心精挑選　得到安慰再算
雖則彷彿隨便了點　其實我卻是最可憐
侶伴轉了再轉無間斷

Repeat　＊

情感不固定才這樣風流
情願深得你心　別再折墮如野心

也酗ㄞ鉈e忍　天天一個人
獨對長夜軟枕　無力降生
焦點消失怎去專心
旁人們或者比不起你
卻晚晚為我消災解困
沒有你之後　就靠這些人體溫
夜夜扮著暫時被吸引

>>July 30, 2019 at 6:30:56 PM GMT+8

2006 年 2 月 4 日星期六【晴】

星期四 o個晚，同呀 bel 傾緊電話
因為一D野我要 send 個sms 俾佢，咁我就企上張凳到，伸手上床拎電話
點知我唔小心響張凳成個人跌左落黎，雖然落地o個下係企住咁，但係搞到成張凳大大聲咁跌左落地下，最嚴重係我個 pat pat撞到個''木台''角 . . . . . 成張''木台''移左位，個年盒跌左落地下，搞到我掃左 5 分鐘！傷亡慘重

事後，我個 pat pat 係最痛 . . .成達瘀左響我既左邊 pat pat.. 坐響到都叫救命，仲慘過生''治倉''！
痛左我勁耐

袁佩宜呀！你快 d 還返個完整既左邊 pat pat 俾我呀 >口< !!

>>February 5, 2006 at 3:42:46 AM GMT+8

2006 年 2 月 4 日星期六【晴】

琴晚既撞鬼事件後 . . . . 最後 4 點半先死去訓=.=
朝早 . . . . . . 6點半，我個電話個鬧鐘響，係咁講「有幾遠呀有幾遠呀有冇上面咁遠....」
嘈死，成間房 d 人都醒晒 . . . . .最好笑係我最近個電話，但係竟然咁都嘈唔醒我囉= ='''''哈哈哈 . . . .最好笑係 tobe 一起身個頭！

一朝早出去集隊...做早操！同呀 wing 係咁笑係咁笑XDDD!!!!
無啦啦伍子肚痛，搞到我同霖要陪佢去廁所=口=lllll
所以我地冇比賽，但係 team A 都贏左~

食完早餐，
之後第二個比賽係，運晒所有野過對面 . . .
玩到我同伍子腳都痺埋 . . . .哈哈！
最後都係輸左 2 分鐘俾 B 隊,,,
我地要執返好 d 野~ . . . .期間經過個草地足球場，有港青響到踢..嘩！有幾個好靚仔XD哈哈
一路行一路望，跟住返到黎圍圈討論，二佬無啦啦走過黎,,係咁撩起我引，話港青響o個到...車！叫佢影又唔影=E=一味係咁引我

到左食飯...佢地成隊波坐響我地對面...二佬又走過黎話佢地響到 . . .到佢地出返去，伍子佢地又話 '' 呀man~!!人地走喇，快 d 過去喇 '' 嘩...真係驚死佢地聽唔到咁=.=''
佢地走左，我一邊食一邊同二佬講野
wing 同二佬講話 o個隊人走左，我既目標轉移落二佬身上
哈哈哈~二佬~~我會諗下你架啦!! 我會拆散你同個''煙姿水粉''架 . . . .哈哈哈 ( 講到傻左 . . . )

跟住到最後一個 games..要用一 d 工具令到個人過一個電視機咁大既框
肥雄同小慈犧牲最大=.=''''
sir 要我地45 分鐘完成，如果唔係要做掌上壓
點知我地 44分59秒完成 . . . . 所以呀 sir 做返30下掌上壓 . . .

影1埋相,,,3點幾就走喇~
返到屋企係咁訓覺 . . . . .

>>February 5, 2006 at 3:29:42 AM GMT+8

2006 年 2 月 3 日星期五【微冷】

今朝9點幾起身，返學校練波 . . . .
練到 12 點同珠、易文、mani 佢地早走 . . .

Janet 同埋呀肥就響出面等我地,,我地一齊上易文屋企換衫
哈哈 . . . . . .佢老竇幾時睇都係咁風趣=.=
跟住等埋琪琪，佢陪我去街市買毛巾、拖鞋，買完就去中心喇
今日我就入 camp 喇~ 軍訓 . . . . 上水展能村 . . . . .
我識既又去既有易文、Janet、琪琪、呀肥、tobe、wing、何佩霖、呀珠、伍子、mani
二佬都去呀~正!! 有得玩~

2點幾3點入到去，換軍服~
嘩~我對鞋好襯件衫=v= !
不過個二佬係咁偷影 . . . .=''=

之後分 team.. 我係 team A~
我隊一共有 13 個~分完諗口號呢 d . . .
出到黎，個變態鄭sir 叫team A Team B去球場既兩邊大叫自己既口號 . . .
鄭 sir 就走到舞雷宮咁遠，叫我地嗌出黎要俾佢聽到
嘩 . . . .我都係第一次係咁嗌 . . . .嗌到我喉嚨痛@@''''今次都係第一次，所以話 . . . .個鄭 sir 真係變態！

跟住就上步操~
再玩 GAMES . . . .第一個係要我地一齊篤個藍色波過對面 . . . .最高難度o個個我地做唔到>..........<
跟住就搬炸彈，嘩 . . .我地好勁！過到！好正=v= . . .

到左 6 點就去食飯 . . .個個都肚餓到死@.o
食完飯，天都黑齊,,下個 game就係夜間行動
要去晒咁多個站做齊指定既野~ 但係行o個陣要成隊搬車太
我地要抄墓o個 d ，呀 sir 出發之前講左好多好似鬼估其實係唔好笑既笑話
仲以為好恐怖，點知完全係 '' 呃細路 '' ! 個墓係西式，冇相架囉=.=

玩完之後個個上晒去沖涼 . . . .之後就落返去活動室~
有個方法，叫四個人,,每人用兩隻手指就可以抬起一個人..
嘩,,我做俾人抬o個個~好好笑~!! 真係覺得自己識飄~

臨上房，呀 sir 仲叫我地作 500 字文
低能架@..........o .,,12點3間房就息燈，息燈之後唔可以傾計
得閒佢地巡房 . . . .

點知我個下格張床俾人搶左 . . . . 逼我上上格床
我次次入親 camp 訓上格床一定會好唔自在 . . . . . 同埋..一定 . . . . .有野 . . . .

我上左去，仲訓住唔訓 . . . .我響到打機，打打下 . . . . 我無啦啦見到個黑影響牆角!!!!!( 應該係攝青鬼@@ )
即叫何佩霖佢地 . . . .原來易文都話見到 . . .不過佢話驚我地唔信冇講到出黎 . . . = =

跟住我即打電話俾天信求救> <
但係間房又有''隻野''搞到收唔到
所以搵人陪我落去廁所打俾佢. . . . . .佢本來叫虎兒黎幫我 . . . . .原來虎兒都感應到呢到係點，仲問我呢到咪有繩網、幾個公園咁、仲有個大球場
呢到仲要俾山圍，仲要有墓= =''''''''''''''''嚇到我 . . . .最後虎兒都唔知有冇黎到 . . .

後尾唔理喇 . . . .我坐張床到同 Nioela傾計，傾左陣，伍子、呀肥、易文、霖、琪琪都走左過黎
跟住我地傾計，傾到四點幾,,就同Nioela一齊訓 . . . .

>>February 5, 2006 at 7:47:04 PM GMT+8

2006 年 2 月 2 日星期四【晴】

琴晚用電腦用到五點，撻左落床...碌到今朝七點=0=
我仲未有意欲去訓覺=.= ( 美化左失眠呢個字面 )

九點 . . . . .呀媽叫醒我,,
叫我去荃灣拜年~
跟住就好唔願意咁起左身，搭車去荃灣 . . . . .
去飲茶~約左梁太飲茶,,跟住牛牛同牛爸都黎埋~
12點就走喇

同呀媽去中旅社搞回鄉証
去到多人到嘔血 . . . . .我地既籌係 320 ，但係當時岩岩好 100 咋！@@
所以我都係返屋企訓陣覺先再返去 . . . . .

返到屋企訓到兩點幾，俾呀媽扯返去荃灣中旅社 . . . .我係極極極唔願意咁死去起身>.........<哼

去到中旅社 . . . .個籌先到290 . . . .痴線架！點解我會返屋企訓左兩粒幾鐘仲未到我囉 . . . 點解會咁多人架?!中國同胞 D 速度真係快到冇人有=.=

之後就去中興買野 . . . .再陪呀媽買餸 . . . .
再返葵芳=.=llllllll

頭先食飯o個陣 . . . .我呀媽問我初八食唔食齋 . . . .
佢話係芳姐叫既 . . . . ( 芳姐則係我細舅母個家姐 . . . 佢係我暫時到宜家見過第一個長氣過我呀媽既女人！)
芳姐話佢個細仔想見我 . . . .. -口-lllllllll 我仲記得我細個成日同佢個細仔玩 . . .仲成日搞到我喊添呀=''= . .. . . .哼！咁多年唔見，我真係唔想見佢！佢仲話佢細仔成日響青衣到見到我 . . . .
好彩我唔記得佢個細仔乜樣. . . .=.='''''''''同埋芳姐個大女 . . . . 16 歲就結左婚 . . .

最恐怖既係 . . . . .芳姐響我細細個就同我講：大個做我新'''抱''啦~哈哈
我宜家諗起都心寒呀死野 . . . . 所以我死都唔會去架！

>>February 3, 2006 at 1:29:50 AM GMT+8

2006 年 2 月 1 日星期三【晴】

今日 12 起左身，就響到 hea . . .
hea 到 3 點 . . . . 企鵝就叫我出黎 . . . ( 正確黎講，我唔係自願架囉! )
我入左地鐵 . . . .先知我自己冇帶銀包...咩錢都冇帶
哈哈 . . . .成身買左飛得返 $1.9
真係 . . . .咁岩經過見到個乞衣 . . . .隻死企鵝就串我 '' 嘩！你睇，個乞衣都多錢過你 ''
哈哈哈哈 - -lllll 咁我有資格去做乞衣喇

去到荃灣.. 買麥當當.. 拎走..佢條友話要搵人喎
我要節墮到..一路行，一路食成個餐囉 . . .嘩,,突然覺得自己...食野食得好有技巧= ='''
我真係未試過一路行一路食麥當當成個餐= ='''

最後等齊人就飛的去城門水塘..

我要講明.. 我地今日去城門水塘既目的係..

玩大富翁!! @口@

所以話 . . . .我係咪俾人逼出黎先！
我地出去豹間屋 . . . .佢間屋真係 . . . .我都唔知點形容好喇= ='''可謂以簡潔為主！因為係連電視都冇架 . . . .真係望到我呆左- -

坐底晒就開戰喇！加埋我一共五個... d 靚地俾我買晒XDD
到左補時階段..就淨返我同企鵝激戰...爭持激烈!!
最後，我以一步之差輸左俾條粉皮 . . . = =''你好野. . . .下次實贏

7點就走喇..搭返車落荃灣地鐵站
又俾我見到 king.. 同埋豬頭、聲、來銘佢地..成班去打機
我真係呢幾日出街冇一次係見唔到呀 king 架囉 . . . . . . 去到邊都見到佢- -''

返到屋企，呀媽返左黎，終於有飯食= =

>>February 2, 2006 at 2:13:38 AM GMT+8

2006 年 1 月 30 日星期一【晴】

琴晚響健健到訓 . . . . .朝早八點松松就走上黎係咁整我...之後最一個鐘就係咁整醒我 . . . .真係準時過鬧鐘呀佢= =

最後十二點先起身,,跟住就同健健講左去大家樂食野,,
食完我就返屋企喇 . . . .係咁訓 . . .訓到五點 . . . . .
夜晚 . . . . 8點呀姨帶左我落去食飯 . . . .佢同叔叔趕住上機去澳洲 . . .
成餐都好似好趕咁=0=

食完就返上屋企 . . . .好空虛 tim..成間屋得返我一個 . . . . 隔離屋隻蕭豬又返左大陸...
所以落左去葵廣到買《梁祝下世傳奇》 . . . . 超好睇呀>v< !! 愛死周國賢呀,, 不過見到周國賢攬住呀祖..o個陣..真係有 d 心寒=.=哈哈..好妒忌呀祖呀=3= ( 篤手指... )

睇到一點...開返個電腦..
跟住天信就同我講左 d 野 . . . .佢條粉皮真係好鐘意我自己一個響屋企講呢 d 架囉..
搞到我差 d 走上健健到訓又或者飛的去青衣搵呀魚= =
不過. . . . .唔該虎兒 . . . .搵到你得返一半 . . . .好對你唔住添- -

跟住同條魚傾完電話，就同長毛哥哥傾到四點到..就訓喇..

>>February 2, 2006 at 1:57:37 AM GMT+8

2006 年 1 月 30 日星期一【晴】

呀磊初二生日快樂!!!

今朝..呀姨佢地上左黎食開年飯 . . . . .
跟住就執野 . . . . .返大陸 ( 講到好遠 tim . . . . 其實o係深圳 za ma ,,= = )
之後就同叔叔..呀姨..舅母..媽..爸..二哥搭火車去上水..健健 join 埋我地
當我地差唔少上車o個陣 . . . . .先發覺 . . . . 架車多塵到寫到字呀@@''''''完全睇唔到入面...
搭到去太和o個陣 . . . . . 兩架車卡接駁位o個到，無啦啦勁大聲''呯''一聲 . . . .個個都望過去 . . .
好彩''好似''冇咩事 . . . . .坐車鐵 . . . 真係冇乜安全感- -lll

過關 . . . . .原來健健未拎新身份証 . . . 得張行街紙，又冇帶 BNO，所以過唔到關 . . .番返上水定唔知葵芳 . . . 呢 d 咪叫白痴囉- -
點知到我過關o個陣，先知我張回鄉証過左期= =''''
估唔到我仲白痴過佢- -...所以都係唔返，返葵芳 . . . .

跟住就去上水搵埋健健一齊搭去沙田，
去新城市到行...去左無印良品買野
就去扒王之王食''團年飯'' 哈哈~我地都係第一年既初二唔返大陸，第一年既新年係自己出去食團年飯 . . . .

食完,,8點搭車返葵芳，
上左健健到 . . .松松又肥左喇-.-
佢響房用電腦，我響廳到睇碟 . . . .
睇《湊仔型警》，《摯愛》同埋《我愛奇諾奧》
睇到1點幾兩點，跟住用左陣電腦，四點去呀姨間房到訓 . . .
點知松松見到我上張床，佢即咬埋佢隻私人公仔上埋張床同我一齊訓 . . . . = =

我宜家先知原來loving 係要架 e 架！係 loveing 喎 . . . . .咪玩啦高小姐 . . 唔好笑大人個口= =. .不過邊個寫 loveing既...自己檢討下- -

睇完之後 . . . 先發現自己以後都唔想，甚至唔會再去睇 sad ending 既戲...
人慢慢長大，就會好清楚記得唔開心既感覺係點
甚至更加了解世界既醜陋
你好細個o個陣，睇到sad ending 既戲，你唔會喊
咁你明唔明，你宜家會喊?

因為 . . . .細個o個陣，你唔會明白呢個世界係幾咁事實，係咁醜陋

所以，宜家都唔想再接觸到任何悲傷既事..

寧願呃自己，都唔想提自己有傷痛既存在

你仲記唔記得，
你應承同我睇我愛奇諾奧...後備甜心，甚至係好多好多戲
宜家? 只係得返我一個響個廳到攬住個公仔睇...

你又知唔知
我同你睇最後o個一套戲，我到宜家，我都唔敢再睇返!
就連o個首主題曲，我都唔敢再聽!
點解？你唔知唔點解?

哈 . . . . .做人真係唔好諗得咁天真 . . . . .
承諾只要o係係o個一秒有效，第二秒之後 . . . .就會過期，
第二秒，個世界都已經唔同左

邊個可以保證，你個心
到第二秒就唔會變?

我，可能比其他人更懦弱
我唔知點先可以自我治療，

因為，我發現
自己付出，同受既傷
係成正比

原來，人最節墮既地步係
表面快樂，內裡其實係空心

>>January 31, 2006 at 4:08:24 PM GMT+8