2004 年 10 月 10 日 星期日 【晴】

同樣地，只有信心，沒有行為,，都係死！

今日林啓俊又返沙田！
原來同 佢都幾岩傾

咁岩今日阿peter我同佢一齊食飯
因為我地電話同台，所以好無聊地咁玩個遊戲
就係食飯時唔可以講野，只可以send message
如果唔係罰十蚊，結果係食左半餐飯我地都一句聲都無出！
但係三個人狂底頭send message囉！勁搞笑！

之後返公司做野時勁搞笑囉！
有個人問︰『泰國係咪做兩天呀！』
笑到我同林啓俊收唔到聲！
佢驚訝地問個客︰『泰國做兩天？！！你邊度睇到呀！！』
其實果個團係住堔圳大梅沙『芭提雅』酒店！
個客以為去泰國兩天！

我同林啓俊講︰『兩日過泰國玩咩呀！頭尾搭飛機，中間住下酒店咁呀！哈哈！』
之後我仲補充︰『咁如果夜機去，早機返咁點呀！自在過下泰國咁呀！哈哈！』
笑到佢收唔到聲，仲要响個客面前咁講！
我都唔想，但係真係好難

放工去打波，今次比上次投入！


原來止痛是為練習無痛 哭到斷氣說不通

如像缺氧我負擔不起！

唉！好擔心我細佬！佢病左！
小病是福這句是正確的，佢病左我要照顧佢
比平日見面，更加親密，更加關心！
神通常响人有困難的時候會幫助到你
呢句都係！

阿媽聽日去旅行，我要照顧佢！

原來今日係我打了日記一年零一個月的大日子！

果次開始打日記，係因為我細佬叫我打
咁岩我又唔開心，我記得果日係差不多中秋！
我老豆攞月餅俾我…
今年…佢冇俾我地…
一年！咁又一年！上年又係响沙田做野！
今年做既工好左d，但係人工差左好多

我今年要正經讀書了！
我要入迪士尼做！我要學好英文
補自己不足！


曾死心不息　為著掛念某君任痛苦蔓延


昨天將一張相放左响廳！
呢個位係一個一出廳就見到既位！
响書台！係我經常都“部”响度的地方！

所以係日日都見到！
都唔知點解，忘記唔到
有時唔係唔响度，就會令我會忘記到




這種感覺…

>>October 10, 2004 at 11:53:04 PM GMT+8

2004 年 10 月 9 日 星期六 【晴】

沒有信心，只有行為
就等於死，豬曉歡！

原來你有心　但是我想問

我只是提醒
因為我唔可以眼裡面有樑木
睇到人地，但係睇唔到自己既問題！

今日就係被神提醒左！

我道行都低估了你　我以為　撐得起

好眼訓呀今日，就死就死咁
但係已經訓左十二個鐘！
可能平日做野時間太長，搞到自己咁鬼攰

食飯啫！洗唔洗咁快off呀！
真係就當愛錯了你，就當放生你！


求你別要　如從前　純熟地碰我

>>October 10, 2004 at 12:42:14 AM GMT+8

2004 年 10 月 9 日 星期六 【晴】

突然間記返起
卓生返來的時候
有一日同佢行上水
有端端見到肥彬
其實我對於肥彬不能約見卓生而有小小唔開心
但係我相信係因為神明白我
所以俾佢地見到面！

>>October 9, 2004 at 1:52:47 PM GMT+8

2004 年 10 月 8 日 星期五 【晴】

點解人係自私，點解人會貪新鮮
最主要係因為人不斷追求永恆呢一樣野

你地始終會有一天會厭棄我！

因為新鮮感已過‧‧‧

永恆的只有一樣！但係好多人都遺忙左
又或者是‧‧‧完全沒有理會

我每天做同一樣野，即使你唔覺悶
我都會覺，一個人對令一個人沒有興趣時
就會找尋另外一些人
如此類推‧永遠咁循環

但係我唔會，除非你選擇唔理會我！
因為咁對我，我會好同你溝通

廢話，不用理會以上的說話


今日又係忙到爆，都唔知點解，而家同旺季無乜分別！

夜晚要幫人補習，個死仔包，點解可以有人咁鬼懶

下午同彼得、肥安去食飯
去左睇下有咩戲睇
有d想睇添！果套biohazard


而家我細佬打緊機！聽日我放假
佢呢兩日病緊，因為冇kam被

你地都要小心身體，不過自己都好似唔係咁好！


‧‧‧放生。。。
你

>>October 9, 2004 at 12:33:05 AM GMT+8

2004 年 10 月 7 日 星期四 【晴】

做隻貓做隻狗不做情人
做隻寵物至小可愛迷人

亂打！

唉！真係！唔該要個快餐呀！

又比世界既野迷惑！

今日報左好多中國長綫！
什麼雲南、四川、華東‧‧‧講都講到熟！
人地以為我去過添
你地試想想，我自己都未去過，但係知道哂天氣、坐車坐幾耐、去到邊有咩境睇
海拔幾高！
昆明、大理、麗江、中甸、石林、九鄉‧講到自己都想去

四川點解而家咁多人去！因為而家既境係四季中最靚
又紅又緑，天氣又岩！而家過去十幾度
唔會太凍！
華東7天過邊！南京、蘇州、杭州、無錫、上海

而家就連新疆我都可以講到d俾你地聽！



真係！本應打九九九可以求助
無奈你不是像持刀傷害我


今天幫阿陳生魚補習！
我高估左佢！但係照道理繼續咁既話
佢應該會學到好多野！如果佢照住做的話！

都唔知點解，今日咁鬼多人來報團
仲要成萬成萬上落，已經不是千千聲了！
Eric、maggie佢地都係係咁報
試過同一時間我地三個都幫人報雲南
個團即刻full左！真係手快有，手慢無！
本來仲有成大概十個位
咁就無左！


我最多把軀殼， 暫時就當不屬我！

>>October 7, 2004 at 11:31:25 PM GMT+8

2004 年 10 月 6 日 星期三 【晴】

突然唔係好想打日記！
反而鍾意留言俾人！

今日第一次同一個女仔打招呼！
一個對左佢成五個月都冇同佢打招呼的永安女仔打招呼
其實我地幾乎返工日日都見到
但係一直都冇乜點理過佢
今日同佢打招呼係因為咁岩放工望住佢
佢又望住我！
即時面都紅埋，都唔知點解，好彩即時走左
點解我會有時咁怕醜‧‧‧

今天同歡歡食飯，佢來左沙田同我食！
見到權權！佢冇同我打招呼！我只好主動！



唉！真係做隻貓做隻狗不做情人！


上唔知幾個星期，响two percent睇褲！
見到一個小學同學仔！佢認得我！
我唔認得佢！佢講埋叫咩名我都唔知！
因為佢係隔離班‧‧‧
點睇都認唔出，佢係我小學同學咩？？？

now you are gone
now you are gone
the day, you~~ slipped away

be strong be strong now,
too many too many problems
don't you know where she belongs
where she belongs
she wants to go home
nobodys home

to dry her eyes, broken inside

you have been rejected

聽日要幫一個大過我既人補習！
今晚要準備！

>>October 6, 2004 at 9:15:40 PM GMT+8

2004 年 10 月 4 日 星期一 【晴】

今天晚上，點解會有得用電腦呢！
秘密！

這段日子真係慘，連電腦都冇得用！
想send個message俾阿hody都唔得
想聽下歌仔都唔得！
想唔打俾人都唔得！

呢排响屋企的時候好鬼得閒
睇聖經的時間多左！

西莉亞，有咩咪留個大言俾我囉！

前幾天買左本聖經，實在太好了
終於買左本岩自己的了
之前那些，一係太細，一係太重，一係簡體字
真係响車到睇好難集中精神！

今次打住咁多
下次講過！

>>October 4, 2004 at 11:59:44 PM GMT+8

2004 年 10 月 2 日 星期六 【晴】

前幾天

睇人洗禮
個日又學到d 野

>>October 2, 2004 at 1:29:12 PM GMT+8

2004 年 9 月 24 日 星期五 【晴】

我發覺得原來係一個雜工，有咩野就做咩野。

今日係會展做咕喱，之前仲要返完工先至再返工！

>>September 24, 2004 at 12:46:14 AM GMT+8

2004 年 9 月 21 日 星期二 【晴】

終於有得打日記了！
好耐未試過唔洗人地幫我打了！

上星期卓生回來，其實我一早知
曾健又唔知我知，只是我一直都扮唔知
因為我害怕見一個咁耐冇見既人

之後果晚佢打來，我想佢想我會好驚奇！
但係我好平靜
因為我一早估到係佢‧‧‧同埋我好眼訓！

之後第日就約左佢食飯！

是次活動是臨時進行！沒call你的，敬請原諒！

強強第一次來我家，
都係小有地‧最好的朋友一齊上我家
不錯不錯！

第二日夜晚，去左大佬基屋企燒野食！
第日差點遲到！因為佢地通頂！嘈住哂
而我就一早訓左！
六點幾起左身，俾『小城大事』呢首歌嘈醒
呢首歌我永遠都記住！
如果唔係佢，我唔會咁易俾呢首歌嘈醒！
呢一次同卓生分開，以為係今次佢返來最後一次見佢！
點知唔係！

十六號晚上，望住個天，又係呢個景象
第三次响呢度咁坐了！

昨天晚上，卓生又走了！今次他回來，就好似昨天一樣！
好似冇見一日咁，因為佢都係咁，性格一d都冇變！

只有小小傷感！

呢排公司好多人走！阿can好似好傷腦筋
所以今日同佢講！『阿can呀！其實我十月三日之後仲可以做多兩個星期』
幫下佢手，如果唔係佢都唔知點！得返幾個舊人！
真慘！

昨天同eric食飯！同佢傾下公司既野！
我覺得公司有d人好懶散，態度真係差到一流！
好想投訴！一係做死人，一係冇野做！

今次係咁多！下次唔知幾時再打！
部電腦壞左底板，大近視！

大佬基講笑咁話返教會，等我捉佢返先！

呀！好耐有人留言俾我了！
你地做乜樹！搞到我人氣咁低！

>>September 21, 2004 at 10:27:37 PM GMT+8