Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2006 年 3 月 9 日星期四【暴雨】

終於等到星期四，有學返啦~
今日俾我發現左一件事呀～
原來睡眠債只可以欠唔可以save架！
通一晚頂要訓幾日先補得返，
但原來連續訓幾日save埋個ｄ係唔夠我１個朝早用架!
今日上完0９之後眼訓死!! ><"

人就係咁~
有堂上又嘈，冇學返又嘈。

好想快ｄ收拾下心情溫下書。
wk 6啦~ 都積左唔少野。
而且skip左1.5星期堂係香港風流快活，連佢教咩都唔知~
好瀟灑既hea life。

一開file望住份notes就好眼訓...
明明已經訓左好多...=.="
唔通媽媽講堅，人會越訓越眼訓??
我死唔信邪!! 試多你幾日先~

訓醒再打~ =P

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

好明顯一個人悶既時候，係會胡思亂想既。
如果你老公一個月搵30萬你會點分配??
分下分下，你會發現一個月30萬其實都可以唔夠洗~ XD

真係要溫書喇........
聽晚開始啦~ =]

生日快樂呀！ ^3^
你今日同邊個過都好，最重要你開心～
希望你今日有個nice bday! >=P
hehe 無錯，我又係用古惑樣講的～哇卡卡～

楷楷，你有冇玩塔羅牌??

re: 華，唔係哂呀，係呻呀!!
你識我咁耐，都知我唔係呢排先訓得多架啦．．．
不過近排真係太多，成個人懶散哂...=[[
好頹冇靈魂...BUTTTTTTT, 我聽日開始溫書生活啦~
應該...

re: 車車，哈哈～你想反擊琴日篇diary呀? XD
你有冇聽過得唔到既係最好架??
冇人得到我，所以我係最好的～
哇哈哈哈哈～

>>March 10, 2006 at 9:20:32 AM GMT+8

2006 年 3 月 8 日星期三【颳風】

0８30，聽到隔離房出門口返學我先願去訓。
只係一牆之隔，不過好似隔左半個地球咁。
係英國過香港時間，係香港過英國時間．．．

訓到下晝４點收到媽媽來電。
傾到冇credit收線，坐低開pc就收到寶寶來電。
結果．．．又灘返上床繼續傾傾傾。
傾到７點幾勁肚餓先願收線.....^^"
呢幾日都係咁馬拉松式長途電話不停傾....
結果....一日有20個鐘都係訓係床上面過囉..
個背脊就爛架喇!! 搵人幫我郁下ｄ手手腳腳啦～

「唔開心呀! 個仔冇得同一生肖屬狗啦!!!」
「生左仔先再慢慢拍拖囉~」
「我都係咁諗呀!」
「咁個仔又可以去你婚禮喎~」
「係囉~ 畢業禮佢又去到喎~ 唔會第時講返佢插唔到咀Ｙ麻~」
「咪係囉~」
「咁搵邊個好?」
「阿伯啦!」
「唔好啦! 我想個仔高ｄ呀!」
「阿生啦!」
「孿毛喎...」
「肥仔啦~」
「ｅ...唔好啦....通街都哎ya阿媽...」
「阿車啦~」
「有名你叫大屎忽啦! 仲要黑tim!!」
結果....唔成事啦!!
菜寶寶，你都唔知識埋ｄ咩frd架!!! 無質數架! XD

警告你地生日飯唔好去食粥底呀！

re: 車車，幫你講左啦~
不過寶寶話我地兩個都唔夠生生早喎~
生生６號已經同寶寶講左生日快樂啦～
哈哈～個低ｂ仔記錯日子衰左都仲要死撐～
食生日飯個晚記住帶相機影多ｄ相俾我睇呀～

re: Rebecca，乙隻咪即係一隻囉.............=.="

>>March 9, 2006 at 7:51:45 AM GMT+8

2006 年 3 月 7 日星期二【颳風】

1. 一生人以來第一個偶像： Leon Lai

2. 希望住怎樣的房子： house啦+花園+露台+大大落地玻璃窗+車位x２

3. 天生是腸胃好的人嘛：一ｄ都唔好，好容易胃痛肚痾....=.="

4. 覺得自己自私嘛：覺呀!

5. 有邊個人曾經令你希望自己成為佢：冇呀~

6. 對香港的感覺：正! 返屋企!!

7. 覺得自己會點死： err....病死掛?

8. 有冇乜野事你好後悔當時做左呢個決定： ...唔至一單喎...講邊單好??

9. 有冇睇過邊套戲令你久久不能平伏：係鬼片都令我久久不能平伏...><"

10. 你覺得你自己係一個偏向思想正面定負面既人： OF COZ 正面啦~

11. 現存最「古老」的記憶：細個唔鐘意坐學行車覺得好累 + 鐘意專登周圍撞

12. 曾經自己一個人做過些甚麼事：沖涼訓覺去廁所囉...咩問題黎架?!

13. 有邊個明星你欣賞佢但係佢稱唔上係你「偶像」：郭品超~ 佢俾我視覺上既欣賞~ ^^

14. 有邊個明星稱得上係你偶像但其實你覺得佢無太多野值得你欣賞：馬德鐘//苗僑偉//黎明//古天樂...全部都純粹型所以buy架喳~

15. 討厭自己邊D性格：又未至於討厭既~ 想改既就有~ 懶啦，冇記性啦，大頭蝦啦~

16. 試過睇咩戲/電視劇睇到喊：唔記得喇~ 通常都會避開唔睇~

17. 喜歡結識新朋友嘛：一時時啦~

18. 一件最近想擁有的奢侈品：５卡鑽石戒指乙隻

19. 希望退休後有甚麼生活：訓．食．玩

20. 對上一樣令你忍唔住講出一聲「好好味」的食物： dinner＠red chilli

21. 小時候對世界有過些甚麼誤會： ....咩問題黎架?!

22. 首個令你有幻想既明星：黎明，細個會幻想佢陪我玩毛公仔~

23. 對隆胸有咩感想：要咁大做咩??

24. 好多人都話你唔應該咁做, 但你冇後悔既事：訓咁多

25. 數得出一堆你願意更加珍惜佢地既朋友嗎：一直都好珍惜

26. 多唔多人你對佢有過好感但後來感到有D後悔： 1個算唔算多??

27. 遺傳了家人的甚麼特質：爛訓

28. 喜歡的遊戲：啤牌 =]]

29. 有冇作過一D令你自豪同回味既決定：繼續讀-ing pharmacy

30. 幾時開始清楚自己鍾意男仔定女仔：冇懷疑過自己鐘意女仔喎!!

31. 信唔信輪迴轉世：如果信有前世今生...咁係咪即係信?? 但係我又唔信人會輪迴做雞//豬//牛//羊架喎...

32. 愛情, 友情, 親情, 請排序：親情>友情>愛情

33. 甚麼讓你最恐懼：失去家人//朋友//愛人，有毛的animals！

34. 有冇堅持使用邊d牌子既產品：冇，堅持唔用既牌子就有~

35. 有冇邊D朋友你覺得,希望可以同佢熟D, 但實際上又未熟得晒/唔熟：鬼朋友掛

36. 幾歲時第一次鍾意異性 (或同性)：幼稚園高班....定中班..

37. 對怎麼的生活有過憧憬：唔洗讀書做闊太

38. 較喜歡媽媽還是爸爸：兩個都鐘意~

39. 甚麼讓你感到尷尬：瘀左個陣囉!

40. 用十個字眼來描述近來既生活：頹．廢．吽．呆．懶．hea．悶．訓．食．亂

41. 曾經最深愛/敬愛過的三個對象：愛都有既...深愛敬愛呢d level好似未出現過喎...

42. 在網絡上有甚麼財產：真係唔係好明d問題.....呢個diary算唔算呀??

43. 你有冇一D「特異功能」：訓足14個鐘之後仲可以訓晏覺

44. 有冇一個你以為實現到, 但其實唔可以既「夢想」： 24歲結婚生仔囉...我個仔唔可以同我同一生肖啦!!!! =[[[

45. 喜歡的品牌： Agnes b//Fred Perry//Adidas

47. 你願意花時間學習些甚麼東西：人地問副作用唔識答既時候應該點處理

48. 最喜歡看異性的哪些部位：身型

49. 你會唔會選擇一腳踏兩船：唔會，可以想像到會好煩的

50. 有冇懷疑過自己既性取向：冇啦梗係!!

51. 只可以用一個詞語黎形容你自己既性格, 你會用咩詞語：正爆! wahahaha~

52. 對上一件由衷感到感動的事：發現原來你有買情人節禮物俾我! =]

53. 曾經約會過不算熟絡的網友出來見面嘛：唔熟約出黎做咩??

54. 希望死後火化還是怎樣：火啦! 土會俾蟲咬!!

55. 最近最煩惱的事是：太多時間唔知點殺...好折墮...

56. 有冇一個moment如果你做左另一D決定, 就會大大影響左你既一生, 有的話是甚麼事：決定去英國讀pharmacy囉~ 不過呢個決定好求其30秒就做左~

57. 承上題, 受到呢件事影響, 你估計你既人生有咩唔同：做份工會唔同囉~ 人生多左時間訓覺囉~

58. 愛過的人中有些甚麼不堪的性格：真係愛過既都好好人喎~

59. 希望將來住o係邊：空氣清新+近屋企人既地方

60. 有咩事你一遇到就會覺得好噁心：有毛+死左既動物

61. 從事過甚麼工作：幫人補習算唔算?? 見習藥劑師囉~

62. 有咩人你好感激佢但唔好意思同佢講：唔會唔好意思講架喎~

63. 有冇曾經俾人偷過乜野：冇~

64. 經常講大話嘛：老點個ｄ計唔計??

65. 覺得自己傾向是實際還是不設實際的人：邁向實際中

66. 最希望睇到邊兩位藝人結成一對：關我咩事?

67. 親友怎樣形容小時候的你：老虎狗

68. 算是怕悶的人嘛：怕寂寞但又眷戀孤獨 ^^"

69. 你算是一個吝嗇給予別人讚美的人嘛：唔算掛~ 我成日話人叻仔既~ ^^/

70. 初次接觸電腦係幾時：中一掛~

71. 由細到大曾經希望過從事的職業：空姐

72. 最有恆心做的一件事：寫diary囉~

73. 曾經想過加入誰的fans club： Jacky仔 =P

74. 曾經希望過自己出生於邊D國家： NONE! Proud to be a hkese!

75. 依賴性強嗎：冇ｄ咁既樹！！ XD

76. 數得出三類令人有厭惡感的人嘛：污糟辣撻，懶型懶串，咸濕賤格

77. 有冇同過邊D明星合照：冇，唔喜歡

78. 有幾多經常提及的香港地方你是從未去過的：好多

79. 有冇乜野「古怪」既習慣：鐘意有事冇事都嗌下人

80. 人生當中暫時有邊D稱得上係轉捩點：去英國讀書掛

81. 父母曾經為你的甚麼而感到自豪：乖掛~ hehe 唔知呢~ 問完話你知~

82. 有冇乜野經歷到而家仲成日俾長輩提住：細個俾阿妹打都唔會走開

83. 有沒有甚麼東西你的朋友都不喜歡, 只有你一個喜歡：型仔囉! 佢地個個都鐘意靚仔!

84. 有沒有甚麼東西你的朋友都喜歡, 只有你一個不喜歡：靚仔

85. 有冇邊個地方你去完聲稱以後都唔想再去：美心閣＠機場//沙角大檔打邊邊//Bradford

86. 發生甚麼特別事第一個搵的朋友：睇情況環境所在點

87. 有冇特別喜歡邊幾個中文字：索．靚．正．型．掂

88. 慣於「明戀」定「暗戀」：兩樣都唔慣!

89. 印象較深的電影對白：
「晒你冷！」<<賭神//賭俠//賭聖>> <--呢排一次過煲哂...
「我嫁俾佢，都可以同你一齊架」 <<風雲>>
「三年啦！三年之後又三年，三年之後又三年，十年都黎緊頭啦老細!」<<無間道>>

90. 有冇嘗試過訓練自己的非慣用手：冇

91. 想變成另一個性別嘛：唔想呀~

92. 印象最深的小學同學：好多個都印象深喎~ 因為好多個都唔妥~ XD

93. o係icq多數用咩mode： offline

95. 邊D地方令你有快樂既回憶：好多喎!!!

96. 有咩事你一遇到就會有莫名的厭惡感： un腳

97. 數出十樣最喜歡做的事：
--閱讀
--食野
--訓覺
--上網
--拜年
--睇燈飾
--同朋友仔去威
--老點
--無理取鬧
--同屋企人一齊hea

(排名不分先後)

98. 第一張擁有的CD：唔記得左邊隻先係第1張啊...

99. 曾經迷戀過邊D明星：下?? 洗唔洗迷戀咁激呀?!

100. 最近有咩口頭禪：白痴仔

呢ｄ咁既無聊一百問，訓唔著個陣玩就最fit~

>>March 8, 2006 at 3:23:34 PM GMT+8

2006 年 3 月 7 日星期二【颳風】

上年住Leeds既時候，我住街頭，恐怖份子原來住街尾。
哈～個陣覺得又會咁岩既～
到早幾日，Bradford又捉左４個恐怖份子．．．
今次住我對面hall囉....我住Hall C，佢地住B Hall。
做咩跟住我?! 洗唔洗住得咁近?!

well....最危險既地方係最安全既... ... ...??

今日起身之後不停傾電話。
傾左好多...
聽你講完仲驚囉...
好矛盾。
點解只係一個電話關係就已經變左咁多??

認真唔等於懦弱?
不過唔等於唔會唔開心喎...

唔係想玩隨遇而安
只係唔想做決定呀

不如咩都唔好理
到無得唔理既時候先再算!

一於咁話啦～
而家只係想七點半body shop!!

miss u all。

>>March 8, 2006 at 3:00:01 AM GMT+8

2006 年 3 月 6 日星期一【颳風】

琴日訓到３，４點媽媽打黎先肯起身。
然後....寫完日記８點未到又典返上床。=.="
起身四粒鐘only，然後又歸位返床再訓．．．
日日訓咁多又訓晏覺．．．根本就唔眼訓。
只不過唔訓覺既話....ｄ時間真係唔知點殺....
好討厭過ｄ咁頹既生活!!!

或者係時候開始返溫書生活??
橫掂都日夜癲倒架啦．．．
食書食到個腦塞哂，唔洗胡思亂想。

Ｐ生，你知我點解訓唔到未??
我冇事呀，唔洗擔心。
不過真係好掛住你呀!!
下次lunch都唔好食，陪我傾計!! ^^

補相...
20060227
＊dinner＠ruen thai＊

20060218
＊dinner＠trafford centre＊

>>March 7, 2006 at 11:42:05 AM GMT+8

2006 年 3 月 5 日星期日【乍雨乍晴】

心緒不寧。
訓足一個對都唔願起身...
係因為累//懶//定係唔想諗野??
訓左覺咩都唔洗諗唔洗理...

想起"怕寂寞但又眷戀孤獨"的評語。
係掛??

掛住每一個朋友仔＠HK。
這麼近那麼遠。
我們還有4.5月才能相見啊!!

期待624625＠Camp。
期待328401＠Paris。

一本passport可以買兩個LV only。
Vannie要左一個啦!
仲有冇朋友仔想買呀??

死啦．．．
發夢見到個好震撼既畫面．．．
發夢都見到．．．好驚．．．
寶寶呀，大鑊呀！係廿幾號呀！
我唔知點算呀！快ｄ現身救我呀！！！

>>March 6, 2006 at 3:46:32 AM GMT+8

2006 年 3 月 4 日星期六【乍雨乍晴】

返黎咁耐，每日除左訓覺之外，其餘時間都係聚埋一齊，24/7!!
其實一齊都係冇野做，都係一齊悶架喳...
不過都要咁多個齊人坐哂係度囉....好feel ｄ掛?? ^^"
琴日玩完雪之後，個個都累死哂。
食飽飯傾陣計就去訓啦，一個鐘之後再集合喎...
ｄ時間亂到....夜晚1０點都仲可以各自小睡一粒鐘之後再集合?!
但係一粒鐘之後又真係有call架喎...
集合之後又點? ...咪齊人坐哂係度嗌悶囉....日日//晚晚如是。
ｄ生活仲feel過退休，眼訓就訓，肚餓就食，完全唔洗理幾點。
晏覺可以訓幾轉，可以專登揸車落town買隻game，
返hall後又可以再專登揸車去supermarket買本雜誌，
食完飯夜少少又可以再專登揸車出去買宵夜...
不過都仲係可以有好多時間唔知點殺點hea囉.....
呢度實在太廢太頹喇...=[[
我既青春就係咁被迫浪費哂．．．好想返香港啊! ><"

琴日玩得個一粒半鐘雪，今日已經個個殘廢哂!
對腳行唔到路．．．要用手抬呀．．．=.="

re: 欣，我都知你好想玩雪人呀!!
我仲記得xmas個陣你係咁話想落雪，可以堆雪人!!
我同阿貓琴日玩個陣都有講起你呀!
話你跟我地返黎咪可以一齊玩囉~ 仲可以一齊劈蛋糕tim!!
都叫你一齊返bradford架啦!! 記住下次要聽話喇!!

>>March 5, 2006 at 1:42:05 PM GMT+8

2006 年 3 月 3 日星期五【乍雨乍晴】

今朝又要0９...
知醒，不過唔願郁。
坐起身又訓返低，坐起身又訓返低。
如是者ｎ次之後決定唔返0９00，典床典到last min先起身。=P
聽到佢地出哂門返0９自己仲灘屍咁都有少少內疚架!
不過個腦又不停諗住有ｄ內疚感，咁先會捨得溫書麻!
返1０00個陣撞到Jim仔...
「ｅ？你今朝冇堂呀?」
「.....hee.....有.....」
「你冇上?」
「hee.....0９麻!」
「你上個禮拜又係咁喎!」
而家洗唔洗講到咁明玩踢爆呀?!
咁都係第２次之麻!!!

上堂個時先同wings講今日暖返好多~
仲讚今日有太陽出~ 好暖~ 應該著少件衫!
點知上完堂45分鐘已經成條街積哂雪囉!!
係咪玩野呀?!!

返到hall全世界急不及待變身出去玩雪戰。^^
落到去已經好多人玩緊啦～
加埋我地跑來跑去嘻嘻哈哈，停車場變左遊樂場。
Bradford好耐冇落過咁大雪喇~
不過最開心既係聽日星期六，今晚溶雪都唔驚~ 呵呵~ ^^v

今日場雪真係好大好突然呢。
突然到....聽到樓上樓下隔離鄰舍好多....."what the fuck?!".....哈哈~

天光玩到天黑.....

堆雪人真係好鬼累呀....個雪人好重架呢~
只係個頭都要５個成年男仔好辛苦先搬得起!
個身我滾得好辛苦先有咁大個架!! 累死!!

玩左個幾鐘，手指腳指都凍僵啦~
堆完雪人就撤退lu~ 返上樓飲熱姑姑力~ =]
佢地繼續玩數字球喎~
數字球洗咩落雪玩?! 傻仔~~~~~

琴晚ｄ相都補左喇~ =]

re: Rebecca，佢地滿唔滿意我唔知呀!
不過全世界pass啦!! =]]]
Bradford都咁大雪，你個到都應該有啦??
好彩呢幾日我地都唔洗返學!!!
你返工都著多件衫啦! ^^

>>March 4, 2006 at 7:08:09 AM GMT+8

2006 年 3 月 2 日星期四【乍雨乍晴】

琴晚玩啤牌玩到0３40先訓，
然後今朝返今個sem第１個亦係唯一一個朝9晚5。><"
第１堂上中風......energy demand > energy supply。
well....我都係。=.="
好辛苦挨到1２00，趁有兩個鐘lunch返hall即訓。
然後1４00上critical analysis。
即係challenge人地篇journal，逐隻字睇下邊個字寫得唔清楚or冇解釋etc。
好折磨...........坐足三個鐘捉字室!!!

終於挨完之後就返hall等齊人去食KaKa生日飯。
今晚食紅辣椒＠Leeds，食京川菜的，好好食呀~ =]
為左響應糞糞既「我地會有咩下場?」， (<---就係呢ｄ咁既人惡化我既中文!!!)
食飽後就去睇下有咩戲好睇..........係冇架囉!
然後就去唱K＠阿欣家~ =]
0１00就閃人lu~
聽日又係0９啊！

香港都好凍喎! 朋友仔著多件衫呀!

＊dinner＠red chili＊

＊bdaycake＠hall＊

re: Vannie，佢ｄ野係人都知啦!!
扮哂野!! 成日嗌住無錢咁去旅行!!!!

re: 華，你講狗我就記起唔知邊年係烏溪沙玩twister!
好耐冇咁大班人一齊玩喇!! =[[
你個頭仲係好短麻?? 我個頭而家長返哂啦~ ^^v

>>March 4, 2006 at 6:45:40 AM GMT+8

2006 年 3 月 1 日星期三【颳風】

返香港前考0個個exam今日出左成績啦，開心。=]]
幾好呀~ 今個sem仲佔3５%架呢!
今次考試係最叻既一次，我仲係冇驚喊tim架!! ^^v

原來82年1125出世係...
<<雙筒雪糕球 >>
甜品魔力：有脆皮的甜筒，以及香甜的凍凍雪糕，無論是質感和口味上都變化多端。
戀愛風格：是個令人不會悶的人，所以和你談戀愛，就算日子久了，也會覺得很開心，因為你天生很有幽默感，而且很樂觀，不單自己開心，亦會令別人開心！因此，你身邊不單有一大班朋友，而且有不少暗地裡對你傾慕的異性。不過，你很容易對身邊的人生厭，令你不能維持一段長久的關係。
戀愛慾望：你期望找一個不單只懂得欣賞你，而同樣令你欣賞的情人，因為你很容易覺得悶，而且很花心，所以要你和一個人一起而放棄整個森林，你會覺得沒可能！最好是和幾個人談戀愛，那就最切合你的幻想。
幸運地點：卡啦OK、溜冰場
浪漫指數：＊＊＊＊＊
配對：吉︰吉士布丁　　凶︰雪糕新地
from ++甜品占卜++

<<涼水型>>
性格：是冷靜型中最名不副實的一位，雖有cool的外表，但虛有其表，內心其實尚有幾分熱情。當涼水型遇上4款熱情型時，很易受對方熱情的影響，一杯涼水隨時會讓人煮成開水或水蒸氣。
愛情：外表冷酷，但戀愛時有幾分浪漫激情，難怪異性緣不俗。
金錢：沒甚麼偏財運，少碰風險大的投資，最好是把錢存進銀行收利息。
from ++冷熱性格++

你呢個人 ...
活潑可人兒，思想複雜，難於捉摸，故是相識滿天下知己無幾人。
忠心有禮，不輕易取信於人，對感情從一而終，衰太死心眼，適合從事紀律部隊一類默守成規行業。
循規蹈矩型，喜歡寧靜，堅持全力以赴，做到最好。適應能力很高，給人愉快的感覺。愛護家庭；亦很珍惜朋友，但不喜亂交朋友；對愛情全心全意，逆來順受，願意奉獻一切。
25 號出世的你，經常要玩人生交叉點，近乎每件事都要作重要決定，永無話可以簡簡單單解決。
from ++自助占卜機++

好個ｄ準，唔好個ｄ唔準Ｙ唔該！

好想Easter trip前剪頭髮...不過咁代表我要係英國剪...
究竟搏唔搏得過??

阿貓＆Celia，聽日interview good luck呀!

re: Vannie，你唔覺佢成日嗌無錢無錢，但係又有好多錢洗架咩??
仲有呀，早幾日封email亂碼睇唔到呀! 不過冇所謂啦! 由佢喇~

>>March 2, 2006 at 7:14:36 AM GMT+8