Showhappy.net - Members diary

日記

日記主簡介

<< 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 >>

2006 年 6 月 6 日星期二【微雨】

琴晚又落左去食宵夜~
跟住同天信講電話講到5點..
不過..好後悔 . . . .哈哈 . . . .訓完好似冇訓過咁!爽=.=

死住咁返學，中文堂又匯報，煩...
訓覺，我眼皮好''支力''架喎！但係訓黎訓去都訓唔到=''=

跟住1堂bio..! 但係要上lab,,匯報~
1堂都要匯報 . . . . 搵黎搞=....=
ms.劉..顏sir 同sm wong 1 齊黎睇..
上到去，ms.劉問邊個擺左上網，跟住問邊個有碟..
最後佢見ka pig 拎住隻碟，就好即興咁叫我地第1組出去匯報=....=
呆左.. 下 ... 點解次次都係我組開波先... history..中文又係咁@@..
哈..呢個bio pj 係我用左1個鐘做既，o係我既紀錄入面最快既!!
所以特別核凸XDD Cindy 佢地都未睇過..連我都唔記得自己打過d咩上去..大家照讀..:p
sm wong好嚴肅XDD

放學即衡返屋企，諗住訓覺
最後都係忍唔住打機..打到好頭痛>..........<
死左去訓覺~
7點起，姨打黎..
但係當我起身o個陣..發現到d野..
我左手手''爭''o個到.. 有1小塊皮冇左!!@@
個風扇擺左o係我隔離 . . .我手爭不停俾風扇外面轉個o個葉整到..
起身先知，痛到我傻@@''

7點幾去左葵盛泳池同姨、叔叔游水..
抽左幾次筋...哈哈=...=
見到史sir.. 佢教救生員訓練班..
過左陣又見到肥彬~ . . .
練轉池o個陣..係咁笑!! 入晒水..真係好好笑=...=

9點就走喇~ 去左葵青劇院o個間湘川滬到食飯~
柏期都黎左..
10幾食完就走喇~

琴晚同天信講電話....
提返之前 Crystal 件事.. 我諗，呢件事都算係大家既1個..內疚?我唔知點講..
只係..我同佢1直都冇提過o個件事
當時點解會離棄，印象到宜家都變得好糢糊
天信話..「唔係因為呢件事，你唔需要轉校」
琴晚，知道真相，不過唔知今次既''真相''又係唔係另1個藉口
從來我都唔想，甚至唔敢去問，唔敢去質疑
原來真相背後 . . . . 都只不過都係一場誤會，一場謊言
迷信，會害死自己，害死身邊既人?
只係更加體會到，佢。比任何人都堅強
大家從來都自私，
人不為己,天諸地滅?
大家未免講得太過理直氣壯
始終都要為自己既罪名負上負任

當你唔相信身邊既人，你憑乜野要身邊既人對你好
給自己。大家

我就是很脫線的一個人
太多限制太多理性
只是不想陷太深然而踩在沼澤不能抽離
這樣就不會迷上微笑

終於領悟了

一句對不起太輕鬆
原諒了
但不代表簡單的三個字
可以撫平傷口

還是不要隨便地說對不起

真的
說真的

我是...認真

很久以前，發現沒有用

與其勉強微笑
倒不如擦身而過

很多事情都是這樣吧

計劃暑假中！

>>June 7, 2006 at 1:23:40 AM GMT+8

2006 年 6 月 5 日星期一【雨】

琴晚..5分鐘..一度俾人脅持住唔可以去沖涼
嘩 . . . .o個陣先知道..大熱天時唔沖涼真係會死=........=
打機..睇左陣波就訓覺,,

今朝9點先返學，
都係咁上下= =
放學即走，同bel魚去食野
返葵芳釘返耳骨..埋左成兩個月=...=
返到屋企 . . . 打機打到傻@@''''

熱死 . . . .
落完雨未??!!!

練劍練劍練劍練劍. . . . . .

上堂無聊畫 ge = =.. 雞同鴨講.. 睇睇下隻雞又幾雞下=0=
( 禁圖入去放大 d~ )↓

呢個係..怪獸!!!!!
識噴火既怪獸=v=
係對住我班某個人畫既~~~
睇落隻怪獸好似某套卡通片
事實證明~ o個套卡通片隻野真係怪獸!
同埋我班某1個人都同樣係怪獸... 哈哈>v<
( 禁圖入去放大 d~ )↓

唔玩喇= =都唔好玩ge..

層層疊疊來來回回

即使圓圈中找到1點讓我安心

我還是不願在這裡停下來

他說：天空劃滿傷痕

>>June 5, 2006 at 10:34:12 PM GMT+8

2006 年 6 月 4 日星期日【雨】

琴晚佢講左句野 . . .笑足我成晚！
哈哈...傻仔 =P
今朝6點先訓覺=.....=
訓到10幾..好熱，起身沖涼~
等個頭乾..12點就上返床訓覺 . . . .
訓到4點，企鵝打黎話出去打機..
之後就換衫，
去左悅來坊到打機..大力人士佢地都o係到~
笑死!! 響到勁屈機!
有個勁似巴士呀叔~!!! 嘩..識出波 . . . 唔夠佢打XD
打左成兩粒幾鐘.. 7點幾走~ 去左食野
行左陣就走喇 . . .

好討厭落雨天
落足成個星期
所以最近返到屋企都會成身濕晒
因為我冇帶遮..
係人都知要帶遮
不過我唔係人 . . . .

姨 : 你部電話之前拎過去整咩
我 : 係呀
姨 : 你跌爛左呀?
我 : 唔係呀 . . . . 張 memory 卡死左 . . .
健 : 下? 會死架咩?
我 : 下 . . .唔知呀..
姨 : 你點用架 . .
我 : 我整左兩次..第二次係入面既程式死左
健 : 你部機好特別，全部內傷
姨 : 係佢用機既方法好特別
健 : 你點用架 . . . .

前幾日.. 我整爛左個手提喇叭..一對買左幾日既人字施
媽既枕頭袋..

極度破壞王..曾經何時
蔡小姐..係咁形容我..
我宜家終於感受到喇=.='''
乜野到我手...都會爛..
所以..你地有咩想壞既俾我用喇！

「其實出面熱入面凍
有一種特別既效果」
笑到我傻XDD

多謝呀錦送首歌俾我=)

沉溺

>>June 4, 2006 at 10:08:32 PM GMT+8

2006 年 6 月 3 日星期六【雨】

慣下，慣下，就慣架啦

呀磊講既..哈..好岩！

真係唔好咁信1個人

究竟係邊個令到我越黎越封閉自己

我知你地會知..

自我保護

縱耀眼如畫景致像無聊漫畫印象如此的差
揭露我的瘡疤困惑如小青蛙可稱霸

別揭我瘡疤

我冇怨你地
我邊資格姐
我怨都怨自己先啦

>>June 4, 2006 at 4:45:32 AM GMT+8

2006 年 6 月 3 日星期六【雨】

琴夜二哥返左黎~
今朝..8點先起身@@
即刻換衫..行去林士德~ 又係我遲到=..........=''
同蘇俊..AlanYu..呂生..珠..碧琪..mani..易文..伍子打排波 . . .
呀肥同彩兒都黎左..
響到玩.. 好白痴 . . . .
打打下肚又痛..腳又痛！ ( 前兩日又整傷隻腳.. )
易文同珠話我生誘 . . . 哈! 今朝反應係平時既10% . . .
算喇~!! 岩岩訓醒係咁上下~

打到9點3到..齊齊走去葵芳豆漿大王到食野~
hae 左陣，我就返屋企.. 沖涼，用左陣電腦就走左去訓~
訓到4點到..俾d電話嘈醒左.. 講多兩講真係醒晒..
唉 . . .都唔知你地做乜= =
之後響張床到碌左陣~過左陣. . .
喬打黎，佢拍片..但係點知部相機冇電！要我即刻換衫拎部相機上林護俾佢..
...唉 . . . .換衫 . . .行上林護 . .
拐下拐下咁行上去= =
本來諗住響出面等佢~不過見冇校工( 其實有2個既..不過睇緊電視囉~ )..老師..學生又1個都冇..
就偷偷地潛左入林護XDD
哈哈... 喬拍完段片，就走喇~

之後行左去葵芳到食吉野家~
食完就走喇~ 返到去繼續訓覺!
8點到por 同磊上左黎拎野~
坐左陣，就同佢地去左新都會行..

10點返到屋企 . . . . 二哥同老媽子出左去..
我用用下電腦 . . . . . . . . . . . . . . . . . . . . . . . . .有隻曱甴o係我既視線範圍!!@@
我o係到嗌.. 攬住個建盤跑上梳化，叫老竇救命！
點知俾隻曱甴走甩左!! . . .
我就拎埋個 mouse.. 響食飯''木台''到好辛苦咁離遠望住個 mon 用電腦= = . . . . .
最後我老竇都沖左隻曱甴落廁所= =
嚇死我 . . . .

同por..磊..行唱片鋪
睇陳奕迅演唱會..
好鐘意佢唱歌o個陣..明年今日丫..

今日o係dairy 到加左小步舞曲個 MV.. 好鐘意=)
因為我鐘意藍色大門！

無時無刻也在備戰的狀態
好累
究竟有多少人
可以讓我百分二百去相信

得到的教訓
當中的陰影
任我再努力擦
一輩子也抹不走
信心
也難以復原

意大利快樂傳說
我也很想去一趟感受一下
嚮往自由自在的生活=)

>>June 3, 2006 at 11:34:18 PM GMT+8

2006 年 6 月 2 日星期五【雨】

琴日由下晝6點訓到凌晨2點!! . . . 哈哈
起身..沖涼..食飯~
又落去 7-11買野食~
繼上次出街跌左張 20蚊紙之後..今次又跌左張 10蚊紙XDD.. 跌開有條路= =
出街記住行我後面..有錢執 ..哈哈=.=

3點幾..同mo傾左陣電話..就繼續ZzZzZ . . .
朝早，勁頭痛.. 食左粒藥 . . .
跟住又肚痛.. 痛到9彩!
肚柯..

搞到成11點再去訓過...訓到3點半..
d人放學我先起身=.........=
跟住又再訓過
訓到7點去左睇醫生

跟住有人send 左個 100 問俾我..
有條係問..你最憎人做既野..
嘩~!! 終於俾我諗到~ 哈!
你最憎人做既野：呃我..不過唔緊要.. 個個都會講大話
不過唔該你呃就呃成世.. 唔好呃呃下自己篤爛 or 俾人篤爆
嘩!!!憎爆 #%)&)&@#*_@*

>>June 2, 2006 at 11:15:31 PM GMT+8

2006 年 6 月 1 日星期四【雨】

琴晚同天信傾電話.. 多謝你=]
虎兒走左喇..

之後1直都冇訓過..
朝早5點幾走左去沖涼.. 之後換衫..
叫老媽子打去林護幫 Por 請假~
hea 左陣~出門口!..
大雨得很！
所以就著波鞋返學..皮鞋會入水入到好似冇著鞋行出街咁~
我仲好有''藝''力..咁行去麥當當買早餐返學校食~

又見到 a wong 及某某同學~
返到去食完o個兩塊''早餐'' . . . . 同人傾左陣計.. 葉昌發就黎左..
跟住落左去上 P.E，今日體適能！
嘩！！！退晒!! sit-up 得返50.. 以前60！我接受唔到.. 我要練返..
之後''霧''雨跑9分鐘~ 跑死我..腳又痛..最後得19..

上完，同ada o個d P.E衫都唔換就上去上中文..
真係覺得自己完全無王管咁= =
傾電話..傾傾下無啦啦 Cindy..Ka pig 幾個出晒去..仲叫我出黎..
原來今日匯報..大家都得份問卷o係手！.. 跟住乜都冇..
我地1人講左1題問題之後
我就響到吹吹吹水 ..(about 中方與西方對鬼的看法)
講晒自己知 ge 野出黎.. 咁差唔多就1分鐘..
ms.蘇話我講得好..話俾高分我地XDD 笑死我..勁白痴~!!

返埋位繼續傾電話.. 見自己唔熱
就坐o係個位到換返校服..用件冷衫咁換..
周圍都係男仔..雖則我知佢地唔會睇= =
不過都覺得自己好過份XDD哈哈~

EPA.. 好眼訓@@'' d 藥既副作用嚇親人= ='''
lunch 原來諗住走.. 去青衣體育館搵長毛哥哥打排球~
不過見好耐冇上過英文堂..唔多安落XD ( 不過就算上都唔聽.. )
點都要見下 ms.cheung 1面..XD
所以唔走.. 買左份報紙 . . . .
行行下落雨@@ 淋到我同碧琪濕晒 . . . .
返到去睇報紙！上英文1 開波就訓到落堂

放學同碧琪o個d睇完兩項鐵人就閃~
唔知點解有預感今日會見到呀豪..
點知真係o係44m 到見到佢 =v=

究竟咩關係?
則係..見到身邊d人不停同邊個..又邊個1齊..女同男..得閒又女同女
不過每1個都唔夠1個月
我覺得..誇張d講.. 好有''亂倫''咁既 feel 囉..
則係..a同b 1齊..冇幾耐，a同c 1齊.. 再過冇幾耐，b同c 1齊.
.交換伴侶?!
我真係接受唔到囉
哈! 咩世界?!

>>June 2, 2006 at 9:48:40 AM GMT+8

2006 年 5 月 31 日星期三【雨】

所以，我們應當離開基督道理的開端，竭力進到完全的地步；不必再立根基，就如那懊悔死行、信靠神、各樣洗禮、按手之禮、死人復活，以及永遠審判各等教訓。神若許我們，我們必如此行。論到那些已經蒙了光照、嘗過天恩的滋味、又於聖靈有分，並嘗過神善道的滋味、覺悟來世權能的人，若是離棄道理，就不能叫他們從新懊悔了。因為他們把神的兒子重釘字架，明明地羞辱他。就如一塊田地，吃過屢次下的雨水，生長菜蔬合乎耕種的人用，就從神得福；若長荊棘和蒺藜，必被廢棄，近於咒詛，結局就是熒燒。

希伯來書 6：1 -8

>>June 1, 2006 at 2:18:54 AM GMT+8

2006 年 5 月 31 日星期三【雨】

喬喬喬！！！生日快樂XDD

今日放假( 對於我黎講..放唔放假都係訓到1點= = )
重陽.. 我差d講左清明= =''
重陽又唔知駛唔駛快樂架呢?

無無聊聊..hea..
之後落左去買野食~
經過機鋪..忍唔住入左去玩左兩鋪 =............=
食完3點幾到同媽..叔叔..呀姨去楊屋道街市買送今晚做節~
叔叔憒俾人停左牌..今日既司機就係..岩岩考到車牌既呀姨@@'''
真係驚驚地=﹏= . . . . . 因為有陰影.. 鄭家既女人..渣車真係好恐怖，望下我細舅母就見喇真係= =

跟住泊左車，跟佢地入街市 ( 拎野= = )
過左陣佢地話多人，叫我出去等..
我就上左體育館睇人打波~
好勁..d背飛好靚@@

睇左陣，姨打黎叫返我落去走~
車返我地返屋企..
6點幾..大舅父..大舅母..表妹..表弟過左黎~
我老竇走過去同表妹講野.. 我老竇講左句 '' 喂~嘉曦''
佢講完表妹即刻喊!!XDD 笑死我地.. 我地叫老竇唔好走埋 d 細路身邊.. :p
表妹又喊,,喊到足以拆左我間屋 . . . . . 好惡死XDD

7點..呀姨..叔叔..健健同柏期都過埋黎~
開飯.. 好多送@@''
食完8點即刻趕出去..同[人] 睇戲~..
睇 x-men~ 我''有份''做既..XD
都幾好睇~~
嘩..warren worthington 同 John Allderdyce 勁靚仔 >v< 哈哈~
9點半睇完~就去左仙蹟岩到食野~
又食..飽死-.............-

so good =)

不但如此　就是在患難中　也是歡歡喜喜的
因為知道患難生忍耐　忍耐生老練　老練生盼望
( 羅馬書 5:3-4 )

雨，好像停不了
被天國放逐異域
隔岸是一臉惘然

別美化自己，我們都沒那麼偉大
誰扮偉大仍欠公平

>>June 1, 2006 at 1:15:47 AM GMT+8

2006 年 5 月 30 日星期二【陰】

琴晚聽收音機聽到5點=.......=
今朝訓到成1點先起身~
跟住...響到睇下電視~ 1點10就出去.. 搵企鵝~
食雪糕食死我=.....+
之後上左我屋企..吹水[email protected]
佢無啦啦問我 '' (a-b)(a-b)係咩呀? ''
我亂答.. '' a[2]+2ab+b[2] '' XD
佢 '' ．．．．(a+b)(a-b) ''
我話 ''a[2]-b[2] !! ''
佢話'' @@'' . . . (a+b)(a+b) ''
我話 '' a[2]+2ab-b[2] ''
佢''．．．．．．．．(a+b)(a+b)呢.. ''
我話''a[2]-b[2]''
佢'' ．．．．．．．．''
哈哈!!笑死我!!亂答佢XDD

跟住4點到..喬放學上左黎~
企鵝就走左~
喬用左陣電腦就1齊出去~
去左佢屋企~我o係到 hea..
後尾出廳睇碟.. 好白痴XD

5點幾肥超上左黎~
所以..喬..喬妹..肥超同我就開''木台''. . . .佢地教我打麻雀.. ( 我唔識打麻雀架XDD哈哈!! )
之後打打下~ Por 同磊都上埋黎.. 佢地買埋''送''上黎煮~~
喬爸就代我打..我就入房用電腦..之後 por 都入埋黎~

過左陣就開得飯~!
重新講多次~!! 今餐飯係磊同 Por 煮ge!!
不過呢. 有兩碟同d湯係喬工人煮既~ :p 所以最好味o個兩碟..XDD
講笑姐.. 佢地煮既雞翼..都其他o個兩碟都好好味~
o係開飯前，我地已經諗定最近既醫院o係邊~!! 則係如果食物中毒都有間o係左近XDD哈哈..
添左兩次飯@@食到好飽>v<

食完，佢地就繼續開''木台''喇..我同por就睇電視~
過左陣拎個蛋糕出黎切蛋糕~ 預早1日慶祝喬生日~!!
我地係唱o個d冇音既生日歌XDD

通常聽開d人生日好鐘意掟蛋糕~
不過我地個個都好正常~ 我地買返黎既蛋糕係要黎食既~唔係要黎掟既=v=

食完~ hea 左陣~
10點幾就走人喇..喬同por 送我地去地鐵站..我同肥超就1齊返葵芳~

以前既歌..聽落去好似好老土
但佢勝在夠直接
佢好直接咁話俾人聽，話俾自己聽
'' 對，我就是喜歡他/她 ''
宜家?要好似買''送''咁..要斷斤計
要好似做生意咁，有利益衝突

這一切都將變調

我不是天下無敵
我只是個血肉之驅

等我轉1轉台先...
↓

^$#&#&$*#%@$
真係忍無可忍= =
你呀!! 都話我讓比你咋
我唔要俾你咋
唔好咁得威
我遲早實親手o羅返個金牌返黎 \田/
哼~!! >............<

>>May 31, 2006 at 2:27:22 AM GMT+8