2004 年 7 月 5 日 星期一 【晴】

一朝早因為昨晚的一個夢而訓唔著！
搞到我冇覺好訓！

九點鐘起左身，見到細佬online
同佢傾左陣，我發覺同佢响icq到都傾幾好傾
其實我唔係好了解我細佬平日做d乜
今日同佢傾傾，感覺有點唔同
特然覺得自己都唔係好了解佢做緊咩！

昨晚同強傾左都一段時間，我發覺我同佢係同一世界的人
佢明白我感受
曾健也明白，卓也明白！
我們真的叫手停口停！

好早就起身寄信俾阿歡！途中見到敏
好耐冇見佢了！佢轉左電話，所以我攞左個新的
寄完信，去揾黃美玉！幫佢攞帖派帖俾阿sir,miss

今日食飯call阿歡，估唔到佢在沙田
咁見左佢一陣，又返公司
夜晚佢地扮哂客咁入來，不過問夏威夷
俾佢吹漲，佢一d都唔知我地公司係sell咩團！

就收工時，細佬來左我公司，放工同我打機！
阿wendy，宗，安都嚇一跳！
拿拿聲收工，同佢行左陣街，打左陣機！
本來同阿爸食，但我驚媽咪唔開心
所以返左屋企

唔知係咪我細佬同阿媽鬧交呢
幾日唔返屋企訓
都唔知佢地搞d乜！

>>July 5, 2004 at 11:42:38 PM GMT+8

2004 年 7 月 5 日 星期一 【晴】

一早又起唔到身，本來去游水
咁咪起身執下野，食下飯囉！
同阿歡傾下電話囉！
同佢傾下我同佢既秘密
都聽左好多佢既野，不過都係圍繞講關於我既事多
同佢講野有時真係唔洗經大腦講野
可能同佢太friend吧！

細佬呢兩日唔知係咪激嬲左媽咪，去左阿爸屋企訓！

返教會，我覺得我應該是時候想想了！
我好似俾好多俗世既野煩住，我唔想咁
我明知自己衰，其實你問我有冇盡全力
可以坦白說，我沒有
我總是被迷住！
不過都多謝又一次的提醒，但我何時才醒

本來返完教會去游水，但係好凍，又落雨
阿歡又叫我唔好鬼去，咁咪唔去囉
經過見商務，入去睇下有冇『濃情朱古力』先
結果係冇既，唔通我要入元朗買！

下午幫阿maggie寫信，想到頭都大埋

我發覺原來我都幾鬼多朋友，有中五舊同學，有中七
有而家既同學，有教會，有同事，有師弟妹！
不過我覺得最friend的，都是卓生！
佢在我心中，就好似永遠都冇人可以代替到他的地位！

今日打俾黃美玉，其實我都係八卦幫人問下
睇下有冇帖有冇得去join佢去飲！
之後打返俾佢地，傾左陣！
發覺小白已經不在是從前的小白了

今晚同大佬基佢地睇左蜘蛛俠，真係一流
極品中既極品！
英雄救美，女主角唔結婚去揾返蜘蛛俠
真係正！我都想做男主角‧‧‧
周圍飛！
又可以英雄救美

睇完同大飛，大佬基，曾健去扒王之王食！
鬼死咁貴，又小野食喎！
不過都係志在試下，同佢地吹下水，都幾好呀！

呀‧‧‧‧‧‧
我好想睇多次蜘蛛俠呀！
太過一流了！

>>July 5, 2004 at 1:12:05 AM GMT+8

2004 年 7 月 3 日 星期六 【晴】

昨晚阿歡深夜打來！冇乜點理佢
因為我訓緊，之後我想打返俾佢講生日快樂
就已經唔通了！
之後仲有兩個電話，我一直等！
不過講左幾句就冇講野了！

今朝差點過左阿can返工既標準時間！
要跑返公司！

今日全日都係咁做澳門package
做到每隔幾分鐘就打去酒店部攞房
五分鐘可以做完個booking
真係你估唔到咁多人，做極都有客
係咁做，我終於明白點解eric咁辛苦
有時d客又衰，真係要忍住度氣，唔鬼鬧佢
平心靜氣咁同佢講！扮到好似好有禮貌咁
但係又要串佢，我竟然學成咁

阿歡生日，佢請我食，佢對我真係好呀
其實我知佢好開心，我見到佢開心我都開心
不過最衰我好冇精神，我已經盡量做到可以好一點
但係之後都頂唔順，真係好唔夠精神

沁見到本書，佢好似好鍾意！
我見到隻錶，我好鍾意！
我提議打機，佢地唔鍾意！

見到好多中五舊同學，唔係好識
最識果d咪小白，沁，歡，jackie‧‧‧都冇了
我都試下講下野，不過真係冇乜咁既心情

歡問我開唔開心
我當然開心啦，其實我同佢都算係好friend
我成鬼日無無聊聊打俾佢既
佢又講秘密俾我聽喎，咁仲唔friend！
呵呵
呢幾日小白icq都同我傾過下偈
佢從來都未同過我講野，係呢個星期
佢突然hi 我！

>>July 4, 2004 at 1:57:19 AM GMT+8

2004 年 7 月 2 日 星期五 【晴】

九點鐘未到返到公司！因為驚俾阿can罵
連清潔阿嬸都未返到！

今日係咁做澳門！做到我都唔想做
d客多要求

下午，有個昨天來過的麻煩師奶又來煩住哂
我都唔想理佢，我有d覺得佢來係玩野！

今朝emily同我講左d野，不過我唔會講俾人聽
因為我唔係d咁八既人，唔會亂咁講人野

之後今日都冇乜野，maggie個阿媽來到唔知做咩
同埋今日有個新同事
同佢傾左幾句！佢就係咁笑！
唔知佢笑乜！！！

今日ot左成9個字，因為臨走有個客要book酒店
佢又係咁問野

呢個星期剪頭髮先，今日大佬基打來叫我睇『spider man』
但係冇錢，去唔去好呢

個補習細路打來，同我講，佢數學速算92分
真係估佢唔到，佢一開始未同佢補時
d成績係拉車邊，而家‧‧‧我幫左佢之後
佢有咁既分數，我都幾開心！
佢聽日生日，我問佢要咩禮物，因為我實在太開心了！
個死仔話要高逹！我以為佢獅子開大口
原來係廿幾蚊既高逹！好彩！
我仲話借漫畫俾佢！不過叫佢要keep住呢d成績

>>July 2, 2004 at 10:21:12 PM GMT+8

2004 年 7 月 1 日 星期四 【晴】

幾乎遲到的一天！
一返到去，唔洗十秒，即俾人話
『你下次起碼要早十分鐘返到呀吓！』

今日係咁幫人報『曼谷、芭堤雅』！
係今日報得最多東南亞果個
可以說，我又學熟左一樣野了
一係唔來，一來就係咁報，又上左手了

下午有班麻煩既師奶！其實我同佢地講得好鬼清楚
係條友係都唔知佢自己想點
講完話可以點點點，佢又唔鬼聽
又要問多幾百萬次，佢d friend個個都明
係佢唔明，搞到阿can出來問我咩事
基本上係個客既問題，阿can又話我
大佬呀！佢係咁多野問，係要我重複又重複我都吹佢唔漲架嘛
真係你唔煩我都煩呀
又要點點點，多多要求，真係幾乎鬧鬼佢呀

之後都冇乜野，只是有小小感到開心
因為我覺得我而家都可以應付到唔同既客！

下午自己一個在公司食飯，因為maggie約左人
出去同阿杜玉燕傾左陣
佢今晚本來同我食的，個衰女包又話唔得閒
一早約左佢，真可惡！

>>July 1, 2004 at 8:44:06 PM GMT+8

2004 年 7 月 1 日 星期四 【晴】

今天同阿老餅阿翹食飯，過了十字頭
難免會俾人串
記得我到廿歲時，都係咁俾人叫老餅
好彩我本身青春到爆，呵呵呵

一大朝早有個麻煩友，係咁book唔同酒店
又要唔同日子，船飛又係咁轉！
搞左我兩個鐘！

今日maggie終於返了
總共唔見左八天！

晚人同同事踢波
阿宗好搞笑！
不過原來佢地都唔係好勁！
下次可以踢好小小！

>>July 1, 2004 at 12:43:07 AM GMT+8

2004 年 6 月 29 日 星期二 【晴】

士多啤梨啤梨蘋果橙
蘋果橙士多啤梨點樣揀

揀下d士多啤梨有冇爛
揀人！我真係唔識攔

emily請我食飯，不過我呢兩日係咁俾人用煙攻
好辛苦

今日七點時好忙，百忙中都打個電話俾人
話俾佢聽返咩間
因為很之前答應過人要話返個間俾佢聽
if佢出團or放假！

阿宗昨天生日，佢地今晚唱k
唔關我事，因為karmen約左我打籃球
打左陣，就走了！
今次多左好多佢既friend
好多都女仔，真係唔識！
不過幾好玩！thank you karmen
得閒打下波，冇咁頓！

返到來十一點幾先食飯！

>>June 30, 2004 at 12:45:43 AM GMT+8

2004 年 6 月 28 日 星期一 【晴】

今晚夜晚十二點時，同阿翹講左生日快樂！
祝佢一世都咁開心！冇咁易做喊包，仲有揾到份好工
佢呢個生日，我係第一個同佢講生日快樂！
估都估唔到！
呵呵呵呵！

聽日佢唔知去邊呢！

聽日‧‧‧聽日，有人仲會放假！
放到後日先返工！好耐冇見了‧‧‧
想了很久，打好嗎？？？
買小說，出街‧‧‧
唔知點咁！

唔知點咁！
聽日lala去雲南！唉！其實都唔係好想佢出團
佢對我都好好！
成日都好照顧我，又同我咁鬼friend

friend‧‧ ‧
今日karmen輸左比賽，有d唔開心
唔知佢點呢！希望佢冇事啦！
呵呵呵呵！

唔知其它同學做成點呢！

黃美玉十五號結婚！我已經想好著什麼衫了
不過要俾人情就貴左d！
唔緊要啦！一世人第一次，俾咪俾囉
佢同我以前都幾friend既！不過而家就‧‧‧

星期日唔知有冇得返美麗華呢
我細佬話帶我入去！

今日收到個好消息！補習個阿媽叫我暑假都照補
其實我補成點，好唔好？我自己都唔係好清楚
不過可以肯定，佢收貨！
如果唔係暑假邊有得補！

>>June 29, 2004 at 12:34:54 AM GMT+8

2004 年 6 月 27 日 星期日 【晴】

阿can放假完畢，受難的日子又來臨了！
不過佢今日對我都冇乜野

聽lala講，我做錯大獲野，其實我覺得冇乜所謂既
d客冇咁衰掛，阿can仲未知
聽說她昨天雷霆大發！好彩我唔洗返！

今日風平浪靜，不過食左好多野！
食左好多佢地响星馬，泰國‧‧‧既野食
如果係咁做，我諗我會食肥左！
呵呵呵呵

幫maggie睇間表時！發覺佢聽日係放假
放假，係放假！放假‧‧‧

>>June 27, 2004 at 10:25:54 PM GMT+8

2004 年 6 月 27 日 星期日 【晴】

以為冇左airline，有酒店做下
點鬼知‧‧‧
唉！其實我都己經上到去換埋衫
準備做野的了！
天意弄人！
個個望住我換好衫，又換返衫走人
他們的目光是難以接受的
我想我細佬都感到不太好意思

之後咪同曾健在尖咀睇戲囉！
佢來之前，自己一個去左打機
為了發洩不滿之情緒！呵呵呵呵
打完機，發覺好似用哂d錢！哈哈哈
冇得食野添！用哂錢去打機同買戲飛

成晚都餓住睇戲！

成套戲我都用左好好笑的態度來看！
因為d英雄主義實在太好笑了
首先係殺主角殺唔成，仲俾主角搞點左
之後d人仲要被插穿肚之後，死唔去
仲要殺返人！
真係笑到我停唔到口！

睇完之後，仲要跑返紅磡趕尾班車
好彩趕到最後一班！遲d都死呀

今日應該回程了！唔知幾點機呢
有想我嗎？呵呵呵呵！
要講返聽日返A定C
我想他一定好攰了！

>>June 27, 2004 at 10:33:01 AM GMT+8