Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2006 年 1 月 29 日星期日【炎熱】

大年初一，拜年拜年豆利是。=]]
訓到下晝４點幾先起身，７點上到阿女麻度都未齊人，果然係姓徐～
哈哈，４點幾起身已經算早啦我～
玩到夜晚11點幾先去食飯，ｄ時間仲亂過考試個陣。=P
好眼訓啊!! 0２45喇!! 今晚都係早ｄ訓~
聽日初二開年先係真正既開始呢~ ^^/

話過呢３個星期都唔著短袖衫，不過忍唔住...今日真係好熱呢!!!!

re: 楷楷，新年快樂!! 快ｄ浦頭啦!!
我唔係唔識睇地圖呀! 要ｄ時間之麻~
個日最衰都係阿華啦!! 明明好簡單都攪到好難咁!!

>>February 1, 2006 at 1:28:30 AM GMT+8

2006 年 1 月 28 日星期六【微冷】

＊0４40＊終於行完返屋企啦!!
連續行３晚，補返哂之前咁多年既花市喇～ ^^v
今晚同阿女麻食團年飯，食小肥羊＠旺角，我覺得麻麻地啊...
可能因為我唔鐘意個湯底掛，ｄ料都OK的。
食飽飽原本打算行旺角花市，不過好眼訓唔想迫啦，都係返屋企hea下先。
然後半夜兩點再同媽媽搭車ｊoｉn寶寶，生生去行沙田花市~
我想買個兩款風車都冇哂啦...><"
唯有退而其次，買個又大又會閃燈既算數．．．
不過我真係好想要0個個蜜蜂風車呢.. =[[

聽日初一，開始豆利是喇～哇哈哈～

＊dinner＠小肥羊＊

＊花市＠沙田＊

re: Vannie，都話唔好搭地鐵架啦....
你同我去左花市反左一晚喳!! 快ｄ約埋LionDog去反啦!!

re: 華，完全唔覺得你考過試．．．
而家我地唔至唔約得尖沙咀，連銅鑼灣都唔得喇!!

re: 羨敏，八婆咁乖自己浦頭既??
我而家先見到留言呀..聽日大年初一call你!! =]]

>>February 1, 2006 at 1:34:15 AM GMT+8

2006 年 1 月 27 日星期五【微冷】

因為婆婆聽日要去旅行，今日年廿八就上去舅父度食團年飯喇。
一次過surprise哂婆婆//舅父//大E//細E。=P
不過佢地既反應都係無爸爸媽媽咁攪笑~ ^^
今晚終於都食到盆菜啦!!
不過都係想試真正既圍村盆菜多ｄ!!
阿Moe呀，幾時到你擺盆呀??

食飽就去ｊoｉn楊中人行花市。
觀塘過去..迫住要坐地鐵囉...!
落到地鐵站，第一件事梗係睇地圖!
原來觀塘去銅鑼灣係唔可以一車到尾要轉好多次的...
記起阿華係將軍澳過去，咁meet左佢先啦~ 都係有人陪好ｄ!!
好叻咁去到銅鑼灣站落車，好開心咁打俾寶寶~
恆生銀行等?? 好呀~
同阿華一路傾傾傾，有路就行，去到恆生銀行點解冇人既?? 打電話求救...
銅鑼灣有咁多恆生銀行架咩?!!! 我係B出口喎!! 你唔一早講D先係去年宵既?!!
唯有由B行返去D....想落番地鐵站行，不過記起條路返轉頭好似要入閘的．．．
咁上左地面先啦...B出口銅鑼灣廣場?! 咁即係點過去D啊?!
打電話求救...Vannie＆寶寶教我既時候，我見到阿華都有做野...
佢用3G影周圍既野...然後問人佢究竟係邊度，點樣過去花市...
正當我望住佢，佢又影住我既同時....
佢發現原來我頭頂上大大個箭咀寫住花市向左行...=.="
我地兩個係條街度大笑左好耐囉!! ^^"
行下行下，原來行到街尾就係SOGO喇喎!!!
唔怪得Vannie知道我地唔識由銅鑼灣廣場行去SOGO既時候簡直想殺死我地啦~
哈哈~ 下次識架喇!!!
一路行，去親十字路口我都自自然然伸手搵電話，阿華會四圍搵路牌。
哈哈，真係好樣衰!! 果然同阿華一齊係完全100%冇幫助的!!
約係OSIM等，點知過哂去到花市入口都唔知OSIM係邊囉...hee
不過最尾都順利ｊoｉn到寶寶，Vannie，占叔，deedee同阿伯呀!! 咁就得啦!!
最衰今晚遲食飯啦!! 唔係就見到鋒爺伉儷喇!!
仲有LionDog，楷楷同阿森，你地幾時浦頭呀??

今晚行完花市之後，我有陪寶寶返轉頭幫手架!!
不過我拎住一抽氫氣球企係度，都冇人理我既．．．
企左一陣之後有對couple望住我...我終於知點解冇人同我買啦...
我見個男人係咁望，咁我咪問佢係咪想買囉...
佢聽到我咁講之後，佢即刻擰轉頭同個女仔講話原來抽汽球係賣的...
大佬....我點睇都唔似個ｄ白白痴痴拎住10幾個氫氣球走失左個ｄ女仔掛?!!!?

返黎咁耐都係過0４00先訓．．．
好眼訓...zzzZZZ

＊dinner＠舅父家＊

＊花市＠維園＊

>>February 1, 2006 at 1:33:05 AM GMT+8

2006 年 1 月 26 日星期四【微冷】

朋友仔個個都要返工，成日都收工先得閒陪我去反。><"
下晝同媽媽行完街街就剩低媽媽俾爸爸，然後去ｊoｉn雞翼人。
同依莎meet左，然後又七點半body shop。
就算約旺角都要係咁。=.="
去到見到舒舒，又hug一hug先~ ^^
然後到突然隊過頭出黎既阿梅!!
上到餐廳坐低，阿Moe同Brian都黎埋啦~
終於都見到好耐冇見既Brian喇!
大家都要繼續加油呀!! =]]
阿信同阿腎，你地冇事Ｙ麻？！！！？！！
仲有文仔! 下次BBQ齊人就好喇!!

食完飯就行今年既第一個花市～
去左唔知邊度，上左架唔知咩巴士，傾下計咁就到維園喇～
好多人好有氣氛呀～不過我地冇人買野囉，最衰都係阿梅啦!!
攪到我地一個二個全晚正係識嗌「皇冠呀!!」。
６條友仔攪攪震冇幫襯，只係不停起哄咩都噓一餐!! ^^"
走去問人賣幾錢，人地明明賣$48，又叫人地賣$68啦好意頭!
真真正正運吉的。hee 不過今日開心啊!! =D

依莎，thanks for the bear ar!! =]]

＊dinner＠KK吧＊

＊花市＠維園＊

>>February 1, 2006 at 1:25:03 AM GMT+8

2006 年 1 月 25 日星期三【微冷】

今日好乖～全日陪媽媽行街街～
返左黎咁多日，今晚終於係屋企食媽媽飯喇!!

下晝行街撞到師奶乙個。
「ｅ? 返左黎呀?」
「係呀! 返黎過年麻~」
「嘩~ 你搭巴士呀?」
而家ｄ師奶咁串既!!!!

年年summer返黎都唔係季節，今晚終於飲到恨左好耐既西洋菜湯啦~ ^^

糞糞，考完試啦～ ^^/

>>January 29, 2006 at 5:18:46 AM GMT+8

2006 年 1 月 24 日星期二【微冷】

今日，梗係去食最愛啦～～～～～

肚餓~
diary ...
to b continued la~

>>January 25, 2006 at 1:53:03 PM GMT+8

2006 年 1 月 23 日星期一【微冷】

訓足一個對，起身都過1３00，爽! =D
換衫同媽媽去食晏，收到ｄeｅdｅe來電。
食lunch? 好呀!! 然後３個一齊去飲茶。
同ｄeｅdｅe個lunch食到三點幾ｄ人先去返工囉!!
不過真係好~ 你地個個都要返工，可以見面食lunch都好!!!
食完晏第一件事梗係要去剪頭髮!!
剪短哂啦~ 有種重生既感覺!!
好想染個紫紅色既頭過新年，不過又唔想坐定定咁耐喎...
剪完就出新城市繼續同生生body shop等!
首先梗係去飲珍珠奶茶啦~ 之後到肥貓黎埋阿伯黎埋就起程去打邊邊。
去到就見到車車喇~ 等位等足一粒鐘囉...不過算啦，橫掂寶寶都未到。
坐低之後寶寶都黎埋lu~~~
初頭聽你講完我都有ｄ唔開心架...都已經唔係第1次。
不過唔好唔開心啦~ 我地錫返你麻! ^3^
影左好多靚相呢~ 今晚食得好開心呀~
不過唔提MTR會再好d囉!!
luv u guys。

糞糞，specially 4 u la～ =D

＊dinner＊

>>February 1, 2006 at 12:48:49 AM GMT+8

2006 年 1 月 22 日星期日【陰】

成功嚇窒爸爸媽媽啦～
哇哈哈哈哈~
佢兩個ｄ反應勁攪笑!! 好好玩~ ^^v

返香港真係好開心~ 不過個十幾粒鐘機真係好折磨。
特別係...係飛機上面俾人睇中左既話!!!
我又踩屎啦!!!!!!! 我俾個鬼妹睇中左!!!!!
等轉機個陣佢坐係隔離我已經覺得佢怪怪地..。
上左機之後佢無啦啦同我前面個兩個調位坐，然後不停擰轉頭望住我。
不過我冇理到，超眼訓!
訓下醒下，見到佢再同我隔離個chinese調位坐!
不過我同佢中間隔左個吉位既~ 所以我都冇理到，只係覺得佢有ｄ怪。
然後到食餐，我無咩胃口，食左幾啖就推左過隔離吉位到。
就係咁就踩哂屎喇!!! 佢問我把刀仲要唔要...
好愕然...。下? 把刀唔要架喇!
然後佢......拎左我把刀去.........我唔知佢有冇抹過把刀....我希望佢有....
我唔夠膽正面望...我只係眼尾望到.....佢"選"我把刀囉!!!!!!!!!!!!!!!!!!!!
嘩!! 真係好驚!!! ｄ雞皮仲勁過上次掃背脊!!!!!! ><"
點解成日都係咁.....?!! 究竟問題出係邊到!?!?!

落機被人眼啤啤...由頭望到落腳..
黎緊呢3個星期熱死我都唔會再著短袖衫囉!!!

朋友仔，我返左黎喇～ =]]

>>January 25, 2006 at 1:08:59 PM GMT+8

2006 年 1 月 21 日星期六【晴】

仲有兩粒鐘就要去機埸啦。
好累啊...琴晚訓左4粒鐘喳..
今朝先hea住咁執行李，梗係覺得自己執漏野..
原來差ｄ唔記得帶機票+護照囉~
哈哈~ 好眼訓麻!

張機票買得咁急，係邊度轉機唔知，幾多號返又唔記得。
岩岩睇返先發現原來係Munich轉啦...
琴晚咩咩問，我仲話Frankfurt或者Zurich掛~ hee
又例牌返香港就等1粒鐘就得，香港返黎就要等3粒鐘先有得轉囉....
買唔到德國鹹豬手返香港啦~

好多野應該做哂先返香港，不過真係唔願做~
個人仲好累好緊張啊~ 應該又要過多幾日先可以relax返。
都仲未同聖誕老人講要走堂tim~
不過琴晚都算成功做左樣野既~
買左機票同酒店去法國啦!!
28032006 - 01042006．５days＠Paris．
^^/

好想快ｄ見到你地呢，好耐冇浦頭喇，掛住我麻??
今次返黎唔唱通宵K啦~ ^^"
我今次想既...hee....應該更加大機會冇人會睬我囉!
我想去影貼紙相啊～
記得個陣放學會去影架，好多年冇影過呀!
有冇人肯陪我去影啊？?
去啦～去啦～一齊去啦～

個ｄ要我香港都返左５日先至考完試既朋友仔。=P
你地想食既，想買既，想行既，想睇既，想玩既，
我會幫你地俾心機做哂佢架喇!! 哇哈哈哈哈~ >=D
唔好咁掛住我啊~ 掛少少好喇~ 我影多ｄ香港相俾你地睇啦~
你地專程俾我個張to buy list呢，梗係唔訓都同你地買哂佢啦！ ^^/

咖哩魚蛋//蟹子壽司，我就快可以食到你喇!!! =]]]

re: 依莎，好呀! 星期四去啦!
你date左Brian未呀?? 佢八字夾唔夾呀??
4年黎我第1次可以同佢夾到時間一齊係香港喳!! =]]

>>January 21, 2006 at 8:28:55 PM GMT+8

2006 年 1 月 20 日星期五【寒冷】

解脫啦～重生啦～終於捱完喇!!!!! ^^V

5日考哂仲要最尾兩科double modules痴住考真係好辛苦。
即係兩日考5科，仲要科科都係要死背又多!
人都癲。
floor D 一層22間房11個讀pharmacy。
全部齊齊捱更抵夜溫通宵...必理痛周圍飛。
明明唔痛冇事不過臨去考試前都打定底，唔係考試個頭痛咁點算?!
弱雞ｃ明明亂食藥不過都要懶pro，計埋佢幾時先會吸收，
幾時先會work，仲有work幾耐，然後較岩時間食。^^
其實ｄ野之前已經背過哂，每一份熟背過2-3次。
只係考試前睇返熟一次都要12粒鐘可想而知有幾多...
一日訓多過兩粒鐘既話都係屬於極奢侈博唔合格!!
越黎越覺得考試係講運氣。
幾十隻病，每隻再細分幾十隻唔在講，考試仲只係出其中４隻，必答冇得揀。
好彩今年考試都幾好運，無讀既無出，tip左既出哂。^^v
06年，好似會幾好呢! =]]

考完試即刻過Leeds兜一轉~
想買番zara件褸，不過已經無得賣...唔知香港會唔會有呢??

行李都未執，聽日就上機啦～後日就見到你地喇朋友仔! =]]
臨走前好多野要做，不過唔多願理...我好想懶下~ hee
今晚仲要book機票酒店，聽日返香港，今晚就book定三月easter＠paris既機票!!
1月考試順順利利，然後返香港，2月過埋年，3月又去法國，6月又再返香港。
06...好似真係好爽喎! =]]]]]

講堅Ｙ今次考試真係好叻女架我～
有肴底有心跳有心痛有喊有手震腳震..
不過都係可以自己控制既範圍內啦～ ^^
而且今次真係太多太密，好多人都好緊張啊!!
不過我冇抽筋，冇喊到食唔到野，冇訓唔到覺，有作嘔不過冇嘔喎~
u guys shud feel proud of me la!! ^^/

依莎，考試前一日收到你張homemade卡!
想話你聽不過真係好耐冇上過網..
thankyou啊! 多謝你句撐硬你!
過多幾日我地交換禮物~ ^^

考試期間真係好忙，一日3餐，食．煮．洗加埋都唔會用多過半粒鐘。
出前一丁.......３個內都唔會再食........見到呢4個字都想嘔....。
got sum sweet sms these few days, feel bad dat i didnt reply...><"
pls 4giv me la, u guys knw i was nervous 4 da exam gar ma..
i miss u guys 2!! dose msg were rly cheerful leah, thz ar!!

re: 華，我話化哂個陣真係化哂仲好化tim架!!
不過我好反覆波動之麻~
唔洗擔心我啦，我都係考試個陣痴架之麻!!
考完我就得架喇!! 朋友仔支持我就得啦~ ^^

re: Vannie，我次次喊完都算架，不過喊唔至一次之麻!! ^^"
唔好提xmas卡喇...咁多張xmas卡，得你同isa話我聽收到囉...
下年唔寄!!!!!!

re: Rebecca，加左啦，努左啦，bless埋tim喇!! ^^
終於捱過左啦～

hey babessss, u all ready??
i will be home SOOOOOOOOOOOOOOOOOOOOOOON!!!!!!
CANT WAIT!!!!!!

>>January 21, 2006 at 2:54:19 AM GMT+8