2004 年 8 月 9 日 星期一 【晴】

今日訓到十一點廿五分，但係十一點四十五分要返到公司
即係話我將會遲到！

之後，阿can都係奇蹟地冇鬧我！

今日paco出團，曼谷五天！五天‧‧‧五天、五天，五天。

唔知你地可唔可以用倉頡打以上既標點呢！

今天同lala 食飯，唔知點解，我成日同佢食！
佢成日食唔哂就會俾我食！

點解佢會對我咁好！

食完飯胃痛，好痛，痛到做唔到野！
不過我都照做！

三點半飛左了！

返工果時見到牧師同師母，想起paco的對話！
搞笑到爆，佢真係一d都唔知咩來！

寄左信俾卓生，但係佢未回信，咁又係既
我都咁鬼耐冇寄俾佢，佢遲d寄都係正常既！

你知唔知我好多野想同你講呀！

今天lala 幫我問左人事部，睇下可唔可以轉長工！

如果情況容許，我都想讀書
你明唔明‧‧‧

幻得幻失的感覺到底是怎麼一回事！

今日做左個客，一個客做左七千幾蚊生意！

我想去法國，有錢的話我一定會去

6668368188

>>August 9, 2004 at 11:13:11 PM GMT+8

2004 年 8 月 8 日 星期日 【晴】

都一排冇同阿媽飲茶了！
今朝早陪佢！同佢傾下偈咁
同佢傾下老豆，傾下前途！

之後下什約左paco，佢緊我返教會
真係好，其實我好想多d我既friend同我一齊認識主
不過佢地大多數都唔肯！真是失望！
第一次帶人返教會，有小小覺得自己開始可以將活水帶俾人
其實我覺得佢唔係好明講乜，因為真係有d佢係未接觸過！
好似肉體既生命同靈既生命
人不是單靠食物來生存，是靠神的話語！
佢會頭都大埋囉！不過唔緊要，我問佢明唔明
佢話都ok既！之後茶點時間，佢都同教會d人幾岩傾既！

返完教會，做左樣好重要既野，一個很重要的決定


下星期開始學琴了！希望會學得掂啦！

夜晚去左打籃球，同教會果d，不過一d都唔好玩！
我都唔打全場既，都係同karmen打好！
同佢打開心d，d人都勁好多，同教會d人打
真係唔係好識同佢地夾！

>>August 8, 2004 at 11:33:53 PM GMT+8

2004 年 8 月 8 日 星期日 【晴】

一早約左人食早餐，等左一陣
無奈的是他竟然搭過站！要我等多陣
不過都好，有得食下早餐

呢排同朱明熟左d，有時佢都會打俾我傾偈！
佢呢排唔開心，因為阿can好似唔係咁鍾意佢

夜晚同bonnie同winnie行左陣，我發覺同女仔行街係悶到爆
佢地又唔係點理我，早知就走先啦
其實我只係想同佢地返屋企，點知要行咁鬼耐

之後又見到cherrie，見佢咁鬼趕，做d野又粗重
咪幫下佢囉！
點知撘火車走果時又見到佢，同佢傾左陣
佢話今年生意差左，因為冇左我幫手
又話我上年做到數，都唔知係咪真既！
今年將軍澳千色店做唔到，話我叻仔
都唔知係咪真既

深夜接左一個電話，傾左一陣！

>>August 8, 2004 at 1:13:08 PM GMT+8

2004 年 8 月 6 日 星期五 【晴】

今天要早一個鐘收工！因為我阿爸出院！
我阿媽以為佢行動很不便，所以叫我早一個鐘收工
去買野俾佢食！

咁我就同我阿can講，我阿爸點點點
可唔可以早d走？點知佢真係俾我早d走！
不過聽日要補返一個鐘

放左工，見到我阿爸仲行得，都放心d
不過行得無以前咁正常！
我以為佢要人扶，點知唔洗
雖則佢話唔洗，不過我係好想扶的，只是我想俾返d尊嚴佢

其實我一早同佢講話要食快小小，因為我今晚要補習
不過佢問我可唔可以推左佢，咁佢出到聲
咁我都冇辦法，而且我都想陪佢一陣
點知一陪陪左成晚！

佢帶左我去打邊爐，我心想『你仲食酒樓野』
但係佢咁多日都冇啖好食，我都不忍心話佢！
坐低左！傾開偈！我問佢『醫生叫你唔好食乜呀』
佢話『海鮮』，但係台上面既野咁岩有碟海鮮
我望一望示意俾佢睇，佢話『小小無野既』
我好唔想佢食囉，但係佢冇得食又好似好慘咁！
之後我都冇話過佢，不過佢冇食到！
希望佢唔會只係响我面前做啦！

佢話佢而家份工做唔得幾耐
有機會上去湖南做，其實佢之前都上過去湖南做過幾年野
但係佢而家咁既身體壯況，我緊係唔想佢上去啦！
我又問佢，你打算幾時退休！佢話起碼都要四年後！

四年！我仲要佢地挨四年！

去到佢屋企，幫佢執屋！執到十一點幾
都係執得一半，因為佢屋企實在太污糟了！
執左成三個鐘野！又抹塵，又掃地，又執整齊間屋！

中途jackie仔打來！同我講學琴既野！
叫我打俾miss ng ！減下價啦！

>>August 7, 2004 at 1:16:04 AM GMT+8

2004 年 8 月 5 日 星期四 【晴】

今朝分別做左兩個客
一個要石景山渡假村，一個要南海酒店套票！
兩做都係我第一次做
手續煩複非常！不過學到新野！

今晚要幫個細路砌模！
因為n年前應承過佢送俾佢！

都唔知學琴果點，收得咁鬼貴！

>>August 5, 2004 at 11:31:12 PM GMT+8

2004 年 8 月 4 日 星期三 【晴】

今日有個新人來到！我唔係好識串佢個名
中文叫李祝君，大家九成想到祝君好

因為我都係咁諗

今天好正呀！因為jackie仔來我公司！
坐左陣！同candy一齊！佢話我好攰
其實今天算係幾好精神了！

放工冇去睇老豆，因為今日要去補習！
個細路好心急要我送高達俾佢！
真慘！

今晚同jackie傾左好鬼多野！認識都深左
我發覺我同好多個人都有一種唔同既微妙關係
真係都唔知點講

仲有我明白了健康不是必然的

周寶文今日返觀塘！

>>August 5, 2004 at 12:13:18 AM GMT+8

2004 年 8 月 3 日 星期二 【晴】

嘩！幾耐冇咁鬼早起身呀！
一朝早全部人都係熟睡中！
在我隔離床的楚霖，訓到好似响殮房入面果d咁
之後阿洪起左身，同我出去撘小巴
果時應該七點都未夠

好眼訓，响巴士訓著左！返到沙田
仲係八點半，早左一個鍾返工，未開門
坐左响個阿伯隔離訓左成半個鐘有多！

之後整天頭痛，公司有人病了！
每個人倫住病，公司真係多菌呀！

放工去左探老豆，買左d野俾佢食！
佢應該好鬼悶，因為我見到佢都悶
淨係得電視睇，之後細佬都來到
佢買左餛飩俾老豆食，我阿爸今次入醫院令我想起一些往事
八點幾走左

之後打俾paco，佢今日出完團

>>August 3, 2004 at 11:13:16 PM GMT+8

2004 年 8 月 2 日 星期一 【晴】

今天本來想探我阿爸
但係起遲左身
仲要趕住入camp，入camp前返公司搞d野！

是次活動响麥理浩夫人渡假村
係由教會搞的！今次係一個好好既機會認識一下教會內的人
下午去左西貢一間都幾出名既鋪頭到食野
都幾好味！之後同阿賢去攞錢！
不自覺地，同佢講左昨天發生的大件事！
佢都同我講到關於神果方面既野！

入到去！基本上係拿拿聲去玩！
首先係督波，壁波，乒乓波，之後燒野食
之後去游水！游完好攰！個池真係細呀

游完水好肚餓，深夜玩killer、估領袖！
不過我真係好咋！咋到無人有
點解我成日俾人估中既！
玩到成兩點幾，再唔訓就死得了！

我想我而家屋企咁既情況，我唔出來做野都唔得了！

>>August 3, 2004 at 10:50:58 PM GMT+8

2004 年 8 月 2 日 星期一 【晴】

今天
我永遠都會記得今天
悲痛的一天

>>August 2, 2004 at 1:18:45 AM GMT+8

2004 年 7 月 31 日 星期六 【晴】

唉！變壞了！壞了！
鮮奶變壞了，是因為放在污濁的空氣
好快，好快，壞了！壞左！
咁就冇得飲

我而家食晏成日飲，新鮮飲係最純

今日放工時要cut團！即係call客話個團唔成！
俾個客係咁嬲，話個團唔成！
大佬我都唔想架~~~~~~~
你一真嬲我，都有用架
叫你轉團又唔轉，退錢你又唔肯
我好聲好氣，照正手續
我話我只係負責聯絡，你又話我咁講野唔岩
教又教左你點做，你唔肯你既問題
之前peter同佢講個團未必成，你又要報
咁關鬼人地事咩，你叫我聽super聽都係咁答你啦
同你講左無數咁多次『唔好意思，我都想幫你』

今日去左踢波！冇乜心機踢
阿peter今日俾人踢到，之後全個北角都聽到佢講粗口

>>August 1, 2004 at 1:34:17 AM GMT+8