Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2007 年 3 月 16 日星期五【颳風】

由星期一考完實驗試開始就決定放鬆放鬆一下就開始重拾dissertation。
點知放下放下，由星期一放到星期四．．．
部ＮＤＳＬ除左訓覺都應該冇離開過我對手。
死心不息勢要做到榜首先肯罷休！（Ｍａｒｉｏ麻雀是也。）
一路打到星期四晚半夜才醒覺．．．
又就黎咩都冇做過就冇左一個禮拜喇！（仲連日記仔都置之不理！）=P
下定決心訓醒星期五就要坐定定開始做dissertation！
結果．．．
星期五麥生幫我搵到既<<夢幻西餐廳>>就真係令我坐定定囉．．．
即使簡體出亂碼唔知煮咩衰咩都照煲可也．．．（都話我好鐘意玩模擬ｇａｍｅ架啦。）
即使玩左大半日升左３級冇ｓａｙ符ｈａｎｇ左機我都甘心由零開始再黎過．．．
就係咁，我就真係好乖咁坐定定坐足一日到半夜聲都冇出過。
咁又冇左一個星期喇！
仲話２３號交ｄｉｓｓｅｒｔａｔｉｏｎ．．．=.="
一個星期點做廿頁啊啊啊？～？～？～？（悲鳴中．．．）

>>March 18, 2007 at 5:51:19 AM GMT+8

2007 年 3 月 14 日星期三【颳風】

做ｐｌａｃｅｍｅｎｔ個陣身邊有好多人都大肚，個時已經心思思．．．
而家返到黎ｓｅｍ　２，有個ｍｏｄｕｌｅ係讀大肚婆，
由第二堂之後，我已經好想好想好想做大肚婆！
（第一堂冇，因為佢播生仔帶，一路痾血一路痾仔好恐怖，嚇窒左。）
我真係好想試下有另一個人係個肚入面既感覺，
好想試下個肚度有第２個人既心跳，同埋俾佢係入面ｓｉｄｅ　ｋｉｃｋ既感覺。
（雖然我始終覺得個肚入面有其他生命個ｆｅｅｌ有ｄ似異形ｏｒ驅魔人，跟住係會有一ｐａｔ綠色既ｊｅｌｌｙ爆出黎！）
但又真係心思思好想試下．．．
不過想試下陀仔ｏｎｌｙ，生就唔好攪！
而且係想試下陀第５ｏｒ第６個月喳！
頭幾個月又暈又嘔又怕唔穩，尾幾個月輪輪盡盡又怕抽筋便秘。
而且生左出黎仲驚．．．今個ｓｅｍ仲有個ｍｏｄｕｌｅ係讀兒科的．．．
唔知由至可，一知又有排驚．．．
ＢＢ嘔既話，正常人會諗佢係有風ｏｒ嘔奶，
但係我個腦會飄過infection, hiatus hernia, pyloric stenosis, intussusception....=.="
呢ｄ都會嘔架喎！嘔多嘔少喳喎！
識小小又唔識得哂呢ｄ先大鑊．．．
我覺得除左婚前恐懼之外，產後抑鬱本小姐都好大機會奶野．．．

ｆｉｒｅ　ａｌａｒｍ　ｘ２。
好Ｙ！第一個醒左落完去返上黎再訓過，
跟住又整多個俾我，醒哂啦而家！

以後星期三同五都唔洗返學ｌｕ～
如果２３號之前做得起ｄｉｓｓｅｒｔａｔｉｏｎ就好喇！！！
仲有廿頁之麻～

前日既實驗試下星期一應該有ｒｅｓｕｌｔ喇掛？
ｂｌｅｓｓ！

>>March 15, 2007 at 12:31:55 AM GMT+8

2007 年 3 月 13 日星期二【颳風】

車車，生日快樂！
去左邊度玩？
希望你今日過得開心快樂又ｅｎｊｏｙ啦！

p.s.下年既生日會有我親口同你講happy bday架喇！^^/

>>March 14, 2007 at 11:47:27 PM GMT+8

2007 年 3 月 12 日星期一【微冷】

呼～終於考完今日個實驗試啦！
考完一返到hall就收到媽媽電話lu～
好叻呀我今次～都冇咩點緊張！
至少考試前都好淡定，仲同寶寶生生傾到電話啊！^^/

今日考個實驗試分６個sections架～
Section Ａ係考ｃｈｅｃｋ野，
要ｃｈｅｃｋ下人有冇執錯左，執左其他藥呀，
打錯ｌａｂｅｌ呀，50mg執左100mg呀等等。
（比我想像中難ｄｄ，不過都ｏｋａｙ既～）

Section Ｂ就係interaction，
要ｃｈｅｃｋ下醫生單上面個兩隻藥可唔可以一齊食啦，
點解唔可以啦，咁係大鑊野定細鑊野啦，咁要點做啦．．．
洗唔洗轉藥定停藥啦，轉又轉咩藥啦，
仲要ｃｈｅｃｋ下個病人食唔食得呢隻藥，有冇overdose啦等等等等。
（原本以為好難，不過今日又好似ｏｋａｙ易喎～）=]

Section Ｃ就係要寫藥單，你係醫生，有個病人黎睇病，
你要決定佢係咩病，開邊隻藥，咩份量，然後寫張合法既單．．．
（全份卷我覺得呢個section最難啊．．．點解弱雞ｃ要開藥斷症喎？！！）

Section Ｄ就係要check下張醫生單合唔合法，
漏左ｄ咩野呀，唔同既野要ｔａｋｅ咩唔同既ａｃｔｉｏｎ呀等等。
（呢ｐａｒｔ做得好開心呀！！全卷最易架！！）

Section Ｅ就係配藥（一盒盒執）同整藥（用藥用水用唔同粉整），
仲要做埋ｌａｂｅｌ，寫埋ｒｅｃｏｒｄ等等。
（好彩冇發夢呀今日！！好多人呢個section都唔夠時間呢！）

Section Ｆ就係問任何關於pharmacy既問題，
12條MCQ，可以係藥，可以係ｌａｗ等等
（今日上身呀～１２條都識做好快做哂ｌｕ～）

聽落好似ｏｋａｙ但其實我都唔知今次個試會點架．．．
６個sections每個都最少兩張單4個items．．．
底分２０分．．．扣分制．．．0岩冇得加分！
我怕好似上次咁，全部都識做，
不過唔小心禁錯keyboard制，10禁錯左做20．．．
結果俾人扣１２０分．．．
就係咁做就左人生第一次補考啦．．．
希望個次都係人生唯一一次啦！！！
ｇｏｄ　ｂｌｅｓｓ！！！
醒醒定定呀！！！

其實H&M係外國黎講真係次一級，頗cheap架喎．．．
我係度身痕想係又買唔係又買既時候都係揀H&M頂住瘾先的...
因為佢算係最平架喇～而且比較似香港。（因為都幾MK架...）
事實上佢ｄ衫質地真係幾差的．．．褲會好ｄ既！
都係岩岩先知原來同鋪頭開得咁近．．．
ｚａｒａ，ｍａｎｇｏ，ｆｃｕｋ．．．而家再加埋ｈ＆ｍ。
返到香港買既野都同英國一樣．．．=.="
好想香港可以有ｄ自己出名既牌子啊．．．

re: 依莎，下？！要咁貴架咩?!! （我以為二百only!）
我未找數唔知啊．．．我整係知好想好想要，
第二日我個ｆｒｄ就係７仔打俾我問我係咪要喇。
其實我連ｄ模型個樣都未見過的．．．
不過唔知點解好想好想要！！

>>March 13, 2007 at 8:09:17 AM GMT+8

2007 年 3 月 10 日星期六【颳風】

巧開心呀！！
7仔套美食模型換齊哂啦～
好彩個飲品雪櫃＆食物凍櫃唔洗又要買兩支可樂先可以換喳！
而家為左模型仔買１６支可樂已經好無奈．．．
其實如果我係香港既話，唔會一次過換哂一套的。
學你話齋，兆萬都會有得買啦～
不過我都係鐘意個過程多ｄ麻！
就算有可能會儲唔齊，我都係鐘意遂個儲。
一次過買一套．．．好無瘾。
不過而家人又唔係香港，冇辦法啦～
換到都已經巧開心～ ^^/
ｔｈａｎｋｙｏｕ　ｙｏｕ呀～寶寶伉儷！ ^3^

琴晚臨訓前始終死心不息．．．
「咁窩輪即係咩者？」
「簡單咁講就係你用少少錢買樣好貴既野返黎」（同晏晝個答案一樣．．．）
「咁買咩呀？股票黎架？」
「唔係買股票架，係買一樣權力，你要係一個時間內賣返出去，唔係就冇架喇」
「哦～咁我明啦～即係好似我玩動物之森咁同隻牛買左個蘿蔔之後，要一星期之內賣返出去唔係就發霉蝕本啦～」
「ｅｒｒ．．．．係啦．．．．」
哦～咁都唔係好難明者。
寶寶，你明未呀？

LionDog，你有冇玩超執刀呀？？

>>March 11, 2007 at 6:29:18 AM GMT+8

2007 年 3 月 9 日星期五【颳風】

有冇人成日經過7-eleven呀？
買兩支500ml可口可樂加$8.9可以換美食模型啊！
禾仲好想要埋個飲品雪櫃＆食物凍櫃tim啊．．．
好想要好想要好想要。>0<

身邊竟然有人脫節到唔識玩msn．．．＊０＊
第一次聽到有人玩msn玩到要上網睇說明．．．
新增聯絡人喳喎．．．唉。
你都係冇左我唔得架喇！ ┐(─__─)┌
（我冇開名架壽星女！） XDD
同本小姐一樣對投資零興趣兼零認識既壽星女都想學投資喎～
因為兩個都身痕想買車。^0^/
但係ｄ人又懶勁話要自己學，唔要人買咩佢買咩。
（但ｄ人又懶，唔會自己去睇書架喎！）
結果一路傾電話，一路問麥生．．．

「咩係窩輪呀？」
「好難講架喎！」
「好大概咁講下啦～」
「用少少既錢買件好貴既野囉..」
「嘩! 你聽唔聽到呀?? 好抵呀!」
「係呀！俾三個窩輪我Ｙ唔該！」

結果，都係唔知咩係窩輪的。

投資增值第一課就係咁冇左．．．
仲好明顯連個「顧問」都冇打算再理我地．．．
算吧啦菜小姐，你都係買英鎊啦，買錯左我都可以幫你用麻！XDD

香港連H&M都有喇．．．(-.-")

星期一考試啊！
ｂｌｅｓｓ　ｕｓ　ｐｌｓ！

ps. 原來對上個篇已經係第１０００篇日記啦～

>>March 10, 2007 at 7:43:58 AM GMT+8

2007 年 3 月 5 日星期一【颳風】

因為琴晚一連廿五集既突團行動一直煲至今早五點先收工。
今朝冇返學啦！
一路到三點半先去返ｔａｋｅ　ａｔｔｅｎｄｅｎｃｅ既ｔｕｔｏｒｉａｌ。
不過只係懶琴日一日喳，又開始唔可以再懶啦！
下星期一又要考試喇．．．
考實驗試啊！
ｂｌｅｓｓ　ｕｓ　ａｌｌ！！！

唔經唔覺，呢篇已經係第９９９篇日記啦！=]

re: 依莎，我用麥生部機．．．
ｗｈｉｃｈｉｓ．．．．．同你個部ｅｘａｃｔｌｙ一樣架喎！
你係咪反野啊？！
一係就係你冇用最高ｑｕａｌｉｔｙ?
佢較到最高的，佢鐘意冇格仔。XDDD

>>March 6, 2007 at 5:06:47 AM GMT+8

2007 年 3 月 4 日星期日【颳風】

＊ｏｕｔｓｉｄｅ　ｈａｌｌ＠ＤＢＨ＊

有冇人睇得出呢兩隻係馬？
ｙｅａｒ　ｏｎｅ個隻已經唔見左ｌｕ．．．

今個星期日好正呀～
因為咩都冇做過～ XDD
朝早八點幾就醒左ｌｕ，
然後打機打機同打機，
打到１１點就同爸爸媽媽傾電話。
傾到１點再同爸爸媽媽玩埋ｍｓｎ。
然後食埋晏就煲戲ｌｕ～
有左１０年既突圍行動，今日終於肯睇啦。
（因為已經冇咩戲好睇。）
一次過煲哂廿五集！
威到爆。
完全係零生產力既一日。

臭嘉，生日快樂！

>>March 6, 2007 at 5:05:12 AM GMT+8

2007 年 3 月 3 日星期六【乍雨乍晴】

睇左答問大會。
做左廿四年人，第一次睇。
自問對時事認識與及興趣皆係零，
一向見到施政報告，城市論壇都會立即９秒９熄電視。
不過，麥生剛好相反。
佢唯一既興趣就係本小姐完全零認識既投資&時事。
結果．．．一路睇，一路問．．．

「個箱咁多問題既？ｄ問題邊個問架？」
「咪個800個選委囉」
「有邊800個呀?」
「咁多點答呀...」
「點解又係余若微做主持既？」
「個個係范徐麗泰」

雖然一路睇一路都有好多問號，
不過我都識睇一樣野，　
就係梁家傑既言行舉止說話啖吐非常十分極度慘不忍睹。
完完全全係一個普通市民係茶餐廳一路手指指一路撩交打既ｓｔｙｌｅ。
佢個ｄ所謂「回答」只係不停挑釁曾蔭權，不停批評佢既做法，
但佢自己會點做係冇答案架囉．．．
知識又缺乏，好明顯地佢只係識講要普選，
有關普選既題目，一聽就知佢背架啦．．．
其他既，佢應該唔係識多我好多。
用既字眼又核突，究竟佢係咪律師黎架？！

一向都支持曾蔭權。（佢俾我覺得佢真係有香港心架喎。）XD
我係反陳方女生＆陳日君呢ｄ唯恐香港不亂的。
如果有機會問佢問題既話，我會問．．．
而家成日都話醫藥分家，
藥劑師就係捉醫生開錯藥，
但係ｄ高層就個個都係醫生，
你會唔會俾藥劑師入醫院捉自己開錯藥Ｙ？！！

如果香港真係請臨床弱雞ｃ就好喇...

>>March 3, 2007 at 2:38:55 PM GMT+8

2007 年 3 月 2 日星期五【颳風】

今個sem除左dissertation（double module）之外，
仲有４個要考試既single module。
分別係老人科，兒科／婦產科，dose monitoring，law（+實驗試）。
老人科逢星期二present，law黎緊又要present！
兒科又有個４頁既monograph要做．．．
竟然編中做Management of Schizophrenia in children（兒童精神分裂）！！
即係兒科又要睇journals啦........................
我仲有好多dissertation既journals未睇.............可唔可以唔做？！！

點解final yr仲要玩咁多無謂野．．．
學左五年，我唔想再學咩presentation skills！

dissertation...終於寫到第7頁....
希望今個wkend最少攪掂個intro佢啦....

唉....仲要作病...

想點...

麥生終於收到期限已久朋友仔寄黎既包裹啦。
一整盒醒目牌蠶豆，還有優之良品小食。
巧味！ ^^b 點解英國人只係識食薯片？！
（攪到蝦片都要唐人街買返黎自己炸！）
Thanks Ada。^0^

>>March 3, 2007 at 2:46:37 PM GMT+8