2004 年 8 月 19 日 星期四 【晴】

今天出了團，大件事！
唉！新銀包！冇相的銀包
等緊人地俾相我

今天同阿宗食飯，同佢傾左d前途既問題
原來佢都可以好正經咁傾偈！
好似同佢加深了認識咁

今朝打俾paco，叫佢起身出團，真眼訓
五點未夠！今朝講的東西不是亂講的

阿歡勁爆唔開心！昨晚深夜打俾我！
睇佢日記知道佢呢排好多好多野煩
不過我阿媽鬧鬼我，好咁夜講電話

朝早起身打算撞一撞佢，不過走左了！
只見到剛送完團的‧‧‧‧‧‧sandy
無奈地‧‧‧

今日補左個半鐘習，因為星期五晚唔得閒！

>>August 19, 2004 at 12:48:27 AM GMT+8

2004 年 8 月 17 日 星期二 【晴】

今日周寶文起遲左身
好彩我六點幾打俾佢叫佢起身
如果唔係連送都送唔到團！

而家短綫轉哂做粉嶺上車，以後可以返工前望一望佢地！

其實我都只係望一個人！

今日好變態囉！幾乎每個人來到都係幫我報團
只係做左份pp，係咁報，報到放工仲係咁報
搞到我今日冇得幫人補習，仲要開冇錢既ot
真衰！

開ot的時候，突然彩虹出現了！
我指係彩虹團契的人來到，沁突然來到我面前
我正狼狽緊！
今日做到好攰，
下午同阿安食飯，問佢野佢又唔肯講！

本來以為有人陪我食飯，但係佢地有要事相討
幻滅！

星期五有野做！緊記！

歡、沁！你地咁講咩意思呀！
哼！

>>August 17, 2004 at 9:35:14 PM GMT+8

2004 年 8 月 16 日 星期一 【晴】

今朝hody cheung 一早send左個message來
呵呵！真好！原來佢做功課做到好夜
訓得果兩個鐘，其實佢真係都幾慘！
做野做到好辛苦的時候都冇乜人同佢傾偈
好似好孤獨咁！原來澳洲讀書咁辛苦！
你有咩唔開心send message俾我啦，hody

之後send返俾佢！唔知佢收唔收到呢！

今日又俾女仔聊，搞到我又面都幾乎紅埋！
事情係咁既
咁佢地兩個女仔排緊隊
我又咁岩叫下一位，到佢地喇喎！
之後我一叫佢地來，佢地勁開心喎
係人都知佢想我接佢咁喎！
之後問埋d野又唔係真係問野喎！
又話我靚仔喎！搞到我面都紅埋
一路好怕醜咁笑，仲要底住頭笑，一路講行程，其實我都唔知我講乜！
我發覺我俾女仔聊真係好唔知點，好鬼怕醜

今晚到放工仲排長龍，真慘，做野得三個人
單又出得慢，d客又煩！

emily等埋我收工先，同我一齊搭火車返屋企
通常來說，每次搭火車都只有佢講冇我講！

今日對我來說都幾重要，因為我自己同神決志左
有時有d野，講真，做表面既野真係冇乜用！

jackie，你咁打，我唔係好明咩意思喎！
你真的喜歡我嗎？呵呵呵呵！
頭都大埋！

下午同阿歡傾左陣，佢真苦惱！

>>August 16, 2004 at 11:15:39 PM GMT+8

2004 年 8 月 16 日 星期一 【晴】

每一個星期日都忙到爆！
只係返教會都兩個鐘
咁我訓覺又成日訓到十點幾
通常都食埋飯都一點幾返得教會了！
今日仲要執屋

今天講，要同神的心要合一
齋做而唔心神合一都係無用，頭都大埋！

不過我會嘗試

今朝歡歡打來唔知做乜，神神怪怪咁！

返完教會，去左學琴，今日第一次學琴！
都ok既，學得明既，呵呵！我咁勁！
但係俾個小朋友教返我轉頭，有點不習慣
不過算啦！佢收我收得好平
平得有點過份，有點不好意思！哈哈

今晚對我都幾重要！本來有得燒野食

學完琴去打觀塘！揾阿勇
之後問下佢有咩車去沙田，約左周寶雯
同佢去打Deli france食野，傾左都幾多野！
之後左打機！

本來買銀包，但係好多鋪頭都收左鋪！

唔知佢‧‧‧覺得點呢！

返到屋企，睇GOOD LUCK！大結局
我覺得超好睇！唔知有冇機會做機師呢！
呵呵呵呵﹙死屍就有！唉！﹚
其實我同木村個樣都有幾分似架
大家都有兩層眼袋，哈哈哈哈！
等我又買副機師眼鏡先，呵呵！

>>August 16, 2004 at 1:28:48 AM GMT+8

2004 年 8 月 15 日 星期日 【晴】

今天去攞智能身分証，其實都影得唔係咁好
起身時間︰八點
目的地︰牛頭角
人物︰自己﹙本來約埋人﹚
攞完之後，人物仲未訓醒覺！
揾左另一人物！阿勇！去左美麗華旅遊﹙觀塘﹚
其實目的都係等第一位人物出現！

之後第一目標人物終於來電，等到佢來
見一見，走了！要返工！

今日第二目標人物‧阿勇，係一個智勇不相全的人
都一排無見過佢了，同佢傾左下偈，坐左响美麗華一陣

今日見到觀塘間油蔴地細到難以形容！
但係入面其中一個人真係一流得難以形容！

返到公司！
時間︰十一點二十五分
人物︰eric,lala,wendy,peter,can,安,我
地點︰公司﹙但係個心飛左去第二間公司﹚
其實都無乜野，係心不在焉啫！成日都係咁
無辨法！

但係今日問阿can我呢排做成點
佢話『而家已經慢慢開始將我d優點發揮到出來』
看來不錯！

今日收九點，而家已經到左水尾了！

前兩天買左avril lavigne既碟！幾好聽
有首歌叫my happy ending
幾好聽，不過你地唔知岩唔岩聽！

今晚問左eric一d意見！好搞笑囉！

>>August 15, 2004 at 1:02:39 AM GMT+8

2004 年 8 月 13 日 星期五 【晴】

今日paco返來
阿can放假，所以响公司好輕鬆

想、想、想、想、想、想、想死我了！

>>August 13, 2004 at 10:38:56 PM GMT+8

2004 年 8 月 12 日 星期四 【晴】

昨晚真係好唔開心，讀書好，定做野好
真係頭都大埋，因為今日係最後一天交學費
唔交唔洗讀，交左就要讀
我阿媽係都要我讀
好煩，我夜晚自己一個落左街清靜一下

突然覺得沁可以幫到我
之後揾佢傾下，其實佢真係幫我唔小
真係多謝佢！又打俾lala問佢意見，佢都好幫到我
我同沁都講左好耐，不過佢好眼訓
我唔忍心，走先！
我知佢呢排唔開心，不過佢自有自己的方法
問佢，只是多餘！

今天見工，去見我細佬做果間公司
其實學係學到好多野，但係人工真係低到爆！
5000蚊！

但係我已經決定左我既路了！

今日因為見工遲到了！但係阿can冇鬧我
真係百思不得其解！

下午去左交學費，這是我的決定！

多謝你們關心

仲有，我都唔知點解，遲到唔俾阿can嬲
仲話遲d幫我問我有冇得出團！
我係咪真係咁底幫呢！點解？？我都想知點解佢對我咁好！
奇怪？

阿安今日俾左本好細本既新約我！
真感激！
而家我可以周街睇聖經了！

夜晚同wendy食飯，佢同我講左好多佢既煩惱
我明白她，佢‧‧‧佢真係可悲呀！

>>August 13, 2004 at 10:40:12 PM GMT+8

2004 年 8 月 11 日 星期三 【晴】

當你見到天上星星！可會想起我




明天便是決定我人生路向的關鍵時刻




這一刻，mp3咁岩播緊『上帝聽禱告』
祂正教我如何是好

>>August 11, 2004 at 9:42:58 PM GMT+8

2004 年 8 月 11 日 星期三 【晴】

今日冇野寫
只是放七點半，返多一個鐘！
因為要補返上次早左一個鐘走！

我阿媽叫我讀書，我彩佢都傻！

聽朝去見工！
今晚早d訓！

>>August 11, 2004 at 9:11:24 PM GMT+8

2004 年 8 月 10 日 星期二 【晴】

今日係jupus放榜的日子，不過唔關我事
我細佬又唔得了，第一個問佢！
佢要等睇下有冇後補

之後打俾阿yen，佢入左poly
打俾強，入左city，surveying
打俾曾健，返緊工，冇聽到電話！

其實都唔關我事，我係想關心一下佢地！

winning8出左一段日子了，但係都未買到
我想打呀，個咕嚕強成鬼日扮哂好心咁
講到自己天咁高，但係又唔燒俾人，我嬲你，哼！
呵呵呵呵！

paco出團兩天了，唔知佢會唔會買野送俾我呢！
呵呵呵呵

夜晚同個小朋友補習，今日好似有d呃呃地錢咁
教左佢d野佢又唔用心去學
就好似冇教過咁！
今次終於送左野俾佢，但係條死仔好似好唔滿意咁
真可惡！

夜晚wendy打來，傾下d無聊野！
而家我叫佢做wen wen，我覺得咁樣好聽d
又親切d、得意d

>>August 10, 2004 at 10:48:59 PM GMT+8