Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2007 年 3 月 28 日星期三【微冷】

繼續（嘗試）KO兒科。
今日讀ＢＢ大得幾快，每月體重．身長．頭大增長比例。
幾多歲開始食其他野，可以食咩，唔可以食咩．．．
仲要讀人奶同ｎ種奶粉！
成份，好處壞處，點開奶，點餵，食幾多ｍｌ等等等等．．．．
同奶有關既都要食食食食．．．
點解唔可以用樽裝水，礦泉水？
點解唔好用微波爐，濾水器？
點解唔可以用脫脂奶，半脫脂奶，鍊奶，花奶，羊奶？
（有冇人會咁玩野呀？！）
連嘔完奶件衫有味用咩洗都有！!@)$*#$%*)$^#@*!
辛辛苦苦ＫＯ左呢課再讀埋過度活躍同中耳炎．．．
小朋友．．．你地好麻煩．．．

>>March 28, 2007 at 3:39:31 AM GMT+8

2007 年 3 月 26 日星期一【颳風】

自從玩完Mario麻雀見返O咀噴蛋恐龍獸之後，就好想玩返夢工場啦！
幾經辛苦，終於有得玩ｌｕ！
不過係ＰＳＰ度打孑孑寶，原來真係會有ｄ怪。

點解三哥冇ｆａｎ　ｃｌｕｂ架？！！

>>March 28, 2007 at 3:16:04 AM GMT+8

2007 年 3 月 25 日星期日【颳風】

較左鐘喇～香港快７唔係快８啦～
終於ｓｕｍｍｅｒ　ｔｉｍｅ　ｌｕ～
不過仲係凍凍地既．．．=.="

>>March 27, 2007 at 5:28:14 AM GMT+8

2007 年 3 月 24 日星期六【颳風】

呢套係當年（到而家）唯一一套本小姐會睇／會追既亞視配音卡通片。
細細個個陣（其實都唔細）一睇就鐘意左喇！係愛上個隻。
當時威力大到同阿明打緊ｏｒ鬧緊交都會停戰坐低一齊睇的！
而家重溫返，山口薰同幸田實果子依然好吸引。
<<近所物語>>同普通卡通片唔同的，寫實好多。
不過都好舊喇，係鬆高鞋年代的。（所以片中每個女仔都有一對！）

仲有好想睇返美少女戰士．．．
唔好笑！
呢套唔低ｂ好好笑架！

生生ｓｅｎｄ左<<我們這一家>>俾我睇。
唔知點解我覺得班主任阿村好似肥貓。
攪到禾有ｄ掛住肥貓ｔｉｍ，好想同你反啤牌．．．
<<我們這一家>>好想同爸爸媽媽一齊睇！用黎做負面教材！

講多次俾你聽Ｙ，生雞蛋撈豉油呢個果係你１２年前種落架！
我話過一定會報仇架啦～有報應喇～
抵死～ XDDD

真係好想可以親身睇下當時肥貓同車車既反應。
不如唔好俾阿伯同肥仔知住，等我返黎先Ｙ！！

巧掛住巧掛住！
巧想巧想去飯局啊！！！

>>March 27, 2007 at 5:28:42 AM GMT+8

2007 年 3 月 23 日星期五【颳風】

雖然dissertation只係做左50%咁大把，
不過都要摺一摺收下皮先啦，大把其他野未做！
今日做兒科monograph．．．小朋友精神分裂囉．．．
難做到爆！
全部精神分裂既藥都唔recommend俾16歲樓下既小朋友食架啦！
不停睇jounals，睇trials睇studies．．．
少料到爆！！！點做？！
ｄ studies又廢．．．兩歲都斷到係精神分裂？！
我信佢係見到污糟野多ｄ囉！
group work，４頁既monograph，我負責做兩頁。
不過自願的，（仲係第１個揀），因為最唔鐘意做intro同conclusion．．．
揀左做treatment個part，擔大旗啦！
千奇咪奶野！
ｔｏｕｃｈｗｏｏｄ！　ｔｏｕｃｈｗｏｏｄ！

今日仲溫埋痛風，關節炎，骨質疏鬆ｔｉｍ呀！乖到震～
希望今個wkend可以KO埋confusion，fall，過度活躍症同埋善終就好喇！

又好想返屋企．．．=[

>>March 25, 2007 at 9:31:58 AM GMT+8

2007 年 3 月 22 日星期四【乍雨乍晴】

呢個係我今朝０９上tutorial既平面圖，
一個正正方方既課室入面大約有三十張檯，
其中近門口個幾張檯（即Ａ點）上面放左ｄ咖啡奶茶沙糖餅乾。
係上手留低的。
全班同學仔入到去搵個位坐低就算，
唯獨ｐｒｏｆｅｓｓｏｒ一開門見到，簡直眼前一亮。
即刻ｃｈｅｃｋ下ｄ咖啡仲熱唔熱，
然後叫我地快ｄ飲，唔係一陣可能會有人收野。
佢一路講，一路將兩個放左沙糖餅乾既籃仔拎走，拎左去Ｂ點。
當然全班都冇咩點理佢，我亦都冇去諗點解佢要拎ｄ籃仔去Ｂ點。
一路上堂上堂計數計數，終於落堂既時候．．．真相大白。
佢竟然偷沙糖囉．．．
Ｂ點上面有張檯的，佢將ｄ籃仔放係檯下面，
落堂之後就急不及待去一堆一堆咁放係西裝褸既內袋入面，
然後如是者一堆之後又一堆．．．
其實佢偷糖呢件事並唔有趣，（因為呢度咩都有．．．）
有趣既係佢呢個行動係發生係一張四人學生檯度，而個度係有四個學生未閃人的。
佢一路同呢４個學生吹水，隻手一路拿ｄ沙糖放入西裝袋。
然後，最經典既事就發生喇～
佢偷完沙糖之後，學生亦都執完野想走，
佢叫住ｄ學生，叫佢地偷埋ｄ餅佢喎．．．
學生梗係唔制啦．．．（根本正常人都唔會制！）
不過ｐｒｏｆｅｓｓｏｒ叫到，佢又知你名，你可以點？
結果學生就萬個不願咁打開書包，就係佢打開書包既一剎．．．
ｐｒｏｆｅｓｓｏｒ就已經將成個籃既餅都倒哂入去喇！

痴根。
=.="

擺明迫佢一齊偷冇得報串要死一齊死啦！

最衰想影低既時候先發現冇帶電話！！！！！！
飲恨呀！

re: Vannie，夠時間架！
佢呢關開始會有超執刀，時間會慢左落黎架～
所以呢關一定過到架！

re: 依莎，所以我都飲左清涼爽呀～ｃｏｏｌ～
如果呢ｄ火可以燒脂就好喇！ XD

>>March 24, 2007 at 6:22:45 AM GMT+8

2007 年 3 月 21 日星期三【颳風】

Ａｎｎｉｖｅｒｓａｒｙ呀！
一周年，就真係去左行周年大運。
為左份禮物，坐住羊仔來來回回四個鐘。
但結果今日都係未有，要１０－１４日後先有囉。
英國．．．我地忍埋你今年架喳！

ＴＧＩ　Ｆｒｉｄａｙｓ既甜品真係好唔掂。
都唔知點解上次試完今次仲會上當．．．=.="

已經拎左唔少ｃａｔａｌｏｇｕｅ返黎ｐｌａｎ　ｓｕｍｍｅｒ　ｔｒｉｐ　ｌｕ。
巧貪心呢．．．有幾個地方想去．．．
點揀好呢？？

呢一年有唔少衝激，好彩一直都有你。
記住Ａｎｎｉｖｅｒｓａｒｙ禮物要年年換架！ =]]

Ｄｉｓｓｅｒｔａｔｉｏｎ做好左一半喇！
ｙｅａｈ～ ^^/
要快ｄ做好佢然後開始瘟豬！（鬥志燃燒中）

re: Vannie，個關有４個ｓｔｅｐｓ架，
１）用顯微鏡搵粒野
２）用鉗鉗住佢
３）用刀界一下
４）用吸管吸走佢
５）好似（唔記得左）要用凝膠止血的
每粒都咁做就得架喇～

re: LionDog，我拎左兩支信管出黎之後佢話過熱，
我咪剪上面個部機囉，佢又話要吸水，又話過熱．．．
做得邊樣啊？！而且ｄ水好難放返落桶啊．．．

re: 依莎，飲涼茶啦～
楊協成清涼爽～正！

>>March 22, 2007 at 7:34:38 AM GMT+8

2007 年 3 月 19 日星期一【乍雨乍晴】

早兩日先暖返.....無啦啦又落雪！
好凍呢...仲以為好快就可以著短袖衫！
好想summer快ｄ到呀～
不過仲未知會7月，9月定10月返香港？！
我梗係想越快越好啦．．．最好聽日！
不過又要攪呢攪路．．．
同埋最重要今年Easter得兩個禮拜假！（之前４年都係一個月架麻！）
仲要趕ｄｉｓｓｅｒｔａｔｉｏｎ同考試，今年Easter去唔到旅行喇！=[
要等到畢業禮之後先補返．．．
好期待！！！
已經揀好左地方啦～（少有地快!）

其實都ｌａ屎一個ｓｅｍ啦，真係好想可以坐定定溫好書撐埋佢。
極度唔想兼冇奶油功虧一簣。（ｔｏｕｃｈｗｏｏｄ！）
但５年黎都係呢種日讀夜讀唔讀就冇野做既生活，真係好想停一停。
究竟我有冇可能可以捱多一個PhD？

re: 依莎，車....你咪就係岩岩記得最後呢三個，頭四個唔記得囉～ XD

>>March 20, 2007 at 11:27:52 AM GMT+8

2007 年 3 月 18 日星期日【乍雨乍晴】

新聞...
撮要

【明報專訊】一名據稱患有血管疾病、傷口較常人難癒合的25歲青年，因熱愛踢足球，經常弄至損手爛腳要到醫院治理，青年前晚與足球隊到葵芳一個球場作賽，其間突感胸口不適，中途離場，賽後他離開球場不久更昏倒街頭，送院證實不治。警方調查後相信案件無可疑，將剖屍確定死因。

家人說，阿豪曾有「大腿血管閉塞」問題，又說阿豪傷口較常人難癒合，故家人曾勸他減少踢波避免受傷，但阿豪不肯放棄，詎料他最終在踢波後猝死，父母難以接受事實，非常悲慟，又擔心無法負擔阿豪的身後事費用。

家人說，阿豪16歲時因發高燒達104℉而要入院治理，結果驗出其大腿有血管閉塞問題，服藥治理一年，之後仍要定期到醫院覆診及服食「薄血丸」。此後，阿豪大腿經常出現莫名瘀黑，傷口亦較難自然癒合。

睇完呢篇新聞，好憤怒。
點解醫院請咁多藥劑師返去投閒置散，唔好好地去用佢地？
好明顯呢個病人同屋企人都唔知究竟病人本身有既係咩病，
更加唔知「薄血丸」係隻好麻煩既藥。
完全誤解哂！！！
病人並唔係因為有大腿血管閉塞而傷口難好所以要食薄血丸！
因為佢食薄血丸而傷口難好，係因為隻藥並唔係因為個病！
佢要食薄血丸係因為佢曾經有過大腿血管閉塞，即係佢ｄ血比較杰，
食薄血丸係等佢ｄ血稀ｄ，減低血管再閉塞既機會。
但係薄血丸並唔同普通既藥，唔係食開2mg就2mg，
更加唔係好似必理痛咁係成人都食兩粒。
食薄血丸既人係要每星期都去驗血（食耐左就可以唔洗每星期），
要睇完驗血報告先可以決定跟住個幾日食幾多mg。
所以可能你今日食10mg，過兩日就食2mg，之後又可能升返做5mg。
令我閔既並唔係病人唔知呢樣野，（而且佢可能知，就算唔知都唔係佢錯），
而係點解個醫生冇留意到病人傷口唔好，大腿瘀黑呢個情況？！
呢兩樣都係因為隻藥個dose太高，ｄ血太稀造成！
我做醫院實習既時候如果見到咁既情況都唔停藥既話，我一定俾人鬧死！
因為病人可能會血太稀出血而死．．．醫生冇可能唔知！
更加冇可能唔ｃａｒｅ，因為薄血丸出名麻煩，
做醫院個陣我要單對單解釋俾病人知，仲要話俾佢地聽有咩要留意，
其中一個ｐｏｉｎｔ就係無啦啦有瘀黑既話，就一定要見醫生！
好閔好閔好閔！雖然個病人過身可能因為心臟病ｏｒ其他，未必一定關隻藥事。
但係個ｃａｓｅ已經充分表露左有ｄ醫生只會斷症然後開藥，
一日要睇咁多病人，根本都唔會有時間理其他野。
醫管局又唔係唔請藥劑師！點解請左又唔好好地用？！
點解要放哂佢地係藥房做double check，等人地以為藥劑師只係一個高級ｄ既配藥員？！
究竟幾時先可以分工合作？？
極度十分非常唔想再有呢ｄ　ｃａｓｅ！

>>March 20, 2007 at 11:27:14 AM GMT+8

2007 年 3 月 17 日星期六【微冷】

星期六，冇打機啦～
不過去左Leeds．．．
好耐冇行過街街喇！
而且柴油鹽米ＸＸＸ（仲有３個唔記得係咩）都要去Leeds先買到．．．
不過去到麥生又想飲茶食點心，又要買Anniversary禮物，
本小姐又忍唔住行下街．．．再去埋拉把借書．．．
返到黎．．．而家９點幾都未開波dissertation囉．．．
不過唔驚～仲有今晚同聽日！
希望做到最少３頁啦！
收埋部ＮＤＳ先．．．

re: Vannie，你個ｄ咩鬼形容詞黎架？！
玩到企係度？！咁你企係度玩會點呀？訓係度？白痴婆...=.="
你塊紗布唔可以太長架！頭尾都長過條疤既話多數都唔得架...
你預返個"卷"岩岩係最尾條疤上面就差唔多架喇!!
你反到邊關呀？？我反到去折炸喳．．．
好難呀呢關．．．好想搵人幫我過左佢!!

>>March 18, 2007 at 5:50:55 AM GMT+8