Showhappy.net - Members diary

日記

日記主簡介

<< 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 >>

2006 年 6 月 24 日星期六【晴】

今朝又9點起身，煲碟 . . .過左陣出門口
同魚..lok彤去旺角Neway，2點就走喇..碧琪都黎左
陪碧琪買禮物，但係最後都買唔到~
之後就俾脅持下去左朗豪坊行左陣
5點返到屋企，又煲碟..
之後6點幾就出門口~同bel..lok彤..碧琪..lok彤媽..呀B去青衣游水~
自從f.2學界游水跟住都冇黎過...但係..點解d水咸既@@''''??

跟住仲見到蘇德..哈哈~響到玩埋d白痴野~
走左去BB池同呀B玩~~哈哈...佢隻腳仔好細..呵呵呵XD
成日響到叫..
呀B：我係細路
我：下?你定我??
呀B：我呀!!
我：咁我係咩呀
呀B：你..你..你係屎忽囉
我：...哈哈..= =

宜家d細路，4歲就咁串咀架= = ( 冷笑... )
玩完1輪，9點幾就走喇~
搞左好耐..之後去左食野:p
游完水去食野好滿足=v=

俾呀bel屈機陪佢行去長發，逼我搭巴士~
bel講左件事我知，笑到我傻呀!!!!!!哈哈哈哈哈哈哈 . . . . .搞到我響條燈柱下面坐係到笑！！
笑唔停XDDD
之後返到屋企成12點到 . . . . .煲碟煲到兩點...睇晒喇終於！
勁好好好好好睇>v< 哈哈

第1次感受到自己實實在在的存在著

不知道我們長大後會是什麼樣子
不過我肯定 . . . . . . . .
哈哈哈！我不需要你啦

>>June 25, 2006 at 11:57:48 AM GMT+8

2006 年 6 月 23 日星期五【晴】

今朝9點起身..狂煲碟.. 再咁搞法我就快近視..
連續幾個鐘對住部電腦對眼郁都唔郁..哈哈~
11點幾出門口~同珠..張家牛奶仔..AlanYu..魚..wing..蘇德..蘇俊..mani..mani男友(成日都唔記得佢個名~!)..易文去青衣體育館打排波~
著左林護件波衫 . . . . 哈哈!即刻變左巴西 :P 佢地都話似XDD
今日連續受傷.. 你地死喇..整到巴西國腳~!!! . . .
成場都勁好笑!

扛到2點就走喇~AlanYu同我1齊走去青衣城，見到黃秀明企左o係到~!!!
以佢既思想..佢第1時間梗係話我同AlanYu拍拖..跟住俾我地踢爆左佢等女miss!!!!..
唔好俾我知邊個.. 呵呵呵
返到葵芳見到紫ling..胡..

返到屋企繼續煲碟~
過左陣呀key上左黎1齊睇左陣
就出去陪佢剪頭髮，我就黎變左佢保母=..........=
同佢行左陣...就返屋企

>>June 25, 2006 at 3:21:16 AM GMT+8

2006 年 6 月 22 日星期四【晴】

今日考中史~最後1科喇~~感動 . . . .
之後..俾隻豬仔留左o係mmlc 1陣~做互評..無聊

響學校hea左陣，就走喇~
返到屋企..又同條廢柴嘈 . . . .
睇下邊個入醫院先囉...
你咁勁咯~打死我囉~
最後舅母走左出黎叫停我地..
超！唔係講到好勁架咩！做乜停手呀??!!!

3點幾蕭豬冇帶鎖匙~過左黎坐左陣..
佢媽返左黎就過返隔離..

跟住我成日就坐左o係電腦到煲台劇 . . . .
煲到上晒腦 :p 哈哈.....

很想得想對著天空，說著..

無論你去到哪裡
我還是會1直跟隨著

就像
路邊的蝴蝶
沉溺的追隨著那朵牠愛的花兒

是花兒愛蝴蝶
還是
蝴蝶喜愛花兒

都不要緊
因為這都是美好麻
最喜歡這樣情節=)

心情又回到那時候
陌生又充滿著快樂的期待
跌倒了還不覺痛楚
還是快樂

這麼的心情最叫人回味

對於你的1切，我什麼都想了解

斷斷續續總是想著

這是假意嗎?

>>June 22, 2006 at 11:44:53 PM GMT+8

2006 年 6 月 21 日星期三【綿綿細雨】

今日考phy~
做做下..聽到有幾把聲o係我耳邊笑，有時仲會講1d我聽唔明既野 . . . .
d聲越黎越大聲 ,,越黎越利害. . . 之後心跳加速 . . .標晒冷汗. . .
好辛苦 . . . 到左最後幾分鐘放底筆冇做 . . . 伏底左o係到..唸主禱文
好細個o個陣開始，就周不時會咁 . . .好辛苦 . . .

考完就陪呀bel..lok彤..魚佢地上 library
之後落去企左陣.. 等''得意仔'' . . . . . =p
呢排都冇見過你> <哈哈...

去左金龍X 到食野 . . . .
11點幾就走喇~
響OK到睇到今期《便利》...彿都有火！
反Cream 個Renee.. 14歲咋! 搞埋d咁既野...唉..世風日下..

3點到出去同老媽子食野
拎左部電話去換制~! 返屋企o個陣見到豬頭.. 子豪同埋金魚佬o係球場 . . .
所以入去坐左陣~同豬頭傾計 . . . . 好笑XDD 見到個''靚仔'' . . . .估唔到林護會出d咁既f.2 XD
呀嫂???最後變左我係謝生..豬頭係謝師奶@.o

今日由學校出黎o個陣...我仲拎住把間尺係咁玩..
去到長發商場電梯 . . . . . 先發覺唔見左把間尺@@
點解成日都係咁.. 突然之間響我手上面唔見左..都唔知發生咩事> < 消失得好快@@''''

今個月唔見左好多野! ( 排名不分先後 )：
間尺..鉛蕊筆..學生八達通..NOTES..10蚊紙..20蚊紙..耳環..衫 . . . . 好多好多...
呢幾日整壞/爛 ( 排名不分先後 )：
相機..屋企電話..衫..吹氣公仔..櫃. . . . .好多好多...

點算！咁落去唔係辦法...
最怕整壞/爛/唔見左成個人

放。過。我

唔好再用咁既眼神望住我

得意仔得意仔得>v<

後記：

彷佛整個世界裡所有美好的事物
全都是彷照你的輪廓而創造

據聞天使的存在，也是都為守護你而降臨

>>June 22, 2006 at 3:49:55 PM GMT+8

2006 年 6 月 20 日星期二【晴】

成日''中''下''中''下 . . . . . .
考history - - 未開考無啦啦響到笑. . . .
之後開考左..響到呆 . . . 之後知道時間無多，寫到我抽筋
寫左3個字o係份卷到..1路寫1路笑! 狂笑 . . . . 思樂冰男以為我痴線=......='''

跟住去麥當當坐..背oral~
其實我好眼訓=...=
10點半返學校~考eng oral ,, 同cindy 響到傾計- - 都係你最好...你親眼見到,,>..........<,,
之後到 Gounp . . . . .1個..其他2個都好似係3a..好合作:p

返屋企~ 2點幾3點喬上左黎hea~
1邊同呀bel傾電話~1邊同喬吹水..>....<
係咁玩呀喬部新電話XDD 好好推wo~
之後4點幾到送喬落地鐵站~
佢請我食雪糕...呵呵呵~

返到屋企.. 我好眼訓@@俾呀bel大魔頭逼我傾電話> <
傾到5點幾收線..訓覺~7點出去同呀bel去西約睇波~
佢幾好恆心丫~打左6次黎! 最後打去屋企叫我起身!
話時話.. 最近訓覺真係好似乜都聽唔到咁~
次次都鬧左鬧鐘，但係起左身..部電話好似冇響過咁=....=
bel打左6次黎我都冇醒過=v=
死喇 . . . . bel話我有睡覺XX症 ( 唔記得左lu )

去到西約join 碧琪同吳利君~
睇左1場就同bel去左食野..
10點就走喇 . . .

>>June 22, 2006 at 2:18:16 PM GMT+8

2006 年 6 月 19 日星期一【晴】

今朝訓到7點先肯起身..搭3老媽子先買完個麥當當通粉早餐返黎..
我調亂左杯湯同奶茶@@ 倒左d奶茶落通粉到..倒左1半覺得唔對路..因為唔同色..
望真d原來係奶茶.. 之後唔理啦!繼續倒埋杯湯落去..
所以今朝食左個奶茶溝湯既通粉=........=
好趕..差d趕唔到架小巴>.....< !

返到學校..見到ka pig ..爆笑左出黎..
哈哈哈!!沙林暴雨返黎XDD
用佢件衫抹我把遮 :p

今日考geog~
考完4條友仔齊齊殺上魚屋企無聊=0=
等到11點就1齊返學校考中文口試! 碧琪走先~
好快搞掂，等埋呀be..lok彤..魚..同蘇德就去海記食野=v=
玩塔羅牌 . . . . . . 坐左成2粒鐘~
之後蘇德就陪我搭44m 走~

搞錯！我竟然唔記得睇巴西!!!!

朋友，你夠喇..
明知有d野唔可以o係我面前提..
點解3番4次好大言不慚咁去揭我瘡疤?
你覺得我唔痛?
你都算知情人士，
o個陣真係想叫你醒少少..不過最後我都選擇唔出聲，等你講晒佢
因為我真係開唔到口同你講我唔想聽
咁樣大家都唔好受
請你顧下我感受
同樣我o係你面前係咁講明知你唔想聽既野
你會唔會想叫我收聲

>>June 22, 2006 at 2:02:05 PM GMT+8

2006 年 6 月 18 日星期日【晴】

琴晚同呀喬傾到好夜~
最後單方面得出既結論就係..
''你地兩個咁襯..結婚呀笨! 結唔到呀?返鄉下自殺啦 '' =......=v

今日竟然9點幾起身[email protected]
打機打到成12點，之後老媽子打黎叫我出去食野
出左去食KFC~點解難食左咁多既=......=
之後返屋企hea下~入青衣搵bel..拎返d書~
返到黎又出過去~同長毛哥哥食野..
見到譚嘉~畢業禮返仁紀同孫sir打籃球=v= !!
之後帶長毛哥哥去遊葵盛~! :p ( 佢話佢咁耐都冇去過~ )
葵盛乜都冇，出名多咩?多學校=.=多公公婆婆...多供屋
行完就落返去葵興地鐵站~搭去荔景站坐= =
7點幾返屋企喇~

好熱好熱呀=口=

【三日既隱居生活】
有日健健問我做咩想避世
我話..冇呀..避下咁囉~
佢叫我返鄉下隱居
我話 '' 好主意..不過我未見過人o係深圳隱居..''
佢話 '' 你隱居.. 3日唔夠走返出黎 ''

在我心裡你的存在價值..你知嗎?是等同零
不要太高估自己

並沒有什麼值得我們停下來欣賞

>>June 19, 2006 at 2:12:45 PM GMT+8

2006 年 6 月 17 日星期六【晴】

今日終於唔落雨喇~=v=
9點幾起左身..呆坐~
之後等到12點落去買野食 . . . .
順便同o個4隻貓BB玩 >v<... 我''喉''左佢地好耐架啦..不過次次都冇走去玩..
真係好得意.. 響我隻手指到爪下爪下咁...哈哈
得閒再落黎同你地玩~

返上去食完野..無無聊聊
同franky傾左陣電話~估唔到呀@~@
嚇親我=............=

2點幾3點老媽子要我去大快活搵佢拎張八達通俾佢=...........=
又要我出去..>''<
飲左杯雪碧就返屋企 . . . .同por傾電話=0=''
講緊我地好節墮 . . . .考緊試仲咁q得閒= =
'' e..5點啦? 頭先睇仲兩點咋喎 ''
''e?!6點?!頭先仲係5點咋喎 '' XDD你睇你睇..唉=~=

7點幾..易文打黎話去沙田打波 . . .
爭扎左好耐=.....= 又''支力''..但我又想去..
最後都去陪佢癲!!
我搭47x去.. 去到體育館易文o個d先岩岩上車..過份>.....<
跟住我就同Ricky o個d..猜分隊打比賽，今日有27個人~
冇力開2球波.. 呀文話我未食飯..唔夠碳水化合物XDD
成10點易文..wing同傻包先搵到黎> <....
佢地響隔離猜波..我俾易文d指甲1野插左落隻手到@@''''
痛死我.. 你剪下佢啦> <
最後我又入場打左場..跟住11點就夠鐘走喇~

換完衫..同易文..傻包..wing..Ricky..呀文去食野~
行去過陣，發現到隻田雞??!!!! Ricky 捉左佢黎嚇我地..
仲係咁追住呀wing~!!笑死我同傻包XDD哈哈哈~
食完成12點~就1齊搭火車 . . .我同Ricky就去九龍塘到轉車搭地鐵~

1點返到屋企，
同呀喬1邊同佢傾電話1邊沖涼..搞到講野講到好大聲..
嘈醒老媽子~!

成日都叫老媽子唔好買d有味既牙膏..
eg.綠茶味..蜜糖味
因為我宜家用緊蜜糖味既牙膏 . . .
次次刷完牙走返出黎..
都唔知自己有冇刷過 . . . . 個口全部蜜糖味=...=

今日太過得閒轉左個背景喇~~

今日玩既貓仔~

頭先執野..搵返9歲o個陣既回鄉証@@

易文既指甲插完之後@@

Bel....我聽日先post 喇..
我今日..冇乜意欲去整..好''支力''

彭宇喬！我認住你~!!哼哼哼...你唔好再提丫~!頭都打爆你\''/ . . . . .呵呵XDD

>>June 18, 2006 at 9:33:31 AM GMT+8

2006 年 6 月 16 日星期五【酷熱】

今日考bio..未開考之前呂潔雯行均成個hall..
1個1個咁由頭到腳scan晒...我以為佢睇下我地凳底有冇出貓底..
考完，王秀明響個台到拎住個list 每班叫人出黎..
原來呂潔雯係捉人校服..
我淨係可以俾1個字佢..狗..狗到佢丫@@雖然俾人捉o個d都幾低死下= =''

之後考中文listening，考完即走~
點知俾呀bel扯住逼我爆野俾佢聽..
呵呵...係丫~我係丫XD
等緊車o個陣先知冇散字，又冇帶八達通..
好彩呀珠同埋張家牛奶仔..唔該晒>v<

返到屋企換衫~出去荔景等呀bel..lok彤同埋碧琪~
出去同呀bel補祝生日~
去左水道橋到食野 . . . .佢地點野食點成世=.......=''
餓死左-----------
食完就去兆萬...跟住去左朗豪坊 . . .
我地買左4個砌得埋既puzzle匙扣~刻左自己個名，同4舊都有關連既中文字:p

之後坐左陣傾計 . . . .再去新之城~
陪呀bel買野~! 之後就返屋企,,訓左兩粒鐘..
7點幾出去花墟打排波..同呀珠..張家牛奶仔..wing..tobe~
10點幾返到黎 . . . .''支力''死我= =

今晚要訓覺>..........<

點解兩日都見唔到佢?
無理由架喎！> <

後記：

一次是巧合
兩次是緣份

我記得。

>>June 17, 2006 at 1:09:08 AM GMT+8

2006 年 6 月 15 日星期四【雨】

今朝去左大家樂到食早餐..
入到青衣上呀bel 到擺底d野~

今日考maths..= =
計到我發晒脾氣... 最後坐左o係到唔做!

考完即刻返葵芳，同por 食野~
勁好笑...研究我哥d普通話XDD哈哈..
跟住話祝人幸褔！哈
之後仲o係三聯到收埋左d野...你地搵到就送俾你喇XDD不過你俾錢喎 :P呵呵...

後記：

故意的改變也是好
因這是堅持
只要你不是故意把冷凍食物放在悶熱地方
變的都是好

>>June 16, 2006 at 2:15:56 AM GMT+8