Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2007 年 6 月 20 日星期三【微冷】

＊welcome to bradford -- the world of curry＊

其實我去左印度留學，返香港我會住重慶。

兩年後既今日，我終於追返哂第１次實習果年後半期既稅！
原來有成七百七十幾鎊，成萬蚊架！
正呀～

查實都唔知有咩咁開心，因為我根本由頭到尾都唔洗交呢七百幾鎊，
係佢兩年前抽多左而家先俾返我的，遲成兩年，息都蝕埋呀．．．
仲要係經過我呢兩年不停寄信，打ｎ個電話，揸車來回舊公司幾次，又欠人情先追到的！
雖然冇so，不過原來有cheque收係會幾開心的～ ^^"

photoshop，我考完牌就會將你據為己有。

>>June 21, 2007 at 6:29:45 PM GMT+8

2007 年 6 月 19 日星期二【微冷】

下星期五考牌...
肴底ing...

原來諗起上次實習都仲會好驚...
大家都係打工，日日返工開開心心唔好咩？
夾咪做ｆｒｄ唔夾咪算囉，點解要咁假扮frd呢？
都唔明呢ｄ人點諗，佢自己都會覺得"支力"啦...
每次同親呢ｄ人做野我都會自我孤立變自閉啞女。
辦公室政冶挑撥離間無事生非表面扮frd背後講是講非真係唔岩我。
無事生非我避唔到，唯有一講是非即閃。
女上司真係好難頂，仲要係一個玩小圈子既就仲難頂..
俾人屈或者擺明玩野既，以我性格一定會好衝動咁一輪咀鬧完劈炮唔撈。
上次實習真係忍得好辛苦，最後兩個月真係好depress。
差唔多晚晚都同麥生＆爸爸喊哂，（結果兩個電話費都過千）^^"
爸爸由我第1日讀藥開始已經話辛苦頂唔住就返屋企，所以今次實習都唔例外。
我亦都有試過想即刻買機票返香港，以後都唔讀，不過自己又唔甘心。
如果係我自己犯錯或者冇能力做唔成，得!
但我唔甘心我負出既努力冇成果係因為其他人玩政治。
就係因為呢個唔甘心，打死都冇放棄，好彩最後都捱到，真係上左一課。
好慶幸可以同呢ｄ日子講ｂｙｅｂｙｅ！
更好彩既係第時做野多數都係男仔，唔洗一group女仔講是非，
不過令我更加開心既係做街房弱雞ｃ冇上司呢樣野！！ ^^b

唔知點解個個放洋完既都會大個仔大個女獨立自主。
但我呢5年學唔識熨衫煮飯執野打掃不特止，仲越來越依賴，越來越眼淺...
不過學唔識都冇所謂啦，有屋企人，麥生同你地既十卜麻。^^"
個個都慣左我係咁架啦～改左你地會唔慣架！

>>June 20, 2007 at 4:26:21 PM GMT+8

2007 年 6 月 17 日星期日【微冷】

Ｈaｐpｙ　ＦaＤa'ｓ　Ｄaｙ！

我呢ｄ乖乖女梗係一早打電話報到啦～
爸爸節同爸爸生日通常都相差幾日ｏｎｌｙ，
所以一向summer都會趕得切返去，買個蛋糕跟爸爸慶祝的。
不過今年趕唔切買蛋糕慶祝不特止，
徐二小姐今年仲用Patrick Cox公事包俘虜爸爸！！！
再加Patrick cox銀包乙個俘虜埋哥哥．．．
令本小姐人不到禮不到相對暗然失色之下又冇哥哥幫下口，
仲被爸爸問及"父親節之表示".............@.@
嘿！我同你講心架麻！

其實我一早就寄左爸爸卡架喇，仲畫左ｄ好有心思既公仔tim！
不過俾媽媽收埋左話等２２號爸爸生日先幫我俾佢喎．．．
而家諗諗下，其實你３個係咪做我一鑊？？！

聽見你今日咁開心，
琴日又咁快活，我都巧開心呀～～～
父親節快樂！^3^

re: 嘉嘉，你終於浦頭喇？！
阿仔而家好堅架，英國百冇都煮到好多香港菜的！
不過都係多得我俾好多挑戰佢喳～ XDD

re: 依莎，我都要第２次先夢到個新郎係邊個啊！
如果下次到你既話，照咁計，新郎唔係阿梅阿信就係Brian架啦～ ^口^/
哇哈哈，咁你配阿梅好喇，另外兩個實俾你鬧到xx！ XDD

>>June 19, 2007 at 1:44:31 AM GMT+8

2007 年 6 月 16 日星期六【微冷】

好累啊！！！
雖然extend左contract，不過都要搬去隔離hall。
５年黎既書，notes，垃垃雜雜，由1130開始竟然搬到1800先搬完！
已經可以dum既都dum哂，一件不留架喇....@.@
原本想將ｄ可以繼續用既物資送俾人，睇下有冇人岩用，支持環保。
不過不停搬６粒半鐘真係唔願再搬，（住３樓不過冇ｌｉｆｔ架！）
而且麥生話應該冇人會執二手野喎，結果拎哂去dum。
掟電視落垃圾桶後，（要掟的，因為垃圾桶仲高過我）遇到同學仔Andrew等人，
"terence, is the tv working?"
"yep"
"terence R U crazy?!!"
（此時麥生正準備將手上之Hi-Fi都一併拋落垃圾桶）
"HOLD! HOLD! HOLD! is the Hi-Fi working?"
"yep"
就係咁，Hi-Fi就俾他們接收了。
除此之外，佢地仲想爬返入垃圾桶執返個電視．．．
發生此事的時候，hall的鬼高層剛剛經過目睹一切，
笑笑口的贈了我和麥生一句"recycle!"不特止，
仲同剛剛經過既porter講返一次事發經過，
然後兩個一齊望住我同麥生擰擰頭．．．．．=.="
（點解平時又唔見咁多人ａｒｍ　ａｒｍ經過？！）
我都想recycle架，不過學校講明留俾有需要人士既物資唔收電器麻...
如果俾佢知道我連蒸汽機，榨汁機，多士爐，飛碟機等等都dum既話實捉住我訓話。>口<

＊大過架車既垃圾桶＠左下角＊

因為hall既白痴政策，今日係全世界hall都要搬走既deadline，
就算extend左contract既都照樣要係今日搬，然後先再搬去TC。
所以TC既人今日一搬走，cleaner就即刻執房清潔俾我地呢ｄ extend左既人。
結果全世界既hall今日就不停都有人拎住一袋二袋，搬出搬入，
好有Discovery Channel動物大遷移果種feel。
今日深深認為紅白藍應該列為第五大發明，
掟又得，拖又得，拋又得，容量夠大仲有手抽tim！

TC其實ｙｒ３＆４果陣都住過，
好開心終於有明火煮食，唔洗再望住條發熱線等佢紅哂先煲水。
更開心既係，終於唔洗再同火星人住喇！ yEAh～ ^^/

真係好累啊．．．
跑左十日馬拉松咁．．．
最唔抵係我本身唔易出汗，今日又涼涼地，
好累好累不過冇出過汗！咁係咪燒唔到脂架？！

>>June 19, 2007 at 1:18:32 AM GMT+8

2007 年 6 月 15 日星期五【颳風】

又夢到阿moe結婚喇！
終於夢到新郎哥喇～
原來阿moe一路都同文仔玩地下情，俾我發現左！
原來舒舒仲一向都知情的！
哈哈，我都唔知點解會夢到阿moe同文仔結婚？
其實新娘新郎都係自己ｆｒｄ都幾好，咁玩新郎果陣可以去盡ｄ。XDD

痴線架咩...無lala跌到得9度。
>口<

>>June 18, 2007 at 1:56:30 AM GMT+8

2007 年 6 月 14 日星期四【微冷】

近日hall有大裝修，第１次見識到英國的「地盤」。
應該看到我間房跟這個地盤有多近吧？！
每天八點開始鋸鋸鋸，ｄｕｐｄｕｐｄｕｐ。
我覺得自己訓地盤ing囉。 (╯‵□′)╯︵ ┴─┴

經過我（其實係麥生）觀察所得，英國始終都跟香港有一點點出入。
先說這三個大貨櫃寫字樓，跟香港的差不多，沒有什麼特別，不過冇冷氣的。
特別在於電，不知道為什麼要由我這層接駁過去？
我住３樓的，樓下兩層都有電。（圖中紅色車上那條線就是接駁電線。）
電標房不是每層都有的嗎？
就算只有３樓有，為什麼電標房竟然會在浴室的呢？！
不過最不明白是，點解要專登無ｌａｌａ為駁電而作穿幅牆，但隔離有窗又唔用？！
可能有什麼特別原因吧？（我希望佢有！）　
英國裝修工人也有點不同，他們要穿交通警那種營光背心的，而且多數廿歲左右only。
有機會（有靚仔的話）偷拍一兩個給你們看。XD

看到嗎？
我房的窗就是這麼大大大，大到我覺得會跌落去的。
不過可以開的尺度就只有這麼多，而且在下面的，風都不會入屋。
夏天真的會很熱很熱。

呀！差點忘了說，看見黃色的大貨櫃嗎？
它裡面裝的是床褥來的，滿滿的應該裝了很多很多張。
英國的裝修工人很優雅的，香港地盤時興的藍白間杋布太老土了吧？
但下雨了，床褥吸滿水了，怎麼辦？
在貨櫃底加一條水管去水囉！
打死都不會在貨櫃上面加蓋的，太沒品味啦！

嗯，我重用語體文了。
嗯，因為本小姐的廣東話又惡化了。
文法錯誤，用錯詞都算，但真的接受不了自己有口音.....o(一︿一+)o

>>June 15, 2007 at 8:13:37 PM GMT+8

2007 年 6 月 13 日星期三【微冷】

四個女仔係課室索K？！
我地果陣上堂食糯米雞都要偷偷地，而家ｄ學生可以咁光明正大食粉。
等放學先食都唔得。
唔通你又好似我以前咁遲到，食唔切早餐鬼死咁肚餓？
發育期食Ｋ。好野。
１７歲做拆家仲好野。我而家仲燒緊屋企錢，你１７歲就咁識搵錢。
我真係ｏｕｔ哂。

我想知究竟上次將軍澳童軍頂包個單野點？點解冇哂新聞既？？

仲有，中大情色報呢？？

re: Vannie，我買個張係7月去Paris喳。返香港都未買。

>>June 14, 2007 at 9:07:12 AM GMT+8

2007 年 6 月 12 日星期二【微冷】

由yr 1認識麥生開始，已經知道此人有宵夜習慣。
可以係出前一丁x2，炸雞薯條，或其他唔肥唔食的煎炸焗食品。
第1年暑假肥左兩個碼返香港，就係因為考試期間兩個人宵夜可以食ｐｉｚｚａ大批乙個。
直到而家yr 5此人宵夜習慣依然冇改變，仍舊一星期最少４晚。
不過經過本小姐呢一年既努力，麥生宵夜之出前一丁已減少至一個，
炸雞薯條亦已經絕跡，（其實主要原因係食開果間換左人變得好難食）。
anyway，宵夜依然可以係炒米粉，一丁麵，甚至半夜三更開油鑊炒飯。

因為本小姐對宵夜行為的不屑，通常麥生想食宵夜的時候都會有跡象。
佢會囉囉孿行來行去，然後快手取出一包米粉／一丁問我食唔食。
大部分時間我都會答唔食的，就算我唔係想減磅，我都唔想加。╭(─╴─)╮
然後佢就會一個人好開心咁煮煮煮，而我既內心爭扎就係呢個時候開始。
唔知點解就算唔肚餓，半夜聞到食物既味道都會心郁郁的。
我諗我心郁郁既時候都係有跡象，麥生會好好人咁問多次食唔食....(＞﹏＜)
而我當然會繼續企硬，好型好決絕咁一聲唔食！
不過到煮好左既時候，佢一路食，我多數都會痴一啖。(#￣▽￣#)
然後麥生亦會再次好好人咁.....你食唔食呀?我煮多個俾你食喇。
為左張畢業相個頭／面可以細ｄ，呢幾個月黎我都好乖咁向宵夜ｓａｙ　ＮＯ！
但今晚我失守左呀～～～！！！　#(┬＿┬)泣!
我衰左係碗扮牛肉麵既豬肉麵手上.....仲要濃湯底的............(┬＿┬)

＊罪證＊

註：此份量已是麥生之半

我唔係想瓜子臉去影畢業相呀....
我只係想塊面＆個頭唔洗咁大喳！
頂帽好蝦大頭人帶架...(￣)︿(￣)

ｂｔｗ，今日篇野好明顯係為肥而解釋，
因為有人話肥不過係有原因就唔係肥喎！ (─.─|||| )
不過so far我都未諗到有ｄ咩肥係冇原因架囉？！

>>June 14, 2007 at 9:09:52 AM GMT+8

2007 年 6 月 11 日星期一【炎熱】

終於的起心肝extend hall既contract，今個星期尾就要搬喇。
黎緊兩個月都唔洗訓街啦～
之後就唔知喇。@.@

book埋畢業禮後既法國trip tim lu。
book好機票，book好B&B喇。=]
六人五日四夜，最衰哥哥要放榜又要等interview啦！
張畢業相返香港一定要再影過！
而且去旅行冇左哥哥坐飛機會冇空少撩我講野的！XDD
上次去北海道同哥哥坐飛機個陣俾空少撩呀～
個空少都okay架，不過佢撩我係為左識哥哥囉．．．
佢問哥哥係咪我男友，（好明顯係想打開話題）
佢個口一路問我野，但對眼係一路（閃哂果隻）望住哥哥架囉，
一眼都冇望過我.......=.="
然後佢好電眼（繼續閃哂果隻）咁望住哥哥笑住話 "我覺得你笑得好甜啊！"
講完仲唔閃人，繼續情深的眼神望住哥哥dead哂air～
哇卡卡～打哂冷陣～見到哥哥好尷尬咁笑，我就梗係0係隔離笑到碌地。XDD
而家諗返都好好笑呀～
我搭飛機就俾les撩，哥哥就俾gay撩，yEAh～兩兄妹呀～ ^^/

原本去埋希臘的，不過希臘團最少都要７日，
徐二小姐又冇咁多假喎，算啦，
你一路都咁想去，不如你留返黎渡蜜月去啦～
我覺得honeymoon應該要揀ｄ未去過既地方的，
唔係咩都見過哂，食過哂會冇咁好玩架麻。

７月中既畢業禮＆畢業旅行都ｐｌａｎ好哂，
但今個月尾既考牌試呢？ >口<”
點解讀極都仲有咁多架？！

re: 依莎，避孕套唔洗記咁多野，佢仲可以防STD tim。
不過貴好多麻，所以呢度多數都係食藥的。（英國醫生開避孕丸唔洗錢。）
多人食又common，熱門題唔背唔得啦～
不過考完牌之後應該都唔會記得哂的。XD

>>June 13, 2007 at 10:39:13 AM GMT+8

2007 年 6 月 10 日星期日【炎熱】

<<避孕丸．下>>

繼續..

如果食完避孕丸有痾嘔咁仲有冇效架？
如果嘔or好嚴重既痾係食完兩個鐘內發生，
咁你果日＆打落七日都要用ｄｏｍ　ｄｏｍ，
或者食２８粒個種的話，而呢７日又咁岩係冇藥性果７日，
咁就唔好食呢７粒冇藥性的，直接食第２pack既第１粒。

有ｄ咩藥同避孕丸會有interaction架？
普通傷風感冒咳既藥多數都冇影響的。
但大多數癲癇症的藥＆部份抗生素都會影響避孕丸效力。

咁如果我食緊既藥會影響效力應該點做呀？
首先，你要睇下你個隻藥會係食長期or短期。
長期的話，當然唔建議用避孕丸呢個方法啦！
如果一定要用既話，就會用高ｄ dose (50mcg or more)既ethinylestradiol (oestrogen)，
而且連續食３至４盒先停４日再開始過。
不過呢個方法係unlicenced的，而且effectiveness未受肯定。
如果食緊既係Rifampicin或者rifabutin呢隻抗生素，
咁就更加應該用其他避孕方法喇，例如Intrauterine device。（中文叫子宮內避孕器？）
Rifampicin／rifabutin呢隻抗生素除左食緊既時候要用呢個方法避孕之外，
食完之後既4-8個星期都要繼續用的。
短期的話，都可以用50mcg or more既ethinylestradiol，
再加食緊既時候＆食完４星期內都用ｄｏｍ　ｄｏｍ。

其他抗生素的話，例如ampicillin, doxycycline，
呢ｄ抗生素唔會直接影響避孕丸，但會影響腸入面既bacterial flora去recycle ethinylestradiol，
如果係食短期，食緊＆食完７日內都要用ｄｏｍ　ｄｏｍ。
如果係食長期的話，例如食多過３星期，
咁就反而唔洗用ｄｏｍ　ｄｏｍ喇（除非開左隻新既抗生素啦），
因為腸入面既flora已經有resistance啦。

如果岩岩生完仔，幾時先可以食避孕丸呀？
生完後３星期就可以了，（唔係鍡母乳的話）。
如果遲過３星期先開始的話就要用７日ｄｏｍ　ｄｏｍ了。

如果小產左or落左，幾時可以食呀？
即日。

如果做手術又食唔食得呢？
如果係大手術or腳既手術or做完後長時間唔可以落床的手術，
而之前係食開COC的話，咁手術前４星期就要停喇，
直到手術後可以落床走動最少兩星期後既period第1日就可以食返。
如果係食開POP的話就冇問題，手術前後都可以繼續食。

如果我用既係<<避免貼>>呢？
避孕貼一塊貼７日的，
所以逢ｄａｙ　１，８，１５都換新一塊，
然後停７日來經，完經後再repeat cycle。

如果我唔記得換貼呢？
ｄａｙ１的話，貼返＆頭７日用ｄｏｍ　ｄｏｍ。
ｄａｙ８或者ｄａｙ１５唔記得的話，
1. 如果48小時內，換返就ｏｋａｙ，不用ｄｏｍ　ｄｏｍ。
2. 如果48小時後，換塊新既＆頭７日用ｄｏｍ　ｄｏｍ。

如果塊貼甩左呢？
1. 少過24小時的話，重新貼上就可以，不用ｄｏｍ　ｄｏｍ。
2. 多過24小時or唔知塊貼幾時甩左的話，重新貼一塊新既，
　當呢日係ｄａｙ１再計過＆用７日ｄｏｍ　ｄｏｍ。

註意：以上資料係根據BNF 52，即英國醫生／弱雞ｃ用既指引。
香港係咪咁跟我真係唔知．．．

其實真係唔知有冇人想學，不過我真係好想教。
試過有ｄ唔細既女仔走入黎藥房問關於避孕既知識，
佢地以為食避孕丸係唔會有ｍ到，不停咁日日食，
甚至以為避孕丸係即用即有效，即食可以即做．．．
果ｄ叫避孕套．．．@.@
不過都幾安慰佢地肯問，唔係好似會好易被人呃。
而且都幾surprise香港竟然會有女仔入黎藥房問，
我以為佢地唔識既話只會問frds or睇Yes! Miss Sex的。
XD

>>June 12, 2007 at 12:09:31 AM GMT+8