Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2008 年 3 月 6 日星期四【炎熱】

第二天於翠樂庭的早餐...
有很熱情走來擦擦面and熊抱的Pluto..

雖然見唔到樣, 但感覺很大姐姐的Daisy..

還有, 無論是在法國or香港都會蝦人的Goofy..

有點矮的米奇...

跟上次xmas入樂園排了2.5小時才能跟米奇拍一張照相比,
$175的早餐好像比入樂園還要抵。
除了有極豐富的早餐之外, 還有不停主(自)動走來跟你拍照的Disney characters,
他們還會主動跟你攬頭攬頸, 鍚鼻鍚面, 當然還會整古你, 扮握手, 扮拐走等。
仲有人會好似叫伙計咁揮手召米奇過去.....=.="

還有在Lobby碰到的公主們...

一向都知道麥生將童話故事撈得亂七八糟,
此人夠膽以為灰姑娘是去森林找婆婆, 被狼食左落肚果個...
對那5位公主更是毫無認識, 勉強認得出Snow white叫白雪...
知道美女與野獸的叫阿Belle時, 更是難以至信...
「佢有名架咩?!!!!!!」
「無名咁佢叫咩?!!」
「美女囉!!」
「點會叫美女呀?!! 姓美呀?!!」
「Beauty and the Beast麻!!! 點會叫阿belle架?!!」
註: 此人能夠認出阿Belle是Beauty是因為之前已向我confirm了。

原來這麼快就已經兩年了呢!
不過朋友仔對麥生的認識應該就只是知道他有點不local吧??
基本上他是一個頗「成熟」的人~ XDD
他不知道現在戲院上什麼戲, 但能夠流利背出周星馳年代戲裡的對白。
他不知道現在流行什麼歌, 但四大天王年代的都難不到他。
他不知道江若琳, 洪卓立等新人是誰, 但能夠告訴你今天油價, 港交所市價或政府最新動向。
他依然會記得紀念日生日等日子, 但對1314, 520這些數字亳無頭緒。 (行花市見到竟然問我十三十四係咩意思...)
他對Disneyland情有獨鍾(甚至買了annual pass), 但他會叫唐老鴨做「鴨仔」, 叫Pluto做「狗仔」, 叫鋼牙做「爆牙」。
他仍舊是一個十分極度非常喜歡講無聊爛gag的人, 最新例子係問佢要茄汁意or黑椒意, 佢會答你天意......
還有, 是一個將中文亂用一通的人, 如果你說他好生養他會十分高興, 因為好生養在他的字典裡面是解作生活得幸福快樂的人....

希望各位朋友仔都好生養~~~ XD

re: Rebecca, 你收左佢錢呀?!!
he is another雙失呀! 點做少奶奶呀?!
你同李生先啦~~~

>>March 8, 2008 at 1:19:56 PM GMT+8

2008 年 3 月 5 日星期三【炎熱】

因為今年的Anniversary撞正妹妹的大囍日子, 唯有今日提早慶祝。
雙失的日子實在不好意思出國, 換來的是香港跌落黎酒店。(麥生買了annual pass送的)
三點多才Check in, 由欣澳站開始...人氣......零。
全個Disney Hotel 好像除了staffs就只有我們兩個....=.="
雖然住在Disney Hotel, 不過逛的都在Disney Hollywood Hotel...那邊好像人多一點。
周圍逛花園, 人少少的, (見到的都是鬼), 天氣清涼很舒服很relax, 好像回到了英國,
令我想起了London Heathrow, 對上一次住酒店就是住那裡的Renaissance,
不過一打開雪櫃見到支健康工房夏枯草就知自己只係入左大愚山...
全日都見到好多staffs...一隻高飛都要兩個staffs陪同...我好懷疑Disney有冇錢賺..
再見埋個lifeguard一個人對住個室外泳池...all day long...我就諗緊Disney一日要蝕幾多...
10年冇游過水, 帶左泳衣, 不過一落水就發現原來3月的夜晚是不適合游泳的!
唯有坐在旁邊看麥生一個人霸全個池...難得他可以玩足一粒鐘...
Gym太累人..冇玩, 網球唔識打..冇玩...
我開始明白點解冇人住都要你3點後先可以check in...

天黑後就沒有影相了~

>>March 8, 2008 at 1:29:26 AM GMT+8

2008 年 3 月 1 日星期六【微冷】

Hello! 久違了的日記! XDD
十年沒update了,
so called update了的也好像很簡短。
竟然連麥生都忍不住詢問為什麼這麼久都沒有寫日記!
此人一向都很少看日記仔的, 特別是長日記,
(基本上有中文字的除非與財經有關, 不然有廿隻中文字以上的他都會全數略過。)
現在連麥生都覺得奇怪, 我想真的是很久沒有認真update了。><"
Anyway, 很忙麻~~~ (even我仍是雙失)
不過家中辦囍事是會令全家上上下下都很忙的呀~~~
btw, 我真係唔記得邊個講左, 邊個未講, XDD
總之, 我妹妹嫁人啦~~~

註: 如你知道後既反應係以下其中一個的話:
1.「咁你呢?」
2.「幾時到你呀?」
3.「咁你同麥生呢?」
4.「你唔一齊擺埋?」
5.「下個到你喇?」

我既答案一律都係 ------> 「我未揀定架~~~~~」XDD

(希望麥生呢排都唔睇日記) XDDD

又三月啦, 雞翼人, 夾八字呀~~~

re: 依莎, 得喎! 咁都卸到落黎!!
不如我地卸落舒舒度啦!! 咁三個月都唔洗寫一次呀~~~
其實我二月都補返好多日架喇~~~
btw, 年宵相你放左落shared folder未呀呀呀??

>>March 2, 2008 at 1:23:32 AM GMT+8

2008 年 2 月 19 日星期二【炎熱】

嗚嗚嗚...岩岩開信箱...result出左喇...
嗚嗚嗚...最無信心個科真係奶野...
嗚嗚嗚...好憤怒...因為份卷有心玩野...
嗚嗚嗚...好麻煩...又要溫冇syllabus既考試...
嗚嗚嗚...好無奈...又要等6月先可以考, 然後又等3個月出result...
嗚嗚嗚...好可憐...有排都未脫到貧...
嗚嗚嗚...好樣衰...下星期HA interview仲去唔去?!!

真係好憤怒...............好唔gur!!
你叫CU人黎考都pass哂既話先可以平息我怒氣!! ((怒吼中))

>>February 19, 2008 at 7:33:34 PM GMT+8

2008 年 2 月 15 日星期五【颳風】

很久沒有寫日記。(其實有想過放棄)
畢竟沒有在英國時那麼悠閒了。(雖然是雙失)
anyway, 今日我想寫一寫。

跟妹妹兩pair人逛婚紗展, 然後去hut食。
飯後坐巴士回家, 車上麥生說覺得司機手車唔掂。
「其實佢都開得唔快」
「係佢揸車既態度問題, 睇前面都睇得唔夠遠」(即刻心諗你咁都知既??!)
出隧道後...麥生仍然不滿意司機叔叔之技術...
「佢咁揸車遲早出事!」
然後...果頭講完, 果頭就聽到撞爛玻璃聲......兩者時差最多3秒...
...個遲早好似有d早囉...唔該下次你加埋"我地落左車之後"呢幾個字...
事後有人仲好興奮咁話自己料事如神...
呢d好似叫烏鴉口...

是日發現麥生其實都幾唔傳統(鬼佬乎??), 對玩新郎遊戲十分抗拒&不解。
「點解要咁核突又著女裝內衣褲, 又要扮鬼扮馬」
「咁接新娘係咁架麻」
「好grand咁接新娘唔得架咩? 咁低俗」
「咁都唔一定玩呢d既, 表姐夫結婚都係除鞋行石仔之麻~」
「著到咁靚做咩又要除鞋除襪喎...」
「除鞋又唔得?! 咁有咩遊戲可以好grand咁接新娘呀?!!」
「唔.....未諗到!」
「你連埋兄弟6個坐係度玩波子棋好冇?!!」

re: 依莎, 而家我又覺得檸檬慘d喎...

re: Vannie, 一千? 等我搵到500個人俾我籌旗先..

re: LionDog, 結果係咪唔成事呢??

>>February 16, 2008 at 3:05:20 AM GMT+8

2008 年 2 月 14 日星期四【颳風】

第1個跟你在香港過的情人節。
繼續吃你煮的情人節牛排餐。
繼續收你的情人節卡。
繼續收你送的玫瑰花。(今年是淺紫色的。^^)
繼續你一早諗好禮物但我還未願跟你去買。XD
繼續今日我先(同你一齊)去買送給你的情人節卡。XDD
但最重要的, 是今年情人節仍然是繼續跟你一齊過。
Happy Valentine's Day!! ^3^/

>>February 19, 2008 at 5:06:03 PM GMT+8

2008 年 2 月 9 日星期六【颳風】

一直都忘了說亮少那6星期聖誕假已經放完回英國啦~
所以, 我已經重拾95字頭那電話號碼, 6字頭那個可以忘記的了。

剛回家好眼訓...Zzzz。
日記後補。

阿信, 生日快樂! ^^/

>>February 10, 2008 at 4:59:34 AM GMT+8

2008 年 2 月 6 日星期三【乍雨乍晴】

久違了的年三十!!
團年飯@Home。
爸爸媽媽徐二小姐威少&Me五人。
期待亮少&盈盈學成歸來的團年飯。

>>February 19, 2008 at 6:00:13 PM GMT+8

2008 年 2 月 5 日星期二【乍雨乍晴】

是晚為雞翼人之二月飯局。
但飯局跟大時大節月相沖, 八字難夾。
雞翼人只剩下禾跟依莎, 阿Moe, 阿梅, 阿信&Brian維園花市遊~
繼續攪攪陣無幫趁。
在濕貨那邊桃花旺地說買桃花會行桃花劫...
幸好有阿梅先生一句「劫都要行一行桃花」。
還有開運界刀被勸籲買把黎界仔等撩交打事件不能盡錄。
沿途買的都是小食, 有廿蚊底的雞蛋仔, 龍鬚糖, 超甜雜錦糕點乙盒和自私的糖蔥餅。
oh, 亦有買了無牌Lego, 十蚊五盒, 好cute的。

玩完一輪就到MK打邊邊~
差不多11時才開始,
6人一邊吃一邊傾計仔, (是晚吃鮮牛任食火鍋...)
開心既時間真係過得特別快。
要坐通宵Van飛返屋企啦!!

期待我們的泰國行!!
希望可以朋友的朋友的朋友包團啦~~~

>>February 19, 2008 at 5:44:08 PM GMT+8

2008 年 2 月 4 日星期一【乍雨乍晴】

是晚第1次跟麥生逛花市。
是因為年廿八洗白白的關係嗎??
竟然維園的花市都不太人多!
以往都只能夠在中間行過, 兩旁的花市鋪究竟賣什麼都不太清楚...
今年竟然可以左看看右看看, 由左邊鋪打橫走過右邊也可以!
或者是因為今年出發的時間比較早吧?? 以往都是11PM打後才出發的..
下年還是先逛花市再去吃飯比較好~

是晚在CWB吃久違了的摯愛---煲仔飯!
很愛很愛吃, 愛吃得可以自己一個吃光一整煲。^^b
但除了CWB那間又不知道那裡的煲仔飯好吃...CWB很遠呀..
ST有好吃的煲仔飯嗎??
至愛油鴨煲~~~ ^^/

>>February 19, 2008 at 5:17:48 PM GMT+8