Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2007 年 6 月 30 日星期六【微冷】

補返哂ｄ日記啦～乖到震～
費事又俾媽媽串寫週記。=.="

是日晚餐，壽司。
英國有間叫Yo! Sushi食壽司的，不過我今晚唔係食佢。
同麥生試過一次佢ｄ壽司之後，打死都唔會再食！！！
點形容好呢？？假假地架囉，好似壽司擦膠咁，再有ｄ似撈左白膠漿，仲要凍的！
其實之前都包過好多次壽司，不過冇咩特別所以冇寫到。
因為英國真係Ｒ爆頭都諗唔到有咩料可以用黎包壽司，
大多數我地都只係包蟹柳，吞拿魚沙律，三文魚，都可以頂住癮先既！
不過近期有新攪作～燈．燈．燈．櫈．就係天婦羅蝦壽司喇～
好好味架～ ^^b
可能係香港會平凡到爆，不過英國就好經貴架喇！（至少我覺得係。）^^

＊製作前＊

＊製作後＊

冇用竹墊包所以賣相可能冇咁靚，不過真係用天婦羅粉，好美味架。^3^
雖然係homemade，不過我同麥生係香港cher到盡個隻食一餐迴轉壽司都冇咁貴囉。=v=

好似奇異果蓉既ｗａｓａｂｉ。

仲有仲有，我好掛住既jolly sandy，都係迫住要homemade的。=.="

>>July 3, 2007 at 9:52:58 AM GMT+8

2007 年 6 月 29 日星期五【微冷】

今日份卷...
考卷一已經睇到佢ｄ陰濕野，比以往既past paper多好多陰濕位。
再考埋卷二，點解可以出到咁？！
我都唔知考成點，唯一可以講既係calculation要pass（70%）應該冇問題既。
但另外個份我都唔知，唔敢肯定。
70%先pass....150條只可以錯45條....
bless us pls。
1030到1630。
仲要你0945去到！
人都癲。>口<
出result既時候人在法國囉．．．
要帶埋notebook去上網check result。
希望可以令我地玩得開開心心啦！
bless。

考完試同爸爸媽媽煲埋粥已經７ｐｍ。
不過照揸車落曼城Trafford Centre，
儘管人地收10點，儘管我地去到都要７點幾８點。
差唔多去到既時候見到大塞車，好少有的。
而且夜晚７點幾，冇理由仲會塞。
好多好多人去Trafford Centre呢（好興奮，因為呢度冇咩幾何可以feel到人氣。）
之後醒起Summer Sales黎啦～
好彩Trafford Centre既停車場最少有５０００個位囉。（仲要免費的。）
人地英國地方大麻．．．
入到去好多鋪頭都最少半價，不過我同麥生竟然一樣野都睇唔中！
算啦～慳番～

今日試左新餐廳。
應該係食開西班牙海鮮飯既姊妹餐廳來的（我估），不過呢間食意大利菜。
每碟都冇一隻手掌咁大，真係經貴。（每隻圓形碟都細過一部NDSL的...）

你見到麻？我部NDSL解封啦～～～～～
有冇好game推介呀？？
我連超執刀都未爆呀！
趕完論文趕學校考試之後又到考牌！
上次講完之後都冇再打過喇．．．
我仲係拆唔到炸彈啊！>口<

>>July 1, 2007 at 10:23:45 AM GMT+8

2007 年 6 月 28 日星期四【微冷】

聽日大戰，不過今日一ｄ都冇緊張！
堅呀～
又成熟左啦！^^//

>>July 1, 2007 at 9:53:59 AM GMT+8

2007 年 6 月 27 日星期三【颳風】

飯堂之一，burger king。
英國burger king真係好食過Mc記架喎！（我同麥生覺得。）

呢間burger king都幾有美國風的，最情迷burger king薯條，外脆內熱架～

扮cool忍笑ing，所以個樣有點怪。XD

>>July 1, 2007 at 9:51:57 AM GMT+8

2007 年 6 月 26 日星期二【颳風】

因為就快考牌既關係，每日除左食飯沖涼去廁所，
麥生清醒既時候都係溫書ing，個人係度，不過個心去左本書度無理過我。>u<
但係我好乖的，我自己唔溫都會自己玩，唔會煩佢。^^b
不過有時真係好悶架麻，所以每次佢一放低本書我都會捉住佢講野。
不過呢個時候多數都係臨訓前，（唔訓佢係唔會放低本書的。）

「我諗到<<學警雄心>>點樣拍會好睇ｄ喇！」
「咁點拍呀？」
「佢應該話阿張sir覺得自己教唔好個兩隻野心灰意冷，
再加上madam袁死埋，佢唔想觸景傷情，
所以轉左去做邢事囉，（槓佢0係邢事又係做張大勇張sir架麻！），
0係個度識左阿Jessie令佢重新投入戀愛再拍返拖囉～　
仲有阿富仔始終都係太屎冇得passing out，咁岩阿念恩又想忘記賣飛佛想離開下，
佢兩個咪約埋一齊去玩新秀，最尾簽埋英皇囉！　
至於阿文靜就因為賣飛佛唔鐘意佢，文靜想威俾佢睇，
等佢覺得係自己走寶，所以就去左選港姐！」
「唔唔唔唔」
（此人每次就訓著都是此反應．．．唯有出絕招。）
「是但啦～算數啦～唔煩你喇～無人錫我啦
再見啦～無野啦～實在夠喇～你唔愛我喇～」
李彩樺小姐呢隻歌好有效的，因為麥生超唔妥呢首歌，
每次一唱佢都會不停鬧人地ｄ詞不知所謂教壞人．．．（下刪五百字）
好野～成個人醒哂，可以繼續講～
「仲有<<緣來自有機>>呀～不如話阿國偉同常盛又有新攪作想搵錢，
　除左買股票之外，仲從阿明仔個度取得靈感兒童節目有得撈，
　所以兩個去左拍閃電傳真機變左做阿Ben哥哥同麥包哥哥Ｙ～」
「........」
我覺得以假亂真crossover真人騷真係有得做架喎．．．

經過幾日橫風橫雨，羊仔好似新既一樣閃令令。
連帶車身幾達三個星期有多既胎記（即白鴿屎）都不留痕跡一次過洗哂。^^/
不過羊仔隻耳仔之前俾人扭過，經過幾日風吹雨打之後，又要幫佢矯一矯形。

我都唔想的，不過呢一忽仔blue tack我真係sip極都sip唔到入去．．．

>>July 1, 2007 at 9:41:36 AM GMT+8

2007 年 6 月 25 日星期一【颳風】

今日收到學校電話乙個，繼上年拎到best student之後，今年都有獎拎呀！^^/
今次係best overall student (female)。
yEAh～又有現金獎呀！XDD

跟爸爸報喜。
"你個女我拎best overall female student呀！"
"咩準則既先？你又父父碌碌抽籤抽到呀？"
爸爸愛的鼓勵真係溫暖。

冷靜下來，其實best overall唔代表我一定拎到first的。
可能best female之前有20個males？
講真，今年其實考得唔太好，希望拉curve幫一幫啦！

英國成日打大風落毛毛雨，不過很少行雷+暴雨的。
今期三管齊下，所以惡劣天氣警告已經出左一個星期。
今日去左律師樓攪弱雞ｃ登記用之文件，橫風橫雨凍到痴肺。
遮骨斷左一枝，吹歪左兩枝。（已經唔係第１次吹爛我ｄ遮架喇！！！）

話說有晚跟麥生煮飯仔既時候，
住對面房的斯里蘭卡人閃了出來問我地平時睇唔睇戲。
梗係答佢睇啦，跟住佢就閃左入房。
正當我同麥生講緊話佢一定係好悶想睇戲，不如俾套魔盜王佢睇啦～
佢就拎左一隻VCD出黎　－－＞　<<中國最後一個皇帝--浦儀>>。
佢問我地有冇呢ｄ戲，佢鐘意睇喎！
真係估你唔到。
唔係你套戲講明中國最後一個皇帝，我都唔記得浦儀係邊個。

7度。
都係時候搵返隻暖蛋出黎去考試...>u<

>>June 27, 2007 at 8:17:35 PM GMT+8

2007 年 6 月 24 日星期日【雨】

早幾日聽deedee講今日有占叔牛一慶祝活動。
有冇人有影相呀？
占叔，生日快樂！
又大一歲ｌｕ。

見到雞翼按摩團成功回港，放心哂。
之前聽舒舒提過，不過見依莎都冇數舒舒有去既？
舒舒，你係咪真係俾我嚇窒左呀？
文仔就係0係大陸唔見左架! 你跟個盪失路既上去？XDD
按摩...我都想試下點解個個都咁鐘意既？？
不過就算唔痛都應該忍唔住痕...
而且好唔慣俾人捉住摸有肌膚之親..@.@
再加上我一定會一路俾佢按一路諗佢之前隻手掂過ｄ咩身水身汗既麻甩佬..@.@
要克服下呢個心理問題先得。

威院個單打錯cytotoxic針入骨髓真係好慘。
好無奈，個女仔得２１歲喳，２１歲就有leukaemia已經好不幸。
打左入骨髓好大鑊，冇梗的，係top top top serious medical incident。
希望可以有奇跡。
更希望可以有配套唔會再發生啦。

弱雞ｃ話醫生開減肥藥唔岩俾人鬧囉．．．
勁無奈，究竟有冇人知做弱雞ｃ係做咩的？！
衛生署個喳高層都係醫生，
連醫藥分家都冇得傾，
實唔會俾弱雞ｃ做clinical check啦！
香港好興開既減肥三寶：Reductil，Xenical同Thyroid drugs，
係英國，thyroid唔可以俾減肥用的，
雖然wt loss係thyroid hormone increased既side effect，
但攪亂你thyroid hormone係會有其他問題的。
Reductil同Xenical，英國guidelines係要BMI over 30先開的。
就算你有埋其他risk factors，例如高血壓，糖尿等等，都要BMI over 27-28先可以開。
香港ｄ女仔BMI都唔知有冇15...

伯，唔記得報串你聽。
你咪傻啦，搵生生幫手！
肥貓通左水佢知你搵佢做咩啦～
搵到佢之奇！搵到佢仲要佢肯就仲奇！

re: LionDog，咁夾？？！
我係度５年咁多日日記仔都冇講過，一講就中？！結婚啦！^^/
你自拍咪見到你囉！我想見呀～～～ >u<
我仲好想快ｄ返香港，快ｄ買Wii tim呀！
返到去你要陪我去買架～～～

re: 依莎，<<緣來自有機>>都好ｄ呀～
起碼伍小姐有靚衫睇下！
<<學警>>ｄ人同劇情都唔吸引。
劇情又係鬥唔妥，唔同地方，上次警校，今次PTU之麻！

>>June 26, 2007 at 4:13:40 AM GMT+8

2007 年 6 月 23 日星期六【雨】

Kinder Happy Hippo（近期？）出左新口味～ ^^/
有d似繽紛樂，不過呢個餡實ｄ，所以都頗漏的。>u<
不過近日天氣持續冷，而且大戰在即，我需要energy。^^/

河馬形狀的，要由河馬頭食起，不然會有點似食cc。XDD

成日想講<<學警出更>>不過都唔記得左。
如果我係警務人員，我一定睇到眼火爆。
侮辱哂人地ｄ專業。
究竟賣飛佛同陳三苗0係呢套戲入面幾多歲？！
仲有<<緣來自有機>>，睇到伍詠薇用inhaler已經覺得教壞人。
後尾聽埋陳錦鴻叫支inhaler做噴霧．．．
哦．．．唔怪得你真係當噴霧咁用啦．．．

仲有5日。
bless!

re: LionDog，小姐....條問題係...
你地咁岩走左去食Ｙ，定係睇到日記仔先去食呀？
答題中point先得架麻...
食餐飯0者...就將你傳染成咁? XDD
deedee send完ｄ相俾我睇，我都問左同一條問題。
我諗嘉慧鐘意打鈄影掛？？
你又去左邊度旅行啊？！成日我未返黎你就洗哂ｄ錢！！！
咁你幾時俾你旅行ｄ相我睇呀？我要有你架！

re: KaKa，咁你唔返工專業ｆｕｌｌ　ｔｉｍｅ係屋企炒股呀？？
你返唔返黎我地畢業禮呀？？？？ XDD

>>June 25, 2007 at 8:08:51 AM GMT+8

2007 年 6 月 22 日星期五【雷雨】

今日爸爸壽辰，起身後立即打電話報到啦！
刷完牙猶豫緊好唔好晏ｄ先打呢？
因為媽媽兩星期已經做哂research去邊度食dina好，不過懶神秘唔話俾爸爸知玩surprise。
如果我早左打玩踢爆咪做罪人？！
不過諗諗下，遲左打既話個個出現哂我都未報到又會俾徐二小姐上哂位架喎！
打左先算！！！
好彩爸爸已經到左酒樓，不過我都係照俾人插囉．．．
電話接通左已經聽到ｄ人同爸爸講叫我講左金先好講心！
好彩我ｄ轉移話題大法一ｄ都冇生疏！
呵呵～徐二小姐，我下年一定會還擊的。

今晚總動員全數攜伴出席，１０人又要食１２人既菜，
好明顯有兩個人係食ｄｏｕｂｌｅ啦，你兩個呀～
學爸爸話齋食埋我同麥生個份！
爸爸一路數有咩食，我就一路幻想個道菜.....好想返香港啊....T.T
不過冇所謂啦，你食得開心就得，年年有今日，下年再慶祝～ ^^/
橫掂麥生認左頭下年佢負責！呵～
我都做定research搵定ｄ貴夾唔飽架先！^u^

無聊情侶＠ｍｓｎ。
專登過對面房開ｃａｍ玩架！XDD

個段字其實係<<學警出更>>第１６集劇情。
我地真係好無聊。XDD

＊出賣朋友仔時間＊

哇哈哈哈哈～終於收到deedee去日本既相啦！最鐘意呢張～ ^^/
一睇就知漏左呢３個字啦！不過我諗左好耐都諗唔到最尾個字點寫！
好彩哥哥提我喳！你要找晦氣就搵阿亮啦！ ^^/
仲有，你今日個隻ｇａｍｅ我開唔到呀！？！

爸爸，生日快上呀！^3^

re: LionDog，你兩個係咁岩Ｙ，定係睇完日記仔想去食架？
你兩個唔好扮有緣懶夾呀～～～我唔受架～～～

>>June 23, 2007 at 6:16:47 AM GMT+8

2007 年 6 月 21 日星期四【微冷】

麥當當，香港一個餐飽到喊。
係英國，一個餐再加多個雙層芝士孖寶Ｙ唔該！

英國流行的三文冶，麥當當梗係有啦～
一星期５款。

麥記後去超市，見到門口擺左呢檔野。
表面上睇落好似擺檔賣野咁，查實佢派緊野。
不過英國派野成日怕你唔要，會走埋黎派俾你，
見到你有朋友仔，仲會問埋阿朋友仔要唔要。
記得係香港時不時戲院里都有野派，
一支支Tropicana橙汁都好似有試過，
人多到爆，派果個俾人圍住哂，都分唔到佢係拎定派。
呢度派野好似係要求你拎的，因為多數都冇人要。
（不過我係香港經過都會拎，但係英國真係冇意慾，果然要爭先輕香～）XD
係英國通常派野食的話，個檔仲會有位，有spoon俾你即場食。
今日派既yoghurt，我仲以為得一兩日期，原來有成個月期的。
意外意外。（咁香港派得果ｄ多數都係即日ｏｒ第２日就到期麻！）

英國蕃茄有好多種的，近期最buy呢隻：

好味好味。

>>June 22, 2007 at 8:35:22 AM GMT+8