2004 年 10 月 19 日 星期二 【晴】

離開這一刻感覺不會忘記！

今日最後一天返油蔴地，走的一刻很傷心！

有機會出團，應該係珠海兩天

有點擔心！

>>October 19, 2004 at 8:46:31 PM GMT+8

2004 年 10 月 19 日 星期二 【晴】

今日係最後第二日返油蔴地旅遊
講真唔捨得就一定有的！

佢地夜晚請左我去沙田麗都打邊爐！
食左好鬼多野！
佢地都係一雙一對咁去，有相為証，呵呵
不過我無謂！
請我的有肥安、eric、彼得和他們的愛人
我會想他們雖有情人，但我有神與我同在！
我比他們更幸福

一返工，都係一如以往，做到停唔到手！
更慘的是–只得我同肥安响度撐
因為得我同佢返早！

>>October 19, 2004 at 1:24:55 AM GMT+8

2004 年 10 月 17 日 星期日 【晴】

今晚同大佬基食飯！食飯之前，揾左阿永安小姐影相！
因為我後日就走，唔可以日日對住佢了！
同佢影相時有點兒緊張，成個人都『慶』哂！

佢聽日出團，出山東青島團！
臨走先知佢叫咩名，不過，我已經唔係好記得佢個名了！

晚上大佬基打俾我，佢講d乜，唔記得左了！
但係我約左佢食飯，去左維園，沙田維園
同佢傾下偈，佢又上左我公司睇下有咩團

今日天國的階梯，男主角誠俊哥說
『有時，做朋友，比起做情人更加好！』
真搞笑！
但係佢又要錫人囉！
多鬼餘！法國大餐…

今日買左相機
用自己錢買咁貴既野，感覺很不錯！

>>October 17, 2004 at 10:34:21 PM GMT+8

2004 年 10 月 16 日 星期六 【晴】

歡歡…你做乜鬼野成日亂講野呀

今天整天都工作！
朝早返九點半鐘…
點半鐘收工…攞完電腦
又去返第二份工…叫做香薰園！
環境係一流！可以燒野食！我第一件事想到…

荔枝…

別再做情人，做隻貓做隻狗不做情人…

但係呢份工可以說是雜工，賣野、執貨、介紹植物、
執垃圾、清場！有一餐包，包回程車…

點解…我可以有咁多機會返唔同既工
呢份幾乎做埋農夫，之前會展又有得做收場
又有兩份補習，而家油蔴地雖然就做完
但係都算做緊！

但係我覺得我好辛苦，正常一個學生點解會有咁多工返呢！
但同時間，我又會願意返工
otherwise，我會連飯都冇得開
體力勞動我其實冇乜所謂，但係精神上的折磨真係…
叫人頂唔順！
是做野的時間太長！

點解我可以對一d野咁耐都放唔底！
我是那麼執著嗎？
還是這只是假象

點解我講既，我自己都唔明！


你覺得我會唔明嗎？

我覺得我會有衝動買機票
揾我好想揾既野！

>>October 17, 2004 at 12:42:18 AM GMT+8

2004 年 10 月 15 日 星期五 【晴】

愈是望你 愈難自欺 看著你使我未能自己
我是全不得已
便寧願刻意逃避 免得胡思想你

別再做情人　做隻貓做隻狗　不做情人
做隻寵物至少可愛迷人
和你不瞅不睬　最終只會成為敵人
淪為舊朋友　是否又稱心
沒有心　只像閒人
若有空　難道有空可接吻
註定似過路人陌生　你怎麼手震

昨晚睇第五元素…睇到唔夠十五分鐘
訓左…
冇較鬧鐘，今日遲到！

一返到公司，做到冇停手
係沒有停過，而家係日日冇停！
係做到頭都暈埋…

今日俾人講中左d野！講中我的想法…

有時候，你响度會睇穿我

只是我不確定

因為我唔可以咁快做決定…
走得快


唔想有錯覺…

同你細個一樣，唔講野係因為驚受傷害



今日仲要俾客鬧

放在當眼處的，真係會日日都會記起！
就好似真係响隔離咁

>>October 15, 2004 at 11:32:54 PM GMT+8

2004 年 10 月 14 日 星期四 【晴】

今日做左兩個鬼妹客，德國來的！
幫佢買左個package，一套船票！
成功咁講哂平時用中文要講既野！

估唔到你細過都係同我咁！
怪唔之得，性格都係同我咁啦

candy今日打來！問我去唔去海洋公園！
都可以既~不過廿二號！

整好部電腦了！二百蚊！

每天書台望住， 唔想唔得，想到頭都發大左幾倍


我發覺d人都變態架！來報團
呢樣野話貴，個樣野又話冇，咁唔開心來報團
咁樣計住條數，你去旅行邊會開心！
咁平既時候，當然會有d野冇安排得咁好
如果樣樣都好既時候，都唔會係呢d價啦！

有d人來報團，又係一來到唔開心
下下都用批判既思考去諗人，係咁批評人
你去旅行都冇意思啦！
都唔開心既！

遲d呢分工唔做，咁岩又有一分新既工
只返星期六日
正！

>>October 14, 2004 at 10:10:11 PM GMT+8

2004 年 10 月 13 日 星期三 【晴】

今天阿的和jose返沙田！
第一次同阿的拍，第二次同jose拍！
感覺怪怪的！不過兩個都無乜點！


別再做情人，做隻貓做隻狗不做情人…


昨天影左張相，張相响台面！
今日突登帶埋相機返公司睇


我有個同學叫george
咁上年仲返緊學既時候，佢已經同我地講佢做緊『臨時演員』
仲講左套戲名俾我地聽！
叫做『分爭奪秒』！
上次睇電視，好似見到佢淋阿方中信部車！
笑到我呢！仲要著黑衫黑褲！扮哂黑社會咁！
超搞笑！最搞笑係我見到佢好似俾d油淋返，哈哈…

我發覺我做得好的話，d客會揾返我！
好似呢幾日，有兩個客揾返我轉頭，兩個都成四、五十歲！
估唔到會揾我呢個咁後生既！
我同佢地講，我都唔係正職！我係學生喳！
佢地都唔係好信，可能係我做到同一個普通一個响入面做既人無乜分別
佢地都以為我到過那些地方！

今日去厠所時見到永安小姐，佢終於開口同我講野！

昨晚睇『心計』，真係奸得很！

>>October 14, 2004 at 1:05:46 AM GMT+8

2004 年 10 月 13 日 星期三 【晴】

不要再用“掛住”這個字…
給人無窮的誤會…………………

>>October 13, 2004 at 7:32:14 PM GMT+8

2004 年 10 月 12 日 星期二 【晴】

我發覺，我可以同一d之前唔係咁喜歡的人相處！

今日同阿翹食飯，佢過來沙田！
朋友中，相信只有佢刻意走來沙田同我食野
仲要住响牛頭角！

今日公司全女班，除左我一個
真悲哀…

食飯時同阿翹去睇相機，好鬼底！
好想買添…

我會影低台面的一幅相！

>>October 12, 2004 at 9:51:14 PM GMT+8

2004 年 10 月 12 日 星期二 【晴】

其實…有時你既語氣、你既說話
會令我很難堪！我會覺得是自己講錯野
其實我都唔知點回應你好
所以我都係盡量唔講野好了！



其實點解我講野比人地慢
係因為我細個講野講錯野的話
就會比阿爸阿媽打
細個時，佢地對我兩兄弟好嚴
唔係好敢講野，有時候好想好快咁駁咀的時候
就會一巴星過來！
又或者講錯小小野就會『啤』住我
所以我唔多講野
你問我野可能比唔到即時反應
係因為我唔想答！其實我心裡係已經知我想講乜！

所以溝通唔到的時候，我寧可唔同你講野
因為我驚後果
如果我講野會得罪人，我寧願唔出聲！

這樣， 我會慢慢遠離你，我好驚
驚唔識點同人相處
有時會覺得，我消失左， 咁大家咪唔洗再煩
我會自動退出
响我字典裡，或者你仲响度，但係已經冇左解釋
就好似周寶文咁，我會記得這個人
但係我不會再想她…

強哥！其實你排球既理論已經好清楚
但係…技術就…


今日唔開心…
我阿媽唔俾我買琴
我真的很想買，真是很難得有人放個琴出來買
仲要四千蚊咁平…
我是認真學的…機會咁就錯失左！
一去不返…


流行榜，我總可以上一上
流行曲，你喜歡便唱一唱
你當我係咩呀…


昨晚睡得不好，唔係你話SLEEP WELL就SLEEP WELL架…
點解你可以咁小時間訓！
小心整壞身子！！！


以上的都是廢話！
只是想起，隨口講下自己的感受…


都係果句…做隻貓做隻狗…
只是不做情人…

『只能談情，不能說愛』
形容得貼切得很…


不要再煩我…唔好再理我…
咩都唔想理…咩都唔好搞…
咩都唔好做…最好

廢話…你好白痴呀！麥尚仁！
無野揾野搞…你咩都唔好諗得唔得呀
你唔好成日亂諗野啦

>>October 12, 2004 at 2:32:15 AM GMT+8