Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2007 年 9 月 5 日星期三【晴】

跟麥生&媽媽三個人，今天到映山紅lunch。
吃京滬菜的，不錯。
如果沒有那三籠狗不理和菜肉飽會更好。XD

飯後到圖書館，昨晚應承了麥生今天溫書。
借了幾本消閒書，跟早前買的一樣，都是跟醫生有關的。
現在不愛看愛情小說了，連張小嫺的都提不起興趣。
以前憧憬的已經擁有了。
希望現在憧憬的都會成真。

去圖書館借書的結果是．．．全日不停刨書，完全冇溫過參考書！
幾時先會捨得坐定定溫書呢？

>>September 13, 2007 at 4:30:24 PM GMT+8

2007 年 9 月 4 日星期二【酷熱】

是日跟麥生過海。
好想食沙爹牛肉治烘底＆茶餐廳奶茶。
要杯口大大個，杯身厚厚有耳仔那種傳統港式奶茶。
不過諗暈全中環茶餐廳都諗唔到邊到有沙爹牛治。
結果去左檀島食鮮牛治烘底算數。

食飽飽行去金鐘買law書。
香港藥房&藥既lawsss同英國唔同的。
全部都要讀過！
law書未買已經唔想睇，買完見到咁多本．．．好想燒哂佢。

是晚跟麥生家人食碗屋。
又食碗屋啦～好食麻！^^/
雖然係任食，所以差唔多每款都有order，
不過又係掛住食，今次又冇咩點幫ｄ野食影靚相。XDD

>>September 13, 2007 at 3:58:10 PM GMT+8

2007 年 9 月 3 日星期一【酷熱】

對上一次買左一注30期既六合彩，
到而家為止，咁多期加埋都未中過一個字！
今日睇報紙，佢話有三個盲門號碼對上廿期都冇出過，叫讀者唔好買，
49個號碼得3個盲門，我都可以仲左兩個！
真係六合彩又唔見我中！

算啦，冷門冇人買，得我一個頭獎一注中唔洗同人分～
哇哈哈哈哈～

>>September 13, 2007 at 3:27:51 PM GMT+8

2007 年 9 月 2 日星期日【酷熱】

是晚雞翼聯盟飯局。
竟然揀元朗．．．
哼！好彩我識路！！！

依莎，舒舒，阿moe，阿腎，小君，小美，ringo，brian，阿梅，
一行十人食fusion菜預祝依莎生日。
間野真係好fusion架，野食係中日合壁，
上菜速度就跟法國，掂。
不過今晚坐長檯傾計有ｄ難度，冇打邊邊玩得咁癲呢。
如果有埋阿屎阿信＆文仔就好喇！
不過而家我同brian都畢左業啦，應該好快又可以食齊人飯lu～
好想燒野食＆船河啊～～～

好掛住同你地傾計計，
一餐飯時間真係唔夠，
希望join到929 camp啦！

相後補。

>>September 13, 2007 at 3:21:32 PM GMT+8

2007 年 9 月 1 日星期六【酷熱】

今天終於可以跟準新娘去訂伴娘姊妹裙啦～
先和爸爸媽媽阿亮食飯，再出旺角會合麥生，
然後再meet寶寶伉儷，vannie，LionDog，林寶恆。
在金都逛逛逛，每間都有不少人在試衫。
照計我係應該留意伴娘裙，姊妹衫，又或者新娘晚裝，
不過每一間鋪吸引我留意的竟然都是奶奶／外母衫．．．
可能今日所見做奶奶／外母的都好像比新娘更高興？
都可以理解既．．．最多野要煩要攪果個係新娘，
奶奶外母姊妹伴娘都係揀件靚衫去飲者～
結婚，其實真係幾麻煩。

因為第1次做伴娘既關係，有好多野都唔識，
一路都係跟住行，行左幾間鋪，終於都揀左一間入去試。
（揀呢間其實都只係因為個老闆娘睇落好似幾nice。）
一行人入到去，老闆娘就提議兩隻色，
款亦係由佢依照我地身形而揀，
每個姊妹試完第一件都okay，好快就揀好哂姊妹裙啦～
（其實有一半原因係因為眾姊妹都懶，試左唔核突就唔換了～）
然後到我試伴娘裙又係一take過攪掂，
（新娘話okay，我又無idea咩款好麻，所以我唔係因為懶的！）XDD
度埋身，梁慧妍都到埋，試埋佢條姊妹裙又攪掂了。（又係試一件就掂！）
攪點哂就去埋教堂睇場，度下尺寸，諗下點佈置，
不過一向超級極度十分惹蚊的我，企一企已經全手全腳中哂招！
每粒仲要發到五亳子咁大．．．！
不停抓抓抓，好似出疹咁。@.@
幸好結婚當日要陪住新娘，無份參與佈置，可以閃上車避避。XD
不過佈置又冇份幫手，揸車又冇我份，
究竟伴娘要做ｄ咩架呢？
數黎數去，我而家只係被安排了
1. 拖婚紗尾
2. 間唔中幫手拎下個花球
3. 搵個袋幫新娘袋錢，八達通，手提電話

伴娘唔係好多野做架咩？？？？

>>September 13, 2007 at 3:07:53 PM GMT+8

2007 年 8 月 31 日星期五【晴】

跟麥生麥媽TST飲茶，然後和麥生去逛街。
先去megabox，不過因為今日是香港報考弱雞ｃ牌的deadline，一整天都心緒不寧。
因為衛生署還未收到正本文件，唯有打回英國叫他們先fax來香港。
在7仔買了張電話卡，（一百蚊打得９分幾鐘！！！）
第1次打回去，他說香港的fax機很忙，試了兩次都試不到，
請他們不停試，很擔心，因為時間很趕，英國開工時間香港已經差不多收工了．．．
幸好隔了一陣再打第二次的時候他們說已經fax了！呼～

megabox果然如媽媽所言冇咩野行．．．
B&Q沒有英國B&Q的感覺，有點失望。
賣衫的牌子沒有我喜歡的。
全場就只有公仔擺設，小丑表演，扭蛋機，大眾書局和一間精品玩具店比較吸引。
每層逛了一轉就坐的士轉場到apm了。
apm果然好好多～

今天的收獲。^^/
無錯，我喜歡tamama的程度已經跟米奇有得揮啦～

回來一個月了，今天才第一次跟你兩個人去逛街。
幸好你跟我都是同樣愛家的人，
換著別人一定已經吵很多次了。
thx 4 ur care n being considerate。xxx

>>September 11, 2007 at 7:53:17 PM GMT+8

2007 年 8 月 30 日星期四【晴】

跟媽媽麥生阿亮盈盈carol一行6人去史丹福食lunch buffet。
掛住食食食，冇影相。XD

食飽飽就到旺角配眼鏡。
近視加深了，是意料之內，
well...帶開的con跟舊眼鏡度數相差一倍麻！
一向都是帶深色金屬框的，
今次是第一次配粗框黑眼鏡！（跟阿亮一人一對）。
不過，在我自己還沒有習慣自己的新ｌｏｏｋ前，
這個粗框造型是不會曝光的～ XDD

有點懷疑其實會不會換回金屬框比較好一點？@.@

>>September 11, 2007 at 7:18:35 PM GMT+8

2007 年 8 月 29 日星期三【酷熱】

打機with哥哥。

金都dinner。

P.S. 因此日記仔為補打關係，到今日我其實已經唔記得哂我做過ｄ咩，
日記之可以追加得到，其實只係因為麥生在schedule內替我備忘，
不過呢一日我真係完全無印象有咩事發生過喎，唯有copy返呢幾隻字出黎算啦～ XD

好，我數三聲，然後大家一齊取笑麥生所寫既中文字啦！
每次見到都睇唔過眼．．．
你唔好俾我搵到中文copybook！！！

>>September 10, 2007 at 2:18:03 AM GMT+8

2007 年 8 月 28 日星期二【晴】

今日因為表姐派帖，約旺角聯合飲茶。
媽媽話約好左朝早十點半！
心諗無可能架，徐氏家族咁多年黎都未試過約早過１２點架！
（你知拜年都係下晝五，六點先去，然後玩通頂架麻！）
結果，今日坎到酒樓已經十一點半啦～
遲左一粒鐘，不過都只係第二個到達。
預左啦～姓徐既根本無可能咁早會起到身～ XDD

食完飯上去阿女麻到裝香，然後就去花園街睇飲鞋（即用黎襯飲衫果對鞋。）
大姑媽，三姑媽+表妹，細姑姐+表弟，三伯娘，表姐，媽媽+我。
9個人行入花園街既鞋鋪，好彩每一間都有幫趁唔係都幾尷尬。
經過今日觀察所得，上至姑媽，下至初中學生，
個個著高爭鞋都handle得好好，唔洗人扶架！！！
我都想買對係屋企練下，（雖然我無咩幾可會著），
不過巧慘買唔到呀！花園街既鞋係唔會有我碼的．．．
點解香港既鞋係跟日本size喎？！！

行完街仲專登行去大角咀食豬油渣麵．．．
身為弱雞ｃ既我梗係say No啦！仲幫埋媽媽say No tim～
而且大熱天時食碗熱辣辣既麵．．．點食？

今日可以肯定，一日行既路@香港＞＞一星期@英國！

>>September 2, 2007 at 2:11:32 PM GMT+8

2007 年 8 月 27 日星期一【清涼】

轉眼就一年了。
一年，好似好快，又好似好慢。
快，係發現原來係醫院做拾雜已經係一年前既事。
慢，係發現原來短短一年都可以經歷好多事。
竟然整整一年後既今日先可以去探你。
很久不見了。
今天跟你說的話你或者阿爺會聽到嗎？
還會再夢見你嗎？
好彩有買花，不至於兩手空空去探你！
我竟然唔記得要買香！！！
幸好阿偉搵到一紮香，唔係都唔知點算．．．@.@

跟阿偉散場後自己一個坐火車去旺角，約左契媽係稻香飲茶，
好叻地腦中有印象旺角火車站去Nathan Rd係要經行人天橋。
諗住記得稻香係邊實無屎啦！點知旺角一落火車已經唔知應該轉左定右．．．
企係度（扮等人）諗左陣，終於記得應該行新世紀果邊，
點知出左閘兜極都搵唔到個出口．．．
一路諗一路搵一路心諗：陣定ｄ呀！千奇唔好俾人睇出唔識路，唔係會好樣衰的！！！
好彩最尾都俾我憑記憶搵到！
真係好想知究竟呢個係咩設計？！點解出天橋個位可以收得咁隱蔽？！

飲完茶跟媽媽＆麥生專程去旺角街市食豆腐花，然後再去金魚街買魚，
魚原來真係可以好腥，特別係金魚。
十幾個缸幾百條魚，好想嘔。@.@
見到有ｄ同我屋企個隻差唔多size既巴西龜賣48蚊，
想當年阿亮買佢返黎都係5蚊隻，原來大隻左升值９倍幾！
不過養左成十年先升９倍！
咁養一隻好喇！XD

今晚麥生下廚，成個月好耐冇食麥生煮既送啦！
冇生疏到喎～？！入得廚房加５分啦！
不過為免你退步被倒扣，你記住每個星期要煮一晚呀～（well..最少啦）^3^

P.S. 已經追加ed了唔少日記仔啦～
不過唔係日日都記得啊．．．@.@
（其實我冇一日記得，全部都係麥生記的。）XD
積埋積埋，即係平均每日都要一篇新+一篇舊。

so//therefore//hence//thus, 欠數之日記仔繼續不定期更新中。^^/

re: 依莎，９月２？
好呀，冇問題！我再電你Ｙ～
P.S. 約左去邊？？

re: DeeDee，係咪撩交打？！
你識講打阿亮電話搵到我就證明我唔係溫仔啦！
你唔好呢幾個月冇拖拍係度攪屎棍呀～

re: LionDog，咩呀？你一date我就即刻應承你９月１啦～
快ｄ幫我問下價ya～不過我呢排玩緊Xbox。^^"

>>August 28, 2007 at 12:10:43 AM GMT+8